ޚަބަރު / ޑރ. އައިޝަތު ޝިހާމް (ސޯޝަލް އެންޑް ފެމިލީ)

ހާއްސަ އެހީއަށް ބޭނުންވާ މީހުންނަށް އާމްދަނީ ހޯދައިދޭން "އެމްޕަވަމެންޓް ހަބް" ގާއިމުކުރަނީ

ޖެންޑާ އެންޑް ފެމިލީ މިނިސްޓަރު އައިޝަތު ޝިހާމް: ހާއްސަ އެހީއަށް ބޭނުންވާ މީހުންނަށް އާމްދަނީގެ ފުރުސަތު ދޭން "އެމްޕަވަމަންޓް ހަބް" ގާއިމުކުރުމުގެ މަސައްކަތް ކުރިއަށް ދަނީ-- ފޮޓޯ: ފަޔާޒު މޫސާ | މިހާރު

މާއިދާ މުހައްމަދު ރަޝާދު، މިހާރު

14 އޮކްޓޯބަރ 2024 - 13:33

2 comments

ހާއްސަ އެހީއަށް ބޭނުންވާ މީހުންނަށް އާމްދަނީ ހޯދުމުގެ ފުރުސަތު ހޯދައި ދިނުމަށް "އެމްޕަވަމަންޓް ހަބް" ގެ ނަމުގައި ހާއްސަ މަރުކަޒެއް ގާއިމްކުރަން މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓުން ނިންމައިފި އެވެ.

ފެމިލީ މިނިސްޓްރީން ބުނީ އެމްޕަވަމަންޓް ހަބަކީ ހާއްސަ އެހީއަށް ބޭނުންވާ މީހުންނަށް ހުނަރު ދަސްކޮށްދީ، އެމީހުންގެ އުފެއްދުންތައް ވިއްކައި، ވަޒީފާ އަދާކުރެވޭނެ ފަދަ ހާއްސަ މަރުކަޒެއް ކަމަށެވެ. އަދި އެ މަރުކަޒުން އެ މީހުންނަށް ބޭނުންވާ ހުނަރުތައް ދަސްވެ، އަމިއްލަ މަސައްކަތްތައް ފަށައި އަދި އާމްދަނީ ހޯދުމުގެ ފުރުސަތު ހުޅުވޭނެ ކަމަށް އެ މިނިސްޓްރީން ބުންޏެވެ.

މިނިސްޓްރީން ބުނިގޮތުގައި މިއީ އެފަދަ މީހުންގެ ހުނަރާއި ގާބިލުކަން ދައްކުވައިދޭން ރަނގަޅު ފުރުސަތަކަށް ވާނެ އެވެ.

ފެމިލީ މިނިސްޓްރީން ބުނީ ހާއްސަ އެހީއަށް ބޭނުންވާ މީހުންނަށް ބޭނުން ކުރެވޭނެ ހާއްސަ އިމާރާތެއްގެ އިންތިޒާމު ހަމަޖެއްސުމުގެ މަސައްކަތް ކުރަމުންދާ ކަމަށާއި އަދި އެތަނަކީ އެ މީހުންނަށް ކޮންމެ ވަގުތަކު ވެސް ބޭނުން ކުރެވޭނެ މަރުކަޒަކަށް ވާނެ ކަމަށް މިނިސްޓްރީން ބުންޏެވެ.

އެ މަރުކަޒުގައި ވިޔަފާރި ކުރުމުގެ ފުރުސަތާއި މަސައްކަތްތެރިން ހޯދުމުގެ ފުރުސަތު ވެސް ލިބޭނެ ކަމަށް ކަމަށް މިިނިސްޓްރީން ބުންޏެވެ.

މިނިސްޓްރީން ބުނިގޮތުގައި މިހާރު ކުރިއަށް ދަނީ އެ މަރުކަޒު ހިންގާނެ ގޮތުގެ މޮޑެލް ފައިނަލް ކުރުމާއި މަރުކަޒު ހިންގާނެ އިމާރާތެއް ހޯދުމުގެ މަސައްކަތެވެ.

ނުކުޅެދުންތެރިކަން ހުންނަ މީހުން ޑރ. އައިޝަތު ޝިހާމް (ސޯޝަލް އެންޑް ފެމިލީ) ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ

2 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހަތަކުރު

14 October 2024

ވެއްޖިއްޔާ ރަގަޅު، ވާނެ ބާ؟ ތިކަހަލަ ކިތައް ޕްލޭން ކޮށްފަ އެބައޮތް، ކިތައް އަހަރު ވެއްޖެތޯ ، ކޮށްފައިވާ ތިފަދަ ޕްލޭން ތަކެއް ނުވެއްފެނޭ، އަމަލީ ގޮތުން ނުފެށޭ، ނޫސްތަކުން ފެންނަނީ، ދެން ކިޔާލައިގެން ހުންނަނީ، މިއިން ކުއްޖަކަށް ވާ ހަބަރެއްވެސް ނުވޭ،،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

14 October 2024

ރައްޔިތު މީހާއަށް (ޙާއްސަކޮށް ކުދި ވިޔަފާރި ތަކަށާއި ނިކަމެތި މީހާއަށް) އާމްދަނީ ލިބޭނެ އެއްވެސް ދޮރެއް މިސަރުކާރުން ހުޅުވައި ދޭނެކަމަށް ގަބޫލެއް ނުކުރަން. ކުރިއްޔާ ކުރާނީ ބަންދު. ކުދި ވިޔަފާރިތައް ހަލާކު ކޮށް ނިންމައިފި. ރައްޔިތުން ބިކަވީ ވަރު ވިޔަފާރިތަކުންވެސް ފެންނާނެ. ގައުމު ދަތިކަމެއްގެ ތެރޭގައި އޮތްއިރު އިތުރަށް ފެނިގެން ދިޔައީ ވިޔަފާރި ތައް ހަލާކުކުރަން ފޫގަޅާފައި ނިކުތްތައް. އޭގެ ނަތީޖާ މިދަނީ ފެންނަމުން.