ކުޅިވަރު / އެތުލެޓިކްސް

އެތުލެޓިކްސް އެސޯސިއޭޝަންގެ ޖެނަރަލް ސެކްރެޓަރީގެ މަގާމަށް އަނެއްކާ ވެސް މުންތަގިމް

އަހްމަދު މުންތަގިމް: އެތުލެޓިކްސްގެ ޖީއެސްގެ މަގާމަށް އަނެއްކާ ވެސް އޭނާ ވަނީ އައްޔަން ކޮށްފަ --- ފޮޓޯ: އެމްއޯސީ

ހުސެއިން ހަބީބް، މިހާރު

04 ޖުލައި 2024 - 10:37

2 comments

އެތުލެޓިކްސް އެސޯސިއޭޝަންގެ ޖެނަރަލް ސެކްރެޓަރީގެ މަގާމަށް އަނެއްކާ ވެސް އަހްމަދު މުންތަގިމް އައްޔަން ކޮށްފި އެވެ.

އެތުލެޓިކްސްގެ އިދާރީ ހިންގުމުގެ އެންމެ އިސް މަގާމަށް އިންޓަނޭޝަނަލް ޓެކްނިކަލް އޮފިޝަލް މުންތަގިމް، މި އައްޔަން ކުރީ ފަސް ވަނަ ދައުރަކަށެވެ.

އޮލިމްޕިކް ކޮމިޓީގެ ނައިބު ރައީސް ކަމަށް ދާދި ފަހުން އިންތިހާބު ކުރި މުންތަގިމް ފާހަގަ ކުރެވިފައި ވަނީ، ދެކުނު އޭޝިއާގައި ވެސް ހުރި އެންމެ ތަޖުރިބާކާރު އެއް ޓެކްނިކަލް އޮފިޝަލްގެ ގޮތުގަ އެވެ.

ވޯލްޑް އެތުލެޓިކްސްގެ އިންޓަނޭޝަނަލް ރެފްރީކަމުގެ ސަނަދު އޮންނަ މުންތަގިމަކީ އިންޓަނޭޝަނަލް ގޭމްސްތަކާއި މުބާރާތްތަކުގައި ޓެކްނިކަލް އޮފިޝަލްގެ ގޮތުގައި ތަޖުރިބާ ހުރި ބޭފުޅެކެވެ.

މުންތގިމް (ވ) އާއި އޮލިމްޕިކް ކޮމިޓީގެ ރައީސް މުހައްމަދު އަބްދުސައްތާރު (ކ): މުންތގިމަކީ އޮލިމްޕިކް ކޮމިޓީގެ އެއް ނައިބުރައީސް --- ފޮޓޯ: އެމްއޯސީ

ވިއެޓްނާމްގައި 2022 ގައި ބޭއްވި ސައުތު އީސްޓް އޭޝިއަން ގޭމްސް (ސީ ގޭމްސް) އަށް އެ ފެޑެރޭޝަނުން ދެކުނު އޭޝިއާ އިން ނެގި އެތުލެޓިކްސްގެ ދެ އޮފިޝަލުންގެ ތެރެއިން އެކަކީ މުންތަގިމެވެ. އޭނާ ވަނީ ނާޕާލްގައި 2019 ގައި ބޭއްވި ސައުތު އޭޝިއަން ގޭމްސްގައި އެތުލެޓިކްސް އިން އެންމެ އިސް ޓެކްނިކަލް އޮފިޝަލްގެ މަގާމު ވެސް އަދާކޮށްފަ އެވެ. އަދި ހަމަ އެ އަހަރު ހޮންކޮންގައި ބޭއްވި ޔޫތު އެތުލެޓިކްސް ޗެމްޕިއަންޝިޕުގެ ގިނަ އިވެންޓުތަކެއްގައި ވެސް އެތުލެޓިކްސްގެ ރެފްރީކަން ކޮށްފައިވެ އެވެ.

ސަރަހައްދީ ގޭމްސްތަކުގެ އިތުރުން އިންޓަނޭޝަނަލް އެހެން ގޭމްސްތަކުގައި ވެސް އޭނާ ވަނީ އެތުލެޓިކްސްގެ ޓެކްނިކަލް އޮފިޝަލްކަން ކޮށްފަ އެވެ.

އެންމެ ފަހުން ބޭއްވި އޮލިމްޕިކްސްގައި ރާއްޖޭގެ ޗެފް ޑެ މިޝަނަރުގެ މަގާމު ވެސް އަދާކުރެއްވީ މުންތަގިމެވެ.

އެތުލެޓިކްސް

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެދުރުބެ123

09 July 2024

އެތްލެޓިކްސް އެސޯސިއޭސަން އޮންނަނީ މިވެރިން ހިސޯރުކޮށްފަ..ދެން އެހެން މީހަކަށް މިފުރުސަތެއްނޯންނާނެ.. ވޯޓް ލާން އެކި ނަންނަމުގަ ހަރަކާތް ތެރިނުވާ އެތައް އެކަޑަމީއެއް ރެޖިސްޓްރީ ކޮށްގެން ތިބެނީ. .100 ދައުރައް ކުރިމަތި ލިޔަސް ހޮވޭނެ.?