އިލެކްޝަންސް ކޮމިޝަނުން މިއަދު ބޭއްވި މަޖިލިސް އިންތިހާބުގެ ގައުމީ ލަފާ ދޭ ކޮމިޓީން މިއަދު ބޭއްވި ބައްދަލުވުމުގެ ތެރެއިން -- ފޮޓޯ: ފަޔާޒް މޫސާ / މިހާރު
23 ޖެނުއަރީ 2024 - 12:23
9 comments
މި އަހަރުގެ މާޗު 17 ގައި ބާއްވާ ރައްޔިތުންގެ މަޖިލީހުގެ އިންތިހާބުގެ ވޯޓުލުން އެ ދުވަހުގެ ހެނދުނު 9 އިން ހަވީރު 5 އަށް އަށް ކުރިއަށް ގެންދަން އެ އިންތިހާބާ ގުޅޭ ގޮތުން އިލެކްޝަންސް ކޮމިޝަނަށް ލަފާދޭ ގައުމީ ލަފާދޭ ކޮމިޓީން މިއަދު ހުށަހަޅައިފި އެވެ.
އިދާރީ އަދި ގާނޫނީ ހުރަސްތަކެއް ހުރުމުން މި ފަހަރުގެ މަޖިލިސް އިންތިހާބު ބާއްވަން ނިންމާފައިވަނީ ރޯދަ މަހުގެ ދެ ވަނަ ހަފުތާގަ އެވެ.
ވޯޓުލާ ދުވަސް ދިމާވަނީ ރޯދަމަހާ ކަމަށް ވުމާ އެކު، ލަފާދޭ ކޮމިޓީގެ މިއަދު ބައްދަލުވުމުގައި އިލެކްޝަންސް ކޮމިޝަނުން ވަނީ އެ ކޮމިޓީގެ މެންބަރުންނަށް ފެންނަ ވަގުތެއް ހުށަހަޅަން އެދިފަ އެވެ.
އެ ފުރުސަތުގައި ހުރިހާ ސިޔާސީ ޕާޓީއަކުންނާއި މުއައްސަސާތަކުން ވެސް ބުނީ ވޯޓުލުން ބާއްވަން ފެންނަނީ އެ ދުވަހުގެ ހެނދުނު 9 އިން ހަވީރު 5 ޖަހަންދެން ކަމަށެވެ. އާންމުކޮށް އިންތިހާބުތަކުގެ ވޯޓުލުން ފަށަނީ ހެނދުނު 8 ޖަހާއިރު އެވެ.
ރައްޔިތުންގެ މަޖިލިހުގެ މި ފަހަރުގެ އިންތިހާބުގެ ވޯޓުލާން ފަށާ ގަޑި ލަސްކުރަން ކޮމިޓީން ހުށަހެޅީ ރޯދަމަސް ކަމަށް ވުމާ އެކު، އެހެން މަސްތަކާ ތަފާތުވާނެތީ ވަގުތު ދިނުމަށެވެ.
ކޮމިޓީގެ މެންބަރުން ވަނީ ރޯދަ ވީއްލަން ގެ އަށް ދެވޭހާ ވަގުތު ދީގެން، ވޯޓު ލާ ނިމޭ ގަޑި ކަނޑައަޅަން ޖެހޭ ކަން ފާހަގަކުރައްވައިފަ އެވެ. ފުލުހުން ވެސް ވަނީ ރޯދަ ވީއްލާ ގަޑިއާ މާ ވަގުތު ކުޑަތަން ކޮށްފައި ވޯޓުލުން ބަންދުކުރާ ނަމަ، މައްސަލަތަކެއް ކުރިމަތިވެދާނެ ކަން ފާހަގަކޮށް، ހަވީރު 5 ޖަހާއިރު ވޯޓުލުން ބަންދު ކުރުމަކީ އެކަށީގެންވާ ވަގުތު ކަމަށް ފާހަގަކޮށްފަ އެވެ.
ގައުމީ ލަފާދޭ ކޮމިޓީގެ ހުށަހެޅުންތަކަށް ބަލައި، ގޮތް ނިންމާނީ އިލެކްޝަންސް ކޮމިޝަނުންނެވެ.
ވޯޓުލާ ވަގުތާ ގުޅޭ ގޮތުން މެންބަރުން ވަނީ ވޯޓުލާ ވަގުތު އިތުރުކޮށް ނުވަތަ އިތުރު ބަދަލެއް ނުގެނައުމަށް އެދިފަ އެވެ.
އެކަމާ ގުޅިގެން އިލެކްޝަންސް ކޮމިޝަންގެ ނައިބު ރައީސް އިސްމާއީލް ހަބީބް ވަނީ މި ފަހުން ބޭއްވި އިންތިހާބުތަކުގައި ވެސް އަމަލު ކޮށްފައި ވާނީ އެގޮތަށް ކަން ފާހަގަކުރައްވައި އެ ހުށަހެޅުމަށް ތާއީދު ކުރައްވައިފަ އެވެ.
މި ފަހަރުގެ ރައްޔިތުންގެ މަޖިލިހުގެ އިންތިހާބު ބާއްވަނީ ކަލަންޑަރުގައި މިހާރު އޮތް ގޮތް ރަސްމީ ދުވަހެއްގައި ކަމަށް ވާތީ، އެ ދުވަސް ބަންދު ކޮށްދިނުމަށް ސަރުކާރުގައި އެދިފައިވާ ކަމަށް އިލެކްޝަންސް ކޮމިޝަނުން މިއަދުގެ ބައްދަލުވުމުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްރާ
24 January 2024
ރާއްޖޭގެ އެންމެންގެ މެދުގައި ގުރުއަތު ލައިގެން ބަޔަކު ހޮވަންވީ. އެއްވެސް އިލްމީ ފެންވަރު ބޭނުންވާ ކަމެއްނޫން ތިއަކީ. ބޮޑު ޚަރަދުކޮށްގެން 5އ ދައުލަތުގެ ޚަރަދުގައި ބަޔަކަށް ނުހައްގު ތަނަވަސްކަން ދޭންވެގެން ހިންގާ ރަނގަޅު ނޫންކަމެއް ތިޔައީ. ހޮވުމަށްފަ އުޅެނީވެސް އެމީހަކު ހިތަށްއެރިގޮތަކަށް. ބަހާއި އަމު ދިމާނުކުރިއަސް އޯކޭ.
ްއުސްމާނުބެ
23 January 2024
ތިޔަކަމަކާ ނުވިސްނަން ، ކަލޭމެން ރޯދަމަހު ވޯޓުލާންދޭ
ޖާނޭ
23 January 2024
ގޮނޑި ނީލަމަށް ލާންވީ. އެންމެ ބޮޑު އަގު ދޭމީހަކަށް ލިބޭ ގޮތަށް. ދެން އެފައިސާ ދާއިރާގެ ވޯޓް ލެވޭ އެންމެންނަށް ބަހާލާނީ .
ޓެރސް
23 January 2024
6 އިން 3 އަށް ވޯޓުލާބަލަ. އެއިރުން ގުނަގުނާ ތިބެން ނުޖެހޭނެ 12 ޖަހަންދެން
ކޮރަލް
23 January 2024
ފުރަތަމަ ކުރިމަތި ލެވޭ ތައުލީމީ ފެންވަރެއް ކަނޑަ އަޅަން ވީ އެވެ. ގިނައީ ބިލް ތައް ޑްރާފްޓް ކޮށްފަ ގެންދިޔައީމަ ވޯޓް ދޭ މީހުންނެވެ.
ހުލި
23 January 2024
ރަސްމީ ދުވަހެއްގައި ވޯޓްލާން ނިންމީ ކޮން ސަބަބަކާ ހުރެތޯއެވެ. އެއް ދުވަސް ކުރިޔަށް ޖައްސާ ހޮނިހިރު ދުވަހު ވޯޓްލާގޮތަށް ނުހެދީ ކީއްވެހެއްޔެވެ. މިހާރު ތިހަދާ ގޮތުން އާދީއްތަ 17 މާރިޗް ހޯމަ 18 މާރިޗްވެސް ބަންދު ކުރަންޖެހޭނެއެވެ.
ވޯޓ
23 January 2024
ވޯޓުލާކަށް ނުދާނަން. އަހަރެންގެ ބައިވެރިވުން ތި ޖަމުގަ ބާެްވާ ކަށް ބޭނުމެއްނޫން. ވަރިހަ ކޮންމެ މީހަކު ހޮވުނަސް.
ރޯޒަސް
23 January 2024
7 އިން ފަށަންވީ
ނެކްސްޓް
23 January 2024
ޥޯޓު ނުލާ ހުރިހާ ގޮނޑިއެއްގައި ސޭލް އަޅުވަން ފެނޭ. ޥޯޓުލައިގެން ހޮވުމުގެ މާކަބޮޑު ބޭނުމެއް އޮތް ހެނެއް ހިޔެއް ނުވޭ.