ރިޔާސަތު ބަލަހައްޓާނެ އާ މެމްބަރުން ކަނޑައަޅައިފި

މަޖިލީހުގެ މި ދައުރުގެ ބާކީ އޮތް މުއްދަތުގައި މަޖިލީހުގެ ރިޔާސަތު ބެލެހެއްޓޭނެ ކަމަށް މަޖިލީހުގެ ރައީސް ކަނޑައެޅުއްވި މެންބަރުން --

އައިޝަތު ނުޒުހާ، މިހާރު

20 ނޮވެމްބަރ 2023 - 10:21

7 comments

ރައްޔިތުންގެ މަޖިލީހުގެ ރައީސާއި ނައިބު ރައީސަށް ރިޔާސަތު ނުބެލެހެއްޓެވޭ ހާލަތުތަކުގައި ރިޔާސަތު ބަލަހައްޓަވާނެ މެންބަރުން ކަނޑައަޅައި، ނަންތައް ތަރުތީބުކޮށްފި އެވެ.

މަޖިލީހުގެ ގަވައިދުގެ 44 ވަނަ މާއްދާގައިވާ ގޮތުން މަޖިލީހުގެ ރައީސާއި ނައިބު ރައީސަށް ރިޔާސަތު ބަލަހައްޓަން ނުކުޅެދިއްޖެ ހާލަތެއްގައި ރިޔާސަތު ބަލަހައްޓާނެ މެންބަރުން ކަނޑައަޅަން ޖެހެނީ މަޖިލީހުގެ ރައީސެވެ.

މަޖިލީހުގެ މިއަދުގެ ޖަލްސާގައި މަޖިލީހުގެ އާ ރައީސް މުހައްމަދު އަސްލަމް ވިދާޅުވީ، އެ ނަންތައް ކަނޑައަޅާފައިވަނީ ގަވައިދުގައިވާ ގޮތުގެ މަތިން މަޖިލީހަށް މެޑުނުކެނޑި އެންމެ ގިނަ ދުވަހު ހިދުމަތް ކުރައްވާފައިވާ މެންބަރުން ކަމަށެވެ. އެއީ:

1. މީދޫ ދާއިރާގެ މެންބަރު އަހުމަދު ސިޔާމް މުހައްމަދު - މެދުނުކެނޑި 18 އަހަރާއި 8 މަސް ދުވަސް.

2. މާމިގިލި ދާއިރާގެ މެންބަރު ގާސިމް އިބްރާހިމް - މެދުނުކެނޑި 14 އަހަރާއި ފަސް މަސް ދުވަސް.

3. އޭދަފުށީ ދާއިރާގެ މެންބަރު އަހުމަދު ސަލީމް - މެދުނުކެނޑި 14 އަހަރާއި ފަސް މަސް ދުވަސް.

4. ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ - މެދުނުކެނޑި 14 އަހަރާއި ފަސް މަސް ދުވަސް.

5. ކުޑަހުވަދޫ ދާއިރާގެ މެންބަރު އަހުމަދު - މެދުނުކެނޑި 14 އަހަރާއި ފަސް މަސް ދުވަސް.

އަސްލަމް ވިދާޅުވީ، ފުރުސަތު ދެއްވާނީ މެންބަރުކަން ކުރައްވާފައިވާ މުއްދަތަށް އިސްކަން ދީގެން ކަމަށާއި ހަމަހަމަވާ ހިނދު އިސްކަން ދޭނީ އުމުރުން އެންމެ ދުވަސްވެފައިވާ މެންބަރަށް ކަމަށެވެ.

މިއަދު އިއުލާނު ކުރި ލިިސްޓުގައި މީގެ ކުރިން ރިޔާސަތު ބަލަހައްޓާ މެންބަރުންގެ ލިސްޓުގެ އެއް ވަނައިގައި އިންނެވި ވިލިފުށީ ދާއިރާގެ މެންބަރު ހަސަން އަފީފާއި ދެ ވަނައިގައި އިންނެވި މަރަދޫ ދާއިރާގެ މެންބަރު އިބްރާހިމް ޝަރީފް ހިމެނިވަޑައިނުގަންނަވަ އެވެ.

ރައްޔިތުންގެ މަޖިލިހުގެ ރައީސާއި ނައިބު ރައީސް ވަޑައިގެން ނެތް ހާލަތުތަކުގައި މި ދައުރުގައި މަޖިލިހުގެ ރިޔާސަތު ބެލެހެއްޓެވީ ވެސް އަފީފެވެ.

މެމްބަރު ގާސިމް އިބްރާހިމް (މާމިގިލި) ރައްޔިތުންގެ މަޖިލިސް މެމްބަރު އަހުމަދު ސިޔާމް މުހައްމަދު (ދ. މީދޫ) މެމްބަރު މުހައްމަދު އަސްލަމް (ހިތަދޫ އުތުރު) މެމްބަރު އަހުމަދު އާމިރު (ކުޑަހުވަދޫ) އަބްދުލްޣަފޫރު މޫސާ (ހަނިމާދޫ ދާއިރާ)

7 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

20 November 2023

ޤާނޫނުއަސާސީގެ ރޫޙާއި، ޤއ ގައި ބަޔާންކުރާ ލާމަރުކަޒީ ޤާނޫނަށްބަލާއިރު މަޖިލިސްމެންބަރުން އިންތިޙާބުކުރުމުގައި ޤާނޫނީގޮތުން މިދެންނެވިއުސޫލާއި ރޫޙަށް އިސްކަންދޭންޖެހޭކަން ސާފުކޮށްއިގޭ. އަދި ޤއ ގެ 72 ހ ގައި "ކޮންމެއިދާރީދާއިރާ އަކުން" މެންބަރެއް އިންތިޙާބުކުރަން އަންގާފައި ވާއިރު މިދެންނެވިމާއްދާގައިއޮތް "އަކުން" ގެމާނައަކީ "ދާއިރާގެ ރަށްވެއްސަކަށްވުންކަން" އިގޭ. އެކަމަކު ތިޔަ ފޮޓޯގައި އެންމެމީހެއްފިޔަވާ ދެންތިބީ މުޅިންވެސް ދާއިރާއަށް ބީރަށްޓެހިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓޭސް

20 November 2023

މަބުނީ އެހެންވިއްޔާ މިއޮތް ހުރިހާ ދުވަހު އަފީފު ތިޔަ ރިޔާސަތަކަށް އަރާ ތި އިންނަނީ ގަވާއިދާ ޚިލާފަށްތާ. ގަވާއިދާ ޚިލާފަށް ރިޔާސަަތު ކަނޑައެޅި އިރު މަޖިލީހުގެ އަމީންއާއްމު އަދި ކައުންސެލް ޖެނެރަލް ވީ ކިހާ ހިސާބެއްގަތޯ.. މިތަނުގައި ކޮންމެވެސް އެއްބަޔަކު ގޯސް ހަދައިފި. އަންނި ބުނި ކޮންމެ ގޮތަކަށް ޖަލްސާ ކުރިއަށް ގެންދިއުމަށް އަފީފަށް މަޖުބޫރުވީ ގަވާއިދާ ޚިލާފަށް ރިޔާސަތުގައި ވެޑުވީމަތޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބް

20 November 2023

އަފީފް ރިޔާސަތަށް އެރުވީ އެސްޖީއާއި ކައުންސެލަރ ޖެނެރަލެއް ނޫން. އެމްޑީޕީ މެންބަރުން ވޯޓުދީގެން އެގޮތަށް ފާސްކުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޯމޭން

20 November 2023

މެދުނުކެނޑި މެދުނުކެނޑިއޭ ގޮވާ މާ މޮޅުކަމެއްކަމަށް ވާހަކަ ދައްކާނެކަމެއްނެތް. ދެ ދައުރަށްވުރެ ގިނައިން އެއްވެސް އިންތިހާބީ މަގާމެއްގަ ބަޔަކު ތިބޭކަށް ނުޖެހޭނެ. ތިއީކީ ރަސްކަލެއްގެ ތަހުތެއް ނޫން. ތީގެންމީހެއްގަ ދާއިރާއަށް ތީގެންމީހަކާ ދެކޮޅަށް އެޕާޓީއަކުން ނުކުންނަބަޔަކުގެވެސް ދުވަސްދުއްވާލާފަ ތިބިމީހުން ތިއީހައްތަހާވެސް. މަޖުލީހުގެ ގޮނޑިއަކީ އެންމެ މުސްކުޅިމީހާއަށް ހައްގުމަގާމެއް ނޫން. ކަމަށް އެންމެ ގާބިލުމީހުން ނޮމިނޭޓުކޮށްބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާމުއިސ

20 November 2023

ޝިޔާމަށް ތި ގޮނޑި އެއްމެ ދުވަހަކަށް ނަމަވެސް ދީބަލަ. ގޮނޑިކޮޅުގައި އިށިންނެވީމާ ފިތިގެން މާމުއި ފައިބާތަން ދެކެން ބޭނުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސިލާ

20 November 2023

އަފީފު އާ ޝަރީފު ކެންސަލް ވީ ކީއްވެބާ! މީގެ ކުރިން އެންމެ ގިނަދުވަސް ވެފަ މިހާރު ކުއްލިއަކަށް މިވީ ކިހިނެތް. އެމީހުން ޚިދުމަތް ކުރި ދުވަސްތައް އޮޔާދިޔައީތަ؟