ބިލީ ޖީން ކިންގް ކަޕްގައި ވާދަކުރި ރާއްޖޭގެ އަންހެން ޓެނިސް ޓީމް.-- ފޮޓޯ: ޓެނިސް އެސޯސިއޭޝަން
23 އޮކްޓޯބަރ 2023 - 11:35
19 comments
ޓެނިހުގެ ގައުމީ ޓީމުތަކަށް ބާއްވާ ވޯލްޑް ކަޕުގައި ވާދަކޮށް، ރާއްޖޭގެ ގައުމީ އަންހެން ޓީމުން ބޮޑު ކުރިއެރުމެއް ހޯދައިފި އެވެ.
ބިލީ ޖީން ކިންގް ކަޕްގެ ނަމުގައި ކުރިއަށްގެންދާ މުބާރާތަކީ، ޓެނިހުގެ އަންހެނުންގެ ކެޓަގަރީގައި ދުނިޔޭގެ އެންމެ ބޮޑު މުބާރާތެވެ. މުބާރާތް ކުރިއަށްގެންދަނީ އެކި ޒޯންތަކަށް ޓީމުތައް ބަހާލައިގެންނެވެ.
ރާއްޖެ ހިމެނެނީ އޭޝިއާ އޯޝޭނިއާ ސަރަހައްދުގެ ގުރޫޕް 3 ގަ އެވެ. އެ ގުރޫޕްގެ މެޗުތައް ކުރިއަށް ގެންދިޔައީ ބަހްރެއިންގަ އެވެ. މެދުއިރުމަތީގެ ގިނަ ގައުމުތަކެއް ވެސް ހިމެނޭ 14 ޓީމުގެ ތެރެއިން ރާއްޖޭން ވަނީ ފަސްވަނަ ހޯދައިފަ އެވެ.
ރާއްޖޭގެ ފުރަތަމަ މެޗުގައި މުބާރާތް ބާއްވާ ގައުމު ބަހްރެއިންގެ މައްޗަށް 3-0 ކާމިޔާބު ހޯދި އެވެ. އެ މެޗުގެ ފުރަތަމަ ކުޅުނު ސިންގްލްސް ދެ ގޭމް ލަޔާން މުހައްމަދު ޝާމިން އާއި އާރާ އާސަލް އާޒިމް ކާމިޔާބު ކުރި އެވެ. ލަޔާންގެ ގޭމް ކާމިޔާބު ކުރީ 6-1، 6-2 އިންނެވެ. އާރާ ކުޅުނު ގޭމް 6-1، 6-0 އިން ކާމިޔާބު ކުރި އެވެ. އެ މެޗުގެ ޑަބަލްސް ކުރިމަތިލުން އާރާ އާއި އާސަލް ކާމިޔަބު ކުރީ 6-1، 6-0 އިންނެވެ.
ބިލީ ޖީން ކިންގް ކަޕް މެޗެއްގައި އާރާ ކުޅުނު ގޭމެއްގެ ކުރިން.-- ފޮޓޯ: ޓެނިސް އެސޯސިއޭޝަން
ރާއްޖޭގެ ދެވަނަ މެޗުގައި މަކާއޯ އާ ދެކޮޅަށް ކުޅެ ކާމިޔާބު ހޯދި 2-1 އިންނެވެ. އެ މެޗުގެ ސިންގަލްސް ފުރަތަމަ ގޭމް 7-5، 6-1 އިން ކާމިޔާބު ކުރި އެވެ. ދެވަނަ ސިންގަލްސް މެޗު އާރާ ކާމިޔާބު ކުރި އެވެ. ދެ ގަޑިއިރާ 37 މިނެޓަށް ދިގު ދެމިގެން ދިޔަ އެ މެޗުން، އާރާ މޮޅުވީ 7-6(3), 0-6, އަދި 2-6 އިންނެވެ. ރާއްޖެ މޮޅުކޮށް ދިނީ ޑަބަލްސް މެޗުގައި ނަޔާރާ އުސާމާ އަލީ އާއި މިޝްއަލް މުހައްމަދު 6-0، 6-2 އިން ބަލިވީ އެވެ.
ލާއޯސްއާ ދެކޮޅަށް ރާއްޖެ ކުޅުނު މެޗުން ބަލިވީ 2-1 އިންނެވެ. ސައުދީ އަރަބިއާ އަތުން ދިވެހި ޓީމު 2-1 މޮޅުވި އެވެ.
ވޯލްޑް ކަޕްގެ ފިރިހެނުންގެ މުބާރާތް ޑޭވިސް ކަޕް ވެސް މާދަމާ ބަހްރެއިންގައި ފަށާނެ އެވެ. އެ މުބާރާތުގައި ވެސް ރާއްޖެ ހިމެނެނީ އޭޝިއާ އޯޝޭނިއާ ޒޯންގެ ގުރޫޕް 3 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަނީސައިޑް
24 October 2023
މަހުޖަނުންގެ ދަރިންއެކަނި ކުޅޭވޭ އެއްޗެއްް ތީ . ޢެހެންވީމަ ކޮލިފައިވެސް ނުވާނެ. ޓެލެންޓެޑް ކުދިންނަށް ކުޅުމުގެ ފުރުސަތު ލިބުނު ދުވަހަކުން ކޮލިފައިވެސް ވާނެ. އާއްމު ކުދިންނަށް ޓެނިސް ކުޅެވޭނަމަ މިހާރު ތި ކުޅޭކުދިންނަށް ވުރެ މާ ހުނަރުވެރި މޮޅެތި ކުދިން އުފެދޭނެ.
ޔާންޓޭން
23 October 2023
ޓެނިސްކުޅޭ ކޮންމެ ކުއްޖަކަށްވެސް ވަރލްޑްކަޕަށްދާން ޓިކެޓް ނެގިދާނެ. މޮޅުވުންމީގެ ދަތިކަމަކަށްވަނީ.
ނަސްރުބެ
23 October 2023
ތިތާއެބަތިބިތަ ދިވެހި ކުދިންތަކެއް؟
މުޑަހަންޖާ
23 October 2023
"ގައުމީ" އާއި "މޯލްޑިވްސް" އާއި "ނޭސަނަލް" މިކަހަލަ ކަރާޓީ ބަސްތައް ލައިގެން ނަންހަދައިގެން ކ.މާލެތެރޭ އުޅޭ ގުރޫޕުތަކަށް ބައިތުލްމާލުން ފައިސާތެޅުން ގާނޫނަކުން ހުއްޓުވަން އެބަޖެހޭ. 50 އަހަރުވީއިރު ކ.މާލެ ފިޔަވާ ރާއްޖޭގެ އެހެން އެއްވެސް ރަށެއްގަ ޓެނިސްކޯޓުގަނޑެއް ނެތްއިރު ދެން އަހަރެމެންވީ "ގައުމީ" ޓެނިސްޓީމާއި، "ނޭސަނަލް ޓެނިސް މުބާރާތާއި" މިކަންކަމަށް މިލިއަނުން އަހަރެމެންގެ ފައިސާ ހަރަދުކުރާތަން ބަލާފަ އަތްޖަހަންތޯ ނޫނީ ކަރުނައަޅާ ރޯންތޯ.
ޖީ
23 October 2023
ދުވަސްކޮޅަކަށް ދެވުނު މަގޭ ދަރިފުޅަށްވެސް ކުޅެލަން. 13ވަރަކަށް އަހަރުފަހުން މިއެގުނީ އަދިމިދެވޭ ޓްރެއިނިންއަކުން ޓެނިސްނުކުޅެވޭނެކަން. އިންވެސްޓްމެންޓް ދިޔައީ ސުމަކުން. ބަލިވާންފެށީމަ ކުދިންވެސް ނުވާނެދޯ ކުޅޭހިތެއް.
ހޮޕް ހޮޕް
23 October 2023
ދިވެހިޓީމް މޮޅުތަވީ، ބަލިތަވީ؟
ނީލް
23 October 2023
ކުޅެކުޅެފަ ރިޓަޔަރ ކުރަން ހުރިހާކުދިންނަށްވެސްޖެހޭނީ. އެއީތިޔަ އެސޯސިއޭޝަންގެ ތަސައްވުރާއި ފެންވަރަކީ.
ދޮގީ
23 October 2023
ބަލިވީމަ ހަމަކިރިޔާއޭ މޮޅުނުވީ ލިޔުން ރާއްޖޭގެ ނޫސްތަކަށް މިއޮންނަނީ. ބަލިވީމަ ބަލިވީއޭ. ކޮލިފައި ނުވެޔޭ. ޒިންމާނަގަންވީ މީހާކޮބާހޭ...!!!؟
ގައުމީ އެސޯސިއޭޝަން ކޮބާ
23 October 2023
ސަރުކާރުން ޕަބްލިކް ޓެނިސްކޯޓުތަކެއް އަޅަންވީ. މިހަތަރު ކޯޓުގެ މިލްކުވެރިކަން މިއޮންނަނީ ކޮންމެވެސް ވިޔަފާރިތަކަކަށް ކޮންޓްރޯލްވާގޮތަށް. ގައުމީނުކޔޭނެ ދޯމިވަރުުން. އެމީހުންގެ ޕްރައިވެޓް ކްލަބަކާ ބޮޑަށް ވައްތަރީ. ނަމުން ގައުމީ. އެހެންވީމަ ވާނީ ބަލިތާ
ސަލީމްބައި
23 October 2023
މަރްހަބާ ހުރިހާ ކުޅުންތެރިންނަށް ތިޔަކުރި ހިތްވަރަށް. ރަނގަޅު ކޯޗަކާއި ރަގަޅު ޓްރެއިނިންގ ލިބުނުނަމަ ކޮލިފައިވެވޭނެ. ދެން އަންނަފަހަރަކަށް މިހާރުއްސުރެ މަސައްކަތް ފަށަންވީ. ޢެސޯސިއޭޝަނުން ބަލަންވީ ވިޔާފާރިއަށް ނުބަލާ އަސްލު ޓެނިސް ކޯޗެއް ގެނެސްދިނުމަށް.