ފަސް ރުފިޔާގެ އާ ނޫޓު ބޭނުންކުރަން ފަށައިފި

ފަސް ރުފިޔާގެ އާ ނޫޓު ނެރުމަށް ބޭއްވި ރަސްމިއްޔާުގައި ގަވަރުނަރު އަޒީމާ ބައިވެރިވެވަޑައިގަންނަވަނީ. ފޮޓޯ: ހުސެއިން ވަހީދު/ މިހާރު

އަބްދުﷲ ޖަމީލު، މިހާރު

10 އޯގަސްޓް 2017 - 12:39

13 comments

މި އަހަރުގެ ކުޑަކުދިންގެ ދުވަހާ ދިމާކޮށް ފަސް ރުފިޔާގެ އާ ނޫޓު މިއަދު ބޭނުންކުރަން ފަށައިފި އެވެ.

މަރުކަޒީ ބޭންކުގައި ހެނދުނު ބޭއްވި ކުޑަ ރަސްމިއްޔާތެއްގައި ފަސް ރުފިޔާގެ ނޫޓު ބޭނުންކުރުން ރަސްމީކޮށް ފައްޓަވައިދެއްވީ ގަވަރުނަރު ޑރ. އަޒީމާ އާދަމެވެ.

އަލަށް ތައާރަފްކުރި ފަސް ރުފިޔާގެ ނޫޓާ އެކު ކުރީގެ ފަސް ރުފިޔާގެ ނޫޓު ވެސް މި އަހަރުގެ ނިޔަލަށް ބޭނުންކުރެވޭނެ އެވެ.

އެމްއެމްއޭގެ އޮފިޝަލަކު ވިދާޅުވީ ކުރީގެ ނޫޓު، އާ ނޫޓަށް ބަދަލުކޮށްދިނުމުގެ ގޮތުން ލޯކަލް މާރުކޭޓުގައި މިއަދު ހަރަކާތެއް އޮންނާނެ ކަމަށެވެ.

ރަން ދިހަ ފަހެއްގެ ސީރީސްގައި ހިމެނޭ ފަސް ރުފިޔާގެ ޕޮލިމާ ނޫޓުން ދައްކުވައިދެނީ މުއާސަލާތުކުރުމާއި އިޖުތިމާއީ ގުޅުމެވެ. މި ނޫޓުގެ މޫނުމަތީގެ މައިގަނޑު ކުރެހުމުގައި ދައްކައިދެނީ މަޝްހޫރު ފުޓްބޯޅަ ކުޅުންތެރިޔާ އަދި ގައުމީ ޓީމުގެ ކެޕްޓަން އަލީ އަޝްފާގު (ދަގަނޑޭ) ކުޅޭ މަންޒަރެކެވެ.

މަޝްހޫރު ފުޓްބޯޅަ ކުޅުންތެރިޔާ ދަގަނޑޭ ރަމްޒުކޮށްދޭ ފަސް ރުފިޔާގެ އާ ނޫޓު މިއަދު މީހަކު ދައްކާލަނީ. ފޮޓޯ: ހުސެއިން ވަހީދު /މިހާރު

އަލަށް ތައާރަފްކުރި ފަސް ރުފިޔާގެ ނޫޓުގައި ވެސް މިހާރު ބޭނުންކުރާ ޕޮލިމާ ނޫޓުތަކާ އެއްވަރުގެ އަދި 10، 20 އަދި 50 ރުފިޔާގައި ހިމެނޭ ހުރިހާ ސަލާމަތީ ސިފަތަކެއް ހިމެނެ އެވެ. ފަސް ރުފިޔާގެ އާ ނޫޓު ވެސް ޑިޒައިން ކޮށްފައި ވަނީ، ކުރީގެ ނޫޓުތައް ވެސް ޑިޒައިން ކުރި އަބްދުﷲ ނަޝާތު އެވެ.

ކުރިން އެމްއެމްއޭ އިން ނިންމާފައި އޮތީ ފަސް ރުފިޔާގެ ނޫޓުގެ ބަދަލުގައި ފައިސާ ފޮއްޗެއް ނެރޭށެވެ. އެކަމަކު ފަހުން އެ ވިސްނުން ބަދަލުކުރީ އެވެ.

މިހާރު ނެރެފައިވާ އެހެން ނޫޓުތަކާ ތަފާތު އިތުރު ސަލާމަތީ ސިފައެއްގެ ގޮތުގައި ފަސް ރުފިޔާގެ ނޫޓުގެ ކްލިއާ ވިންޑޯގެ އެއްފަރާތުން ނޫޓުގެ ތެރެއިން އަނެއް ފަރާތް ފެންނަ ގޮތަށް ނޫޓުގެ މޫނުމަތީ އަގު ފެންނަން ހުރެ އެވެ.

ރާއްޖޭގެ މިނިވަން ކަމަށް 50 އަހަރު ފުރުމާ ދިމާކޮށް، މިދިޔަ އަހަރު ނެރުނު ރަން ދިހަ ފަހެއްގެ ނޫޓު ސީރީޒްގައި މިހާރު ހިމެނެނީ 5، 10، 20، 50، 100، 500 އަދި 1،000 ރުފިޔާގެ ނޫޓުތަކެވެ.

އެމްއެމްއޭ ރާއްޖޭގެ ފައިސާ ރަން ދިހަ ފަހެއް

13 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

GAN Island

11 August 2017

ތަސްވީރު ބަލާނީ ތަސްވީރު ބުނާހެންނޭ މީހުން ބުނެ އުޅޭ. ތިޔަ ފޮޓޯ ބަލާ މީހަކަށް ހަބަރާއި ނުލާ ފޮޓޯއިން އިގޭނެ އެއްވެސް އެއްޗެއް އެބައޮތްތޯ ؟؟ . . . ފޮޓޯ ނެންގެވި ޖާނަލިޒަމް ފޮޓޮގްރަފީ ދާއިރާގެ ތަޖުރިބާ ކާރަކަށް ވާއިރު ގަސްތުގައިތޯ ފޮޓޯ ގެ ފަހަތުން ފެންނަ ތާރީޙް ރީއްޗަށް އިގެ ގޮތަށް ފޮޓޯ ނުނެންގެވީ ؟؟! . . . . . . . ލިއުމުގައި އެބައޮތް ''މަރުކަޒީ ބޭންކުގައި ހެނދުނު ބޭއްވި ކުޑަ ރަސްމިއްޔާތެއްގައި ފަސް ރުފިޔާގެ ނޫޓު ބޭނުންކުރުން ރަސްމީކޮށް ފައްޓަވައިދެއްވި ވާހަކަ'' އެހެން ކަމުން Central Bank ގެ ރަސްމީ ހަފުލާ އެއްކަން އިގޭ އިރު މިފަދަ ހަފުލާއެއްގައި Governor ހުންނެވީ އެކަށީގެންވާ ޑްރެސްކޯޑް ގައިތޯ ؟؟ . . . . . . . . އާ ފައިސާ ނެރުމަކީ މަރުކަޒީ ބޭންކްގެ މަސްއޫލީއްޔަތަކަށް ވާފަދައިން ރާއްޖޭގެ ސަރަހައްދުގައި ''ކަޅުފައިސާ ގެންގުޅޭތޯ ބެލުމާއި ކަޅުފައިސާގެ މުއާމަލާތް ހުއްޓުވުމަށް މަސައްކަތް ކުރުމާއި އެފަދަ ކަންކަން ކުރާ މީހުން ހޯދައިގަތުމަކީ'' ވެސް މަރުކަޒީ ބޭންކް އިން ކުރާންޖެހޭނެ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިން ގަނޑުވަރު

10 August 2017

ގައުމަށް އާ ފައިސާ އެއް ނެރޭ ދުވަހަކީ އުފާވެރި ދުވަހެއް ، ނަމަވެސް ގައުމުގެ ސަރުކާރު ގެ އަމަލު ތައް ހުރި ގޮތުން ހީވަނީ ހިންދީ ފިލްމެއް ގެ ނުބައި ބައިކުޅޭހެން ، އެހެންވީމަ ތިކަހަލަ އުފާތަކުން މި ވަނީ މަހުރޫމުވެފަ، މިއީ ހަމަ ހިތުގެ ޝުޢޫރު ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަތްފުނާ

10 August 2017

ރާއްޖެގެ ރުފިޔާތައް ފަރުމާކެރުމުގެ ބަދަލުގަ އެހަށް ، ރާއްޖެގެ ހުރި ބޭންކުތައް ޒިންމާދާރުކޮށްބަލަ.މިއަދުވެސް ބީއެެމްއެލް އިން ކުރެޑިޓް ކާޑެއް ނުދީ ހިފަހައްޓައިފިނަމަ ދެން އެފަދަ ކާޑެއް ލިބޭނެ އިތުރު ގޮތެއްނެތް.