އަދުރޭ ވިދާޅުވި ގޮތުގައި އެ ބޭފުޅުން ވަޑައިގަންނަވަނީ 10 އަހަރުގެ ވެރިކަމެއް ކުރައްވަން.
އިންތިހާބީ ރައީސްގެ އޮފީހުން ބޭއްވި ޕްރެސްގައި ޖެނަރަލް އޮފް ޓްރާންސިޝަން އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ (އަދުރޭ) ވާހަކަދައްކަވަނީ.-- ފޮޓޯ: ފަޔާޒް މޫސާ | މިހާރު
12 އޮކްޓޯބަރ 2023 - 13:54
126 comments
މަސައްކަތް ކުރައްވާނީ އިންތިހާބީ ރައީސް ޑރ. މުހައްމަދު މުއިއްޒަށް އިތުރު ދައުރެއް ވެސް ހޯދައިދިނުމުގެ ވިސްނުމުގައި ކަމަށް ޑިރެކްޓަ ޖެނަރަލް އޮފް ޓްރާންސިޝަން އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ (އަދުރޭ) މިއަދު ވިދާޅުވެއްޖެ އެވެ.
އިންތިހާބީ ރައީސްގެ އޮފީހުން ސިލްސިލާކޮށް ބާއްވަމުން އަންނަ ނޫސްވެރިންގެ ބައްދަލުވުމުގައި މިއަދު އަދުރޭ ވެސް ބައިވެރިވެވަޑައިގެންނެވި އެވެ.
އެ ބައްދަލުވުމުގައި ނޫސްވެރިން ކުރި ބައެއް ސުވާލުތަކަށް ދެއްވި ޖަވާބުގައި އަބްދުއްރަހީމް ވިދާޅުވީ ކެމްޕެއިންގެ ތެރޭގައި މުއިއްޒު ވެވަޑައިގެންނެވި ވައުދުތައް ފުއްދައިދިނުމަށް ކުރާ ފުރަތަމަ މަސައްކަތެއްގެ ގޮތުން މި ހިނގާ ޓްރާންސިޝަން މުއްދަތުގައި ދައުލަތުގެ އިދާރާތަކުގެ ހާލަތު ހުރި ނެތް ގޮތް ވަޒަންކުރަމުން އަންނަ ކަމަށެވެ.
އިންތިހާބީ ރައީސްގެ އޮފީހުން ބޭއްވި ޕްރެސްގައި ޖެނަރަލް އޮފް ޓްރާންސިޝަން އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ (އަދުރޭ) ވާހަކަދައްކަވަނީ.-- ފޮޓޯ: ފަޔާޒް މޫސާ | މިހާރު
މުއިއްޒުގެ ސަރުކާރުގައި ކަންކަން ކުރިއަށް ގެންދާނެ ގޮތް އެނގޭނީ ދައުލަތުގެ އިދާރާތަކުގެ ހާލަތު އެނގިގެން ކަމަށާއި އެ މަނިކުފާނުގެ ވައުދުތައް ފުއްދައިދޭނެ ކަމުގެ ފުރިހަމަ ޔަގީން ކަން އެބައޮތް ކަމަށް ވެސް އޭނާ ވިދާޅުވި އެވެ.
ސަރުކާރަށް ފާޑުވިދާޅުވެ އަބްދުއްރަހީމް ފާހަގަކުރެއްވި ގޮތުގައި، މުއިއްޒުގެ ފަސް އަހަރުގެ ދައުރެއް ނިންމާލާނީ އަންނަ ފަސް އަހަރަށް ވީ ވައުދުތައް ދެން އަންނަ ދައުރެއްގައި ފުއްދައިދޭނަމޭ ނުބުނެވޭ ވަރަށް މަސައްކަތް ކޮށްފަ އެވެ.
ފަސް އަހަރު ފަހުން އަނެއްކާވެސް ޑރ. މުއިއްޒު ގޮވައިގެން، އަޅުގަނޑުމެން އިރާދަކުރެއްވިއްޔާ މި އަންނަނީ 10 އަހަރުގެ ވެރިކަމެއް ކުރަން: އަބްދުއްރަހީމް
"ފުރަތަމަ ދުވަހުން ފެށިގެން އަޅުގަނޑުމެން ނުތިބޭނަން ފަސް އަހަރު ނިންމާފައި ދެން އަންނަ ފަސް އަހަރަކަށް ކުރިމަތިލާއިގެން ތިބެ، ތިމަންނަ ފުރަތަމަ ފަސް އަހަރަށް ވީ ވައުދުތައް ފުއްދަން އަދި އިތުރު ފަސް އަހަރު ދޭށޭ ބުނާކަށް ނުތިބޭނަން،" އަބްދުއްރަހީމް ވިދާޅުވި އެވެ.
"ފަސް އަހަރު ފަހުން އަނެއްކާވެސް ޑރ. މުއިއްޒު ގޮވައިގެން، އަޅުގަނޑުމެން އިރާދަކުރެއްވިއްޔާ މި އަންނަނީ 10 އަހަރުގެ ވެރިކަމެއް ކުރަން. ފަސް އަހަރު ނިންމާފައި ދެން އަންނަ ފަސް އަހަރަކަށް ޑރ. މުއިއްޒު ގޮވައިގެން އަޅުގަނޑުމެން ކެމްޕެއިނަށް ދާނީ އަޅުގަނޑުމެން ވީ ވައުދުތައް ފުއްދާފައި."
ދެ ވަނަ ދައުރަކަށް އިންތިހާބު ކޮށްދޭން މުއިއްޒު ދިވެހިންގެ ގާތަށް ވަޑައިގަތުމުން ކުރިން ވީ ވައުދު ކޮބައިތޯ އެއްވެސް މީހަކު ނާހާނެ ކަމަށް އަބްދުއްރަހީމް ވިދާޅުވި އެވެ.
މިއަދުގެ ނޫސްވެރިންގެ ބައްދަލުވުމުގައި އަބްދުއްރަހީމް ވިދާޅުވީ ސަރުކާރު ބަދަލުވުމުގެ މަރުހަލާގެ ކަންކަން ކުރަމުން އަންނަ އިންތިގާލީ ކޮމިޓީގައި 500 މީހުން މަސައްކަތް ކުރަމުން އަންނަ ކަމަށެވެ. އެ ކޮމިޓީގެ ޓީމުތައް 15 ބަޔަކަށް ބަހާލައި ސަރުކާރުގެ އިދާރާތަކާއި ކުންފުނިތަކަށް ގޮސް މައުލޫމާތު އެއްކުރަމުން އަންނަ ކަމަށް އޭނާ ވިދާޅުވި އެވެ.
އިންތިގާލީ މަރުހަލާގެ މަސައްކަތަށް ސަރުކާރުގެ އެއްބާރުލުން ލިބޭ ކަމަށް ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުރިޔާ
13 October 2023
ރައީސް ޔާމީނު ގެ އަޑުކަނޑުވާލަނީތަ ހާދަ އަޑި ނުބައި ހެން ހީވެއޭ ސައްކުވާތީ ހަމަ އަހާލީ
ހުސް ނަރުދަމާ އަޅަނީ
13 October 2023
އަހަރުމެން ބޭނުމީ ޕޭމެންޓްތައް އެކައުންޓަށް ލިބޭނެ ޕޭމެންޓް ގޭޓްވޭތަކެއް. މުޅިދުނިޔެ ޔޫޓިއުބުން ފައިސާ ލިބިގެން އޮންލައިން ވިޔަފާރިކޮށްގެން މިއުޅެނީ. އަހަރުމެން ދިވެހިންނަށްވީތީ އެއްވެސް ވަސީލަތެއްނެތް. ވެރިކަންކުރާވަރަކަށް އެބަކުރޭ
ވެރިކަން ގޭން
13 October 2023
މަށަށް ހީވަނީ ނުބައި މީހަކަށް ހެން މި ވޯޓު ދެވުނީ. އަފީފު ދީދީ އަށް އެނގޭ ތަރައްގީ ކުރާނެ ގޮތާ ތަރައްގީ ކުރަން ޖެހޭ ތަންތަން ވެސް. އެހެންވީމަ އަފީފު ދީދީ ހުވާކުރާ ގޮތަށް ޑރ.މުއިއްޒު ކުޑަކޮށް ފަހަތަށް ޖެހިވަޑައި ގަންނަވަން ވީ ކަމަށް ބުރަވެވެނީ.
އޮނަރަބްލް އަފީފު ދީދީ
13 October 2023
ޑރ މުއިއްޒު ވެރިކަމުގައި 2 ދައުރަށް ހުންނަވަން ބޭނުންފުޅުނަމަ ކުރާންޖެހޭނެ ކަންތައް ތަކެއް އެބަހުރިކަން އެގިވަޑައިގެން ވެރިކަމުގެ ފުރަތަމަ ދައުރުގައި އެކަންކަން ކޮށްފިނަމަ 2 ވަނަ ދައުރެއް ލިބިދާނެ. # މިސާލަކަށް މަޖިލިސް ހޯދުމަކީ ވެރިކަން ކުރާން ފަސޭހައެއް ކަމުގައި ވާނަމަ އައްޑޫސިޓީގެ މަޖިލިސް 8 ގޮނޑީގެ މެޖޯރިޓީ ހޯދޭނީ ޑރ މުއިއްޒު ވައުދުވެފައިވާ ހުޅުމީދޫ ހިތަދޫ ބުރިޖް މަސައްކަތް މަޖިލިސް އިންތިޙާބުގެ ކުރިން ބަޔަކާއި ޙަވާލުކޮށްގެން.
ލާމު.
13 October 2023
ދީދީ މޮޔަނުވެބަލަ. މުއިއްޒު ހުޅުމީދޫ ބުރިޖް ހަދާދޭނަމޭ ބުނީ އައްޑޫ މީހުންގެ ބޯކާލައިގެން ވޯޓު ހޯދަން. މިހާރު އެކަން ވެއްޖެ. ދެނެއް ތިޔަ ބުރިޖެއްގެ ވާހަކަ އެމީހުން ނުވެސް ދައްކާނެ. ތިކަން ދެންވެސް ކުރާނީ އެމްޑީޕީއަށް 2028 ލިބުމުން މިޕާޓީގެ ފަރާތުން. އައްޑޫ ތަރައްޤީ ކުރާނީ ހަމަ އެމްޑީޕީ.
ތަމަންނާ
13 October 2023
މިއީ ހަމައެކަނި ޔާމީނަށް ދިން މެސެޖެއް ކަމަށް ގަބޫލު ކުރެވޭ
ނަސޫ
13 October 2023
މީ ހަމަ ގަމާރެއް ސިޔާސީ މަގާމެއްގައި ހުރި މީހަކު ސިވިސް ސަރސްގެ ވަޒީފާއަށް ބަދަލުކުރާނީ ކިހިނެތްކަން އެނގޭތަ. ގަމާރު އުސްޘާޛު
އެޑަމް
13 October 2023
އަޅުގަޑަށް އައްޑޫވަރައްސާފުކޮންފެނޭބޭޅާ މިހާރުވެސްތިހިރީ އަމިއްލަފުޅަށްއޮންރަބަލްގެ ލަގަބުހޯއްދަވައިގެން,ދެންބޭޅާތިވިދާޅުވާކަންތައް އައްޑުއަށްފުރިހަމަވާދުވަހަކީ ތިބޭޅާ "އާރުއޭއެފު"ހުސޭނުގެމަގާމައް ބަދަލުވާދުވަސްއޭރުން ބުރިޖުމަތީ ދުއްވުމުގެބަދަލުގާ"ދެއްލަސިނގިރެޓެއް"ކިޔަމުން ބޭޅާހިންގަވާނީ ޕޭމަންޓުމަތީގަ އެދުހުންއޮންނާނީ,އަމިއްލަފުޅައްހޯއްދެވި,އޮންރަބަލްކަންވެސްގެއްލިފަ!!
މާއަވަސް
13 October 2023
ފެށުނީމަދޯއެންގޭނީ؟
އޮނަރަބްލް އަފީފު ދީދީ
13 October 2023
ވިޔަފާރިއަކަށް ބޭނުންވާ ގިނަ ޝަރުތުތައް ހަމަވުމުގެއިތުރުން ފަރުދީގޮތުން މާލީ ތަނަވަސްކަމާއި، ތައުލީމީ ހޭލުންތެރި ހެޔޮވަރުއާބާދީއެއް އައްޑޫގައިއޮތުމުން ހުޅުމީދޫ ހިތަދޫ ބްރިޖް ނިންމުމަށްފަހު އިތުބާރާއިއެކު ސަރުކާރުން ގޭންއެއަރޕޯޓް ޑިވޮލޯޕްކުރަން ކޮރެއާ، ޗައިނާ ނުވަތަ ޖެޕާން ކުންފުންޏަކާއިއެކު ކޮންޓެރެކްޓް އެއްބަސްވުމުގައި ސޮއިކުރާއިރަށް އައްޑޫގެ ވިޔަފާރިވެރިންނާއި ފައިސާވެރިން އައްޑޫގެ ތަރައްޤީގެމަސައްކަތް ފައްޓާނެ. ބޭނުންވަނީ އެކަމުގެ ޔަޤީންކަން.
ކުރިންވީ ވަޢުދު ކޮބައިހޭ މިއަހަނީ؟؟؟؟؟
12 October 2023
މުޢިއްޒު މާލޭގެ މޭޔަރަކަށް ކެމްޕެއިން ކުރެއްވި އިރުގެ ވަޢުދެއް ބުޅާ ފެސިލިޓީއެއް އަޅުއްވައި މާލޭގެ މަގުތަކަށް ގުއިރެމުން ދުވާ، ވަގުބުޅާތަކަށް ޙިމާޔަތްދިނުން. ކޮބައިހޭ ބުޅާ ފެސިލިޓީ؟ ކޮންތާކުހޭ އެތަން ހުރީ؟