މުޒާހަރާގެ ބައިވެރިންނާ އެކު މިނިސްޓަރު ޒަމީރު ވެސް ގޮވާލެއްވީ ހަމަލާތައް ވަގުތުން ހުއްޓާލަން

އިޒްރޭލު ޕާސްޕޯޓު މަނާ ކުރުމަށް ގޮވާލާ ފޮރިން މިނިސްޓްރީ ދޮރުމަތީގައި ކުރި މުޒާހަރާގައި މިނިސްޓަރު ޒަމީރު -- ފޮޓޯ: ފަޔާޒް މޫސާ/ މިހާރު

އައިޝަތު ނުޒުހާ، މިހާރު

20 ނޮވެމްބަރ 2023 - 14:21

20 comments

އިޒްރޭލުގެ ޕާސްޕޯޓުގައި ރާއްޖެއަށް މީހުން އެތެރެވުން މަނާކުރުމަށް ގޮވާލައި، ފޮރިން މިނިސްޓްރީ ކުރިމަތީގައި ކުރި މުޒަހާރާގައި ބައިވެރިވެވަޑައިގެން، ފަލަސްތީނުގައި ދެމުން ގެންދާ ހަމަލާތައް ވަގުތުން ވަގުތަށް ހުއްޓާލުމަށް އާ ފޮރިން މިނިސްޓަރު މޫސާ ޒަމީރު މިއަދު ގޮވާލައްވައިފި އެވެ.

ފަލަސްތީނުގެ ބިންތައް ފޭރިގަނެ، އެ ގައުމުގެ މީހުންނަށް ލާއިންސާނީ އަނިޔާ ދެމުން ގެންދާ އިޒްރޭލުގެ ޕާސްޕޯޓު ރާއްޖެއިން ބަލައިނުގަތުމަށާއި އެ ތަނުގެ ޓޫރިސްޓުން ރާއްޖެ އައުން މަނާކުރަން ގޮވާލައި ސިލްސިލާކޮށް، ކުރަމުންދާ މުޒާހަރާގައި ފޮރިން މިނިސްޓަރު އަޑު އުފުއްލެވީ މުޒާހަރާކުރާ މީހުން މިއަދު މެންދުރު ފޮރިން މިނިސްޓްރީ ދޮރުމައްޗަށް އެއްވުމުން އެތަނުގަ އެވެ.

މިނިސްޓަރު ޒަމީރު ވަނީ މުޒާހަރާގެ ބައިވެރިންގެ ގާތަށް ވަޑައިގެން ޕެޓިޝަނުގައިވާ ކަންކަން އަޑުއައްސަވައިފަ އެވެ.

ޒަމީރު ވިދާޅުވީ، މިއަދު ވެސް ދެ ގައުމެއްގެ ސަފީރުންނާ ބައްދަލުކުރައްވާފައިވާ ކަމަށާއި އެ ބައްދަލުވުންތަކުގައި ވެސް، އިޒްރޭލުން ދެމުން ގެންދާ ހަމަލާތައް ހުއްޓާލަން އެދިވަޑައިގެންފައިވާނެ ކަމަށެވެ.

"އިމީޑިއޭޓް ސީޒްފަޔާއެއް ބޭނުންވާ ވާހަކަ އާއި ހިއުމަޓޭރިއަން އެއިޑް ބޭނުންވާ ވާހަކަ ދަންނަވާފައި ވާނީ،" ޒަމީރު ވިދާޅުވި އެވެ.

ޒަމީރު ވާހަކަދައްކަވަމުން ދަނިކޮށް މުޒާހަރާގެ ބައިވެރިން "ސީޒްފަޔާ ނައު" ގޮވަން ފެށުމާ އެކު، އޭނާ ވެސް ވަނީ އެގޮތަށް އަޑު އުފުއްލަވައިފަ އެވެ.

"ސީޒް ފަޔާ ނައު އިނގޭތޯ އަޅުގަނޑުގެ ސްޓޭންޑަކީ ވެސް،" އިޒްރޭލާ ދެކޮޅަށް އަޑުއުފުއްލަވައި ޒަމީރު ވިދާޅުވި އެވެ.

އިޒްރޭލު ޕާސްޕޯޓު މަނާ ކުރުމަށް ގޮވާލައި ފޮރިން މިނިސްޓްރީ ދޮރުމަތީގައި ކުރި މުޒާހަރާގެ ތެރެއިން -- ފޮޓޯ: ފަޔާޒް މޫސާ/ މިހާރު

ރައްޔިތުންގެ މަޖިލީހުގެ ހާރިޖީ ކޮމިޓީން ވަނީ އިޒްރޭލު ޕާސްޕޯޓު މަނާކުރުމަށް ރައީސަށް ސިޓީއަކުން އެދެން ފާސްކޮށްފަ އެވެ. ނަމަވެސް، ޒަމީރު ވިދާޅުވީ މިހާތަނަށް އެކަމާ ގުޅޭ އެއްވެސް ކަމެއް އެނގިވަޑައިނުގަންނަވާ ކަމަށެވެ.

ފަލަސްތީން ރައްޔިތުންގެ މަޖިލިސް ފޮރިން މިނިސްޓްރީ ރާއްޖެ-ފަލަސްތީން ފަލަސްތީން-އިޒްރޭލް މޫސާ ޒަމީރު، ފިނޭންސް މިނިސްޓަރު

20 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފާނަކޮށި

21 November 2023

ކޭއޭފްސީ މެކްޑޮނާލްޑް ކޯކް ފެންޓާ ފަދަ އިޒްރާިލްގެ އުފެއްދުންތައް ރާއްޖެއަށް އެތެރެކުރެވިގެން ނުވާނެ.... މިގޮތަށް ހަދަންވެސްޖެހޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހޭބެ

21 November 2023

މި ދިވެހިންނަކީ ހުރިހާކަމަކާ ބެހޭބަޔެއް އެއްވެސް ބެލުމެއްނެތި ކަންކަންކުރާނީ ޖަޒުބާތުގައި... އެތައް ދުވަހެއްގެ ފަހުން ވިސްނޭނީ އެއިރުން އޮންނާނީ ވާނިއެތިވެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު.

21 November 2023

ދިވެހިންނަކީ އަބަދުވެސް ފަލަސްތީނުގެ ލޮބުވެތި މުސްލިމު ރައްޔިތުންނާއި އެކީ ތިބޭބައެއް. އަދި ދިވެހި ސަރުކާރު އަބަދުވެސް އޮންންޖެހޭނީ ދިވެހިންނާއި އެކީގައި ޢެއްއަޑެއް އުފުލަން. ދިވެހިރާއްޖޭގެ ކުރީގެ ފޮޮރިން މިނިސްޓަރު ދިވެހިނެނައް ނުފެނި 5 އަހަރު ވޭތުވެގެން ދިޔަ. ދެންއައި މިނިސްޓަރު އެހެރީ ދިވެހިންނާއި އެކީގައި ދިވެހިންގެ އަޑުއުފުލަން ސަފުގެ ކުރީގައި. ތަފާތު ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

21 November 2023

މުއީޒު ރައްތުން ލޮގައެޅުވި އަދުން ކުލަ ފިލައިފި ދިންދުވަސްތެރޭ މުއީޒުގެ ފޭކަ ވާހަތައް ރައްޔިތުނައް ހާމަވަނީ އެވެސް ވަރަކައް ގާބިލު ފޮރިން މިނިސްރެއް ގައުމަކާ ދެކޮޅައް ކުރާ މުޒާހިރާގަ ބައިވެރި ނުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު.

21 November 2023

މިހާރު 5 ގައުމަކުން އިޒްރޭލާއި ޚާރިޖީ ގުޅުންވެސް ކަންޑައިލައިފި. އެތަކެއް ގައުމުތަކެއްގެ ވެރިންވެސް އެތިބީ ފާޅުގައި އަޑުއުފުލުމުގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

21 November 2023

ތިހެން ވިއާ ޢެމެރިކާޔާ ޔޫރަފާ ސިއާސީ ގުޅުން ކަނޑާފަ މައްސަލަ ހައްލުކުރޭ! އެމިހުނާ ނުލައި އިޒުރޭލައް ހަގުރާމަ ނުކުރެވޭނެ! ހުޅަގުގެ ޓުއަރިސްޓުން އައިސްގެން ނަފާއިތުވިއަސް ދިވެހިންގެ ސައިޒައްވުރެ އަޑުގަދަވުން ނޫން އިތުރު ކަމެއް ހާސިލު ނޫވާތަން ފެންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރަނގި.

20 November 2023

ހާރިޖީ ސިޔާސަތެއް ނެތް. ބަތްކައްކާ ކުޅެން ވެސް މިމީހުން ނިކުމެދާނެ. ހާރިޖީ ވަޒީރަކީ ވަރަށް ސައިލެންޓު މޯޑުގަ ހުންނަންޖެހޭ މީހެއް. މީނަ ގެންގޮސް ލާންވީ އާރުޑީސީ އަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުލްކަލާމް

21 November 2023

މީ މިހާތަނަށް ރާއްޖޭގައި ހިގާފައިވާ ކަމެއްނުން ، ދޭދޭ ގައުމުތަކާ ގުޅުވައިގެން ވަކި ކޮޅެއް ރާއްޖެއިން ނެގުން އަދި އަމުދުން ވަޒީރު ، މީތި ގޯސް އަހަރުމެން އެންމެންވެސް އިސްރާއީލާ ދެކޮޅު އެކަމަކު ވަޒީރެއްނުން އެގޮތް ނިންމަވާނީ .