އެފްއެސްއެމްގެ ޕެޓްރޯލް ޝެޑަކުން ސައިކަލަކަށް ތެޔޮ އަޅަނީ -- ފޮޓޯ: މިހާރު
27 މެއި 2024 - 09:25
7 comments
އެސްޓީއޯ އިން އަނެއްކާ ވެސް ތެލުގެ އަގު ހެޔޮކޮށްފި އެވެ.
އެސްޓީއޯއިން ބުނީ ތެލުގެ އަގު ހެޔޮ ކުރީ ދުނިޔޭގެ ބާޒާރުގައި ތެޔޮ ގަންނަން ލިބޭ އަގު ހެޔޮވުމުން ކަމަށެވެ. މިފަހަރު ގެނައި ބަދަލާ އެކު ޑީސަލް ލީޓަރަކުން 70 ލާރި އަދި ޕެޓްރޯލް ލީޓަރަކުން 35 ލާރި ވަނީ ކުޑަކޮށްފަ އެވެ. އެހެންވެ މިއަދުން ފެށިގެން ފެޓްރޯލު ލީޓަރެއް ވިއްކާނީ 13.98ރ. އަށް އަދި ޑީސަލް ލީޓަރެއް 13.92 ލާރިއަށެވެ.
އެސްޓީއޯއިން ތެލުގެ އަގަށް އެންމެ ފަހުން ބަދަލު ގެނެސްފައި ވަނީ މިދިޔަ ޑިސެމްބަރު މަހު އެވެ. އެފަހަރު ޕެޓްރޯލް ލިޓަރެއް 14.73ރ. އިން 14.33ރ. އަށް ކުޑަ ކުރި އެވެ. އަދި ޑީސަލް ލީޓަރެއްގެ އަގު ވަނީ 15.07ރ. އިން 14.62ރ. އަށް ކުޑަކޮށްފަ އެވެ.
އެސްޓީއޯއިން ބުނީ އެ ކުންފުނިން އަބަދުވެސް މަސައްކަތް ކުރަނީ ހިދުމަތްތައް ހުއްޓުމެއް ނެތި ދެމެހެއްޓެނިވި ގޮތެއްގައި ފޯރުކޮށްދިނުމަށް ކަމަށެވެ.
ދުނިޔޭގެ ބާޒާރުގައި ތެލުގެ އަގަށް އަންނަ ބަދަލާ ގުޅިގެން އެސްޓީއޯއިން ދޭތެރެ ދޭތެރެއިން ތެލުގެ އަގަށް ބަދަލު ގެނެ އެވެ. މި ވަގުތު ދުނިޔޭގެ ބާޒާރުގައި ތެޔޮ ފީފާއެއް ލިބެން ހުރީ 83-77 ޑޮލަރާ ދެމެދުގެ އަގެއްގަ އެވެ.
މި އަގުތަކުގެ ހަގީގީ އަސަރު އާންމުންނަށް ނުކުރަނީ ސަރުކާރުން ތެޔޮ ސަބްސިޑީ ދޭތީ އެވެ. މިދިޔަ އަހަރު ވެސް ތެލުގެ ސަބްސިޑީ އަށް 1.9 ބިލިއަން ރުފިޔާ ހޭދަކުރި އެވެ. އަދި މި އަހަރު ތެލުގެ ސަބްސިޑީ އަށް 770 މިލިއަން ރުފިޔާ ކަނޑައަޅާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަގަޅު
27 May 2024
ސަރިކަލަށް ޕެޓްރޯލް އަޅާއިރު 1 ރުފިޔާ އަގުހެޔޮވެއްޖެ.
ކޮބާ
27 May 2024
ކޮބާ ޓެކްސީ ޑްރައިވަރުން...........
ތިކަމެއް ނުވާނެ
27 May 2024
އަގު ޙެޔޮވީމަ ޓެކްސީ ކުރާމީހުންގެ ދިރިއުޅުމުގެ ކަންކަމޭ އެވެނި މިވެނި އެއްޗެކޭ ކިޔާފަ ކުޑައެއް ނުވާނެ. ތެޔޮ އަގުބޮޑުވީ އެބައި މީހުނަށް ނޭވާވެސް ނުލެވޭނެ. ދެފައި އެއްތާ ނުޖަހާ މުޒާހަރާކޮށް އެގޮތް މިގޮތުން އެ ބޮޑުކޮށްފަ ނޫނީ ހުއްޓާނުލާނެ.
ސައްލެމި
27 May 2024
ނަސީބެއް ރޭގަ ތެޔޮ ނޭޅުނުކަން
އޮނަރަބްލް އަފީފު ދީދީ
27 May 2024
ތެލުގެއަގު ހެޔޮކުރެވޭނީ ކ.އަތޮޅު މާލެސަރަޙައްދަށް އެކަނި ތެޔޮޖަމާކުރުމުގެ ބަދަލުގައި އުތުރުން ހަނިމާދޫ އަދި ދެކުނުން ލ.ފޮނަދޫ ނުވަތަ އައްޑޫސިޓީ ހުޅުދޫގައި އެންމެ މަދުވެގެން 3 މަސް ދުވަހަށް އެސަރަޙައްދުތަކަށް ބޭނުންވާ ތެޔޮ ރައްކާކުރެވޭގޮތަށް ތާނގީ ބަހައްޓާފައި ސީދާ އެތަންތަނަށް ރާއްޖެއިން ބޭރުން ތެޔޮގެނެވޭނެ އިންތިޒާމް ތައް ހަމަޖައްސައިގެން. މިކަން ކޮށްފިނަމަ މަސްވެރިންނަށާއި ކަރަންޓަށް ދައުލަތުންދޭ ސަބްސިޑީޒް އިންވެސް އެތައްތަނެއް ސަލާމަތްވާނެ.
އޮނަރަބްލް އަފީފު ދީދީ
27 May 2024
ޕެޓްރޯލް، ޑީސަލްގެ އިތުރުން ރާއްޖެއަށް 3 މަސް ދުވަހަށް ބޭނުންވާ ޖެޓް ފިއުލް ސްޓޯރކުރުމަށްޓަކާ ކ.މާލޭ އެއަރޕޯޓްގެއިތުރުން ހަނިމާދުއާއި GAN International Airport ގައި ވެސް 80 މިލިޔަން ގެލަން ތެޔޮ ރައްކާ ކުރެވޭނެގޮތްހަދާ ބައިނަލްއަޤުވާމީ 3 އެއަރޕޯޓްގެ ފިއުލް ސްޓޯރޭޖް އެންމެ ޒަމާނީފެންވަރަށް ތަރައްޤީކޮށް ހިންގާން ދައުލަތާއިރައްޔަތް ޙިއްސާވާ ކުންފުނި State Trading Organizations އާއިއެކު 50 އަހަރުގެއެއްބަސްވުމެއް ސަރުކާރުން އެކުލަވާލުން ވަރަށްމުހިންމު.
އޮނަރަބްލް އަފީފު ދީދީ
27 May 2024
މަތީގައި ދެންނެވި ފަދައިން ޑީސަލް، ޕެޓްރޯލް، ކަރާސީނު އަދި ޖެޓްފިއުލް އެތެރެކޮށް މިދެންނެވި ރަށްތަކާއި (އެހެން ރަށްރަށަށް އެސްޓީއޯގެ އޭޖަންޓުން ކަޑައެޅުން ރަނގަޅު) ރާއްޖޭގެ ބައިނަލް އަޤުވާމީ 3 އެއަރޕޯޓްގައި ވިއްކާ ޖެޓްފިއުލްގެ ހިދުމަތް ދޭނީ އެސްޓީއޯއިން ކަމަށް ކަޑައެޅުމުން އެކުންފުނިން ސައުދީ، ޤަތަރު، ކުވެއިތު ތުރުކީ، އަދި އިޤިރޭސި، އެމަރިކާފަދަ ޤައުމުތަކުގެ ތެޔޮކުންފުނިތަކާއިއެކު ކޮންޓްރެކްޓް ހަދާ އަދި އެހީ ހޯދައިގެން ސްޓޯރޭޖް ތަރައްޤީ ކުރާނެ.