21 ޖުލައި 2024 - 22:41
17 comments
އެމްޓީޑީސީ އަށް މިދިޔަ އަހަރު ލިބުނު ފައިދާ އިން ހިއްސާދާރުންނަށް ހިއްސާއަކަށް 60 ލާރި ބަހަން ނިންމައިފި އެވެ.
މެންހަޓަން ބިޒްނަސް ހޮޓެލްގައި މިރޭ ބޭއްވި އެމްޓީޑީސީގެ އަހަރީ އާންމު ޖަލްސާގައި އެ ގޮތަށް ފާސްކުރީ އެ ކުންފުނީގެ ހިއްސާދާރުންގެ 99 ޕަސެންޓު ވޯޓުންނެވެ.
އެމްޓީޑީސީގެ އަހަރީ އާންމު ޖަލްސާގައި ހިއްސާދާރަކު ވޯޓު ދެނީ.---ފޮޓޯ: ފަޔާޒު މޫސާ| މިހާރު
ހިއްސާދާރުންނަށް 60 ލާރީގެ މަގުން 20.4 މިލިއަން ރުފިޔާ ބަހާނެ އެވެ. އެ ކުންފުނިން މިދިޔަ ދެ އަހަރު ވެސް ހިއްސާއަކަށް ބަހާފައި ވަނީ 60 ލާރި އެވެ.
އެމްޓީޑީސީގެ މިދިޔަ އަހަރުގެ އާމްދަނީ ވަނީ 6.7 މިލިއަން ޑޮލަރު (103 މިލިއަން ރުފިޔާ) ދަށްވެފަ އެވެ. އޭގެ ކުރީ އަހަރު ފައިދާގެ ގޮތުގައި ލިބުނު 7.3 މިލިއަން ޑޮލަރާއި (113 މިލުއަން ރުފިޔާ) އަޅާބަލާއިރު މިއީ 9 ޕަސެންޓު ދަށް އަދަދެކެވެ. އެ ކުންފުނީގެ ސާފު ފައިދާގެ ގޮތުގައި މި ދިޔަ އަހަރު ލިބުނީ 1.4 މިލިއަން ޑޮލަރު (21 މިލިއަން ރުފިޔާ) އެވެ. މިއީ އޭގެ ކުރީ އަހަރު ލިބުނު 2.5 މިލިއަން ޑޮލަރާއި(38 މިލިއަން ރުފިޔާ)އާ އަޅާބަލާއިރު 41 ޕަސެންޓުގެ ދަށްވުމެކެވެ.
އެމްޓީޑީސީގެ އަހަރީ އާންމު ޖަލްސާގައި ހިއްސާދާރުން މަޝްވަރާ ކުރަނީ.---ފޮޓޯ: ފަޔާޒު މޫސާ| މިހާރު
ކުންފުނީގެ އާމްދަނީ ދަށްވީ ހދ. ނާގޮށީގެ ސަބްލީސް އުވާލުމާއި ގުޅިގެންނެވެ. އަދި ސާފު ފައިދާ ދަށްވީ ޑިފާޑް ޓެކްސް ދަރަނި އިތުރުވެފައި ވާތީ އެވެ.
އެމްޑީޓީސީ އަށް 11 އަހަރަށް ފަހު ފައިދާވާން ފެށީ 2021 ވަނަ އަހަރު އެވެ. އެއީ ކުންފުނިން ލީޒްކޮށްފައިވާ ރަށްތަކުގެ އެގްރީމެންޓްތައް މިހާރަށް ވުރެ ފައިދާވާ ގޮތަށް ބަދަލުކުރުމުންނެވެ. އެމްޓީޑީސީ އަށް އާމްދަނީ ލިބެނީ ޓޫރިޒަމްގެ ބޭނުންތަކަށް އެ ކުންފުންޏަށް ދޫކޮށްފައިވާ ރަށްތައް ކުއްޔަށް ދީގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސީޑީޓީއެމް
22 July 2024
ދައުލަތުގެ ބަޖެޓަށް ވަންނަންޖެހޭ ޓޫރިޒަމްގެ ކުލި ނަގާފަ ބަހަން އޮންނަ ކުންފުނި، ކޮން ކުންފުނި؟؟؟
ޑިވިޑެންޑު
22 July 2024
ރާއްޖޭގައި ހޭވި އެންމެ ބޮޑު ހަޑި ހޭވި ކުންފުނި. ކުރިއަށް ހުރި ލާރިތައް ނަގާފަ ޑިވިޑެންޑޭ ކިޔައިގެން އޭރު ތިބި މީހުންނަށް ބަހާލީ ޙަޤީޤަތުގައި ޤާނޫނާވެސް ޚިލާފަށް. އެ ޖަރީމާ ހިންގި މީހުންތައް މިހާރުވެސް ދައުލަތުގެ ބޮޑެތި މަޤާމުތަކުގައި އެބައުޅޭ.
ހިއްސާ ދޭރެއް
22 July 2024
ހިއްސާދާރުންގެ ފޯނު ނަމްބަރާ އީމޭލް އެޑްރެސް ވެސް ތިޔަ ކުންފުނީގަ ހުންނާނެ ކީއްވެގެން ނާންގަނީ.
ހިފެހެއްޓުމެއްނެތްކަރުނަ
22 July 2024
ބަރޯތައް ހިފައިގެން ގޮސްގެން ނޫނީ މިަފަހަރު މިކަން ވާކަށް ނެތް. ކޮބާތަ އަލީ. އައްޔާ. އައްޔާ. ފޯނެއްވެސް ނުނަގައޭ. އައްޔާ އައްޔާ. ކީތްތަވީ މަރިޔަނބާ މާވަރަކަށް ތިޔަ ގުޅަނީކީ. އައްޔާ މިފަހަރު މިބަހާ ގޮތަކުން މަ އެކަނި ގޮސްގެން ގެނެވޭވަރު ނުވާނެތީ ގުޅާލީ. އަލީ އަށް ވަގުތު ނުވަންޏާ ގޭދަށުގައެއުޅޭ އާދަނު ގޮވައިގެން ހިނގައިދާނަން. އޯކޭއެއްނު. ސަލާމް.
ހިޔާނަ
22 July 2024
ރަށްތައް ކުއްޔަށް ދީގެންނާއި ރިސޯޓް ހަދައިގެން ޕްރައިވެޓް ބިޒްނަސްތަކުގައި އުޅޭ މީހުން ފައިސާގައި އުދުހެނީ، އެކަމަކު ދަޢުލަތުގެ ކުންފުންޏަށް ރަގަޅުވަރުގެ އެއްޗެއް ލިބޭކަމަކަށް ދުވަހަކުވެސް ނުވޭ. މިވާ ގޮތެއް ބަލާނެ ވެރިއަކުވެސް މި ޤައުމަށް ނާންނާތީވެ ދެރައީ. ދިވެހިންގެ ރަށްތައް ވިއްކައިގެން ރައްޔިތުންނަށް ލިބޭ މަންފާއެއް ނެތޭ.
ބަޑިތަކުރު
22 July 2024
ޓޫރިޒަމަކީ ރަންބިސްއަޅާ ކުކުޅަށް ވިޔަސް ދައުލަތުގެ ނުވަތަ ރައްޔިތުންގެ ކުންފުންޏަކުން ކުރީމާ ހާލުހުންނަނީ މިފަދަ ގޮތަކަށެވެ. ފައިދާވާނޭހެން ނުހިންގޭކަމަށްވަންޏާ ކުންފުނީގެ ހަރުމުދާ ވިއްކާލާފައި ހިއްސާދާރުންނަށް ބަހާލަންވެއްޖެ ނޫންބާވައެވެ. އަހަރަކު ހަތަރުއަނާއެއް ބައިރުފިޔާއެއް ބަހަން ކުންފުނި މި ދަމަހައްޓަނީ ކޮންމެސް ބަޔަކަށް ފައިދާތަކެއް ވާތީތާއެވެ. އެހެން ކަމެއް ނުވަންޏާ ބޮޑު މުސާރަ ދީފައި ބަލަދުއަރާފައިތިބޭ މީހުން ބޭއްތިއްބޭނެތާއެވެ.
ލަލިމް
22 July 2024
ތިއަށްވުރެން ތާހިރުވާނެ ގޭ ވަޅަށް ލާރިއެޅިޔަސް
ކޮރަލް
22 July 2024
ކުންފުނި ތަކުގެ ހިއްސާ ބަހާ ޖަލްސާ ބާއްވާ މެމްބަރުން ހޮވާ އިރު ގިނަ މީހުންނަށް ނޭނގެ އެވެ. ކަން ނިމުނީމަ މައުލޫމާތު ލިބެނީ ނޫސްތަކުންނެވެ.
އަހީމާހީ
22 July 2024
އުފެދުމުގައިވެސް ބާތިލް ކުންފުންޏެއް
ޕީޕީ ޓޫ
22 July 2024
މި ޢަދަދުތައް އަހަރަކަށްވުރެ އަހަރެއް އިތުރުވަމުންދާތަން ފެނުމުން މެނޭޖްމަންޓާމެދު އިތުބާރު އެބަ އުފެދެއެވެ. 50 ލާރި ނުވަތަ 60 ލާރިއޭ އޮތުމުން ޖޯކުޖަހާ މީހުން މަދެއްނޫނެވެ. ނަމަވެސް ސްޓޮކް އެކްސްޗޭންޖްގައި 13 ރުފިޔާއަށް ހިއްސާއެއްވިއްކަން އޮތްއިރު އަހަރު ތަކަކަށްފަހު ހިއްސާއަކަށް 60 ލާރި ލިބުންވެސް ރަނގަޅެވެ. ހިއްސާއަކަށް 80 ލާރި ލިބޭދުވަހަކުން އެސްޓީއޯއާއި އެއްވަރުވީއެވެ. ވާނުވާ ނޭނގުނަސް ޖޯކުޖަހާށެވެ. ދިވެެއްސަކަށް ވާނީ އެއިރުންނެވެ.