ޚަބަރު / ޑރ. އިސްމާއިލް ޝަފީއު (އެޑިއުކޭޝަން މިނިސްޓަރު)

ހުޅުމާލެއަށް ސީއެޗްއެސްއީ ބަދަލުކުރުމަކީ ވަރަށް ބޮޑު ގޯހެއް: މިނިސްޓަރު

ސީއެޗްއެސްއީގެ އާ އިމާރާތުގައި، އެ ސްކޫލުގެ ނަން ބޯޑު ހަރުކޮށްފައި.-- ފޮޓޯ: ސީއެޗްއެސްއީ

އާސިމާ ނިޒާރު، މިހާރު

29 ނޮވެމްބަރ 2023 - 14:04

މާލޭގައި ޒަމާންވަންދެން ހިންގި އޭ ލެވެލް ސްކޫލު، ސީއެޗްއެސްސީ ހުޅުމާލެއަށް ބަދަލުކުރުމަކީ ވަރަށް ބޮޑު ގޯހެއް ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެއްޖެ އެވެ.

އޭނާ "މިހާރު" އަށް ދެއްވި އިންޓަވިއުގައި ވިދާޅުވީ މިނިސްޓްރީގެ ޒަމާންވީ ސިޔާސަތަކީ އެ ކުއްޖަކު ދިރިއުޅޭ ތަނާ ވީހާ ވެސް ކައިރިން ތައުލީމް ފޯރުކޮށްދިނުން ކަމަށެވެ. ނަމަވެސް، ހުޅުމާލޭގައި އާބާދީ އިތުރުވަމުން ދިއުމަކީ، މާލޭގައި ގިނަ ދުވަސްވަންދެން ހިންގަމުން ދިޔަ ތައުލީމީ މަރުކަޒު ބަންދުކުރަން ޖެހޭ ސަބަބެއް ނޫން ކަމަށް، އާ ސަރުކާރުގެ މިނިސްޓަރު ވިދާޅުވި އެވެ.

މާލެ ސަރަހައްދުގައި މަތީ ސާނަވީއަށް ކިޔަވައިދޭ ހަމައެކަނި ސްކޫލު، ސީއެޗްއެސްއީ މިހާތަނަށް ހިންގީ އަމީނިއްޔާ ސްކޫލުގެ ބިއްދޮށުގަ އެވެ. އެކަމަކު، އެ އިމާރާތް ބޭނުންކުރުން މިދިޔަ އޮގަސްޓް މަހު ހުއްޓާލުމަށް ފަހު، ސީއެޗްއެސްއީ ބަދަލުކުރީ ހުޅުމާލޭގައި އަލަށް ހެދި އިމާރާތަށެވެ.

މިނިސްޓަރު ވިދާޅުވީ މާލެއަކީ ކެޕިޓަލް ސިޓީއަށްވާއިރު، އެ ތަނުގައި އޭ ލެވެލް އަށް ކިޔަވައިދޭ ސްކޫލެއް ހުންނަން ޖެހޭނެ ކަމަށެވެ.

ސީއެޗްއެސްއީގެ ކުރީގެ އިމާރާތް އަމީނިއްޔާއަށް، އަންނަ އަހަރު ކިޔަވައިދޭނީ އެއް ދަންފަޅިއަށް https://t.co/yaGMux4hXq
— Mihaaru (@Mihaarunews) October 18, 2023

ނަމަވެސް، ސީއެޗްއެސްއީ ކުރިން ހިންގި އިމާރާތް އަމީނިއްޔާ އަށް ދޭން ނިންމާފައިވުމާ އެކު، ދެން ހުރި ކަންކަމަށް ބެލުމަށްފަހު ގޮތްތަކެއް ނިންމާނެ ކަމަށް އޭނާ ވިދާޅުވި އެވެ.

"..ހުޅުމާލޭގައި ދަނީ އާބާދުވަމުން. ހުޅުމާލޭގައި އޭ ލެވެލް ސްކޫލެއް ގާއިމްކުރުމަކީ، މާލެއިން މުޅިން ސަރުކާރުން ފޯރުކޮށްދޭ ތައުލީމުގެ ތެރެއިން އޭ ލެވެލް ސްކޫލު ދޫކޮށްލަންޖެހޭ ސަބަބެއް ކަމަށް ނުދެކެން،" އޭނާ ވިދާޅުވި އެވެ.

"މި ފުރަ މާލޭގައި އޭ ލެވެލްއަށް ކިޔަވާނެ ސްކޫލެއް ހަމަ ހުންނަން ޖެހޭނެ [ކަމަށް] ގަބޫލުކުރަނީ."

މިނިސްޓަރު ވިދާޅުވީ ރަސްމީ ތައުލީމް ފޯރުކޮށްދޭންޖެހޭ އުމުރަށް ވުމުން އެ ކުދިންނަށް ރައްކާތެރިކަމާއި ކިޔަވަން ހުޅުމާލެއަށް ދަތުރުކުރުމުގައި ގޮންޖެހުން ހުރި ކަމަށެވެ.

އެޑިއުކޭޝަން މިނިސްޓްރީ ސީއެޗްއެސްއީ ޑރ. އިސްމާއިލް ޝަފީއު (އެޑިއުކޭޝަން މިނިސްޓަރު)

110 ކޮމެންޓް, 63 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްލާހު

30 November 2023

މާލޭގައި ހަމައެކަނި އޭލެވެލް ކިޔަވަދޭ ސްކޫލްއޭ ބުނީމަ އަޖައިބުވެއްޖެ. އަހްމަދިއްޔާ އިންޓަނޭޝަނަލް ސްކޫލް. ވިލާ ހައި ސްކޫލް، މެޕްސް ހައި ސްކޫލް ކޮބާ؟ އެވެސްހަމަ ހިލޭ ރަނގަޅު ފެންވަރަށް އޭލެވެލް ކިޔަވަދޭ ސްކޫލް. މިނިސްޓަރަށް މިކަން ނޭގެނީބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހޭ

30 November 2023

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޒަސް

30 November 2023

"އެ ކުދިންނަށް ރައްކާތެރިކަމާއި ކިޔަވަން ހުޅުމާލެއަށް ދަތުރުކުރުމުގައި ގޮންޖެހުން ހުރި ކަމަށެވެ"" މިނިސްޓަރު މިހެން ބުނާއިރު މިއޮތް ހުރިހާދުވަހު ހުޅުމާލެއިންވެސް އެތައް ސަތޭކަކުދިންނެށް މާލެއަށް ތިބުނާ ރައްކާތެރިކަން ނެތް ގޮތައް ދަތުކުރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

30 November 2023

އައްޑޫ ކުދިންވެސް .ލާމު ކުދިންވެސް އެހާ ދިގުދަތުރުކުރޭ. މާލޭ ބޭފުޅުން ޖެހޭނީ ގޭ ދޮރުމަތީ އިސްކޫލް ހުންނަން. 3 ފިޔަވަޅުވެސް އަޅައިގެން ނުވޭ. އަޖާއިބު ހީވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިރުޝާން އަލީ

30 November 2023

ވަރަށް ރަނގަޅު ވާހަކައެއް. ފުރަ މާލޭގައި އޭ ލެވެލްއަށް ކިޔަވާނެ ސްކޫލެއް ހަމަ ހުންނަން ޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުން

30 November 2023

ކޮންމެ ކުއްޖަކީ ސައިކެއް ނޫނީ ކާރެއް އޮންނަ ކުއްޖަކަށް ނުވެދާނެ. އެހެން ކަމުން އޭ ލެވެލް ކިޔެވޭނެ ގޮއްތަށް ހުޅުމާލޭގަ ވެސް އަދި މާލޭގަވެސް ހުރުން މުހިންމު.