ވިޔަފާރި / ހައުސިން، ލޭންޑް އެންޑް އާބަން މިނިސްޓްރީ

މާލޭ ދިރިއުޅޭ އެންމެންނަށް ފަސް އަހަރުގެ ތެރޭގައި ބޯހިޔާވަހިކަން ކަށަވަރު ކޮށްދިނުމަކީ އަމާޒެއް: ހައިދަރު

"އަމާން ދޯދި" މޮކް-އަޕް ދައްކާލުމަށް ބޭއްވި ރަސްމިއްޔާތުގައި މިނިސްޓަރު ހައިދަރު ވާހަކަދައްކަވަނީ -- ފޮޓޯ: ފަޔާޒް މޫސާ / މިހާރު

ފާތިމަތު ޝަނާ މުހައްމަދު، މިހާރު

13 ޑިސެމްބަރ 2023 - 20:59

77 comments

މާލެ ސަރަހައްދުގައި ދިރިއުޅޭ އެންމެންނަށް ކުރިއަށް އޮތް ފަސް އަހަރުގެ ތެރޭގައި ބޯހިޔާވަހިކަން ފަހިކޮށްދިނުމަކީ މި ސަރުކާރުގެ އަމާޒެއް ކަމަށް ހައުސިން މިނިސްޓަރު އަލީ ހައިދަރު މިއަދު ވިދާޅުވެއްޖެ އެވެ.

ފަހި ދިރިއުޅުން ކޯޕަރޭޝަން (އެފްޑީސީ) ގެ "އަމާން ދޯދި" ގެ މޮޑެލް އެޕާޓްމެންޓް ދައްކާލުމަށް ބޭއްވި ރަސްމިއްޔާތުގައި އޭނާ ވިދާޅުވީ، މާލެ ސަރަހައްދުގައި ދިރިއުޅޭ މީހުންގެ ބޯހިޔާވަހިކަމުގެ މައްސަލަ އަށް އެ މަޝްރޫއުގެ ސަބަބުން ލުޔެއް ލިބޭނެ ކަމަށެވެ.

މިނިސްޓަރު ވިދާޅުވީ 4،000 މީހަކަށް އެޕާޓްމެންޓް ލިބޭއިރު، ކުރިއަށް އޮތްތަނުގައި ރައީސް ޑރ. މުހައްމަދު މުއިއްޒުގެ ބޯހިޔާވަހިކަމުގެ ވައުދުގެ ތެރެއިން އެފަދަ އިތުރު މަޝްރޫއުތައް ފަށާނެ ކަމަށެވެ.

"އަމާޒަކީ އަޅުގަނޑުމެންގެ ފަސް އަހަރުގެ ދައުރު ނިމެންވާ އިރަށް މާލެ ސަރަހައްދުގައި ބޯހިޔާވަހިކަން ލިބިފައި ނުވާ އެއްވެސް އާއިލާއެއް އެއްވެސް ގޭބީސީއެއް ނެތުން. އެ އަމާޒަށް އަޅުގަނޑުމެން މަސައްކަތް ކުރާނަން،" ހައިދަރު ވިދާޅުވި އެވެ.

"އަމާން ދޯދި" ގެ މާސްޓަ ބެޑްރޫމް މިނިސްޓަރު ހައިދަރު އަދި މިނިސްޓަރު މުއްތޮލިބު ބައްދަލަވާ ލައްވަނީ -- ފޮޓޯ: ފަޔާޒް މޫސާ / މިހާރު

އޭނާ ވިދާޅުވި ގޮތުގައި، ހުޅުމާލޭގެ އިތުރުން ގުޅިފަޅާއި ގިރާވަރުފަޅުން ވެސް ކުރުމުއްދަތުގެ ގެދޮރުވެރިކަމުގެ ސިޔާސަތު ހާސިލުވާނެ އެވެ. ކުރިއަށް އޮތް 20 އަހަރަށް ބޭނުންވާ ބޯހިޔާވަހިކަން ހަމަޖެއްސުމަށް ފުށިދިއްގަރުފަޅު ތަރައްގީ ކުރާނެ ކަމަށް ވެސް ވިދާޅުވި އެވެ.

ފުށިދިއްގަރުފަޅު ޕްރޮޖެކްޓަކީ ރައީސް ޑރ. މުއިއްޒުގެ އެންމެ ބޮޑު ބޯހިޔާވަހިކަމުގެ މަޝްރޫއެވެ. އެ މަޝްރޫއު ދައުލަތުގެ އަންނަ އަހަރުގެ ބަޖެޓުގައި ހިމަނާފައިވީ ނަމަވެސް، އެކަން ވަނީ ކޮމިޓީ މަރުހަލާގައި އެމްޑީޕީ މެންބަރުން އިސްވެ ތިބެ އުނިކޮށްފަ އެވެ.

ހައިދަރު ވިދާޅުވީ، ފުށިދިއްގަރުފަޅު ހިއްކައިގެން ބޯހިޔާވަހިކަން ފަހިކޮށްދިނުމަކީ ސަރުކާރުގެ ވައުދެއް ކަމަށާއި އެ މަޝްރޫއު އިން ދަރިންގެ ދަރިންނަށް ވެސް ބޯހިޔާވަހިކަން ކަށަވަރު ކުރެވޭނެ ކަމަށެވެ.

ބޯހިޔާވަހިކަން ހުޅުމާލޭ ދެ ވަނަ ފިޔަވަހި ފަހި ދިރިއުޅުން ކޯޕަރޭޝަން ޑރ. އަލީ ހައިދަރު (ހައުސިން މިނިސްޓަރު) ހައުސިން، ލޭންޑް އެންޑް އާބަން މިނިސްޓްރީ

77 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައިޝަމް

14 December 2023

އުފާވެރި ހަބަރެއް. ޝުކުރިއްޔާ ރައީސް މުއިއްްޒް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

14 December 2023

އަނގަ އޮތިއްޔާ ކޮށްމެމީހަކަށްވެސް ތެޅިދާނެ. މިހާރު ތިހެން ސިޔާސީ މަގާމުތަކުގަ ތިބޭމީހުންދައްކާހާ ވާހަކައެއް ދިވެހިން ގަބޫލެއް ނުކުރާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޮލްހަތް މުހައްމަދު

14 December 2023

ޔާމީން ދައުރުގައި ފްލެޓް އެޅީވެސް މުއިޒްގެ މޭސްތެރިކަމުގައި. ދެންވެސް އެކަން ކުރާނީ ހަމަ އެ މުއިޒް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު ސަލީމް

14 December 2023

ރައީސް މުއިޒް ވާނެ ހަގީގީ ފްލެޓް ދޮންބެއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޭސަމްތިންގ

14 December 2023

މާލޭގައިއުޅޭ އެންމެނައް ގެދޮރުލިބުން މުހިއްމޯ.ކީކޭބުނާނީ.ފްލެޓްމިލިބެނީ މާލޭގައިފްލެޓެއް ނުވަތަ ގޯއްޗެއް ނުވަތަ 10ސްޓޯރީގެ ބިލްޑިންގއަކުން 1 ފްލޯރ ލިބިފަތިބި މީހުންނައް.ދެން މިމީހުން ފްލެޓް އަނެއްކާވެސް ބޮޑުއަގުގަ ކުއްޔައްމިދެނީ.ދެންވިސްނާ ހައްލުކުރާނެ ގޮތެއް.މިހެން ކުއްޔައް ދިނަސް އަޅާނެ އެޅޭނެ ފިޔަވަޅެއްނެތް.މިމިނިސްޓަރަކީ ރައީސް މުއިއްޒުގެ ކެބިނެޓްގަ ހުރިއެންމެ ވާނުވާނޭންގޭ ވަޒީރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ ނޫން ގޮތެއް

14 December 2023

އިބޫ އަކީ މި ގައުމުގެ ބޯހިޔާވަހިކަމުގެ ފުރިހަމަ ޕްލޭން އޮޅުން ބޮޅުންކޮށްލި ގައްދާރެއް. ރައްޔިތުން ފަސް އަހަރުތެރޭ ހަނާ ކޮށްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިންް

14 December 2023

ދިރިއުޅުން ވޭނަކަށްވެ ހިތާމައިގަ އުޅުނު ދުވަސް މާޒީވެ ދާތަން މާ ދުވަހެއްނުވެ ފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައިރާ

14 December 2023

އަތޮޅުތަކުން މީހުން މިތަނަށް އަންނަން މަޖުބޫރުވާ ހާލަތު އުފެއްދުން ހުއްޓާނުލާނީސް މާލެ ސަރަހައްދުގަ އުޅޭ އެންމެނަށް ބޯހިޔަވަހިކަން ދީ ކޮޅުންލާނެތަ؟ ގުދުރަތީ ވެށި ސުންނާފަތި ކޮށްގެން ބޯހިޔާވަހިކަން އުފައްދާ ނިމޭއިރު ބޯހިޔާވިޔަސް ސަލާމަތެއް ނޯންނާނެ. މިވަރުން ވީ ވިލް ބީ ކްލައިމެޓް ރެފިއުޖީސް ސޫނަރ ދެން ލޭޓަރ. އެއީ ތިހިއްކާ ރަށްތަކުގެ އަގަކީ!