މުއިއްޒު ވިދާޅުވީ އިގްތިސާދު ރަނގަޅު ކުރުމަށްޓަކައި ކުރަން ޖެހިފައި އޮތް އެންމެ ބޮޑު މަސައްކަތަކީ އެއާޕޯޓް ތަރައްގީ ކުރުމުގެ މަސައްކަތް ނިންމުން ކަމަށެވެ.
މަސީގެ ޖަލްސާއެއްގައި އިންތިހާބީ ރައީސް ޑރ. މުހައްމަދު މުއިއްޒު ވާހަކަފުޅު ދައްކަވަނީ--
29 އޮކްޓޯބަރ 2023 - 22:49
48 comments
ވެލާނާ އިންޓަނޭޝަނަލް އެއާޕޯޓްގެ އާ ޓާމިނަލް ތަރައްގީ ކުރުމުގެ މަސައްކަތް އަވަސް ކުރަން ރައީސް އޮފީހުގައި ހާއްސަ ކޮމިޓީއެއް އެކުލަވާލައްވާނެ ކަމަށް އިންތިހާބީ ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ކޮންސްޓްރަކްޝަން ދާއިރާގެ އެސޯޝިއޭޝަން، މަސީ އިން މިރޭ ބޭއްވި ޖަލްސާގައި ބައިވެރިވެވަޑައިގެން ވާހަކަފުޅު ދައްކަވަމުން މުއިއްޒު ވިދާޅުވީ އިގްތިސާދު ރަނގަޅު ކުރުމަށްޓަކައި ކުރަން ޖެހިފައި އޮތް އެންމެ ބޮޑު މަސައްކަތަކީ އެއާޕޯޓް ތަރައްގީ ކުރުމުގެ މަސައްކަތް ނިންމުން ކަމަށެވެ.
ނަމަވެސް މިހާތަނަށް ލިބުނު މައުލޫމާތުތަކަށް ބަލާއިރު އެއާޕޯޓު ނިމެން އޮތީ 2025 ގެ ޖުލައި މަހަށް ކަމަށާއި އެއީ ވަރަށް ލަސް ކަމަށް މުއިއްޒު ވިދާޅުވި އެވެ.
އެ މަނިކުފާނު ގަސްތު ކުރައްވަނީ އެންމެ ލަސް ވެގެން އަންނަ އަހަރު ސެޕްޓެމްބަރު މަހަށް އެއާޕޯޓު ނިންމަން ކަމަށް މުއިއްޒު ވިދާޅުވި އެވެ.
"އެހެންވެ އެއީ ޝެޑިއުލް އަށް ވުރެ އަށެއްކަ މަސް ދުވަހުގެ އަވަސް ކުރުމެއް، އިރާދަކުރެއްވިއްޔާ އެކަން ވާނެ،" މުއިއްޒު ވިދާޅުވި އެވެ.
މުއިއްޒު ވިދާޅުވީ ވެރިކަމާ ހަވާލުވެވަޑައިގަތުމަށް ފަހު ފުރަތަމަ ވެސް ރައީސް އޮފީހުގައި ސީދާ އެއާޕޯޓުގެ މަސައްކަތާ ގުޅޭ ކޮމިޓީއެއް އެކުލަވާލައްވާނެ ކަމަށެވެ. އެ ކޮމިޓީގައި ކަމާބެހޭ ހުރިހާ ސްޓޭކްހޯލްޑަރުން ތިއްބަވާނެ ކަމަށާއި ކޮމިޓީ ޗެއާ ކުރައްވާނީ އެ މަނިކުފާނު ކަމަށް މުއިއްޒު ވިދާޅުވި އެވެ.
އެއާޕޯޓް ޕްރޮޖެކްޓާ ގުޅޭ ގޮތުން ނިންމަން ޖެހޭ ހުރިހާ ނިންމުމެއް ވީހާވެސް އަވަހަށް އެ ކޮމިޓީން ނިންމަވާނެ ކަމަށް ވެސް އެ މަނިކުފާނު ވިދާޅުވި އެވެ.
"ކޮންމެ ދުވަހު އެ މަސައްކަތް ދާ ގޮތް ބަލައި އެކަމަށްޓަކައި ނަގަން ޖެހޭ ޑިޒިޝަންތައް ވަގުތުން ނެގުމާއި އަޅުގަނޑުމެންނަށް ވަރަށް ކާމިޔާބު ކަމާ އެކީ ނިންމިފައިވާ ބްރިޖުގެ މަސައްކަތް ދިޔަ ގޮތަށް ބައްޓަންކޮށް މި ދެންނެވި ތާރީހަށް ނިންމުން،" މުއިއްޒު ވިދާޅުވި އެވެ.
ސައުދީ އަރަބިއްޔާ އިން މި ފަހުން ވަނީ އާ ޓާމިނަލްގެ މަސައްކަތް ނިންމަން 100 މިލިއަން ޑޮލަރު ދިނުމަށް ނިންމާފަ އެވެ.
އެއާޕޯޓް ތަރައްގީ ކުރުމަށް މީގެ ކުރިން 2016 ވަނަ އަހަރު ވެސް ސައުދީ ފަންޑުން ވަނީ 100 މިލިއަން ޑޮލަރުގެ ލޯނެއް ދީފަ އެވެ. އެހެންވެ، އެއާޕޯޓު ތަރައްގީ ކުރަން ސައުދީ ފަންޑުން ދިން އަދަދު 200 މިލިއަން ޑޮލަރު (ތިން ބިލިއަން ރުފިޔާ) އަށް މިހާރު އަރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިދުގީ
30 October 2023
ބޭރުން މިހާރުވެސް ވަރަށް ހިތްގައިމު އައު ޓާމިނަލް ފެންނަލެއް! އުންމީދަކީ ވީހާވެސް އަވަހަކަށް ތި ޓާމިނަލް ބޭނުން ކޮށްލާނެ ދުވަހެއް ދެއްކެވުން
ނުހައިކް
30 October 2023
5 އަހަރު ވެގެންދިޔައިރު ކޯޑް F ރަންވޭ އެއް އަޅާފައި ޓާމިނަލް މަސައްކަތް ފަށާފައި އޮތް އެއަރޕޯޓް ހަދައެއް ނުނިމުނު. ބަޔަކު ސްލޯވާނީ މިވަރަކަށް!
އަސްޖަދު
30 October 2023
ދުނިޔޭގެ އެންމެ ބޮޑު އެއް ޓުއަރިސްޓް ޑެސްޓިނޭޝަންގެ މައި އެއާޕޯޓްގެ ހާލަތު ވަރަށް ދަށް. އެއަރލައިންތައް ބޭނުންވާ ވަރަކަށް ދުވާލެއްގެ މައްޗަށް ފްލައިޓްތަކެއް އޮޕަރޭޓްއެއް ނުކުރެވޭ. އެހެންކަމުން އައު ޓާމިނަލް ވީހާވެސް އަވަހަކަށް ހުޅުއްވުން ވަރަށް މުހިންމު
އަސަދުﷲ
30 October 2023
މީވަރަށް ރަނގަޅު ވާހަކައެއް. ދެންވެސް ބަލަންވީ ގައުމަށް ގިނައިން ޑޮލަރ ވައްދާ މާލިއްޔަތައް ގިނަ ކުރެވޭތޯ. އެކަމަށް މައި އެއާޕޯޓް ވަރަށް މުހިންމު
ޝަފީދު
30 October 2023
ގައުމުގެ އިގްތިސާދު ކޮޅަށް ޖެހޭނެ އެންމެ ބިޔަ ޕްރޮޖެކްޓް ކޮންމެހެންވެސް ކުރަންޖެހޭ ކަމެއް.
ފާއިދު
30 October 2023
މީގެންވެސް އެގިގެން މިދަނީ މުއިއްޒު މިއީ ގައުމާއި ދޭތެރޭ ވިސްނަވާ ބޭފުޅެއްކަން. މިއޮއް ދަތި ހާލަތުން ގައުމު އަރައި ގަނެވޭނީ އެއާޕޯޓް މަސައްކަތް ނިންމައިގެން.
ޖިހާދް
30 October 2023
މުއިއްޒު ފެނިގެން މިދަނީ ވަރަށް އޯގަނައިޒްޑް ލީޑަރ އެއްގޮތަށް! އިބޫ ދައުރުގެ އެއް އަހަރު ކުރި ޕްލޭނިންގް މި ނިންމާލަނީ މިދައުރު ނުވެސް ފެށެނީސް
އާލިން
30 October 2023
އަހަރެން ހީކުރީ މުއިއްޒު މިއީ މާދެން ކޮންމެ މީހަކުނެރެން ޕީޕީއެމް އިން ނެރުނު ކެނޑިޑޭޓެއްކަމަށް! އަދި ކިރިޔާ އަހަންނަށް ފެނިގެން މިދަނީ ކީއްވެކަން އެހާ ވަރަކުން އެންމެން މުއިއްޒު ހޮވަން މިއުޅުނީ..
ނާއިދް
30 October 2023
މި ވަގުތުން ވަގުތަށްވެސް ބަލަންޖެހޭ ކަމެއްތީ! މި ގައުމުގެ އިންކަމްގެ އެންމެ ބޮޑު އެއް ރޯލެއް ކުޅޭ މައި ދޮރާޝި އެއާޕޯޓަކީ.
އަސްޖަދު
30 October 2023
ދެން މާ ގިނަދުވަސްތަކެއް ނުވެ އައު ޓާމިނަލް ބޭނުން ކޮށްލުމުގެ ފުރުސަތު ލިބޭނެކަމަށް މިބަލަނީ، އިބޫހެން ހުވަފެން ދައްކާ ވެރިއެއްނޫން މުއިއްޒު އަކީ.