ގްރީން ސްޓްރީޓްސްގެ ކޯޗު ސޮބާ. --ފޮޓޯ: ނިޝާން އަލީ/ މިހާރު
26 ފެބުރުއަރީ 2017 - 13:29
6 comments
އެސްޓީއޯ މާލޭ ލީގުގެ ފުރަތަމަ މެޗުގައި ރޭ ވިކްޓަރީ ސްޕޯޓްސް ކްލަބް އަތުން 1-0 އިން މޮޅުވީ ނަމަވެސް ގްރީން ސްޓްރީޓްސް އޮންނާނީ ސައިޒުގައި ކަމަށާއި މާޒިޔާ އާއި ނިއު ރޭޑިއަންޓް ފަދަ ޓީމުތައް ބަލިކުރެވޭނީ އިތުރަށް މަސައްކަތްކޮށްގެން ކަމަށް އެ ޓީމުގެ ކޯޗު ސޮބާހު މުހައްމަދު އިބްރާހިމް ބުނެފި އެވެ.
ފުރަތަމަ ޑިވިޝަނުގައި އަލަށް ވާދަކުރާ ޓީމުގައި ތަޖުރިބާކާރު ގިނަ ކުޅުންތެރިންތަކެއް ހިމެނޭއިރު ބިދޭސީ ކުޅުންތެރިންގެ ފެންވަރު ވެސް ރަނގަޅެވެ. މެޗުގެ ކުރީކޮޅު އަހުމަދު ރަޝީދު (އައްމަޑޭ) ޖެހި ލަނޑާ އެކު މޮޅުވިއިރު ޖުމްލަކޮށް ރަނގަޅު ކުޅުމެއް ދެއްކި އެވެ.
"ތިން ޕޮއިންޓް ލިބުނީމާ މުބާރާތުގެ ތެރެއަށް ކުރިއަށް ފިޔަވަޅެއް މި އެޅުނީ. ހުރިހާ ކުޅުންތެރިންނާއި މެނޭޖްމަންޓާ އަޅުގަނޑުމެން ސަޕޯޓަރުންނަށް ވަރަށް ބޮޑު ހިތްހަމަޖެހުމެއް މި ލިބުނީ. މިއީ އަޅުގަނޑުމެންނަށް މޯޓިވޭޝަނެއް. އެކަމަކު އަޅުގަނޑުމެން ތިބޭނީ ސައިޒުގައި. އަދިވެސް މިއީ އަށް ވަނަ ޓީމު،" ވިކްޓަރީ އާއި ވެލެންސިއާ އާއި ނިއު އަދި ގައުމީ ޓީމުގެ ކުރީގެ ޑިފެންޑަރު ބުންޏެވެ.
ސޮބާ ބުނީ ބޭނުމަކީ އެހެން ހުރިހާ ޓީމަކަށް ރަނގަޅު ފައިޓެއް ދިނުން ކަމަށާއި ގްރީން ސްޓްރީޓްސް އަކީ އާ ޓީމަކަށް ވިޔަސް ދުލެއް ނުދޭނެ ކަމަށާއި އަދި ބިރު ނުގަންނާނެ ކަމަށެވެ.
"މި ދަނޑުގައި އަޅުގަނޑު 16، 17 އަހަރު އުޅެފިން ތަފާތު ކުޅުންތެރިންނާ އެކު. ތަފާތު ބޭރު ކޯޗުން ފެނިއްޖެ. އޭގެ އެކްސްޕީރިއަންސްގެ އަލީގައި އަޅުގަނޑު ނުކުންނަނީ. އެއްގޮތަށް ވެސް އިދިކޮޅު ޓީމަށް ރެސްޕެކްޓްނުކުރުން ފަދަ ކަމެއް ނުކުރާނަން. އަޅުގަނޑުމެންގެ ކުޅުންތެރިން ވެސް ރެސްޕެކްޓް ކުރާނެ،" ސޮބާ ބުންޏެވެ. "އަޅުގަނޑަކީ މިތާގެ އެންމެ އާ ކޯޗު. އަނެެއްހެން ބުނަންޏާ ލައިސަންސް އަށް ބަލަންޏާ ވަރަށް މަތީ ލައިސަންސް ތިބި ކޯޗުން ވެސް އެބަތިބި. އެހެންވީމާ އަޅުގަނޑު ވިސްނާނީ އަޅުގަނޑުމެން މީ އަދިވެސް އެންމެ ދަށުގައި އޮތް ޓީމު ކަމަށް."
ސޮބާ ބުނީ ކުރިއަށް އޮތްތަނުގައި ވަރަށް ގިނަ ކަންތައް ރަނގަޅުކުރަން ޖެހޭ ކަމަށާއި ރޭ ވިކްޓަރީ އަށް ނަސީބު ދެރަކަމުން ނިންމާނުލެވުނު ބޯޅަތަކެއް ވެސް ދިޔަ ކަމަށެވެ.
"އެކަމުގެ އަލީީގައި އަޅުގަނޑުމެން އިމްޕްރޫވްކުރާނަން. މާޒިޔާ ކަހަލަ ޓީމުތަކާ ކޮމްޕީޓެއް ނުކުރެވޭނެ އަދި މިވަރަށް ކުޅެގެން. ގަބޫލެއް ނުކުރަން ނިއު ރޭޑިއަންޓާ ކޮމްޕީޓެއް ކުރެވޭނެ ކަމަށް. މިހުރިހާ ކަމެއްގެ އަލީގައި އިތުރަށް މަސައްކަތްކުރާނަން،" ސޮބާ ބުންޏެވެ.
ގްރީންސް ސްޓްރީޓްސް ދެން ބައްދަލުކުރާނީ ކްލަބް ވެލެންސިއާއާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިސްނާލީމާ
27 February 2017
މަރްހަބާ! -އިބްރާހީމް-
މުލޭ
26 February 2017
ކަލޯ ސުޒޭނަށް ތި ދިނީ ހާދަ ނުބައި ބޮނޑިއެކޭ. މަ މުޅުން އަންތަރީސް ވެއްޖެ. އެ އޮށްފޮނި ކަޑާފަ އައި ހުސޭނު ގެ ދުވަސް ވިއްޔާ ތި ދުއްވާލީ..
އާރިފް
26 February 2017
ސޮބާ އަކީ ކުޅުނު އިރުވެސް ޑިސިފްލިން ވަރަށް ރަގަޅު ކުޅުންތެރިއެއް. އޭގެ ސިއްރު ގިނަ ދުވަހު އެއްފެންވަރެއްގަ ކުޅުމަކީ. ސޮބާއަށް ކާމިޔާބު މިންވަރު ކުރަށްވާށި.އާމީން
މަތިވެރި ހަސަނު
26 February 2017
ސޮބާގެ ވާހަކައަށް ވަރަށް ތާއީދު ކުރަން.. ހީކުރަން ސަޕޯޓަރުންނާ އޮފިޝަލުންވެސް ފޯރިގަދަކޮއް ކުޅިވަރުގެ ޑިސްޕްލިން ހިފަހައްޓާނެ ކަމަށް. އަލަށްއަންނަ ޓީމްތަކަށް ވާގޮތަކީ ބަލިވެއްޖެއްޔާ ފަހުކަށިގަޑާއެކު ކުޅުންތެރިންގެ ނޫނީ ރެފްރީންގެ ބޮލައްއަރައިގަންނާނީ. މިހާރު ބައެއް އެކަޑެމީ ތަކުގެ ކުޑަކުދިންވެސް މެޗްތައްބަލަންދާއިރު މިކަހަލަ މަންޒަރު ފެންނަކަމަށްވަންޔާ އެހަލާކު ކޮއްލެވެނީ ފުޓްބޯޅައިގެ މުސްތަގުބަލު.
ރަދީފް
26 February 2017
ސާބަހޭ ސޮބާ. ވިކްޓްރީކޮޅަށް 4 ލަނޑު ޖާލައްޗޭ ދެންމެޗެއްގަ. އޯލް ދަ ބެސްޓް.
އެމ.އޭ.ކަރީމް
26 February 2017
ތިކަހަލަ ހިތްތިރި އެހެންމީހުންނަށް ޢިޙްތިރާމް ކުރަން ދަންނަ މީހުންނަށް ކާމިޔާބު ދެއްވާނެ.އެކަމަކު ގުރީން ސްޓްރީޓް ސަޕޯޓަރުން ކުޅިވަރުގެ ރޫހާ އެއްގުތަށް ސަޕޯޓްކުރާނަމަ ވަރަށް ސަޅިވާނި.