ފަސްރުފިޔާގެ އާ ނޫޓުގެ ޑިޒައިނެއް. ފޮޓޯ: އެމްއެމްއޭ
24 އެޕްރީލް 2017 - 17:15
24 comments
ފަސް ރުފިޔާގެ ޕޮލިމާ ނޫޓު އަންނަ މަހު ތައާރަފު ކުރުމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ނިންމައިފި އެވެ.
މަރުކަޒީ ބޭންކުގެ އޮފިޝަލަކު މިއަދު ވިދާޅުވީ ފަސް ރުފިޔާގެ އާ ނޫޓު ތައާރަފު ކުރުމަށް ނިންމާފައި ވަނީ އަންނަ މަހުގެ 10 ގައި ކަމަށެވެ.
މި ނޫޓުގެ ސައިޒު މިހާރު ބޭނުންކުރާ ޕޮލިމާ ނޫޓުތަކާ އެއްވަރުވާނެ ކަމަށް އެމްއެމްއޭ އިން ބުންޏެވެ. އަދި ޑިޒައިން ވެސް ހުންނާނީ އެއް ކޮންސެޕްޓަކަށް ކަމަށް އޮފިޝަލް ވިދާޅުވި އެވެ.
ފަސް ރުފިޔާގެ އާ ނޫޓު ވެސް ޑިޒައިން ކޮށްފައި ވަނީ، ކުރީގެ ނޫޓުތައް ވެސް ޑިޒައިން ކުރި އަބްދުﷲ ނަޝާތު އެވެ.
ރާއްޖޭގެ މިނިވަން ކަމަށް 50 އަހަރު ފުރުމާ ދިމާކޮށް، މިދިޔަ އަހަރު ނެރުނު ރަން ދިހަ ފަހެއްގެ ނޫޓު ސީރީޒްގައި މިހާރު ހިމެނެނީ 10، 20، 50، 100، 500 އަދި 1،000 ރުފިޔާގެ ނޫޓުތަކެވެ.
އެމްއެމްއޭ އިން ކުރިން ނިންމީ ފަސް ރުފިޔާގެ ފައިސާ ފޮއްޗެއް ނެރުމަށެވެ. ނަމަވެސް އޭގެ ފަހުން ނިންމީ މިހާރު ބޭނުން ކުރަމުން އަންނަ ޕޮލިމާގައި ނޫޓެެއް ނެރުމަށެވެ.
މިހާރު ބޭނުންކުރާ ދެ ރުފިޔާގެ ފައިސާ ފޮއްޗަށް ވުރެ ލުއި ފައިސާ ފޮއްޗެއް މި އަހަރު ނެރުމަށް ވެސް އެމްއެމްއޭ އިން ވަނީ ހަމަޖައްސައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަމާރުބެ
25 April 2017
ރާބޮޑޭއަށް ނޭގުނަސް. ކަންއޮނަގޮތަކީ ނޭގޭމީހުން އިނގޭމީހުން ކައިރިން އަހާއޮޅުންފިލުވުމެވެ. އެކަމެއް ރަނގަޅުކުރަންބުނީމަ އެއަށް ދަޖަލުކުރުމެއްނޫނެވެ. މިފަހަރު އަނެއްކާ ނެރެނީ ފަސްރުފިޔާތަ ނޫނީ ފައްރުފިޔާތަ. ފަހަރެއްގަ ފަށްރުފިޔާވެސް ފެނެފާނެ. ނުވަތަ ބަނގުލަދޭސް މީހުން ކިޔާގޮތައް ޕަސްރުބިޔާ ވެސް ނެރޭފާނެ. ނެރުނީމަ އިނގޭނީ ދޯ ކުދިންނޭ...
ޣވ
25 April 2017
ހެދި މޮޅު ރިސާޗެއްގެ ވާހަކަ ދައްކާފަ އުނބަށް ޖެހީ!
ހާރިސް
25 April 2017
މޮޅު ރިސާރޗެއް ހަދާފަވެސް އަހަރެމެންގެ އާދޭސްތައް އެމްއެމްއޭ އިން ޤަބޫލުކުރިކަން އެއީ މުހިއްމުކަމަކީ. ހެދި ރިސާޗަކުން އެންމެ މޮޅު ރަނގަޅު ގޮތް ދެއްކިޔަސް އަހަރެމެން ރައްޔިތުންގެ އަޑު އެހީތީ ޝުކުރިއްޔާ. މޮޅުވުމަކީ ބަޔަކަށް އެންމެ ރަނގަޅުގޮތްކަމަށް ޤަބޫލުކުރުވުނު ނަމަވެސް ގިނަބަޔަކު އެކަމާހިތްނުތަނަވަސްކަމެއްވާނަމަ ގޮތުގައި ހިފަހައްޓައިގެން ތިބުމުގެ ބަދަލުގައި ދެރަގޮތެއްކަމަށް ނުވަންޏާ ގިނަ މީހުން އެދޭގޮތަށް ބަދަލުކުރުން. އަތަށް ލުއިގޮތް ހަދާދިނީތީ ޝުކުރިއްޔާ
ޢަބްދުﷲނާފިޒު
25 April 2017
ފައް ރުފިޔާގެ ޕޮލިމާ ނޫޓު އަންނަ މަހު ނެރެނީ ދެއްތޮ، ތީ ހާދަ އުފާވެރި ހަބަރެކޭ، ހީހީހީ.
ގޮރުނުދޯރު
24 April 2017
މިފަހަރު ނެރޭނީ ހަމަ 'ފަސް' ރުފިޔާ ޖަހާފަ. ކުރިން 'ފައްސަތޭކަ' ޖެހުނީ އޮޅުމަކުން.
އ މ
24 April 2017
ކޮއްކޮމެނޭ އަހައިބެލަ އެސޮރަށް އެ ޑިޒައިން ކުރަން ލިބުނީ ކިހިނެއް ކޮންގޮތަކުންތޯ؟؟ ކޮރަޕްޝަނެއް ނެތްތޯ؟ ނޫނިއްޔާ އެ ޑިޒައިން ހޮވުނީ ކޮން ގޮތަކުންތޯ؟
ރާބޮޑޭ
24 April 2017
ކައުންސެލަރޫ ޑޮކްޓަރުކަން ކިޔެވީ ދިވެހިބަހަކުންނޫނޭ އެހެންވީމާ ޑޮކްޓަރކަށްވިއަސް އަދި ދިވެހިބަސް ނޭގިދާނެތާދޯ!
މުހައްމަދު
25 April 2017
ރާބޮޑޭއެވެ. ތިޔަ ބުނާ ޑޮކްޓަރޭ ކިޔާ ސަނަދުގަނޑު ދެނީ ވަކި ބަހެއްގެ ވާހަކަދައްކާކަށް ނޫނެވެ. ކޮންމެ ބަހަކުން ކޮންމެ ތާކު ކޮންމެ ގޮތަކަށް ކުރަންޖެހުނު ނަމަވެސް އެކުރާ ކަމެއް ބަރާބަރަށް ރަނގަޅަށް ކުރާނެގޮތް ބުނެދީ ދަސްކޮށްދީފައި ރިސަރޗް ހަދާނެ ގޮތާއި ކަންކަން ރަނގަޅުތޯ ނުބައިތޯ ބަލާނެ ގޮތް ދަސްކޮށްދިނުމަށްފަހު ދޭ އެއްޗަކަށް ކިޔާ ނަމަކީ ތިޔަ ބުނާ ޑޮކްޓަރ އޮފް ފިލޯސޮފީއެވެ. އެ ސަނަދުގަނޑު އަތަށް އެރީމާ ތިމާއަށް ތިމާފެނި ހިތުހުރިހައި ގޮތަކަށް ކަންކަންކޮށްފައި އެ ގޮތް ރަނގަޅުކުރަން މޮޅުކުރަން ދޭ އެއްޗެއް ނޫނެވެ.
ރާކަނި
25 April 2017
މުޙައްމަދާ،،، މީގެ 6 މަސް ކުރިން އޮފީހުގެ ފަރާތުން ދިވެހިބަހުގެ އެކަޑަމީގެ ބޭފުޅުން ގެނެސްގެން ހެދި ދިވެހި ކޯހުގަ ދިވަހިބަސް ކިޔަވަދިން އުސްތާޛު ކޮންމެ ބެހެއްގަވެސް ވިދާޅުވީ "ތި ގޮތްވެސް ގޯހެއް ނޫން.. އެކަމަކު މިގޮތް މިހާރު ބޭނުންކުރަނީ"... އަދި އެމްއެމްއޭއިން އައު ފައިސާ ނެރުނުއިރު ރަދީފުގަވެސް އަލިފު ސުކުން ބޭނުންކޮށްގެން ފަސް ސަތޭކަ ލިޔެފައޮތް.. އެހެންވީމާ ދިވެހި އުސްތާޛު ވިދާޅުވިހެން އެގޮތްވެސް ގޯހެއް ނޫންހެން ހީވަނީ
ކައުންސެލަރު
24 April 2017
ބަލަ އަހަންމަދާ! އެއީ ޑަކުޓަރެކޭ. ޑަކުޓަރުންނަށް ލިޔަންކިޔަންނޭނގިހުރޭތެ؟
ޭައަބޫ
24 April 2017
ފައްރުފިޔާއެއްނޫންތަ މިފަހަރު ނެރޭނީ
އަހްމަދު
24 April 2017
ރަގަޅުގޮތަކީ ލިޔަންކިޔަން ނޭގުނަސް ގޮތްދޫނުކޮށް ޖަދަލުކުރުން ކުށް ގަބޫލުކުރީމަ މީހާ ދެރަވީ
ޖޮންސަމް
24 April 2017
ތީރަނގަޅު ކަމަށް