ނ. ފޮއްދޫގައި މި ކުރަނީ އެހެން ރަށްރަށުން ނުފެންނަ، ވަރަށް ތަފާތު ކަމެކެވެ. އެ ރަށުގައި މިހާރު އެންމެނަށް ހިލޭ ކޮފީ ލިބެ އެވެ.
ފޮއްދޫ މީހަކު ބުނީ މިކަމަކީ އެ ރަށުގައި ވަރަށް ކުރިއްސުރެ ކުރަމުން އަންނަ ކަމެއް ކަމަށެވެ.
"މިއީ މި ރަށުގައި އަބަދުވެސް ކުރަމުން އަންނަ ކަމެއް. އެންމެނަށް ވެސް ކޮފީ ދޭނީ ހިލޭ. ނުނަގާނެ ކޮފީ އަކަށް ފައިސާއެއް. ރަށުގެ ރައްޔިތުންގެ މެދުގައި އެކުވެރިކަން އާލާކުރުމަށްޓަކައި ކުރާ ކަމެއް އެއީ،" އޭނާ ބުންޏެވެ.
ފޮއްދޫ އަކީ އާބާދީގައި 200 ވަރަކަށް މީހުން ދިރިއުޅެމުން އަންނަ ކުޑަކުޑަ ރަށެކެވެ.
އާންމުންގެ މެދުގައި އެކުވެރިކަން އާލާކުރުމުގެ ގޮތުން އެ ރަށުގައި ދިރިއުޅެމުން އަންނަ ކޮންމެ މީހަކަށް ވެސް ރަށުގެ ކޮފީ ޝޮޕުތަކުން ހިލޭ ކޮފީ ލިބެ އެވެ.
އެ ރަށުގައި އާންމުކޮށް ކަޅު ކޮފީ ތައްޓެއް ގަންނަން ލިބެނީ 10ރ. އަށެވެ.
"މިއީ ރަށު ފެންވަރުގައި ބަޔަކު ކުރާނެ ވަރަށް ރަނގަޅު ކަމެއް،" ކުރިން ވާހަކަ ދެއްކި މީހާ ބުންޏެވެ.
