ރަސްގެފާނު ޗާލްސް އާއި ރައީސް މުއިއްޒު ބައްދަލު ކުރައްވައިފި

ކިންގް ޗާލްސް އާއި ރައީސް މުއިއްޒު ސަލާން ކުރައްވަނީ --- ފޮޓޯ/އިނގިރޭސި ޝާހީ އާއިލާ

މުއިއްޒު އިބްރާހިމް، މިހާރު

17 ޖުލައި 2025 - 16:19

ރައީސް ޑރ. މުހައްމަދު މުއިއްޒު އިނގިރޭސި ވިލާތަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން އިނގިރޭސި ވިލާތުގެ ރަސްގެފާނު ޗާލްސްއާ މިއަދު ބައްދަލު ކުރައްވައިފި އެވެ.

މަތީ ފެންވަރުގެ ބައްދަލުވުންތަކެއްގައި ބައިވެރިވެވަޑައިގަތުމަށް ރައީސް މުއިއްޒު ކުރައްވަމުން ގެންދަވާ ދަތުރުފުޅުގެ ތެރެއިން ރަސްގެފާނު ޗާލްސްއާ މިއަދު ބައްދަލު ކުރެއްވީ ޝާހީ ގަނޑުވަރު ވިންޑްސޯ ކާސަލްގަ އެވެ.

ދެ ބޭފުޅުން ވަނީ ރާއްޖެ އާއި އިނގިރޭސި ވިލާތާ ދެމެދު އޮތް ޒަމާންވީ ރަހުމަތްތެރިކަމުގެ ގުޅުން އިތުރަށް ބަދަހި ކުރުމާ ގުޅޭ ގޮތުން ވެސް މަޝްވަރާ ކުރައްވާފައި ކަމަށް ރައީސް އޮފީހުން ބުންޏެވެ.

އިނގިރޭސި ވިލާތުގެ ދަތުރުފުޅުގެ ތެރެއިން ރައީސް މުއިއްޒު އިއްޔެ ވަނީ އެ ގައުމުގެ ހާރިޖީ ވަޒީރު ޑޭވިޑް ލެމީ އާއި ހައުސް އޮފް ކޮމަންސްގެ ރައީސް ލިންޑްޒޭ ހޮޔިލްއާ ވެސް ބައްދަލު ކުރައްވައި، މަޝްވަރާ ކުރައްވައިފަ އެވެ.

ރައީސް މުއިއްޒާއި އިނގިރޭސި ރަސްގެފާނު ޗާލްސް މިއަދު ސަލާން ކުރައްވަނީ.

އެ ދަތުރުފުޅުގައި ރައީސްގެ އިތުރުން ސަރުކާރުގެ އިސްވެރިންގެ ވަފުދެއް ވެސް ބައިވެރިވެ ވަޑައިގަންނަވަ އެވެ.

ރައީސް މުއިއްޒު އިނގިރޭސި ވިލާތަށް ދަތުރުފުޅެއް މި ކުރައްވަނީ ރާއްޖޭގެ މިނިވަންކަމަށް މި ޖުލައި މަހުގެ 26 ގައި 60 އަހަރު ފުރޭ މުނާސަބަތުގެ އިތުރުން ރާއްޖެ އާއި އެ ގައުމާ ދެމެދު ސިޔާސީ ގުޅުން ގާއިމްކުރިތާ ވެސް 60 އަހަރު ފުރުމާ ދިމާކޮށެވެ. ރާއްޖެ އާއި އިނގިރޭސި ވިލާތާ ދެމެދު ސިޔާސީ ގުޅުން ގާއިމްކުރީ ޖުލައި 26، 1965 ގަ އެވެ.

ރާއްޖެ-އިނގިރޭސިވިލާތް ރަސްގެފާނު ޗާލްސް ތިނެއް ރައީސް ޑރ. މުހައްމަދު މުއިއްޒު އިގިރޭސިވިލާތް

11 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

18 July 2025

ދިވެހިރާއްޖެ އާއި އިގިރޭސިވިލާތާއި ސިޔާސީ ގުޅުން އުފެއްދީ 1887 ވަނަ އަހަރު. އެއީ، މީގެ 138 އަހަރު ކުރި. 1965 ވަނަ އަހަރު އުފެއްދީ ޑިޕްލޮމެޓިކު ގުޅުން. ބަލަ،، 1960-1964 ގައި ރާއްޖޭގައި އިގިރޭސީންގެ ސިޔާސީ އެޖެންޓެއް ހުރި. އޭނާގެ ނަމަކީ ހަމްފްރީ އާތިންޓަން-ޑޭވީ. އެއީ ސިޔާސީ ގުޅުމެއް ނޫންތަ؟ އަހުރެން އާތިންޓަން-ޑޭވީ ދެކޭ ހަނދާން އެބަހުރި. އޭނަ މަގޭ ގެޔަށްވެސް އައިސް އުޅުނު. ކަލޭމެން ކަންކަމުގެ އެކޮޅު މިކޮޅު ނުބަލާ ހަގީގަތާ ހިލާފު ވާހަކަ ނުލިޔެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީއޯ

18 July 2025

ފަސްޓްލޭޑީ ނެތީމަ މިފޮޓޯ ފުރިހަމައެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޔަލް ފޮލޯކްސް

18 July 2025

ގަނޑުވަރުގެ ކިބަޅި ފަރާތުން ކަލޯ ކޮން ވަޑާމެއް؟ މީ އިވެސްޓްކުރާނެ މީހަކުވޭތޯ. އާނ ލަސްނުކޮށް ފުރޭތޯ ބަލާތި. މިތާ ކުދީންކޮޅު މިހާރު ވަރަށް ނުސިޔާނު ވާނެ. މަމެންވެސް މިއުޅެނީ ނިކަން ދަތި ދުވަސްވަރެއްގަ. ގެއްލުނު ކަނޑު ފެނިއްޖެތަ؟ އާނ ހިތަދޫ ފުރަގަހުގަ އޮތްތަން ފެނިއްޖެ. އެވަރުކަމެކޭ ތީ. ބަލާނުލެވުނީދޯ! އެހެން ވެދާނެ. މަހަށް ދަންތަ؟ ނޫން މަސްޗެރިކަން ފުނޑާލާފީމު. އައްދޯއި ހިކިމަސްކޮޅެއްވެސް ނުލިބިނީ ތި ދެން. މަންމަ ރާނީ ކޮބާ؟ ނައްޓާލާފިއެއްނު ނޭގެދޯ