ޑިމޮކްރެޓްސްގެ މެމްބަރުން ޕީއެންސީއަށް ވެއްދި މައްސަލަ ވެސް ޕޮލިހަށް

ޑިމޮކްރެޓްސް އިން ބޭއްވި ނޫސްވެރިންގެ ބައްދަލުވުމެއްގައި އެ ޕާޓީގެ ވަގުތީ ރައީސް، ހުސެއިން ފިރުޝާން ވާހަކަ ދައްކަވަނީ -- ފޮޓޯ: ފަޔާޒް މޫސާ | މިހާރު

ފާތިމަތު އަޖްފާން، މިހާރު

26 ޖެނުއަރީ 2025 - 18:56

7 comments

ޑިމޮކްރެޓްސްގެ މެމްބަރުންތަކެއް ޕާޓީން ވަކިކޮށް، ވެރިކަންކުރާ ޕީއެންސީއަށް ބަދަލުކޮށްފައިވާ ކަމަށް ބުނެ، އެ ޕާޓީން ވެސް ޕޮލިހަށް މައްސަލަ މިއަދު ހުށަހަޅައިފި އެވެ.

އެ ޕާޓީން ބުނީ ރާއްޖޭގެ ގާނުނުލްއުގޫބާތުގައި ބަޔާންކުރާ ހަމަތަކުގެ މަތިން އެ މައްސަލަ ތަހުގީގުކޮށް، އެ އަމަލު ހިންގި މީހުންގެ މައްޗަށް ޖިނާއީ ދައުވާ އުފުލައިދިނުމަށް ޕޮލިހަށް ހުށަހަޅާފައިވާ ކަމަށެވެ.

ސިޔާސީ ޕާޓީތަކުގެ ގާނޫނުގައި ބަޔާންކުރާ ހަމަތަކުގެ މަތިން އެ ބަޔަކު ޖޫރިމަނާކޮށް، ޕާޓީގެ ދަފްތަރުން އުނިކޮށްފައިވާ މެމްބަރުންގެ މެމްބަޝިޕް އަލުން އިއާދަކޮށްދިނުމަށް އިލެކްޝަން ކޮމިޝަނަށް ހުށަހަޅާފައިވާ ކަމަށް ވެސް ޑިމޮކްރެޓުން ބުންޏެވެ.

ޑިމޮކްރެޓްސް ޕާޓީގެ މެމްބަރުން އީސީގެ މެންބަރުންނާ މިއަދު ބައްދަލުކުރަނީ ---- ފޮޓޯ: އިލެކްޝަން ކޮމިޝަން

އެ ޕާޓީން ތުހުމަތު ކުރާ ގޮތުގައި އޮޅުވާލައިގެން ޑިމޮކްރެޓްސްގެ 700 އެއްހާ މީހުން ވަނީ ޕީއެންސީ އަށް ވައްދައިފަ އެވެ.

މިދިޔަ ބުދަ ދުވަހު އެމްޑީޕީން ވެސް ވަނީ އެ ޕާޓީގެ އެތައް މެންބަރުންނެއް، އެ މީހުންނަށް ނޭނގި ވަގު ފޯމްތަކެއް ބޭނުންކޮށްގެން ޕީއެންސީއަށް ވައްދާފައިވާ ކަމަށް ބުނެ ޕޮލިހަށް މައްސަލަ ހުށަހަޅައިފަ އެވެ. އަދި އެ މައްސަލަ ތަހުގީގުކުރަން ޕީޖީގެ ފަރާތުން އަމުރުކޮށް ދިނުމަށް ވެސް ވަނީ އެދިފަ އެވެ.

ސައްހަ ނޫން ފޯމުތަކުގެ މައްސަލައިގައި އެންމެ ބޮޑު ފާޑުކިޔުމެއް މިވަގުތު އަމާޒުވެފައި ވަނީ ވެރިކަން ހިންގާ ޕީއެންސީއަށެވެ. އެ މައްސަލާގައި ޕީއެންސީން ނެރުނު ބަޔާނެއްގައި ވެސް ވަނީ މެންބަރުން އިތުރުކުރުމަށް ހިންގި ޕްރޮގްރާމްގެ ތެރެއިން ސައްހަ ނޫން ފޯމުތަކެއް އީސީއަށް ހުށަހެޅިފައިވާ ކަމަށް އެއްބަސްވެފަ އެވެ.

Vagu form ge massala balan PG amuru nukuraathee MDP ge kanboduvun!

The most trusted news source in the Maldives

Mihaaru

އީސީން ކުރިން ބުނެފައިވާ ގޮތުގައި ވޭތުވެދިޔަ ހަ މަސް ދުވަހުގެ ތެރޭގައި މީހުންނަށް ނޭނގި ސިޔާސީ ޕާޓީ ބަދަލުވުމާއި ޕާޓީތަކަށް ވެއްދުމުގެ 300 މައްސަލަ ލިބުނެވެ. އެ މައްސަލަތައް މިފަހުން ފެންމަތިވީ ރައްޔިތުންގެ މަޖިލީހުގެ އެމްޑީޕީގެ މެންބަރެއް ކަމަށްވާ ވައިކަރަދޫ ދާއިރާގެ މެންބަރު ހުސައިން ޒިޔާދު (ފިއްޓޭ) އަށް ނޭނގި އޭނާ ޕީއެންސީ އަށް ބަދަލު ކުރުމުންނެވެ. އީސީން ފަހުން ވަނީ އެ ފޯމު ބާތިލްކޮށްފަ އެވެ.

އިލެކްޝަންސް ކޮމިޝަން ޕީޕަލްސް ނެޝަނަލް ކޮންގްރެސް ދަ ޑިމޮކްރެޓްސް

7 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަހަނބު

27 January 2025

ތިޔަ ޕާރޓީގަ އެބަތިބިތަ މެންބަރެއް ގެންދަން 2 މީހުން ހަމަ ނުވާ ކުދި ޕާރޓީވެސް އުޅޭގޮތެއްދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

27 January 2025

ޕާޓީއަށް ވަގަށް ވައްދާ މީހާއަށް އެ ޕާޓީ އިން ވަކިވުމުގެ ފުރުސަތު ބަންދެއް ނުވޭ. ބޭނުން ވަގުތަކު އޭނާއަށް ޕާޓީ އިން ވަކިވެވިދާނެ. އެހެން ނަމަވެސް ވަގަށް ދޫކޮށްފައިވާ ބިންތަކާއި ފުލެޓް ތަކުގެ ކަންކަން ހުރީ މާ ގޯސްކޮށް. ހިލޭ ބަހާލި ބިންތައް ލިބުނު މީހުންގެ ނަންތައް ފުލެޓް ލިސްޓްގައި އޮންނާނީ ގައިމު ބަޔަކު އޮޅުވާލައިގެން މަކަރާއި ހީލަތް ހަދައި ދޮގު މައުލޫމާތު ދީގެން އެކަން ކޮށްފައިވާތީ ނޫންތޯ؟ ކީއްވެ މިމައްސަލަ ހުށަނާޅަނީ؟! މިކަންވެސް ބަލާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިންމޯޑް

27 January 2025

ފިއްޓެ ޖެއްސި ގޭމެއްމީ، މިކަހަލަ ކަންކަން ވަރަށް ރޭވުންތެރިކަމާއެކު ކުރުމުގެ ހިސްޓްރީ އޮތް މީހެއް ކަމަށް ބުނާ މީހެއް ފިއްޓެ އަކީ، ޕީއެންސީ ވެސް އެހާ ގަޅިނުވާނެދޯ ފިއްޓެ ކަހަލަ މަޝްހޫރު މީހަކު،އެންމެން ދަންނަ މީހަކު ޕާޓީއަށް ވައްދާކަށް، އެކަމަކު މިފަހަރު ފިއްޓެ މިކަން ކާމިޔާބު ކޮށްފި ހަމަ ރަގަޅަށްވެސް. ވަރަށް ފޮނު އަރުވައިފިތާ............

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބަލް އަފީފު ދީދީ ގެ ކޮއްޔާ

27 January 2025

މި ދާ ގޮތަށް ދާ ނަމަ 2028 ރިޔާސީ އިންތިހާބު ކާމިޔާބު ކުރާނީ ޑިމޮކްރަޓްސް އިން ނެރޭ ކެޑިޑޭޓެއް ކަމަށް ލަފާ ކުރެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދ

27 January 2025

އެކަމަކު ތިޔަ ޕާޓީން ވަގަށް ގެންދިޔަހެނެއް ހިޔެއް ނުވޭ. ޕާޓީގެ ރައީސް އާ ނައިބު ނައީސް އާ ލީޑާރޝިޕް އެކީ ކަހަލަ ގޮތަކަށް ޕާޓީ ދޫކޮށްފަ އެދިޔައީ ފާޅުގަ އިއުލާން ކޮށްފަ. އެވަރު ބައެއް ޕާޓީ ދޫކޮށްފަ ދިޔައިރު އާދައިގެ މެންބަރުން ތިބޭނެތޯ!؟ ތިއުޅެނީ ފޮނުއަރުވާފަ އުޅެނިކޮށް މީހުންކޮޅު ބެޗީމަ އެލަދުން ސަލާމަތްވާންހެން ހީވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަކުވާ

26 January 2025

ސިޔާސީ ޕާޓީތަކާއި ސިޔާސީ މީހުންނަށް ގާނޫނު ނުހިގަނީ ބާއެވެ. މީހެއްގެ ނަމުގައި ސޮއިކޮށް ދޮގުމަޢުލޫމާތު ރަސްމީ ބޭނުމަށްޓަކައި ބޭނުން ކުރުމަކީ ގާނޫނީ ކުށެކެވެ. އަދި އެއީ ޖިނާއީ ކުށެކެވެ. އެއަށް ގާނޫނީ އަދަބު ލިބެންޖެހޭނެއެވެ. ގާނޫނުއަކީ ވަކިބަޔަކަށް ހިގާ އެއްޗެއްކަމަށް ނެހެދުމަށް ކަމާއިބެހޭ ފަރާތްތަކަށް ގޮވާލަމެވެ.