ޚަބަރު / ނައިބު ރައީސް ހުސައިން މުހައްމަދު ލަތީފް

އޮލިމްޕިކްސް ފެށުމުގެ ރަސްމިއްޔާތަށް ނައިބު ރައީސް ޕެރިހަށް

ނައިބު ރައީސް ހުސެއިން މުހައްމަދު ލަތީފު، ޕެރިސް އަށް ފުރާވަޑައިގަތުމަށް އެއާޕޯޓުގައި.-- ފޮޓޯ: ރައީސް އޮފީސް

އާސިމާ ނިޒާރު، މިހާރު

24 ޖުލައި 2024 - 15:00

އޮލިމްޕިކްސް ފެށުމުގެ ރަސްމިއްޔާތުގައި ބައިވެރިވެވަޑައިގަތުމަށް ނައިބު ރައީސް ހުސެއިން މުހައްމަދު ލަތީފު ފްރާންސްގެ ވެރިރަށް ޕެރިހަށް މިއަދު ފުރާވަޑައިގެންފި އެވެ.

ރައީސް އޮފީހުން ބުނީ ފްރާންސް ސަރުކާރާއި އިންޓަނޭޝަނަލް އޮލިމްޕިކް ކޮމިޓީގެ ދައުވަތަކަށް އެމަނިކުފާނު ކުރައްވާ މި ދަތުރުފުޅުގައި އޮލިމްޕިކްސްގައި ބައިވެރިވާ ދިވެހި ވަފުދާ ބައްދަލު ކުރައްވައި، ދިވެހި އެތުލީޓުން ބައިވެރިވާ މުބާރާތްތައް ބައްލަވާލައްވާނެ ކަމަށެވެ.

އަންނަ ހުކުރު ދުވަހު ފަށާ އޮލިމްޕިކްސްގައި ރާއްޖޭން ވާދަކުރަނީ ޓޭބަލް ޓެނިސް ކުޅުންތެރިޔާ ފާތިމަތު ދީމާ އަލީ އާއި ދުވުންތެރިޔާ އިބާދުﷲ އާދަމް އާއި ބެޑްމިންޓަން ކުޅުންތެރިޔާ ފާތިމަތު ނަބާހާ އަދި ދެ ފެތުންތެރިން ކަމަށްވާ މުހައްމަދު އާން ހުސައިން އަދި އާއިޝަތު އުލްޔާ ޝާއިގް އެވެ. މީގެ ތެރެއިން އޮލިމްޕިކްސް ފެށުމުގެ ރަސްމިއްޔާތުގައި ރާއްޖޭގެ ދިދަ އުފުލާނީ ދީމާ އާއި އިބާދުﷲ އެވެ.

އޮލިމްޕިކްސްގައި ރާއްޖޭން ބައިވެރިވާ އެތުލީޓުންނާ މިދިޔަ އާދިއްތަ ދުވަހު ބައްދަލުކުރައްވައި ރައީސް ޑރ. މުހައްމަދު މުއިއްޒު ވަނީ، މި ފަހަރަކީ އޮލިމްޕިކްސްގައި ރާއްޖޭގެ އެންމެ ގިނަ އެތުލީޓުން ބައިވެރިވާ އަހަރު ކަން ފާހަގަ ކުރައްވައިފަ އެވެ.

އެތުލީޓުންނަށް ހިތްވަރު ދެއްވައި ދިވެހި ކުޅިވަރު ތަރައްގީކުރަން ސަރުކާރުން ކުރާ މަސައްކަތް ރައީސް ހާމަ ކުރެއްވި އެވެ.

ރައީސް އޮފީސް ނައިބު ރައީސް ހުސައިން މުހައްމަދު ލަތީފް އޮލިމްޕިކްސް 2024

13 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާފިރުު

25 July 2024

މީ ރާއްޖޭގެ ތާރީހުގައި ލިޔެވޭނެ ދަުވަހެއް. ދިވެހި ރާއްޖޭގެ ނަން ރަން އަކުރުން ފަވާލަން ގަދަ ހިތްވަރާއެކު މަސައްކުރާނެ ކަން ޔަގީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާސިރުު

25 July 2024

ސާބަހޭ ނައިބު. ދިވެހި ރާއްޖެ ތަމްސީލު ކުރާ ކުދިންނަށް ރަނގަޅު ނަސޭހަތް ދެއްވާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

24 July 2024

އެންމެ ތަންކޮޅެއްވެސް ދަތުރު މަދު ނުކުރާތި . ބޮޑުން ދިވަންވާނެ ގައުމު ފުނޑުނަސް، ލާރި ނެތިގެން ރައްޔިތުންނަށް އެއްކަމެއް ކޮށްނުދިނަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

24 July 2024

ޚަރަދުކުޑަކުރަނީ ރައްޔިތުންނަށް ލިބެން އޮންނައެއްޗެއް މަދުކޮށްގެން. ބޮޑުންގެ އަގުބޮޑެތި ދަތުރުތަކަށް ނިމުމެއް ނެތް. މަތިބަރު ޚަރަދުބޮޑު ސަރުކާރެއްދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޕް

24 July 2024

ބޭކާރު ހަރަދު ނުކުރާށޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާހިދުބެ

24 July 2024

ދަތުރުގެ ސްލިޕްތައް ހާމަކުރާނެކަމަށް އުންމީދުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެލޮކޮސް

24 July 2024

ތިތަންތަނަށް ނުދޭބަލަ، ލާރިކޮޅު ރައްކާކޮށްބަލަ. މިދިޔަ ސަރުކާރުން ދިޔައީ ދޮވެލާފައި ނަމަވެސް ތަމެންވެސް ދޮވެ ސާފުކުރުމުގެ މަސައްކަތް ހުއްޓާލަން ބުނެލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏަނާ

24 July 2024

މި ދަނޑިވަޅުގައި ކޮން ބޭކާރު ޚަރަދެއް ކުރާކަށް؟ ދިވެހި އެތުލީޓުން ހޯދާ ގޯލްޑް މެޑަލް ބަލާ ދާނަމަތާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ހުސައިން

24 July 2024

10 ރުފިޔާ ދީފަ އާރުޓީއެލްގަ އުތީމު ގަނޑުވަރު ބަލާލަން ދާ ދިވެހި ގަޢުމުގެ ބަޖެޓް ފޫދިޔުން. އޮލިމްޕިކްސް އަށް މިލިއަން ޑޮލަރ ޚަރަދުކޮއްފަ ދިޔުމަކީ ބަޖެޓަށް މަތިން ލާރި އޮހޭނެ ކަމެެއް.