މާލޭގައި ރޭ ހިންގި ދެ މާރާމާރީއަކާ ގުޅިގެން ހަތަރު މީހަކު ހައްޔަރުކޮށްފި

މަޖީދީ މަގު ރާނބާ ކައިރީގައި ހިނގި މާރާމާރީއެއް ތަހުގީގު ކުރަން ފުލުހުން މަސައްކަތް ކުރަނީ. ރޭ ހިންގި މާރާމާރީގައި ދެ މީހަކު ޒަހަމްކޮށްލި. - ފޮޓޯ:މުހައްމަދު ޝަރުހާން/މިހާރު

މުހައްމަދު ޔާމީން، މިހާރު

18 އެޕްރީލް 2017 - 10:57

2 comments

މާލޭގައި ރޭ ހިންގި ދެ މާރާމާރީއަކާ ގުޅިގެން ހަތަރު މީހަކު ހައްޔަރުކޮށްފައިވާ ކަމަށް ފުލުހުން މިއަދު ބުނެފި އެވެ.

ފުލުހުންގެ މީޑިއާ އޮފިޝަލަކު ވިދާޅުވި ގޮތުގައި ފުލުހުން ހިންގި އޮޕަރޭޝަނެއްގައި ހައްޔަރު ކުރި މީހުންގެ ތެރޭގައި 18 އަހަރުން ދަށުގެ ދެ ކުއްޖަކު ވެސް ހިމެނެ އެވެ. މި ދެ މާރާމާރީގައި ދެ މީހަކަށް ތޫނު އެއްޗަކުން ހަމަލާ ދީފައި ވިޔަސް އެއްވެސް މީހަކަށް ސީރިއަސް އަނިޔާއެއް ނުލިބެ އެވެ.

މާލޭގައި އަނެއްކާ ވެސް މާރާމާރީއެއް މި ހިންގީ، އެ ފަދަ ކަމެއް ނުހިނގާތާ ގިނަ ދުވަސްތަކަކަށް ފަހު އެވެ. މިދިޔަ ނޮވެމްބަރު މަހު މާލޭގައި ހިންގި މާރާމާރީގައި ދެ މީހަކު ޒަހަމްކޮށްލުމާ ގުޅިގެން ފަންސާހަކަށް މީހުން ހައްޔަރު ކުރި އެވެ. ނަމަވެސް ފަހުން އެ އެންމެން ވަނީ ދޫކޮށްލައިފަ އެވެ.

އާންމުކޮށް މާރާމާރީތައް ހިނގަނީ މާލޭގެ ގްރޫޕްތަކުގެ މެދުގަ އެވެ. އެކަމަކު ބައެއް ފަހަރަށް ހަމައެކަނި ދެ މީހެއްގެ ދެމެދުގައި ވެސް މާރާމާރީ ހިނގަ އެވެ.

މިދިޔަ އަހަރުގެ ޖޫން މަހުގެ ތެރޭގައި ހިންގި ގޭންގު މާރާމާރީތަކުގައި 14 އަހަރުގެ ދެ ކުއްޖަކު ވަނީ މަރާލައިފަ އެވެ.

ގޭންގް ހަމަނުޖެހުން

2 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޚިޔާލް123

18 April 2017

ސައުވީސް ގަނޑިއިރުން ދިވެހިރާޖޭގެ ގާނޫނު އަސާސީ އެބަދަލްކޮށް ބޭނުންވާ ގާނޫނު އެބަވުޖޫދަށް ގެނެވޭ، އެކަމަކު މިގޭންގުތަށް ހުއްޓުވޭކަމަކަށްނުވޭ، އަދި މިކަން ނައްތާލަން ގާނޫނެއް ހެދޭކަމަކަށްވެސް ނުވޭ، މީގެން ވެސްމިއިގެނީ ގޭންގްތަށް އޮޕަރޭޓް ކުރުވަނީ މަތިންކަން،