ހޯމް މިނިސްޓަރު އުމަރު "މިހާރު"އާ ވާހަކަ ދައްކަވަނީ: ދަން ޖައްސައިގެން މަރުގެ ހުކުމް ތަންފީޒު ކުރަން ސަރުކާރުން ވަނީ ނިންމާފައި.. --ފައިލް ފޮޓޯ: މުހައްމަދު ޝަރުހާން/ މިހާރު
17 ޖޫން 2016 - 15:16
77 comments
ރާއްޖޭގައި މަރުގެ ހުކުމް ތަންފީޒު ކުރުމާ ބެހޭ ގަވާއިދަށް ބަދަލު ގެނެސް، ދަން ޖައްސައިގެން މަރުގެ ހުކުމް ތަންފީޒު ކުރަން ސަރުކާރުން ނިންމާފައިވާ ކަމަށް ހޯމް މިނިސްޓަރު އުމަރު ނަސީރު މިއަދު ވިދާޅުވެއްޖެ އެވެ.
މަރުގެ ހުކުމް ތަންފީޒު ކުރުމާ ބެހޭ ގަވާއިދުގައި ކުރިން އޮންނަ ގޮތުން މަރުގެ ހުކުމް ތަންފީޒު ކުރަން ޖެހޭނީ ޝަރުއީ ހުރިހާ މަރުހަލާއެއް ފުރިހަމަވުމަށް ފަހު ލީތަލް އިންޖެކްޝަން ޖަހައިގެންނެވެ.
އަލްކައުން ޓީވީގައި ވާހަކަ ދައްކަވަމުން އުމަރު ވިދާޅުވި ގޮތުގައި ލީތަލް އިންޖެކްޝަން ޖެހުމަށް ވުރެ ދަން ޖައްސައިގެން މަރުގެ ހުކުމް ތަންފީޒު ކުރުމަށް ބޭރުގެ ގައުމުތަކުން ވަނީ ލަފާ ދީފަ އެވެ.
"(ލީތަލް އިންޖެކްޝަން ޖެހުމަށް) ތަޖުރިބާ ހުރި އެހެން ގައުމުތަކާ ވާހަކަ ދެއްކިން. އަޅުގަނޑުމެންނަށް އެނގުނީ އެއަށް ވުރެ ރަނގަޅީ ދަން ޖައްސައިގެން އެކަން ކުރަން ކަން،" އުމަރު ވިދާޅުވި އެވެ.
ސުޕްރީމް ކޯޓުގައި އޮތް އަޑުއެހުމަށް ފަހު މުއްރަތު ކޯޓުން ނެރެގެން ގެންދަނީ: އޭނާ މަރަން ދަށު ކޯޓުން ކުރި ހުކުމަށް ހައި ކޯޓުން ވެސް ތާއީދު ކުރި --މިހާރު ފޮޓޯ/މުހައްމަދު ޝަރުހާން
އުމަރު ވިދާޅުވީ ސުޕްރީމް ކޯޓުން މައްސަލައެއް ނިންމާތާ 30 ދުވަސް ތެރޭގައި ދަން ޖައްސައިގެން މަރުގެ ހުކުމް ތަންފީޒު ކުރެވޭނެ ކަމަށެވެ. އަދި މަރުގެ ހުކުމް ތަންފީޒު ކުރުމަށް ބޭނުންވާ ވަސީލަތްތައް ގާއިމު ކުރެވިފައިވާ ކަމަށް ވެސް އުމަރު ވިދާޅުވި އެވެ.
އަޅުގަނޑުމެން މިތިބީ އަޒުމް ކަނޑައަޅައިގެން ރާއްޖޭގައި މަރަށް މަރު ހިފަން. --އުމަރު
މަރުގެ ހުކުމް ތަންފީޒު ކުރެވިގެން ނޫނީ ރާއްޖޭގެ އަމަން އަމާންކަން ގާއިމު ނުކުރެވޭނެ ކަމަށް ވެސް އޭނާ ވަނީ ވިދާޅުވެފަ އެވެ. އަދި ގިނަ ގައުމުތަކުގައި މަރުގެ ހުކުމް ތަންފީޒު ކުރުން ހުއްޓާލުމަށް ފަހު، އެ ނިންމުން އަނބުރާ ގެންނަމުންދާ ކަމަށް ވެސް އޭނާ ވިދާޅުވި އެވެ.
އަބްދުﷲ ފަރުހާދު މަރާލި މައްސަލައިގައި މުހައްމަދު ނަބީލްގެ މައްޗަށާއި ގާނޫނީ ވަކީލް އަހުމަދު ނަޖީބު މަރާލި މައްސަލާގައި މުއްރަތުގެ މައްޗަށާއި ޑރ. އަފްރާޝިމް އަލީ މަރާލި މައްސަލައިގައި ހުސެއިން ހުމާމްގެ މައްޗަށް އިއްވާފައިވާ ހުކުމްގެ ޝަރުއީ އެންމެ ފަހު މަރުހަލާ ސުޕްރީމް ކޯޓުގައި އަންނަނީ ހިނގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ
19 June 2016
އުމަރު ތިއުޅެނީ ކީއްވެގެން. ލީތަލް އިންޖެކްޝަން ޖަހައިގެން މީހުން މަރަށް ހެދި ކޮޓަރި ނިމުނީމަ ތިބުނީ ދަންޖައްސައިގެނޭ މަރާނީ. ދެން ދަންޖައްސައިގެން މީހުން މަރާނެ ވަލެއް ހޯދަން ކަލޭދޭ ކޮރެޔާއަށް އެތާހުންނާނެ މޮޅުވާ.
ޑޯން ނޯ!!
19 June 2016
ސާބަހޭ އުމަރާ !!!!!!! މާދަމާ ރާއްޖެއިން ބޭރަށް ދާން ވިޔަސް އެހެން ޤައުމުތަކުގެ ލަފާ ހޯދަންވާނެ!!!! ދެން ނަންވެސް ބަދަލް ކުރޭ " ލަފާއަހާ އުމަރު !!!"
ޑިމޮކަރަސީ-ޒީރޯ
19 June 2016
ޢަދުލުވެރި ޝަރުޢީ ހަމަތަކުގެ މަތީން މަރުގެ ޙުކުމް ކުރެވޭ މީހެއްގެ މައްޗަށް އެކަން ތަންފީޒު ކުރުމަކުން މައްސަލައެއް ނެތެވެ. والله اعلم
އަހްމަދު
18 June 2016
އަނެއްކާ އެހެންގޮތަކަށް ބަދަލުވެދާނެ ދުވަސްކޮޅަކުން ވެދާނެ ގޭންގް ކުދިންނާއި ހަވާލުކޮށްގެންކަމަށްވެސް. ޙަރުގަނޑު މަތިން ހަނދާންކޮށްލާ ދެއްކި ވާހަކަ
ފފ
18 June 2016
ވަޒީރުން މިރާއްޖޭގެ ސިރިސޭނާޔަށް ވުމައްޓަކައި ކިއުގައި 1- އުމަރު ނަސީރު 2- ޑރ މުއިޒު 3- އާދަން ޝަރީފު
ގގ
18 June 2016
މަރުގެ ހުކުމް ތަންފީޒު ކުރަންވީ ގޮތް އިލްމުވެރިން ވަނީ ކަންޑަ އަޅުއްވާފައި އުމަރު ނަސީރު އައުމުގެ މާކުރުން!
އަލްމުދިޝް
18 June 2016
ކުށައް އިއުތިރާފު ނުވާބަޔަކަށް ތިކަން ހަޖަމެއް ނުކުރެވޭތާ ނުކުމެ އިސްތިއުފާއައް ގޮވުން ނޫން ކަމެއް ދެންނުފެންނާނެ އެވެ.
ވިސްނާލީމާ
18 June 2016
ގިނަވާހަކަ ނުދައްކާ ކުރަންހުރި މަސައްކަތް ފުރިހަމަކޮށް މަރަށް މަރުހިފާ! ދެރަކަމަކީ ހުރިހާ މަރުހަލާ ނިމެން އަހަރު ދެއަހަރު ނަގާތީ! ވީހާވެސް އަވަސްކުރައްވާ! -އިބްރާހީމް-
ހަސަދު
18 June 2016
ވަލި ހަރައިގެން ނުވަތަ ދަންޖައްސައިގެން މެރިއަސް ހިއެއްނުވޭ މިސަރުކާރަކަށް ވޯޓެއް އިތުރު ވާނެ ހެނެއް.
ސަމޫހު
18 June 2016
މަރަށް މަރު ހިފުމަށް ވަރަށް ތާއީދު ކުރަން. އިސްލާމް ދީނުގައިވެސް އަންގަވާފައިވަނީ އެގޮތަށް
ތުއްތޮންބެ
18 June 2016
7 އުޑުމަތިން ބާވައިލެއްވި ﷲ ގެ ވަހީ ބަސްފުޅެއްގަވެސް އަމުރު ކުރައްވާފަ އޮވޭ. "ތިޔަބައިމީހުން މީސްތަކުންގެ މެދުގައި ޙުކުމް ކުރާނަމަ ޢަދުލަށް ޙުކުމް ކުރުމަށް"ވެސް. އެބައި ދޫކޮށްފަ "ހިތުހުރި މީހަކަށް" މަރުގެ ހުކުމް ކުރުމަކީ ގަސްތުގައި މުޅި ހަށިގަނޑުގައި ނަޖިސް އުނގުޅައިގެން ނަމާދުކުރުންފަދަ ކަމެއް.