އޭޑީކޭ އިން 15 ބުރީގެ އިމާރާތެއް އަޅަން 120 މިލިއަންގެ ބޮންޑެއް ވިއްކަނީ

އޭޑީކޭ ހޮސްޕިޓަލް. އެ ހޮސްޕިޓަލްގެ 15 ބުރީގެ އިމާރާތެއް އަޅަން 120 މިލިއަން ރުފިޔާގެ ބޮންޑެއް އިޝޫކުރަން ވަނީ ނިންމާފައި -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

16 އެޕްރީލް 2025 - 11:02

10 comments

އޭޑީކޭ ހޮސްޕިޓަލުން 120 މިލިއަން ރުފިޔާގެ ބޮންޑެއް ވިއްކަން ނިންމައި އޭގެ ފުރަތަމަ ޓްރާންޗް ނުވަތަ ބައިގެ ގޮތުގައި 50 މިލިއަން ރުފިޔާ ވިއްކަން ހުޅުވާލައިފި އެވެ.

އޭޑީކޭގެ ބޮންޑުގެ ފުރަތަމަ ޓްރާންޗަށް އިވެސްޓްކުރަން ބޭނުންވާ ފަރާތްތަކަށް އެކަމުގެ މައުލޫމާތު މޯލްޑިވްސް ސްޓޮކް އެކްސްޗޭންޖުގެ ވިޔަނަ ބޯޑުން ފެންނާނެ އެވެ. އޭގައި އެ ބޮންޑު ލިސްޓްކޮށްފައިވަނީ ޕްރައިވެޓް ޕްލޭސްމެންޓެއްގެ ގޮތުގަ އެވެ.

ފަސްޓް ނެޝަނަލް އަކީ އެ ބޮންޑުގެ ލީޑް އެރޭންޖާ އަދި ޕްރިންސިޕަލް އެޑްވައިޒަރެވެ. ފަސްޓް ނެޝަނަލް އިން ވަނީ އެ ބޮންޑު ސްޓްރަކްޗާކޮށްފަ އެވެ. އަދި ބޮންޑާ ގުޅޭ ހުރިހާ ކަމެއް މެނޭޖްކުރުމުގެ މަސައްކަތް އެ ކުންފުނިން ކުރާނެ އެވެ.

އެ ކުންފުނިން ބުނީ، ބޮންޑު އިޝޫ ކުރާނީ ތިން ޓްރާންޗަކަށް ބަހާލައިގެން ކަމަށެވެ. ބޮންޑުގެ އަހަރީ ކޫޕަން ރޭޓަކީ އަށް ޕަސެންޓެވެ. އެއީ ފަސް އަހަރުގެ މުއްދަތަކަށް ވިއްކާ ބޮންޑެކެވެ.

އޭޑީކޭ ހޮސްޕިޓަލުން އެ ބޮންޑު ވިއްކަނީ، އެ ހޮސްޕިޓަލް ހިދުމަތްތައް އިތުރަށް ޑައިވާސިފައިކޮށް، ސިއްހީ ބައެއް ހިދުމަތްތަކަށް ބޭނުންވާ، އިންފްރާސްޓްރަކްޗާ ގާއިމް ކުރުމަށެވެ. އަދި 15 ބުރީގެ އިތުރު އިމާރާތެއް އެޅުމަށް ވެސް ވަނީ ނިންމައިފަ އެވެ. އެ ޕްރޮޖެކްޓުން ރާއްޖޭގެ ސިއްހީ ދާއިރާއަށް އިންގިލާބީ ބޮޑު ބަދަލެއް ފެންނާނެ ކަމަށް ވެސް ފަސްޓް ނެޝަނަލް އިން ބުންޏެވެ. އޭޑީކޭގެ އާ ބިލްޑިންހާ އެކު ސިއްހީ ދާއިރާގައި ރާއްޖޭގައި މިވަގުތު ނުލިބޭ އިތުރު ހިދުމަތްތައް ވެސް ތައާރަފްކުރާނެ ކަމަށް އެ ކުންފުނިން ބުންޏެވެ.

އޭޑީކޭ ހޮސްޕިޓަލަކީ ރާއްޖޭގައި އެންމެ ފުރަތަމަ ހިންގަން ފެށި ޕްރައިވެޓް ހޮސްޕިޓަލެވެ. އަދި ޓާޝަރީ ހޮސްޕިޓަލެއްގައި އެންމެ ފުޅާ ދާއިރާއެއްގައި ސިއްހީ ހިދުމަތްތައް ފޯރުކޮށްދެމުން އަންނަނީ އެ ހޮސްޕިޓަލުންނެވެ.

އޭޑީކޭ ހޮސްޕިޓަލް ފަސްޓް ނޭޝަނަލް ފައިނޭންސް ކޯޕަރޭޝަން

10 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަސްލު

18 April 2025

ރަންގަޅު ޑިޒައިނަރަކު ހޯދައްޗޭ… މިހާރުގެ ތިތަން ހަދާފަހުންނަ މޮޅު ޑިޒައިނަކުން ތަން ހަޑިވެ ހީވަނީ ފަންގަސް ޖަހާފަހުންނަހެން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުތްމަޅިދީދީ

18 April 2025

ރާއްޖޭގައި ސިއްހީފަރުވާގެ އިތުރު ޚިދުމަތްތަށް ތަޢާރަފްކުރާކަމީ އަހަރެން އުފާކުރާކަމެއް، އާންމު ފަރުދުންވެސް ބޭކާރުހަރަދު މަދުކޮށް ފައިސާސޭވްކޮށްގެން ، ބަޔާންކުރެވުނު ޚިދުމަތްތަށް ގައުމުނަ ލިބިގަތީމަ އެ ނިމުނީ ނޫންތޯ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1206

16 April 2025

މެޑިކަލް މާފިއާ އިން އެކްޝަން. އަސްލު މިއީ މެޑިކަލް މާފިއާގެ އެންމެ ބޮޑު ހުންގާނު. ދައުލަތުން ދިވެހިރައްޔިތުންގެ މިލްކު ބޮޑު ބިމެއް ވިޔަފާރި ކުރާ ޢާއިލާއަކުން ހިންގާ ޕްރައިވެޓް ކުންފުންޏަށް ދީފައި މި އޮންނަނީ ވަރަށް ކުޑަ އަގެއްގައި. އެކަމަކު، ސިއްހީ ޚިދުމަތް ފަދަ އަސާސީ ޚިދުމަތެއް އެގްޒޯބިޓެންޓް (ނުބައްދަލު ބޮޑު) އަގުގައި، ވިޔަފާރިއަކަށް ހަދައިގެން މި ފޯރުކޮށްދެނީ. ގުޑް ގަވަރނަންސްގެ ކަންފުޅެއް ވެސް ނެތް ކުންފުންޏެއް. މުއްސަނދިން މުއްސަނދި ވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑަކްޓަރު ވަހ\ީދު

16 April 2025

ޑަކްޓަރު ވަހ\ީދު ސަރުކާރުގެ ހެލްތު މިނިސްޓަރު، އޭރު އެތާހުރި ސިއްޙީ މަރުކަޒު އޭޑީކޭ އަށް ދިނުން އަދި ޑީލް އަކުން މިކަން ނިންމާލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުލައިމާނ

16 April 2025

އަހަންނަށް އިގެނީ ޖޭމްސް ބޮންޑް. ތަންކޮޅެއް ތިލަކޮށް ބޮންޑް އަކީ ކާކުކަން ނޫނީ ކޯޗެއްކަން ކިޔައިދެވިދާނެތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޭމްސްދސް

16 April 2025

ބޮންޑަކީ ދައުލަތަށް ނުވަތަ ކުންފުންޏަކަށް ބޭނުންވާ ފައިސާ ހޯދުން. އެގޮތުން ވަކި އަގެއް ކަނޑައަޅައިގެން ކަރުދާސްކޮޅެއް ވިއްކާނެ. އެކަރުދާސްކޮޅު ގަތް މީހާއަށް ވަކި މުއްދަތެއްވީމަ، އެވިއްކި ފަރާތުން ރިބާގެ މިންވަރެއް ލާފައި އަލުން ފައިސާ ދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު21

16 April 2025

ތީ ގައުމަށް އޮތް ބަލާ އެއް! ގައުމުގެ މެޑިކަލް ސިސްޓަމް ފުންޑާލާ ކުޑަ އަގެއްގަ ކުއްޔަށް ނަގައިގެން ވަކިބަޔަކު މަހުޖަނުންނަށް ހަދަން ހިންގާ ޖަރީމާއެއް.. ރައްޔިތުމިހާ ފެލުން ނޫން ކަމެއް ނުކުރޭ!