ވިޔަފާރި / މޯލްޑިވިއަން އެއާލައިން

މޯލްޑިވިއަންގެ ފަސް ވަނަ އޭޓީއާރް މަތިންދާ ބޯޓު ގެނެސްފި

އޭޓީއާރް ބޯޓު. އެ ބޯޓު އެއާޕޯޓަށް ގެއްސީ މިއަދު ހަވީރު -- ފޮޓޯ: މޯލްޑިވިއަން އެއާލައިން

ފާތިމަތު ޝަނާ މުހައްމަދު، މިހާރު

07 ޖޫން 2025 - 23:02

7 comments

ގައުމީ އެއާލައިން، މޯލްޑިވިއަން އިން އޭޓީއާރް މަރުކާގެ އިތުރު ބޯޓެއް ގެނެސްފި އެވެ.

މިއީ އެ އެއާލައިނުން ގެންނަ ފަސް ވަނަ އޭޓީއާރް މަރުކާގެ ބޯޓެވެ. ވެލާނާ އިންޓަނޭޝަނަލް އެއާޕޯޓަށް އެ ބޯޓު ޖެއްސީ މިއަދު ހަވީރު 4:30 ހާ އިރު ގަ އެވެ. އެ ރަސްމިއްޔާތުގައި ޓޫރިޒަމް މިނިސްޓަރު ތޯރިގް އިބްރާހިމް ބައިވެރިވެވަޑައިގެންނެވި އެވެ.

މިއަދު ހަވީރު ގެންނަ އެ ބޯޓުން ގާތްގަނޑަކަށް 42 މީހުން އުފުލޭނެ އެވެ.

މޯލްޑިވިއަން އިން ވޭތުވެދިޔަ ދެ އަހަރުން ފެށިގެން އަންނަނީ އެ އެއާލައިނުން ޑޮމެސްޓިކް ދަތުރުތަކަށް ބޭނުން ކުރަމުން އަންނަ މަތިންދާ ބޯޓުތައް އާ ކުރުމުގެ މަސައްކަތް ކުރަމުންނެވެ. އެ އެއާލައިނުން 2023 ވަނަ އަހަރު ބްރޭންޑް ނިއު ތިން މަތިންދާބޯޓު ގެނެސްފައިވެ އެވެ. މިދިޔަ އަހަރު އެއް ބޯޓު ގެނެސްފައިވެ އެވެ.

އާ އޭޓީއާރް ބޯޓުގެ ޕައިލެޓުންނަށް މަރުހަބާ ކިޔަނީ. އެ ބޯޓާ އެކު މޯލްޑިވިއަންގެ އޭޓީއާރްގެ އަދަދު ފަހަކަށް އިތުރުވާނެ -- ފޮޓޯ: މޯލްޑިވިއަން އެއާލައިން

މޯލްޑިވިއަންގެ މެނޭޖިން ޑިރެކްޓަރު އިބްރާހިމް އިޔާސް މިދިޔަ ޖެނުއަރީ މަހު "މިހާރު" އަށް ދެއްވި ހާއްސަ އިންޓަވިއުއެއްގައި ވިދާޅުވީ، ޑޮމެސްޓިކް ދަތުރުތަކުގެ ފެންވަރު ރަނގަޅު ކުރުމަށްޓަކައި ޑޮމެސްޓިކް ފްލީޓުގެ އަދަދު އަށަކަށް އިތުރު ކުރާނެ ކަމަށެވެ. އެހެންވެ، އިތުުރު ތިން އޭޓީއާރް މޯލްޑިވިއަން އިން އަދި ހޯދާނެ އެވެ.

ބޯޓުތައް އާ ކުރުމަށް މިހާތަނަށް 70 މިލިއަން ޑޮލަރު (1.1 ބިލިއަން ރުފިޔާ) ހޭދަކުރި އިރު 8 ބޯޓު ގެންނަން ގާތްގަނޑަކަށް 140 މިލިއަން ޑޮލަރު (2.2 ބިލިއަން ރުފިޔާ) ހޭދަވާނެ ކަމަށް އައިއޭއެސް އިން ލަފާކުރެ އެވެ.

އޭޓީއާރްގެ އެންމެ ފަހު ބޯޓު. އެ ބޯޓުން ގާތްގަނޑަކަށް 40 މީހުން އުފުލޭނެ -- ފޮޓޯ: މޯލްޑިވިއަން އެއާލައިން

އާ ބޯޓުތައް ގެނައުމުގެ އިތުރުން އެ އެއާލައިނުން ވަނީ ޕްރިމިއަމް އިކޮނޮމީގެ ޓިކެޓް ވިއްކަން ފަށާ، އޮންބޯޑް ރީޓެއިލް ސާވިސަސް ވެސް ފަށާ އެވެ. އެ ހިދުމަތުގެ ދަށުން ބޯޓުތަކުގައި ދަތުރު ކުރާ މީހުންނަށް އިތުރު ބުއިންތަކާއި ކާބޯތަކެތި ގަނެވޭނެ އެވެ.

އާ އޭޓީއާރް މަތިންދާ ބޯޓާ އެކު އެ އެއާލައިނުގެ ފްލީޓުގެ އަދަދު 26 އަށް އިތުރުވާނެ އެވެ. ފަސް އޭޓީއާރްގެ އިތުރުން އޭ330 މަތިންދާ ބޯޓާއި އެއާބަސް އޭ320 އާއި ޑޭޝް މަރުކާރުގެ އަށް ބޯޓާއި 11 ސީޕްލޭން ހިމެނެ އެވެ.

މޯލްޑިވިއަން އެއާލައިން އިބްރާހިމް އިޔާސް (އެމްޑީ، އައިލެންޑް އޭވިއޭޝަން)

7 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

10 June 2025

ވަރަށް ކުޑަ، ބުރަފަތި ލީ ބޯއްޓެއް ދޯ؟ ޙޫމް. އިންޑިޔާގެ އޯޑަރަށް ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

08 June 2025

ކުންފުނީގެ ފުލީޓް ގައި މިހާރުވެސް A-330 އެއަރބަސް 1 ބޯޓް، A-320 ގެ 1 ބޯޓް، ATR 72 ގެ 2 ބޯޓް، ATR 42 ގެ 1 ބޯޓުގެ އިތުރުން Dash 8 -300 ގެ 7 ބޯޓާއި Dash 8 - 200 ގެ 2 ބޯޓް އެބައޮތް. މިއީ ރޭވުންތެރިކަމާއި އެކުގައި މިކަން ކޮށްފިނަމަ، ކ.މާލޭ އެއަރޕޯޓް، ހަނިމާދޫ އިންޓަރނޭޝަނަލް އެއަރޕޯޓް އަދި އައްޑޫ GAN International Airport ގެ އިތުރަށް ޑޮމެސްޓިކް އެހެން ހުރިހާ އެއަރޕޯޓްތަކަށް ދަތުރުކުރަން ބޭނުންވާ އަދަދަށްވުރެންވެސް އިތުރު އަދަދެއްކަމަށް ޤަބޫލު ކުރެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލްދީބު

08 June 2025

ބޯޑުތަކުގެ ނިދި ހަލާކުކޮށްލަންތަ ތިޔަވިސްނަނީ؟ އެތަކެތިވެސް ރެސްޓުބޭނުންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

08 June 2025

ފަތުރުވެރިއެއްގެ ގޮތުގައި 1997 ގައި ރާއްޖެ އައި މީހަކު ކެނަޑާއިން ކުއްޔަށް ހިފައިގެން އައިސް ފެއްޓި AIR TAXI (މިހާރު ޓީއެމްއޭ) ގެ ހިދުމަތް ފުޅާވެގެންގޮސް މިއަދު އެކުންފުންޏަކީ ދުނިޔޭގެ އެންމެބޮޑު ސީޕްލޭން ފްލީޓް އޮތް ކުންފުންޏަށް (87 ބޯޓް އޮތްކަމަށްވޭ) ވެގެން ދިޔައިރު ޑޮލަރުން އާމްދަނީ ލިބޭ މި ވިޔަފާރީގެ ތެރެއަށް ފުޅާދާއިރާއެއްގައި ޤައުމީ އެއަރލައިން ކުންފުނިން ނުވަންނަން އުޅެނީ މަސްލަހަތު ހުރި ފަރާތް ތަކުގެ ނުފޫޒުގެ ސަބަބުންތޯ؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮވާފަ

08 June 2025

ސިކުނޑިން ދުންއަރާފަހުރީމަތަ ތިޔަލިސްޓުގަ 11 ސީޕްލޭން ނެތީ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިޖުރަ.

08 June 2025

ދީދީ ތިޔަ ސުވާލު ކުރައްވާ ޓްރާންޕޯޓް މިނިސްޓަރ އަމީނު އާއި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަނަސް

09 June 2025

ސީޕުލޭނު ވިޔަފާރިއަށް މޯލްޑިވިއަން އަށް ނުވަދެވިގެން އުޅެނީ ގާބިލް މީހުން މެޏޭޖުމެންޓްގަ ނެތިގެން! ހުރިހާ ސަރުކާރެއްގަވެސް މީހާލަތު. 11 ބޯޓު އޮތަސް ރިސޯރޓް ކޮންޓްރެކްޓު މޯލްޑިވިއަންއަކައްނުލިބޭ. އެމްޑީންނައްލާފަ ތިބޭމީހުންގެ ނެތް ނެގޯށިއޭށަން ކުރުމުގެ ހުނަރެއް. ރިސޯރޓްތަކުގެ އިތުބާރު މޯލްޑިވިއަންއަށް ލިބިގެން ކުރިއެރުމެއް ލިބޭނީ.