އިޒްރޭލުން ގާޒާ އަށް ދިން ވައިގެ ހަމަލާގައި ގެތަކެއް ބިމާ ހަމަވެފައިވާއިރު، އަންހެނަކު ހިނގާފައި ދަނީ.-- ފޮޓޯ: އޭއެފްޕީ
11 އޮކްޓޯބަރ 2023 - 12:58
6 comments
ފަލަސްތީނުގެ މީހުންނަށް ރައްކާތެރިކަން ދިނުމަށް އެދި ރާއްޖޭގެ ހުރިހާ މިސްކިތެއްގައި ގުނޫތު ކިޔަން މިއަދު އަންގައިފި އެވެ.
އިސްލާމިކް މިނިސްޓްރީން ކަމާ ގުޅޭ އިދާރާތަކަށް ފޮނުވި ސާކިއުލާއެއްގައި ބުނީ، އިޒްރޭލުގެ ޔަހޫދީންގެ ފަރާތުން ފަލަސްތީނު ރައްޔިތުންނަށް ލިބޭ އަނިޔާތަކާއި ކުރިމަތިވާ ލާއިންސާނީ އަމަލުތަކުން ސަލާމަތްކޮށް، އަމާންކަމާއި ކެތްތެރިކަމާއި ރައްކާތެރިކަން ދިނުމަށް އެދި މިސްކިތްތަކުގައި ގުނޫތު ކިޔަން ހަމަޖައްސާފައިވާ ކަމަށެވެ.
އެހެންކަމުން، އަޑު ހަރުކޮށް ކިޔަވާ ނަމާދުތަކުގެ ފަހު ރަކުރަތުގައި އިއުތިދާލުގައި ގުނޫތު ކިޔަން އެދިފައިވެ އެވެ.
ފަލަސްތީނުގެ މިނިވަންކަމަށް މަސައްކަތްކުރާ ހަމާސް ޖަމާއަތުން އިޒްރޭލަށް ދިން ވަރުގަދަ ހަމަލާތަކަށް ފަހު، އިޒްރޭލުން ވަނީ ފަލަސްތީނާ ދެކޮޅަށް ހަނގުރާމަ އިއުލާންކޮށްފަ އެވެ.
ހަމަލާތަކުގައި ފަލަސްތީނުގެ 950 މީހުން ޝަހީދު ވެފައިވާއިރު، އިޒްރޭލުގެ 1،200 އެއްހާ މީހުން ވަނީ މަރުވެފަ އެވެ.
ހަމާސް ޖަމާއަތާ ދެކޮޅަށް އިޒްރޭލުން މިހާރު އިއުލާން ކޮށްފައިވާ ހަނގުރާމައިގައި، ދުރާލާ އިންޒާރު ދިނުމެއް ނެތި، ގާޒާ އަށް ދޭ ކޮންމެ ހަމަލާއަކަށް، ހަމާސްގެ ބެލުމުގެ ދަށުގައި ތިބި ރަހީނުންގެ ތެރެއިން ރަހީނަކު މަރާނެ ކަމަށް ވެސް އެ ޖަމާއަތުން ވަނީ އިންޒާރުދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮއިގެ ދަރި
11 October 2023
"ފަލަސްތީނުގެ މީހުންނަށް ރައްކާތެރިކަން ދިނުމަށް އެދި ރާއްޖޭގެ ހުރިހާ މިސްކިތެއްގައި ގުނޫތު ކިޔަން މިއަދު އަންގައިފި" ﷲ އަށް އަބަދުވެސް ދަންނަވާނީ. - "ރައްކާތެރިކަން ދިނުމަށް އެދި" އެއްނޫން !ރައްކާތެރިކަން ދެއްވުމަށް އެދި.
ނަމޭ
11 October 2023
ފަލަސްޠީންގެ އެތައް ކުޑަކުދިންނެއް ރަޙްމެއނެތި މަރާ އިސްރާޢީލްގެ އެކަކުވެސް އަހަރެމެން ދިވެހިންގެ ބިމުގައި އުފާކޮށް މަޖާކުރާން ދިވެހިން ބޭނުމެއްނުވޭ! އިސްރާޢީލްގެ ޕާސްޕޯޓްގައި އެކަކުވެސް މިޤައުމަށް އެތެރެވުމުގެ ފުރުޞަތުދީގެންނުވާނެ! އިސްރާޢީލްގެ ޕާސްޕޯޓް ޤަބޫލްކުރުމަކީ އިސްރާޢީލްގެ ދައުލަތަށް ދިވެހިން އިޢުތިރާފްވުން! އެޤައުމު ޤައުމެއްގެ ގޮތުގައި ޤަބޫލުކުރުން!
ސަޖިކޯ
11 October 2023
މިއަޑު މުއިއްޒުއަށް އިވޭނެކަމަށް ހީކުރަން!
ބިސްބުރު ވަޒީރު
11 October 2023
އެކްސް ފެކްޓަރ އައް އަރާ ލަވަކިޔަކަސް ހައްލެއް ނުވާނެ އެމައްސަލައެއް! 2500 އަހަރު ކުރިން ޔަހޫދީން އުޅުނު ބިމޭކިޔާފަ އެމީހުން އެއުޅެނީ! 2000 އަހަރު ކުރިން ނަސޯރާއިން އުޅުނީމަ އެމީހުންގެ ބިން! 100 އަހަރު ކުރިން އުސްމާން ހިލާފަތުގަ އުޅުނު ބިމޭކިޔާފަ އެމީހުން އެއުޅެނީ! 1400 އަހަރު ކުރިން އަރަބިން އުޅުނު ބިމޭ ކިޔާފަ އެއުޅެނީ! ވަގުތު ބޭކަރު ކުރަން ނޫޅެބަލަ! އޭރުގަ ހެން ކެރޭ ކުޅަދާނަ ބަޔަކު ހަގުރާމަ ކޮއްފަ އަތުލަންވީ!
ގުޅުމެއް ނެތް
11 October 2023
އިސްރާއީލުނަކީ 1927 ގެ ވެސް ފަހުން ޔޫރަޕުން ފަލަސްތީނަށް އައި ބައެއް. ނަބިއްޔުން ފޮނުވުނީ ވެސް ފަލަސްތީންގަ އުޅުނު ޢަރަބިން ގާތަށް. ބަނީ އިސްރާޢީލަކަށް ނޫން.
ސަސި.
11 October 2023
މިވަރު ކަމެއް ކުރަން ވެސް ބުނެވޭވަރުވަނީ އާއްމުން ލައްކަ ގިނައިން އެވާހަކަ ދެއްކީމަ.