ސިމްޕޯސިއަމްގައި ޖުމްލަ އަށް ސްކޫލަކުން 280 ޓީޗަރުން ބައިވެރިވި.
15 އޯގަސްޓް 2017 - 10:47
1 comments
ބިލަބޮންގް އިންޓަނޭޝަނަލް ސްކޫލް ހިންގަމުން އަންނަ އައިލެންޑާސް އެޑިއުކޭޝަން ގްރޫޕުން ޓީޗަރުންނަށް އަމާޒުކޮށްގެން މަހާސިންތާއެއް މިއަދު ބާއްވައިފި އެވެ.
އައިލެންޑާސް އެޑިއުކޭޝަން ގްރޫޕުގެ ސީނިއާ މެނޭޖާ ފޯ މާކެޓިން އެންޑް ކޮމިއުނިކޭޝަންސް ޝަމީސް ރަޝީދު ވިދާޅުވީ ސިމްޕޯޒިއަމްގައި މާލޭން ތިން ސުކޫލަކާއި ރަށްރަށުގެ ފަސް ސްކޫލަކުން 280 ޓީޗަރުން ބައިވެރިވި ކަމަށެވެ.
މަހާސިންތާގައި ބައިވެރިވި ޓީޗަރުންތަކެއް.
އިނގިރޭސި ވިލާތާއި މެލޭޝިއާގެ ދެ ތަޖުރިބާކާރެއްގެ އިތުރުން ރާއްޖޭގެ ތިން ބޭފުޅަކު ކިޔަވައިދެއްވި މި މަހާސިންތާގައި ކިޔަވާދޭއިރު ޓީޗަރުންގެ ވިސްނުން ގެންގުޅެންވީ ގޮތްތަކާއި، އެކުގައި މަސައްކަތްކުރާނެ ގޮތްތަކާއި، ޓެކްނޮލޮޖީ ބޭނުންކޮށްގެން ކިޔަވައި ދިނުމާއި ބެލެނިވެރިންނާ މުއާމަލާތު ކުރާނެ ގޮތްތައް، ބައިވެރިންނަށް ހުށަހަޅައިދިނެވެ.
އޭގެ އިތުރުން ކްލާސް ރޫމް މެނޭޖުކުރުމާއި ލީޑަރުން އުފައްދާނެ ގޮތްތައް ވެސް ކިޔަވައިދިން ކަމަށް، ޝަމީސް ވިދާޅުވި އެވެ.
މި ސިމްޕޯޒިއަމްގައި ކިޔަވައިދެއްވީ އިނގިރޭސި ވިލާތުގެ އީސާ އެކަޑަމީގެ ޑިރެކްޓަރު އަބްދުލް އަޒީޒް ޗޯހާން އާއި މެލޭޝިޔާގެ ސެންޕާކާ ސްކޫލްގެ ޗެއާމަން ޑރ. އިސްކަންދަރު ރިޒާލް އާއި މައްސޫދު އަލީ އާއި އައިލެންޑާސްގެ ސީނިއަ މެނޭޖާ ފޯ މޮނީޓާރިން އެންޑް އިވެލުއޭޝަން ހިދާޔާ ޒާހިރުގެ އިތުރުން ސީނިއަ މެނޭޖާ ފޯ ހޮސްޕިޓަލިޓީ ޓްރެއިނިން އެންޑް ޑިވެލޮޕްމަންޓް އަހުމަދު ނާސިރެވެ.
ސިންޕޯސިއަމްގައި ބައިވެރިވި ބޭފުޅަކު ވާހަކަދައްކަވަނީ.
"އަބްދުލް އަޒީޒް ޗޯހާން އަކީ އައިޕެޑް ބޭނުންކޮށްގެން ކިޔަވައިދޭން ފެށި ބޭފުޅެއް،" ޝަމީސް ވިދާޅުވި އެވެ.
އޭނާ ވިދާޅުވި ގޮތުގައި ޗޯހާނަށް ވަނީ އެޕަލް އިން ހާއްސަ އެވޯޑެއް ލިބިވަޑައިގެންފަ އެވެ.
މިއީ އައިލެންޑާސް އިން މި ސިމްޕޯޒިއަމް ބޭއްވި ތިން ވަނަ ފަހަރެވެ. ކުރީގެ ބައްދަލުވުމުގައި 700 ޓީޗަރުް ބައިވެރިވި އެވެ.
"މިފަހަރު އަޅުގަނޑުމެންނަށް ބާއްވާނެ ތަނެއް ނުލިބުމުން ބިލަބޮންގް ހޯލްގައި ބޭއްވީ. އެހެންވެ ޖާގައިގެ ދަތިކަން އޮތީމަ އިތުރު ސްކޫލްތަކަށް ފުރުސަތު ނުދެވުނީ،" ޝަމީސް ވިދާޅުވި އެވެ.
ސިންޕޯޒިއަމް ބޭއްވީ އައިލެންޑާސް އިން ހިންގަމުން އަންނަ ފައުންޑޭޝަން ފޯ ޔުއާ ބެޓާ ފިއުޗާ އިން އެވެ. އެއީ ރާއްޖޭގެ ސްކޫލުތަކަށް އެގި ގޮތްގޮތަށް އެހީތެރިކަން ފޯރުކޮށްދޭން އުފައްދާފައިވާ ފައުންޑޭޝަނެކެވެ.
"މިއީ އަސްލު މިނިސްޓްރީން ހިންގާ ގޮތަށް ޕްރޮފެޝަނަލް ޑިވެލޮޕްމަންޓް ޑޭއެއްގެ ގޮތުގައި އަޅުގަނޑުމެން ކުރިއަށް ގެންދާ ސިންޕޯޒިއަމެއް،" ޝަމީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލިދީދީއައްޑޫސިޓީ
15 August 2017
މިކަހަލަ ކަމެއް ބާއްވަން ދަރުބާރުގޭގެ ރަންނަބަނޑޭރި މާލަމް ހިލޭ ނުދިނީ ކީއްވެބާ ހައުސިންގ މިނިސްޓްރީ އިން؟ މިއީ ސިޔާސީ ކަމެއް ނޫން. މިއީ، ހުރިހާ ސްކޫލްތަކަށް ޓީޗަރުންނަށް އެހީވުމަށް ބަޔަކު ކުރިކަމެއް. އެޑިއުކޭޝަން މިނިސްޓްރީ އިން ވެސް މިކަހަލަ ކަންކަމަށް އެއްބާރުލުން ދެއްވަންޖެހޭނެ ކަމުގައި ދެކެން. މިހެން މިލިޔަން ޖެހުނީ، ބައިވެރިން މަދުކުރަން ޖެހުނީ މަހާސިންތާ ބާއްވާނެ ތަނެއް ނުލިބިގެން ކަމަށް ޚަބަރުގައި އޮތީމަ!