ޚަބަރު / ދިވެހި ބަހާއި ތާރީހާ ބެހޭ މިނިސްޓްރީ

ގައުމީ ދުވަހުގެ ރަސްމީ ޖަލްސާ އުތީމުގައި ބާއްވަން އިއުލާންކޮށްފި

ހއ. އުތީމުގައި ހުންނަ އުތީމު ގަނޑުވަރު: މި އަހަރުގެ ގައުމީ ދުވަހުގެ ރަސްމީ ޖަލްސާގައި ބާއްވަނީ އެ ރަށުގައި.-- ފޮޓޯ: މިހާރު

އިފްރާޒް އަލީ، މިހާރު

06 އޯގަސްޓް 2025 - 12:09

9 comments

މިއަހަރުގެ ގައުމީ ދުވަހުގެ ރަސްމީ ޖަލްސާ ހއ. އުތީމުގައި ބާއްވަން ސަރުކާރުން އިއުލާންކޮށްފި އެވެ.

މިއަހަރާއި އަންނަ އަހަރުގެ ގައުމީ ދުވަސް އުތީމުގައި ފާހަގަކުރަން ރައީސް ޑރ. މުހައްމަދު މުއިއްޒު ނިންމަވައި، އެކަން ކުރިން އޮތީ އިއުލާން ކުރައްވައިފަ އެވެ. މީގެކުރިން ގައުމީ ދުވަހުގެ ރަސްމީ ޖަލްސާ އަބަދުވެސް ބާއްވަނީ މާލޭގަ އެވެ.

ދިވެހިބަހާއި ސަގާފަތާއި ތަރިކައާ ބެހޭ މިނިސްޓްރީން ކުރި އިއުލާނެއްގައި ބުނެފައިވާ ގޮތުގައި، ގައުމީ ދުވަހުގެ ރަސްމީ ޖަލްސާ އާއި ދިދަ ނެގުމުގެ ރަސްމިއްޔާތު އުތީމުގައި ބޭއްވުމަށް އިވެންޓް މެނޭޖުކޮށްދޭނެ ފަރާތެއް ހޯދަން ބޭނުންވެ އެވެ.

ގައުމީ ދުވަހަކީ ކޮންމެ ހިޖުރީ އަހަރެއްގެ ރަބީއުލްއައްވަލް މަހުގެ އެއްވަނަ ދުވަހެވެ. މިއަހަރުގެ މީލާދީ އަހަރުގެ ކަލަންޑަރުން އެ ދުވަސް ދިމާވަނީ މި މަހުގެ 24 ވަނަ ދުވަހާ އެވެ.

ރާއްޖޭގެ ގައުމީ ދުވަސް ފާހަގަ ކުރަނީ އައްސުލްތާން މުހައްމަދު ތަކުރުފާނުލް އައުޒަމް ޕޯޗްގީޒުންގެ އަތް ދަށުން ރާއްޖެ ސަލާމަތް ކުރުމަށް ކުރެއްވި ޖިހާދުގެ ޒިކުރާ އާކުރުމުގެ ގޮތުންނެވެ. އުތީމަކީ ބޮޑު ތަކުރުފާނުގެ އުފަން ރަށެވެ.

މުހައްމަދު ތަކުރުފާނަކީ އުތީމު ހުސައިން ހަތީބުގެ ހަތަރު ބޭކަލުންގެ ތެރެއިން އެއް ބޭކަލެވެ. އުތީމުގައި ހުންނަ އުތީމު ގަނޑުވަރަކީ އެ ހަތަރު ބެއިންގެ އާއިލީ ގެކޮޅެވެ.

އެ ގެކޮޅަށް ތާރީހީ ގޮތުންނާއި ގައުމީ ގޮތުން ހާއްސަ އަހައްމިއްޔަތު ކަމެއް ދެނީ އެ ތަކުރުފާނުގެ ތިން ބޭކަލުން ޕޯޗުގީޒުންގެ އަތް ދަށުން ރާއްޖެ މިނިވަންކުރުމަށް ކުރެއްވި ކާމިޔާބު ޖިހާދުގެ ސަބަބުންނެވެ. އެއީ މުހައްމަދު ތަކުރުފާނުގެ އިތުރުން ހަސަން ތަކުރުފާނު އަދި އަލި ތަކުރުފާނުގެ ސަބަބުންނެވެ.

ރާއްޖޭގެ ގައުމީ ދުވަސް ހއ. އުތީމު ދިވެހި ބަހާއި ތާރީހާ ބެހޭ މިނިސްޓްރީ

9 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތެލި

06 August 2025

ހެޕީ ކޮށްދޭންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައި މީ

06 August 2025

ގައުމީ ދުވަހުގެ ޖަލްސާގައި އާދަނު ހުންނަންވާނީ ގައުމީ ހެދުމުގައި، މުންދާއި ތާކިހާ ކޮޅުގައި. އޭރުން ގައިމީ ވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމް ހރ

06 August 2025

އިވެންޓް މެނޭޒް ކުރާނެ ފަރާތެއް ތިޔަ ހޯދާނީ އާދަނުގެ މިނިސްޓްރީން މުވައްޒަފުން މަދީތަ. އެތައް މިލިޔަން މަހަކު ހަރަދުކުރާ ސިޔާސީ މުވައްޒަފުން އަދަދު ނޭގޭ ވަރަށް. ދިވެހިބަހާއި ސަގާފަތާއި ތަރިކައާ ބެހޭ މިނިސްޓްރީގައި އުޅެނީ ކަންނެތް ސިޔާސީ މުވައްޒަފުން ދެއްތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯރަ ސަލް

06 August 2025

ވަރަށް ރަނގަޅު ވާހަކައެއް. އެހެންބަޔަކަށް ލާރިދީގެން މަސައްކަތްކުރަންވީ. ރީތި ނަން މިނިސްޓްރީގެ މުވައްޒަފުންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާލިމްބެ

06 August 2025

ތިކަން މިނިސްޓްރީގެ މީހުންނަށް ކުރެވޭނެ. ސިޔާސީ މަގާމް ތަކުގައި 60 އަށްވުރެ ގިނަ މީހުން. އިވެންޓް ބާއްވަންވީ ފައިސާ ދީގެން އެހެން ބައެއް. ގައިމިއްޔަތާބެހޭ މިނިސްތްރީގެ ސިޔާސީމީހުންނަށް ތިކަން ނުކުރެވޭނަމަ މަގާމުތަކުން ވަކިކުރޭ. ގޮޑީ މޭޒުނެތި އެތައް ބަޔެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާކިފް

06 August 2025

އިވެންޓް މެނޭޒް ކުރާނެ ފަރާތެއް ތިޔަ ހޯދާނީ ކޮރަޕްޝަނަށް މަގުފަހި ކުރަންތަ؟ ދިވެހިބަހާއި ސަގާފަތާއި ތަރިކައާ ބެހޭ މިނިސްޓްރީގައި އަދަދުނޭގޭ ވަރަށް ސިޔާސީ މުވައްޒަފުން އެބަތިބި. އެމީހުންގެ ދައުރެއް ނޫންތަ އެއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

06 August 2025

އަނެއްކާ އަނެއް އިވެންޓް މެނޭޒް ކުރާނެ ފަރާތެއް ތިޔަ ހޯދާނީ ކޮރަޕްޝަންއަކީ ޤައުމީ ކުޅިވަރަކަށް ހަދަންތޯ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަރަދު

06 August 2025

އެއިރުން އެންމެ ހަރަދު ކުޑަވާނީ! ތީ ތިބާއްވާ ޖައްވުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯރި

06 August 2025

ހުރިހާ ހާއްސަ ދުވަހެއް މިއޮންނަނީ މާލޭގަ ބާއްވަންޖެހޭގޮތައް ސަގާފަތެއް އަށަގަނުވާފަ. އެކަން ބަދަލުކޮށް އަތޮޅުތަކަށްވެސް ހާއްސަދުވަސް ފާހަގަކުރަން ނިންމެވީތީ އަދުގެ ރައީސައް ޝުކުރު. މީގެ ކުރިން ނަޝީދުވެރިކަމުގަ ސާކުސަމިޓު އައްޑޫގަ ބޭއްވި އެކަމް ދެންއައި ސަރުކާރުތަކުން އަހަމިއްޔަތު ދެމުންއައީ މާލެ ސަރަހައްދައް އެކަނި.