މާލޭގެ މަގުތަކުން ދޫކުރި ޕާކިން ޖާގައާ ގުޅޭ މައްސަލަ ރިވިއުކުރަން ޝަކުވާއަށް ހުޅުވާލައިފި

މަގުމަތީގައި ކާރުތަކެއް ޕާކްކޮށްފައި. މަގުތަކުން ދޫކުރި ޕާކިން ސްލޮޓާ ގުޅޭ ޝަކުވާއަށް ވަނީ ހުޅުވާލާފައި.-- ފޮޓޯ: ފަޔާޒު މޫސާ/ މިހާރު

އާސިމާ ނިޒާރު، މިހާރު

30 ޖެނުއަރީ 2024 - 10:42

11 comments

ހަތަރު ފުރޮޅުލީ އުޅަނދުތަކަށް މާލޭގެ މަގުމަތިން ދޫކުރި ޕާކިން ޖާގަތަކާ ގުޅޭގޮތުން ޝަކުވާ ހުށަހަޅަން، ސިޓީ ކައުންސިލުން ހުޅުވާލައިފި އެވެ.

އެ ކައުންސިލުން ކުރި އިއުލާނުގައި ބުނީ ޕާކިން ސްލޮޓް ލިބުނު މެސެޖަށް ފަހު އިތުރު މުއާމަލާތެއް ނުކުރާ މީހުންނާއި ޕާކިން ސްލޮޓް ލިބުނުކަން އެންގުމަށް ފަހު އެއްބަސްވުން ނުހަދާ އަދި އެކަމާ ގުޅޭ އިތުރު ޝަކުވާތައް ހުރި ނަމަ، ޝަކުވާ ހުށަހަޅާ ޕޯޓަލް މެދުވެރިކޮށް އަންނަ މަހުގެ 5 ވަނަ ދުވަހުގެ ކުރިން ހުށަހަޅަން ވަނީ އެދިފަ އެވެ.

މިހާރުގެ ރައީސް ޑރ. މުހައްމަދު މުއިއްޒު، މާލޭގެ މޭޔަރަކަށް ހުންނެވިއިރު ވަނީ މާލޭ މަގުތަކުން ޕާކިން ސްލޮޓުތައް ކުއްޔަށް ދޫކޮށްފަ އެވެ. ނަމަވެސް، އޭރު އެކަން ކުރި ގޮތުން ވެސް ގިނަ ބައެއްގެ ހިތްހަމަނުޖެހުންތަކެއް ހުއްޓެވެ.

ސިޓީ ކައުންސިލްގެ މީޑިއާ އޮފިޝަލަކު ވިދާޅުވީ، ޕާކިން ސްލޮޓްތަކާ ގުޅޭގޮތުން ގިނަ ޝަކުވާތައް އެބަހުރި ކަމަށެވެ. ޖާގަ ލިބުނު މީހުން ދައްކަންޖެހޭ ފީ ނުދެއްކުމާއި ބައެއް މީހުންނަށް ޖަވާބު ނުދީ އަދި އުސޫލުތަކާ ހިލާފަށް ވެސް ދީފައި އެބަހުރި ކަމަށް އޭނާ ވިދާޅުވި އެވެ.

އެހެންވެ، އެ ކައުންސިލުން ވަނީ ޕާކިން ސްލޮޓްތައް ދޫކުރި ގޮތް ރިވިއުކުރަން ނިންމައިފަ އެވެ.

މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން "މިހާރު"ން ހުށަހެޅި މައުލޫމާތާ ގުޅިގެން، ސިޓީ ކައުންސިލުން މިދިޔަ އޮގަސްޓް މަހު ބުނީ، ޑިޕްލޮމެޓިކް މިޝަންތަކާއި ވިޔަފާރިވެރިންނާއި ސަރުކާރުގެ އިސް މަގާމުތަކުގައި ތިއްބެވި ބޭފުޅުން އަދި އާންމުންނަށް މިދިޔަ މެއި މަހާ ހަމައަށް 776 ޕާކިން ސްލޮޓް ދޫކޮށްފައިވާ ކަމަށެވެ.

އޭގެ ތެރޭގައި ހިމެނެނީ ޕްރައިވެޓް ވެހިކަލްތަކާއި ޓެކްސީތަކަށް ދޫކުރި 713 ސްލޮޓާއި ޑިޕްލޮމެޓިކް މިޝަންތަކާއި ވިޔަފާރިތަކާއި ސަރުކާރުގެ ވެރިންނަށް ދޫކުރި 63 ޖާގަ އެވެ.

ޕާކިން އަށް ދޭ ޖާގައިގެ ކުލި އުޅެނީ 750ރ. އާއި 3،000ރ. އާ ދެމެދުގަ އެވެ.

މާލެ ސިޓީ ކައުންސިލް ޕާކިން އާދަމް އާޒިމް (މާލޭގެ މޭޔަރު)

11 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބްރާ1

31 January 2024

މީސްމީހުންގެ ނަމުގަ ހުރި ގަރާޖް ތައް ވެރިފަރާތަށް ނޭގި ވިއްކާފަ ވަނީ ކިތައް ގަރާޖުތޯވެަް ބަލާލަ ދީބަލަ. ތިތާތިބި ކައުންސިލަރުން ނަކީ ރަތްލާޖެހި ބޮޑެތި ….!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަކުވާ

31 January 2024

އަޅުގަނޑުގެ ޝަކުވާ: މަގުމައްޗަކީ ޕަބްލިކް ގުޑްއެއް، މަގުމަތި ތަންކޮޅެއް ވިޔަސް ވަކި ފަރުދަކަށް އެކަނި ބޭނުންކުރެވޭ ގޮތަކަށް ނެހެދޭނެ، މަގު ބައްތި އަކީވެސް މި ގޮތަށް ޕަބްލިކް ގުޑްއެއް، އެއިން އެންމެނަށް އަލިކަން ލިބޭނެ. މަގުމަތީން ސްލޮޓް ވިއްކީމަ ބޭނުން މި ކުރެވެނީ އެމީހާއަށް އެކަނި. ޕާކިންގްއަށް ވަކި ބިންބިން (މަގުމަތި ނޫން ތަނެއް) ހަދާފަ ވިއްކިޔަސް އޯކޭ، ނޫނީ ފައިސާ ދީގެން މީޓަރުލައިގެން މަގުމަތީން އެންމެންނަށް ޕާކް ކުރެވޭ ސްލޮޓް ނިޒާމެއް ގެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމްޒީ ކޯރު

31 January 2024

ބުހުތާނު ދޮގެއް ކައުންސިލުން ހެދި. އެއިރު ވެސް 1000 އަށް ވުރެގިނަ ސުލޮޓް ވިއްކާފަ ހުރީ. މަގުމަތީގައި އުޅޭ ބަޔަކަށް ފެންނާނެ ނަމްބަރު ތައް ވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހިމް ހައިވާން

31 January 2024

ޕާކިންތައް ވަގުތުންވަގުތަށް އުވާލަންޖެހޭ. ބައެއްމީހުންގެ ގޭ ބައެއްހެން އެތަންކޮޅުން މީހަކު ހުރަސްވެސް ނުކުރެވޭ ރޯނިދަމާ ބަންދުކޮށް. ޕާކިން ނުލިބޭ މީހުން ގިނައީ އެމީހުން ޕާކުކޮށްލާނެ ތަންކޮޅެއް ނެތިގެން ގަނަތެޅެނީ އެއްކަލަ ޕާކިން ޒީނު 3 ދުވަސް ވަންދެން ހުސްކޮށް އޮތަސް. ފްރީ ޕާކިން އޮންނަންޖެހޭނެ އެކަމަކު އެއްކަލަ ގޭންގްއާތުން ޢެތަން ހިފާ ޕެލަޓްއެޅިޔަދީގެން ނުވާނެ. ފްޑްކޯޓުތައްފަދަ އެންމެން ދާ ތަންތާ ޕޭޕާކިން ނީޒާމެއް ގާއިމްކުރުން އޯކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިކުނޑި

30 January 2024

ސިޓީކައުންސިލުން ވަރަށް ތަފުސީލުކޮށް ތިކަން ހިނގައި ދިޔަގޮތް އިތުރަށް ދިރާސާ ކުރުމަށްފަހު ކަމާބެހޭ ފަރާތްތަކަށް ހުށަހަޅަންޖެހޭނެ! ތިކަމަކީ، އެނގިތިބެ ގުޅިގެން ހިންގާފައިވާ ޖަރީމާއެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕްރޮފެސަރ. ތާކިހާބެ

30 January 2024

ޕާކިން އެކަންޏެއް ނޫން . ކައުންސިލް އިން ހިންގާފައިވާ ގިނަ ޕްރޮޖެކްޓް ތަކަކީ މިގޮތަށް ހިންގާ ފައިވާ ކަންކަން..މިސާލަކަށް މާލޭ އަދި ހުޅުމާލެ މިސްކިތް ތައް ސާފުކޮށް ބެލެހެއްޓުމުގެ މަސައްކަތް ދީފައިވަނީ ވެސް މިފަދަ ގޮތަކަށް . މޭޔާ ޖެހޭ މިހުރިހާ ކަމެއް ބަލާ ފިޔަވަޅު އަޅަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިކަނޑި

30 January 2024

ތިޔަ މިސްކިތް ތަކުގައި އެންމެ މީހަކު ލައިގެން ކުރާކަމެއް ނެތޭ ބުންޏަސް ވަރިހަމަ. ތިޔަ ކޮންޓްރެކް ތައް ނަގައިގެން އުޅެނީ ޕާޓީ އަށް ބައި އަޅަން ޕާޓީ ކުދިންކޮޅު . މަހަކު އެތަށް ލައްކަ ރުފިޔާ ބަޖެޓުން އެބަނަގާ މިކަންވެސް ބަލަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓާރ. ބަނާނާ

30 January 2024

މިއުޑު ދަށުގައި ވާ ކޮން ގައުމެއް ގައިތޯ ޓެކްސް ނަގައިގެން ތިޔަ ގޮތަށް ވަކި ވެހިކަލަކަށް އުމުރު ދުވަހަށް ދުއްވަން އޮންނަ ހަނި މަގު ވިއްކަނީ.؟ މަގުމަތީގައި ޕާރކުކުރާނަމަ ހަމަ ހަމަ އުސޫލުން ގަޑިއަކަށް ވަކިވަރަކަށް ފައިސާ ނަގައިގެން އެންމެނަށް ޕާރކުކުރެވޭނެ ގޮތަށް ފުރުސަތު ދޭންޖެހޭ ނޫނީ ތިޔަކަން ހުއްޓާލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޭ ބަޔަކު ކައިފި

30 January 2024

މި ގޭގެ ވެރިފަރާތަށް ނޭނގި، ސިޓީ ކައުންސިލުން 2023 ވަނަ އަހަރު ގިނަ ވެހިކަލްތަކަކަށް މި ގެއަށް ގަރާޖު ހުއްދަ ދޫކޮށްފައިވާ ކަން ފަޅާއެރުމުން އެކަން ހައްލުކުރަން ސިޓީ ކައުންސިލްގެ އިދާރާގެ ލޭންޑް ރެޖިސްޓްރޭޝަން ސެކްޝަނަށް ޝަކުވާ ހުށަހަޅައިގެން އުޅޭތާ މަހެއް ވެއްޖެ. އެކިފަހަރު އެކިގޮތްގޮތަށް ވާހަކަދައްކައި އެކި ބަހަނާތައް ދައްކަމުން ދަނީ. އެކަން ހައްލުކޮށްނުދީ ލަސްކުރަމުން ދަނީ. މިއީ ޢާންމުންނަށް ޚިދުމަތްދިނުމުގައި އިހުމާލުވުން ނޫން ދެން ކޮންކަމެއް.