މެޑިކަލް ޗެކަޕް ހެދުމަށް މީހެއްގެ ގައިން ލޭ ނަގަނީ.-- ފޮޓޯ: އައިޖީއެމްއެޗް
03 ޖުލައި 2024 - 11:48
16 comments
ބޮޑެތި ބަލިތައް ޖެހޭ މީހުން އިތުރުވަމުންދިޔަ ނަމަވެސް މެޑިކަލް ޗެކަޕް ހެދުމަށް އެންމެ އެކަށީގެންވާ ތަރުހީބެއް ނުލިބޭ ކަމަށް، އެންސްޕާގެ ސީއީއޯ ހީނާ ވަލީދު ރޭ ވިދާޅުވެއްޖެ އެވެ.
ޕީއެސްއެމްގެ "ރާއްޖެ މިއަދު" ޕްރޮގްރާމްގައި ހީނާ ވިދާޅުވީ އަހަރަކު ދެ ފަހަރު ހިލޭ މެޑިކަލް ޗެކަޕް ހެދޭ ގޮތަށް އުސޫލު ބަދަލު ކުރުމުން އާއްމުންނަށް ބޮޑު ފައިދާއެއްވާނެ ކަމަށެވެ.
މެޑިކަލް ޗެކަލް ހެދުމުން، ބަލީގައި ބޮޑުވަރުވުމުގެ ކުރިން ބައްޔެއް ޖެހިފައި ހުރިކަން ދެނެގަނެވޭ ކަމަށާއި އޭގެ ކުރިން ސިއްހީ މައްސަލައެއް އުޅޭކަން އެނގެނީ، އުނދަގުލެއް ވެގެން ޑޮކްޓަރަށް ދައްކައިގެން ކަމަށް ހީނާ ވިދާޅުވި އެވެ.
ޒުވާން އުމުރުގައި ވެސް ބޮޑެތި ބަލިތައް ޖެހޭ މީހުންގެ އަދަދު އިތުރުވަމުންދިއަސް، މެޑިކަލް ޗެކަޕް ހެދުމަކީ ޒުވާނުން އެހާ ސަމާލުކަން ދޭ ކަންކަމެއް ނޫންކަން ހީނާ ފާހަގަކުރެއްވި އެވެ. ނަމަވެސް، ހިލޭ އެކަން ވާނަމަ ޗެކަޕް ހަދަން ބާރު ލިބޭ ކަމަށާއި ރައްކާތެރިކަމުގެ ފިޔަވަޅުތައް ނެގުމަށް ޗެކަޕް ހެދުމަކީ ވަރަށް މުހިއްމު ކަމެއް ކަމަށް ހީނާ ވިދާޅުވި އެވެ.
އެ ހުރިހާ ކަމެއް ހުއްޓަސް، އެންސްޕާއިން ބުނީ މެޑިކަލް ޗެކަޕް ހަދަން އެންމެ ބޭނުންވާ ތަރުހީބެއް ނުލިބޭ ކަމަށެވެ.
މެޑިކަލް ޗެކަޕްގެ މައުލޫމާތު ދިނުމަށް މިދިޔަ ޖެނުއަރީ މަހު ބޭއްވި ޕްރެސް ކޮންފަރެންސްގައި، އާސަންދައިގެ އެމްޑީ ޒީނިޔާ (ކ)، އެންސްޕާގެ ސީއީއޯ ހީނާ އަދި ދަރުމަވަންތައިގެ ސީއީއޯ ހަލީމް ބައިވެރިވެވަޑައިގަންނަވަނީ.-- ފޮޓޯ: އެންސްޕާ
"މިހާތަނަށް އަޅުގަނޑުމެންނަށް ލިބިފައި ހުރި ސްޓެޓްސްއަށް ބަލާއިރު މާ ބޮޑު ތަރުހީބެއް ނުލިބޭ އަޅުގަނޑުމެން އެންމެ ބޭނުންވާ ގޮތަކަށް. ނަމަވެސް، މެޑިކަލް ޗެކަޕްގެ އެހީ ވަރަށް ގިނަ ބޭފުޅުން ހޯދަމުންދާކަން ވެސް ފާހަގަކުރަން...އެކަމަކު، އެންމެ ބޭނުންވާ މިންވަރަކަށް ޗެކަޕް ހެދުމުގެ ބައި އެހާ ކުރިއަކަށް ނުދޭ،" ހީނާ ވިދާޅުވި އެވެ.
މެޑިކަލް ޗެކަޕް ބައްޓަންކޮށްފައިވަނީ، ކަމާ ގުޅޭ ޑޮކްޓަރުންގެ މަޝްވަރާތަކާ އެކު، އެންމެ ގިނަ ދިވެހިން ފަރުވާ ހޯދާ ބަލިތައް ދެނެގަނެވޭނެ ގޮތަށެވެ.
އޭގައި، ހިތާއި ކިޑްނީ ބަލިތަކާއި ކެންސަރު، އަދި ފުއްޕާމޭގެ ބަލިތަކުގެ އިތުރުން ހަކުރު ބަލި ހިމެނެ އެވެ.
އާސަންދައިގެ ތެރެއިން މެޑިކަލް ޗެކަޕް ހެދޭނީ ސަރުކާރުގެ ހެލްތު ސެންޓަރާއި ކްލިނިކް އަދި ހޮސްޕިޓަލްތަކުން އެކަންޏެވެ. އެ ފުރުސަތު 35 އަހަރުން މަތީގެ މީހުންނަށް މިހާރު ވަނީ ހުޅުވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުސްކުޅިމީހާ
03 July 2024
އަޅުގަނޑު ޑރ. އަށް ދެއްކުމުންވަނީ ސީޓީ ސްކޭންއެއް ހަދަން ދީފައެވެ. ހުޅުމާލެހޮސްޕިޓަލްގެ ކައުންޓަރަށްގޮސް ޑރ.ގެލިޔުން ދެއްކުމުން ބުނީ މިތަނުން ތިސްކޭން ހެދެންނެތް ކަމަށެވެ. ސްކޭން މެޝިން ހުރީ ހަލާކުވެފައިކަމަށެވެ. އަޅުގަނޑުމެން ނިކަމެތި ރައްޔިތުން އޭޑީކޭ ނުވަތަ ޓްރީޓޮޕް ހޮސްޕިޓަލަށް ދައްކާނީ ކިހިނެތޯއެވެ.
ދިވެހި79
04 July 2024
އައި. ޖީ. އެމް. އެޗް.
ލީނާ ވަހީދު
03 July 2024
ސަރުކާރު ހޮސްޕިޓަލަކުން ޚިދުމަތެއް ހޯދޭނީ ކިޔޫގައި ޤަރުނަކު މަޑުކޮށްގެން
އަފްރާސިޔާބު
03 July 2024
ތިޔަ މެޑިކަލްޗެކަޕްގެ ކިއުގައި 4 މަސްވާންދެން ހުންނަންޖެހުނު ސީޓީ ސްކޭނެއް ހަދަންވެގެން. އެހެންވީމާ މީހާ މަރުވާ ފަހުން ގިނަމީހުންނަށް ލައްވާލާނީ. އަހަރެން އިންޑިއާ އިން 24 ގަޑިއިރުތެރޭ ހުރިހާ ޓެސްޓެއް ހެދިން.
ާިއަލިދަރި
03 July 2024
އަޅުގަނޑު ނޯޓުކޮށްގެން ހުޅުމާލެ ހޮސްޕިޓަލުން ޓެސްޓްތައް ހެދިފަހުން، މިހާރު ދެމަސްވަނީ. އަދި ހަބަރެއްނުވޭ ލިސްޓް ދިގުކަމުން.
ހުސްވަނީ
03 July 2024
އާސަންދަ އެބަ ހުސްވެއެއްނު މީހުން ޗެކަޕް ނުހެދިއަސް. ކިރިޔާ ކަމެއްވެލިއަސް ޑރ އަށް ހިލޭ ދެއްކޭ ގޮތަށް އޮތީމަ އަދި ކްލިނިކަކުން ދައްކާލިއަސް އެތައް ބައިވަރު ޓެސްޓެއް ހަދަން ދޭ. ޗެކަޕަކުން އެނގޭނެ މިންވަރަށްވުރެ މާ ގިނަ ކަންކަމަށް ޓެސްޓް ހަދާލާހެން ހީވަނީ. އެތައް ބަޔަކު ތިބޭނީ ކޮންމެވެސް ކަމަކާ ގުޅިގެން ޑރއަށް ދައްކާ ލޭގެ ޓެސްޓެއް ހަދާފަ. ޗެކަޕްގެ ބޭނުމެއް ނޯންނާނެ ކަމަށް ބެލެވެނީ.
އައްޔަ
03 July 2024
އަޅުގަނޱުގެ އުމުރުން 64 އަޅުގަނޱު ތިބުނާ މެޱިކަލް ޗެކަޕް ހަދަން އައިޖީއެމްއެޗްގަ ނޯޓުކުރާތާ މިހާރު 3 މަސް ވެދާނެ ކޮންމެ މަހަކު އެއްފަހަރު އެބަކުރަން އަނެއްކާ މަހެއް ހަމަވީމަ އެބަގުޅަން ކިހާތާކުތޯ އަޅުގަނޱާ ޖެހޭނީ ބުނީމަ ބުނަނީ ކޮބާހޭ އައިޱީކާޱު ނަމްބަރު ދިނީމަ ބުނަނީ ސިސްޓަމަކުން ނުދައްކަޔޯ އަނެއްކާ ނޯޓްކުރަނީ މިހެން ނޯޓްކުރާތާ މީ 4 ވަނަމަސް މިހާރުވެސް ވީ ނޯޓުކޮއްފަ އަދި މީގެ 3 ދުވަސްކުރިން ނާރުގެ ޱޮކްޓަރަކައް ދައްކަންވއެޕޮއިންޓް އެއް ހެދީމަ ބުނީ މިނޯޓް ކޮއްލީޔޭ ދާނޭ މެސެޖެއް ތެދެއް މެސެޖް އައި އިނީ 389 ވަނައިގަ ދެން ކިހިނެއްތޯ ތިބުނާ މެޱިކަލް ޗެކަޕެއް ހެދޭނީ 5 މަސް ވެއްޖެ ހިތުގެ ޓެސްޓެއް ހަދާފަވީތާ އަދިވެސް ނަތީޖާ ނުލިބޭ ދެން ހީނާމެން އަނގަފުޅާކޮއްފަ ތަރުހީބެއް ނެތޭނުބުނޭ ތީފުކެއް ބޮޱިވަރު މިހާރު ދެން މި އިންތިޒާރު މިކުރަނީ އާސަހަރާއިން ގުޅާނެ ދުވަހަކައް އެތާވެސް ވީ އެޕޮއިންޓްމެންޓް ހަދާފަ އެތަނުން ގުޅަާނެކަން ޔަގީން
ޗެކް މައި މެޑިކަލް
03 July 2024
35 އަހަރުންމަތި ނުވާތީ މެޑިކަލްޗެކަޕް ނުހެދިފަ
ިއިޓަލީ އެއަރފޯސް
03 July 2024
ރާއްޖެއިން ބޭރުގަ ޗެކަޕް ހަދާގޮތައް 7.30 ގަ ހޮސްޕިޓަލްއައް ދިޔާމަ ޗެކަޕް ހެދޭނެތަ. ރާއްޖެއިން ބޭރުގަ ޗެކަޕްހަދަން ޑޮކްޓަރަކައް ދައްކަން ނުޖެހޭ އެހެންވެ އަހާލީ.
އެމް.އަރ.އައި.މެޝިން މީހާ
03 July 2024
ނުޖެހޭތިހުރިހާ ޓެސްތައްކަށް ހަދާކަށް . ލޭގެޓެސްޓަކާއި އެންމެ ފަހުގެ އެމް.އައި.އާރ ފުލްބޮޑީ ސުކޭން ހަދާލިމަނިމުނީ.
ޝުކުރިއްޔާ
03 July 2024
ތިދިން މުޙިންމު އައިޑިއާ އަށް ޝުކުރިއްޔާ!
ނައިރާ4556
03 July 2024
ތި މެޑިކަލް ޗެކަޕް ބަދަލުގައި ކޮންމެ މީހަކަށް ޖިމް ފީ ދައްކާލަ ދީބަލަ. ޖިމް ފީ ނުދެކިގެން ކިތައްމީހުން ޖިމް ނުގޮސް އެބަތިބި.މިކަމަށް ހާއްސަ ޕޮރޮގުރާމް ތާރަފްކޮފައި ،ރަޖިސްޓްރީ ވާ މީހުން އެމީހުން ދާ ޖިމަށް ސީދާ ޖަމާކޮލީމަ ނިމުނީ.
ކިމް
03 July 2024
ޖިމް އަށް ގޮސްގެން ލައިފް ލޯންގ ވާތަނެއް ނޫނީ ފިޓުވާތަނެއް ނުފެނޭ
ކުރަފި
03 July 2024
ދެން ޗެކްއަޕް ކެންޕެއިން އެއްކުރިއަށް ގެންދެން ވީނޫންތޯ؟ އެހާ ކެންސަރު ބަލިތައްވެސް ގިނަނޫންތޯ