ސްޕޭނުގެ ބާސެލޯނާގައި ވޭނަކުން ޖައްސާ އެކްސިޑެންޓް ހިންގި ސަރަހައްދުގައި ފުލުހުން ހަރަކާތްތެރި ވަނީ. --ފޮޓޯ:އޭޕީ
18 އޯގަސްޓް 2017 - 00:04
2 comments
ބާސެލޯނާ (އޮގަސްޓް 17) - ސްޕޭނުގެ ބާސެލޯނާގައި ޓޫރިސްޓުންގެ މަޝްހޫރު ސަރަހައްދެއް ކަމަށްވާ ލަސް ރަމްބްލާސްގައި ބައެއްގެ ތެރެއަށް ވޭނެއް ވައްދާލުމުން 13 މީހުން މަރުވެ 50 އަށް ވުރެ ގިނަ މީހުން ޒަޚަމްވެފައިވާ ކަމަށް ފުލުހުން ބުނެފި އެވެ.
މީހުން ހިނގަން އޮންނަ ސަރަހައްދަށް ވަދެގެން ބާރު ސްޕީޑުގައި ގޮސް އެތައް ބައެއްގެ ގައިގައި ވޭން ޖެއްސި މި ހާދިސާ އަކީ ޓެރަރިސްޓް ހަމަލާއެއް ކަމަށް ފުލުހުން ބުނެ އެވެ. ހަމަލާއާ ގުޅިގެން މީހަކު ހައްޔަރުކޮށްފައިވާ ކަމަށް ފުލުހުން ފަހުން ވަނީ ބުނެފަ އެވެ. މަންޒަރު ދުށް މީހުން ބުނެފައި ވަނީ ވޭނުން މީހުން ގައިގައި ޖައްސާފައި ވަނީ ގަސްދުގައި ކަމަށެވެ.
ބާސެލޯނާ އަކީ ޓޫރިސްޓުން ގިނަ އަދަދަކަށް ޒިޔާރަތް ކުރާ ޔޫރަޕުގެ މަޝްހޫރު ސިޓީއެކެވެ. އެ ސިޓީ އަށް އަހަރަކު 11 މިލިއަން މީހުން ޒިޔާރަތް ކުރެ އެވެ.
ސްޕޭނުގެ ބޮޑު ވަޒީރު މާރިއާނޯ ރާޔޯ ވަނީ މި ވަގުތު އެންމެ އިސްކަން ދެނީ ޒަޚަމްވި މީހުންނަށް ފަރުވާ ދިނުމަށް ކަމަށް ވިދާޅުވެފަ އެވެ. އެމެރިކާ އިން ވަނީ ސްޕޭނަށް އެހީވުމަށް ހުށަހަޅައިފަ އެވެ.
މިދިޔަ ޖުލައި މަހުން ފެށިގެން ޔޫރަޕުގެ އެކި ގައުމުތަކުގައި ވަނީ ވެހިކަލުން ޖެއްސުމުގެ ހާދިސާތައް ހިންގައިފަ އެވެ. މި މަހު 9 ވަނަ ދުވަހު ޕެރިހުގައި ވެސް ވަނީ ބީއެމްޑަބްލިއު އަކުން ސިފައިންގެ ގްރޫޕެއްގެ ގައިގައި ޖައްސާ ހަ މީހުން ޒަޚަމްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަނދުކޭތަ
18 August 2017
ތިއީ އަރައްބަކު ކުރިކަމެއް. އޭނަ ތިކަން ކުރީ ހަނދުކޭތަޔަށް މޮޔަވާތީވެ
ކަލޭނޭ،
18 August 2017
ބުނޭ އެއީ ބޯހަމަނުޖެހޭ މީކެކޭ، ނޫނީ އެއީ އިސްލާމެކޭ ދެން މިގައުމަކަށް މުސްލިމުންނަކަށް ނޭރޭނެޔޭމ މި ހަލަ ގޭޟު ޖައްސާނީ މިމީހުންގެ ތެރެއިން މީހެއް ބޮއެގެން އެ ދުއްވިޔަސް،