ޖަޒީރާ ގައުމުތަކުގެ މައްޗަށް އެކުލެވޭ ކޭންސީސީގެ ރިޔާސަތު ރާއްޖެއަށް

ކޮޕް ސަމިޓުގެ ޕެނަލް ޑިސްކަޝަނެއްގައި ތިމާވެއްޓާ ބެހޭ މިނިސްޓަރު ތޯރިގް އިބްރާހިމް ތަގުރީރުކުރައްވަނީ.-- ފޮޓޯ: ތިމާވެއްޓާ ބެހޭ މިނިސްޓްރީ

އިފްރާޒް އަލީ، މިހާރު

06 ޑިސެމްބަރ 2023 - 11:28

13 comments

ޖަޒީރާ ގައުމުތަކުގެ މައްޗަށް އެކުލެވޭ އދ. ގެ ކޯލިޝަން އޮފް އެޓޯލް ނޭޝަންސް އޮން ކްލައިމެޓް ޗޭންޖް (ކޭންސީސީ)ގެ ރިޔާސަތާ ރާއްޖެއިން އިއްޔެ ހަވާލުވެއްޖެ އެވެ.

ތިމާވެއްޓާ ބެހޭ މިނިސްޓްރީން ނެރުނު ނޫސްބަޔާނެއްގައި ބުނީ ދުބާއީގައި މިހާރު ކުރިއަށް ގެންދާ ދުނިޔޭގެ މޫސުމީ ބަދަލުތަކާ ބެހޭ ކޮންފަރެންސް، ކޮޕް-28 ގައި އިއްޔެ ބޭއްވި ކޭންސީސީގެ ބައްދަލުވުމުގައި ރާއްޖޭގެ ފަރާތުން އެ ޖަމާއަތުގެ ރިޔާސަތާ ހަވާލުވެވަޑައިގަތީ ތިމާވެއްޓާ ބެހޭ މިނިސްޓަރު ތޯރިގު އިބްރާހީމް ކަމަށެވެ.

ކޭންސީސީ އަކީ އަތޮޅުތަކުގެ މައްޗަށް އެކުލެވޭ ފަސް ގައުމެއް ކަމަށްވާ ރާއްޖެ އާއި މާޝަލް އައިލެންޑްސް އާއި ކިރިބާސް އާއި ޓުވާލޫ އަދި ޓޮކެލާއޫ ގުޅިގެން އުފައްދާފައިވާ ކޯލިޝަނެކެވެ.

އެ ޖަމާއަތުގެ މައިގަނޑު މަގުސަދަކީ މޫސުމަށް އަންނަ ބަދަލުތަކުގެ ސަބަބުން ކުދި އަދި ބިންތިރި ޖަޒީރާ އަތޮޅުތަކުގެ މައްޗަށް އެކުލެވޭ ގައުމުތަކަށް ކުރިމަތިވާ ގޮންޖެހުންތަކުން އަރައިގަތުމަށް ކުރެވޭ މަސައްކަތްތަކުގައި ގުޅިގެން މަސައްކަތްކޮށް، އެ ކަހަލަ ގައުމުތަކުގެ ހާއްސަ ނާޒުކުކަމާ ގުޅޭ ގޮތުން ވަކާލާތު ކުރުމެވެ.

ތިމާވެއްޓާ ބެހޭ މިނިސްޓްރީން ބުނީ ކޭންސީސީގެ ރިޔާސަތާ ހަވާލުވެވަޑައިގަތުމަށް ފަހު މިނިސްޓަރު ތޯރިގް ދެއްކެވި ވާހަކައިގައި ޖަރީޒާ ގައުމުތައް އުފެދިފައިވާ ގޮތުގެ ސަބަބުން، މޫސުމަށް އަންނަ ބަދަލުތަކުގެ ސަބަބުން ލިބޭ ގެއްލުންތަކަށާއި ވަކިން ހާއްސަކޮށް އެ ކަހަލަ ގައުމުތަކަށް ދިމާވެފައިވާ ނާޒުކު ތިމާވެށީގެ މައްސަލަތަކަށް އަލިއަޅުއްވާލެއްވި ކަމަށެވެ.

Maldives is now the Chair of the Coalition of Atoll Nations on Climate Change #CANCC! The Chairmanship was handed over by the Republic of Marshall Islands today at the CANCC side event at #COP28UAE pic.twitter.com/dvYJm2QyXC
— Min. of Climate Change, Environment and Energy (@MoEnvmv) December 5, 2023

މޫސުމަށް އަންނަ ބަދަލުތަކަށް ހޭނުމަށާއި ލިބޭ ގެއްލުންތައް ކުޑަކުރުމަށް މަސައްކަތް ކުރުމަށާއި އަދި މިކަމުގެ ސަބަބުން ލިބޭ އިއާދަނުކުރެވޭ ގެއްލުންތައް ފޫބެއްދުމަށް އެޅިދާނެ ފިޔަވަޅުތަކާއި މި މަސައްކަތަށް ކުރެވިފައިވާ ރަނގަޅު ތަޖުރިބާތައް ހިއްސާ ކުރުމުގެ މުހިންމުކަމާ ގުޅޭ ގޮތުން ވެސް ތޯރިގު ވާހަކަދެއްކެވި ކަމަށް މިނިސްޓްރީން ބުންޏެވެ.

ތޯރިގު ވިދާޅުވީ މި މައްސަލަތަކުން އަރައިގަތުމަށް ޖަޒީރާ ގައުމުތައް ގުޅިގެން އެއްބައިވަންތަކަމާ އެކު މަސައްކަތްކުރުން ވަރަށް މުހިންމު ކަމަށެވެ.

ދުބާއީގައި މިހާރު ކުރިއަށް ގެންދާ ކޮޕް ސަމިޓުގައި މިދިޔަ ހުކުރު ދުވަހު ރައީސް ޑރ. މުހައްމަދު މުއިއްޒު ވެސް ވަނީ ތަގުރީރުކުރައްވައިފަ އެވެ. އެ ތަގުރީރުގައި ރައީސް ވަނީ މޫސުމީ ބަދަލުތަކާ ދެކޮޅަށް ދުނިޔެއިން ކުރާ މަސައްކަތުގައި ރާއްޖޭގެ ފުރިހަމަ އެއްބާރުލުން ލިބޭނެ ކަމުގެ ޔަގީންކަން ދެއްވައިފަ އެވެ.

އ.ދ. ތިމާވެށި ތޯރިގް އިބްރާހިމް (އެންވަޔަރުމެންޓް މިނިސްޓަރު) ކްލައިމެންޓް ޗޭންޖް، އެންވަޔަރުމެންޓް މިނިސްޓްރީ

13 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔާނިޢު

07 December 2023

ތިމާވެށި ކަންކަމަކީ މިހާރު ވަރަށް ކައިރިން ބަލަން ޖެހޭ ކަމެއް. ހާދަ ހޫނެކޭ މިވަނީ ދެން. ތޯރިޤު ތަފާތު ދައްކާނެ ކަމަށް މި ބަލަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަދާ ހަލީމް

07 December 2023

ގޮންޖެހުންތަކުގެ ވާހަކަ ދައްކައިގެން ހައްލުވާނީ، މިނިސްޓރ ތޯރިގު ވަރެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދާނިޝް ޒުހުރީ

07 December 2023

މިއީ ތިމާވެށީގެ ސަރުކާރެއް، އަދި ތިކަހަލަ ތަންތަނުގައި ވަކާލާތު ކުރުމަކީ އެތަކެއް ފައިދާ ކުރުވަނިވި ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރީފް މުހައްމަދު

07 December 2023

ތިމާވެށީގެ ހައްގުގައި ރައީސް މުއިއްޒު ސަރުކާރުން ކުރަން ޖެހުނު ކޮންމެ ކަމެއް ކުރާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީ

07 December 2023

ތިކަހަލަ ކަންކަމަށް ތޯބެ ވަރަށް ފަރިތަވާނެ، މޭކް އަސް ޕްރައުޑް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައްޗޭ ލަތީފް

07 December 2023

އެމްޑީޕީއަކީ ނަމުން ޖަޒީރާ، އެކަމަކު އެ ކޮންސެޕްޓް އެމީހުންނަކަށް ނޭނގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރު ސޮރު

06 December 2023

މިއީދެން ބައިވެރިވާން ޖެހޭ ގުރޫޕެއްތަ? އިތުރު އުނދަގުލެއްޖެހޭނީ. ދެން ރާއްޖެއަށްލިބޭ އެހީވެސް ޖެހޭނީ އެއްކަލަ ގުރޫޕަށް ބަހަން. އެތަންތަނަކީ އަބަދު ތޫފާންތަކުގެ އުނގަށްވެއްޓިފަ ތިބޭ ބައެއް. ޝައު މިކަހަލަ އެއްޗެއްގަ ބައިވެރިވީމަ ބައިވެރިވީ. ކީކޭ ބުނާނީ.މުޅިން ތިބީ " ލޭޑިސް އެންޑް ޑެންޓަލްމަން" .