ބަލިވިޔަސް ކޫބާއާ ދެކޮޅަށް ނަބާހާ ދެއްކީ ރަނގަޅު ކުޅުމެއް

30 ޖުލައި 2024 - 12:44

އޮލިމްޕިކްސްގެ ބެޑްމިންޓަން އިވެންޓުގެ ގުރޫޕް އެމްގައި ރާއްޖޭގޭ ފާތިމަތު ނަބާހާ އަބްދުއްރައްޒާގް ކުުޅުނު ފަހު މެޗުން އެސްޓޯނިއާގެ ކްރިސްޓީން ކޫބާ އަތުން ބަލިވިޔަސް، ރަނގަޅު ކުޅުމެއް ދައްކައިފި އެވެ.

ޔޫރަޕިއަން ޖޫނިއާ ބެޑްމިންޓަން ޗެމްޕިއަންޝިޕްގައި 2015 ގައި ބްރޯންޒް މެޑަލް ހޯދި ކޫބޯއާ ދެކޮޅަށް ކުޅުނު މެޗުން ނަބާހާ ބަލިވީ ސީދާ ދެ ސެޓުންނެވެ. ދުނިޔޭގެ ރޭންކިންގެ 73 ވަނައިގައި އޮތް ކޫބާ މެޗު ކާމިޔާބު ކުރީ 21-7، 21-9 ގެ ސްކޯއަކުންނެވެ.

ފުރަތަމަ މެޗުގައި އިންޑިއާގެ ޕީވީ ސިންދުއާ ދެކޮޅަށް ދެއްކި ވަރަށް ވުރެ ރަނގަޅު ކުޅުމެއް ނަބާހާ މިއަދު ވަނީ ކޫބޯއާ ދެކޮޅަށް ދައްކައިފަ އެވެ.

ކޫބާ

ސިންދުއާ ދެކޮޅަށް ކުޅުނު މެޗުގައި ނަބާހާ އަތުން ޕޮއިންޓްތައް ދޫބީ މާ ފަސޭހަ ކޮށެވެ. އެކަމަކު މިއަދުގެ މެޗުގައި އޭނާ މާ ބޮޑަށް ހިތްވަރު ކުރި އެވެ.

ފުރަތަމަ މެޗުގައި އޭނާ އަތުން ދެ ވަނަ ސެޓް ދޫވެގެން ދިޔައީ މާ ފަސޭހަ ކޮށެވެ. އެކަމަކު މިއަދު ދެ ވަނަ ސެޓްގައި އޭނާ ކުޅުން ރަނގަޅު ކުރި އެވެ.

ތިން ކުޅުންތެރިން ހިމެނޭ ގުރޫޕްގެ ފަހު މެޗުގައި މާދަމާ ސިންދު އާއި ކޫބޯ ކުޅޭނެ އެވެ. މި މެޗުން ނަބާހާ ބަލިވުމުން އޭނާ އަށް ވަނީ މި ފަހަރުގެ އޮލިމްޕިކްސް ގޭމްސް ނިމިފަ އެވެ.

ނަބާހާ އަކީ ވިދިވިދިގެން ދެވަނަ އޮލިމްޕިކްސްގައި ވާދަކުރާ ރާއްޖޭގެ ފުރަތަމަ ބެޑްމިންޓަން އެތުލީޓެވެ. މިފަހަރުގެ އޮލިމްޕިކްސްއިން އޭނާ އަށް ފުރުސަތު ދޭން ނިންމީ، ގޭމްސް ޓްރިޕާޓައިޓް ކޮމިޝަނަށް، ކޮލިފައިން މުބާރާތްތަކުގައި އޭނާ ނެރުނު ނަތީޖާތައް ރަނގަޅުވުމުންނެވެ.

ބެޑްމިންޓަން

8 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރޯޒަސް

30 July 2024

އޮލިމްޕިކްސްގައި ބައިވެރިވުމަށް ކުޅުންތެރިން ކުރާ މަސައްކަތުން ކުޅިވަރު ކުރިއަރާދޭ. ބައެއް ގައުމުތަކުގައި އޮލިމްޕިކް ކޮލިފައިންގްގައި ވާދަކުރުމުގައި ވަރަށް ބޮޑުތަން ކުރިއަށްޖެހޭ. މިފަހަރުގެ ކޮލިފައިންގގައި ދީމާ ޓީޓީ އާއުސްމިންތަކަށް ގެންދިޔަ. އާން އާއި އުލްޔާ މީގެކުރިން ދިވެހި ފިރިހެނަކާއި އަންހެނަކަށް ނުފެތޭހާ ބާރުމިނުގަ ފަތައި ފެތުމުގެ ފެންވަރު ވަރަށް ބޮޑުތަން މައްޗައްޖެއްސި. ކުޅިވަރު ކުރިއަރާނީ ސްޓޭންޑަޑް މަޑުމަޑުން މަތިވެގެން. ކެތްތެރިވެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޒަސް

30 July 2024

މިހިރަ ކަހަލަ ކުޅިވަރުގެ ކަންކަމަކީ ޝެލޯ މީހުންނަށް ވިސްނޭވަރަށްވުރެ މާ ބޯމަތިންދާނެ ކަންކަން. އޮލިމްޕިކްސްގައި އެންމެން ބައިވެރިވަނީކީ ކޮންމެހެން މެޑެލް ލިބޭނެތީކީނޫން. އެހެން ނޫންނަމަ 329މެޑެލް ހޯދާކަށް 10،500 ކުޅުންތެރިންނެއް ނުދާނެ. މިއީ ދުނިޔޭގެ ކޮންމެ ގައުމެއްގެވެސް ވަކިކުޅިވަރުތަކަކުން އެންމެ މޮޅެތި ކުޅުންތެރިންއެއްވެ ގުޅުންބަދަހިކޮށް އެކްސްޕީރިއެންސް ހޯދައި ސެލިބްރޭޓް ކުރާތަނެއް. އެތްލީޓުންގެ ޚަރަދު އޮންނަނީ އައޯސީން ސަބްސިޑައިޒްކޮށްފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައިލީ

30 July 2024

މީ ސޯސަލް ގެޓްޓުގެދާއެއްތާ، ދެން އެސޯސިއޭސަންއައް ފައިސާ ލިބެނީ ކިހިނެކުންކަން ކިޔާ ދެވިދާނެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

30 July 2024

ނަތީޖާ ރަނގަޅެވެ. އެތުލީޓުން ކުރިއަށް ދަނީ ސަރުކާރޔގެ މާ ބޮޑު އެހީތެރި ކަމެއް ނެތި އަމިއްލަ އަށެވެ. ކުރިއަށް ދާނީ ބޭރުގެ ގިނަ މުބާރާތް ތަކުގަ ކުޅުމުގެ ފުރުސަތު ސަރުކާރުން ހޯދަދީގެންނެވެ. ރަށްރަށުގެ ކުދީން ނަށް އެއް އަހަރު ރަނގަޅު ތަމްރީން ދެނި ކޮށް މާލޭގަ އުޅޭ ކުދީން ބަލި ކުރާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭކާރު

30 July 2024

ދުވަހަކުވެސް ދިވެއްސަކު ދަށްކުޅުމެއް ކުޅޭތަ؟ އަބަދުވެސް ކޮންމެ ތާކަށް ގޮސްގެން ކުޅުނަސް ކުޅެނީ މޮޅުކޮން. މައްސަލައަކީ އެހާ މޮޅަށް ކުޅޭއިރު އިރުވެސް ދުވަހަކުވެސް މެޗަކުން މޮޅުނުވާތީ. ސުމަކުން ދަށްވިޔަސް "ރަނގަޅު ފައިޓެއް ދެވުނު" މިއީ ރަނގަޅު ތަޖުރިބާއެއް" މި ނޫން ވަރެއް ނުވޭ. މިކަހަލަ ބޭކާރު ކަންކަމަށް ޚަރަދު ނުކޮށް ކޮންމެސް އެހެން ކަމަކަށް ހަރަދު ކޮށްބަލަ.