އިންޓަނޭޝަނަލް އެއިޑް ކެމްޕޭން (އައިއޭސީ) އިން އިންތިޒާމުކޮއްގެން "ދިވެހިން ފަލަސްތީނާއެކު" މާލޭގައި ބޭއްވި ބޮޑު އެއްވުން ނިންމާލުމުގެ ގޮތުން ބޭއްވި ދުއާކުރުމުގައި އެ ޖަމިއްޔާގެ ބައެއް މެމްބަރުން ބައިވެރިވަނީ.-- ފޮޓޯ: ފަޔާޒު މޫސާ | މިހާރު
29 އޮކްޓޯބަރ 2023 - 09:55
30 comments
އިޒުރޭލުގެ ލާއިންސާނީ ހަމަލާތަކުގެ ސަބަބުން ހާލުގައި ޖެހިފައިވާ ފަލަސްތީނުގެ މީހުންނަށް އެހީ ދޭން ދިވެހި އަމިއްލަ ޖަމިއްޔާއެއް ކަމަށްވާ އިންޓަނޭޝަނަލް އެއިޑް ކެމްޕެއިން (އައިއޭސީ) އިން ހުޅުވާފައިވާ ފަންޑަށް އިއްޔެގެ ނިޔަލަށް 23 މިލިއަން ރުފިޔާ ލިބިއްޖެ އެވެ.
އައިއޭސީން މިއަދު އާންމުކުރި ތަފާސްހިސާބުތަކުގައިވާ ގޮތުގައި މިދިޔަ ވިއްސަކަށް ދުވަހުގެ ތެރޭގައި އެ ފަންޑަށް 23،987،108ރ. ވަނީ ލިބިފަ އެވެ. އަދި 13،023 ޑޮލަރު ވެސް ލިބިފައިވެ އެވެ.
"އިސްލާމީ އުއްމަތަށް ދިމާވާ ހުރިހާ ކަމެއްގައި ތިޔަ ލޮބުވެތި ރައްޔިތުން ދެއްވާ އެހީ އަދި އަޅުގަނޑުމެންނަށް ދެއްވާ އެއްބާރުލުމަށް ޝުކުރު ދަންނަވަން،" އެ ޖަމިއްޔާއިން ބުންޏެވެ.
އެ ޖަމިއްޔާ އިން އާންމުކޮށްފައިވާ މައުލޫމާތުން އެނގޭ ގޮތުގައި، އެހީގެ ފަންޑަށް ވަންނަ ފައިސާގެ 12.5 ޕަސެންޓް ފިޔަވާ ހުރިހާ ފައިސާއެއް ހަރަދުކުރަނީ އެހީ ފޯރުކޮށްދިނުމަށެވެ. އެ 12.5 ޕަސެންޓަކީ އެހީ ފޯރުކޮށްދިނުމަށް ދާ ލޮޖިސްޓިކަލް ހަރަދުތަކަށް ބޭނުންކުރާ ފައިސާ އެވެ.
އައިއޭސީގެ އިތުރުން ދިވެހި ރެޑްކްރެސެންޓުން ވެސް ވަނީ އެހީގެ ފަންޑެއް ހުޅުވާލައިފަ އެވެ.
މިހާތަނަށް ދިވެހި ރައްޔިތުން ޣައްޒާގެ ރައްޔިތުންނަށްޓަކައި އެއްކޮށްފައިވާ ލާރި.
— International Aid Campaign (@IACMaldives) October 28, 2023
ޣައްޒާ އެމަރޖެންސީ ރިލީފްއަށް 28 އޮކްޓޯބަރ ވަނަ ދުވަހާ ހަމަޔަށް ލިބުނު ވަރުން.
އެންމެހާ ރައްޔިތުންނަށް މާތްالله ބަރަކާތް ލައްވާށި pic.twitter.com/bQBDHl0IXK
އެކި ގައުމުތަކުގައި ދިރިއުޅޭ ހާލުގައި ޖެހިފައިވާ މީހުންނަށް އެހީ ފޯރުކޮށްދޭ އައިއޭސީން މަކަރާއި ހީލަތް ހަދާ ކަމަށް ބުނެ ބޮޑެތި ތުހުމަތުތަކެއް ކޮށްފައިވެ އެވެ. ނަމަވެސް، އެ ޖަމިއްޔާއިން ވަނީ އެ ތުހުމަތުތައް ދޮގުކޮށް، އޮޑިޓް ރިޕޯޓް ވެސް އާންމުކުރާނެ ކަމަށް ބުނެފަ އެވެ.
އެ ޖަމިއްޔާގެ ޑިރެކްޓަ އޮފް މީޑިއާ އެންޑް ޕަބްލިކް ރިލޭޝަންސް އަޒްހަދު އަހުމަދު ވަނީ ޑޮނޭޝަންގެ ގޮތުގައި އެ ޖަމިއްޔާ އަށް އާންމުން ދޭ ފައިސާ އަކީ އޭގެ ހައްގުވެރިންނަށް އަމާނާތްތެރި ކަމާ އެކު ރައްދުކޮށްދޭ އެއްޗެއް ކަމުގެ ޔަގީންކަން ދެއްވައިފަ އެވެ.
އަޒްހަދު ވިދާޅުވި ގޮތުގައި، 2016 ވަނަ އަހަރު އުފެއްދި އައިއޭސީން އަބަދުވެސް ގެންގުޅެނީ އެންމެ "ހައި ލެވެލްގެ ޓްރާންސްޕޭރެންސީ" އެވެ. އެ ޖަމިއްޔާގެ އެކައުންޓަށް ވަންނަ ފައިސާ ހަރަދުކުރާ ގޮތް ޑޮކިއުމެންޓް ނުކޮށް އެއްވެސް އިރަކު ނުހުންނާނެ ކަމަށް ވެސް އޭނާ ވިދާޅުވި އެވެ.
އައިއޭސީ އަށް ލިބޭ ފައިސާ އިން އެހީ ފޯރުކޮށްދޭ ގޮތް ފެންނަ ފޮޓޯތައް ވެސް އެ ޖަމިއްޔާ އިން ސޯޝަލް މީޑިއާގައި އާންމުކުރެ އެވެ. އެހީގެ ގޮތުގައި ފައިސާ އާއި ކާބޯތަކެއްޗާއި ފެނާއި ޒަރޫރީ އެހެން އެއްޗެހި ފޯރުކޮށްދޭ މަންޒަރުތައް އެ ޖަމިއްޔާގެ ސޯޝަލް މީޑިއާ އެކައުންޓުތަކުގައި އާންމުކުރާ ފޮޓޯތަކާއި ވީޑިއޯތަކުން ވެސް ފެނެ އެވެ.
އެ ޖަމިއްޔާ އިން އެއްވެސް އަހަރެއްގައި އޮޑިޓް ރިޕޯޓް ވެސް ނުހަދާ ކަމަށް ބުނެ ކުރާ ތުހުމަތުތަކާ ގުޅޭ ގޮތުން ސުވާލު ކުރުމުން އަޒްހަދު ވިދާޅުވީ އެ ރިޕޯޓް ވެސް އާންމުކުރާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިންގު އަލް
29 October 2023
23،987،108ރ. އަށް ބުލެކްމާކެޓުން 18.50 ރޭޓުން ރައްޓެހިންނާއި ގާތް ކުންފުނިތަކުން ޑޮލަރު ގަނެގެން ވެސް އެބަނެރެވޭ 4.7 މިލިޔަންވަރު އަލްހާނު ކަލޭވެސް މީތި ޖެއްސިނަމަ މާ ޕްރޮފިޓު ބޮޑުވީސް
ލަބީބު
29 October 2023
މީގެން 2،760،000ރ އިދާރީ ހިންގުމަށްތޯ؟
އަލިމަސާ
29 October 2023
ނަންވާނީ އަލްހާނު. ދީނުން ނާޖާއިޒު ފައިދާ. ނިކަމެތިކަން ލިބިފައިވާ މައުސޫމު ކުދިންގެ ހައްގުތަކުންވެސް ބަޔަކު ނާޖާއިޒު ފައިދާ އެބަނަގާ. މިފަދަ ނާޖާއިޒު މާއްދީ އަމަލުތަކުގައި މީހާގެ ނަފްސު އަރަގުވެ އުޅޭއިރު މިމީހުންގެ ލޮލަށް ހަމަނިދި އަންނަނީ ކިހިނެއްބާ؟ ސުބްހާނަ ﷲ.
އަސޭލ
29 October 2023
މިކަހަލަ ފަންޑުތައް ހަދާ، އަބިމީހާ އެސްޖީ ފަޒީފާގަ، ފިރިމީހާ މެޑީ ވަޒީފާގަ. މިގޮތަކައް ނޫން އާންމުން އަތުން ފައިސާ ނަގައިގެން ޖަމިއްޔާ ހިންގާނީ. އެޔަކައް ނުކިޔާނެ ޓްރާންސްޕޭރަންޓެކޭ. އެޔައް ކިޔާނީ އަމިއްލަ މަސްލަހަރު ވަދެފަޔޭ އެއޮތީ.
ހާމަކުރާނަން
29 October 2023
ތިޔަ ފައިސާ އަށް ހަދާގޮތެއް ބަލަން މިތިބީ ވަރަށް ގާތުން. މިފައިސާ އަށް ޚިޔާނާތުގެ ކަޅިއެއް އެއްލިޔަސް އެބަޔަކު ވާހުށީ ޔަހޫދީންނާއެކު ކަން ޤަބޫލު ކުރާތި
ހެހެހެހެހެ
29 October 2023
ޙެހެހެ. ތިޔަކޮމެންޓު ފެނިފަ މަހީކުރީ، ބުނަން އުޅުނުކަމަށް ހޭ އަރުވާލާނެކަމަށް.. އެބަޔަކު ވާހުށީ ޔަހޫދީންނާއެކު ކަން ޤަބޫލު ކުރާތި އޭބުނީމަ ދެން ލޮލް... ތިކަމާއުޅޭބަޔަކު މީހަކަށް މިލިއަނެއް ނެގިއަސް އިނގޭނެތަ؟؟ ނުނަގާނެ ގޮތަކީ ނެތްގޮތެއް.. ނަގާފަވެސް ކޮންމެވެސް އެއްޗެއް ދިނީމަ ދެވުނީތާ..
މިސްރުގެ ގާހިރާގަ ކިޔަވާ ދިވެއްސެއް ފޮނުވި ކޮމެންޓެއް.
29 October 2023
ތިޔަ ލިބުނު ޑޮލަރާއި ދިވެހި ރުގިޔާގެ ހިސާބަކީ 24,187,922.66 ރުފިޔާއެވެ. މުއައްޒަފުންގެ ހަރަދަށް ނަގާ ނުވަތަ ލޮޖިސްަތިކަށޭ ކިޔައި ނަގާ 12.5% އަކީ 3,023,490.3325 ރުފިޔާއެވެ. މިސްރުން ޕާނެއް ލިބެނީ ރާއްޖޭގެ 3ރ އަށް، ކިއުކަމްބާ ކިލޯ 4ރ އަށް، ފެން ކޭހެއް 24ރ އަށް. ފަލަސްތީނަށް ފޯރުކޮށްދޭ މީލް ޕެކޭޖްގަ މައިގަނޑުކޮށް ހިމެނެނީ މިތަކެތި.
މަލްސާ
29 October 2023
ލޮޖިސްޓިކަށް 2 މިލިއަންށްވުރެ ގިނައިން ރުފިޔާ ހަރަދުކުރަނީ؟ އެހީ ފޯރުކޮށްދޭން ނަމުގަ ވިޔަފާރިއެއް!
ޖުހާދާ
29 October 2023
އަލްހާނަށް ނޭގުނު ދޯ މިކަހަލަ ކަމެއް ކޮށްލަން؟
ކައްޕިތާނު
29 October 2023
މިއީ އަދި ކުޑަ މިންވަރެއް. 12 ޕަސެންޓަށްވަނީ ކިހާވަރެއްތޯ ކޮންމެވެސް މީހަކު ބަލައިދެއްވަބައްލަވާ.
LaamuonlineDOTcom
29 October 2023
ކަލޯ %12 ވާވަރު ބަލާލަން ނޭންގުނުއިރު ކުޑަވަރާ ބޮޑުވަރު ނިންމަންއެނގުނީ ކިހިނެއް؟
ޑިނއގީ
29 October 2023
ގައިގަޑަކަ 3 މިލިޔަން. ސުވާލެއް ކޮއްލާއިރައް މަލާމެއް ކުރާކައް ނުޖެހޭ.
LaamuonlineDOTcom
29 October 2023
ދީނީކަންކަމުގައި ދިވެހިންނަކީ ވަރަށް އިމޯޝެނަލް އަދި އެހާމެގަމާރުބައެއް، އެއީ ދިވެހިންގެ މެދުގައި ޢިލްމުވެރިންކަމަށްބުނާމީހުން ޒަމާނުއްސުރެ ދިވެހިންނަށް ދީން ބުނެދީފައި އޮންނަގޮތުގެ ސަބަބުންވާކަމެއް! ދިވެހިންނަށް އާދަވެފައިވަނީ "އެމީހަކުކުރިކަމެއް އެމީހަކަށޭބުނެ" ބަލަންޖެހޭވަރަށް ކަންކަންނުބެލުމަށާއި، ފަރުދީޒިންމާ އަދާނުކުރުމަށް! އަތުގައިހުރި ފައިސާކޮޅުބަޔަކަށްދޭއިރުވެސް ވާނުވާއެއްނުބަލާނެ، އެމީހުންހިތުން މިކުރަނީ ދީނީކަމެއް، ބޮޑުއަޅުކަމެއް ހެހެ