ޒުވާނުން ފަތުރުވެރިކަމުގެ ދާއިރާއަށް ތައްޔާރުކުރަން ޔުނިވާސަލް ފައުންޑޭޝަނުން ވިލާ ކޮލެޖާ ގުޅިގެން ކޯހެއް ފަށައިފި
ޓްރެއިނިން ޕްރޮގްރާމުގެ ބައިވެރިން ފޮޓޯއަކަށް ހުއްޓިގެން-- މިހާރު ފޮޓޯޯ: ނިޝާން އަލީ
20 އޯގަސްޓް 2017 - 12:50
7 comments
ޒުވާނުން ފަތުރުވެރިކަމުގެ ދާއިރާއަށް ތައްޔާރު ކުރަން ޔުނިވާސަލް ފައުންޑޭޝަނުން ވިލާ ކޮލެޖާ ގުޅިގެން ކޯހެއް ފަށައިފި އެވެ.
މިއަދު ހޮޓެލް ޖެންގައި ބޭއްވި ރަސްމިއްޔާތެއްގައި ކޯސް އިފްތިތާހު ކޮށްދެއްވައި ވާހަކަ ދައްކަވަމުން ޓޫރިޒަމް މިނިސްޓަރު މޫސާ ޒަމީރު ވިދާޅުވީ، މިއީ ސްކޫލް ނިންމާ ދަރިވަރުންނަށް ލިބޭ ވަރަށް ރަނގަޅު ފުރުސަތެއް ކަމަށެވެ.
"މިއީ އިންޑަސްޓްރީ އިތުރަށް ވަރުގަދަވެގެން ދާނެ ކަމެއް. އިތުރު ކުންފުނިތަކުން މިފަދަ ފުރުސަތުތައް ދިނުމަކީ މުހިންމު ކަމެއް،" މިނިސްޓަ ޒަމީރު ވިދާޅުވި އެވެ.
މިއަދު ބޭއްވިރަސްމިއްޔާތުގައި ޔުނިވާސަލްގެ ޗެއާމަން އުމަރު މަނިކު ވާހަކަ ދައްކަވަނީ-- މިހާރު ފޮޓޯޯ: ނިޝާން އަލީ
ޔުނިވާސަލްގެ ޗެއާމަން މުހައްމަދު އުމަރު މަނިކު ވިދާޅުވީ އެ ކުންފުނީގެ އަމާޒަކީ ވީހާވެސް ގިނަ ދިވެހިން ޓޫރިޒަމް އިންޑަސްޓްރީގެ ވަޒީފާތަކަށް ނެރުން ކަމަށެވެ. އަދި މިފަދަ ޓްރެއިނިން ޕްރޮގްރާމްތައް އެ ކުންފުނިން މީގެ އެތައް އަހަރެއް ކުރިން ވެސް ހިންގަމުން އަންނަ ކަމަށް ވެސް ވިދާޅުވި އެވެ.
"މިއީ އެތައް ބައެއްގެ ބުރަ މަސައްކަތުން ކުރި އަރާފަ އޮތް އިންޑަސްޓްރީއެއް. މިހާރުގެ ކުދިންނަށް ތަރައްގީވެފަ އޮތް ޓޫރިޒަމް އިންޑަސްޓްރީއެއްގައި މަސައްކަތް ކުރަން ފުރުސަތު ލިބުމަކީ ވަރަށް ބޮޑު ނަސީބެއް. ހުރިހާ ކުދިން އެކަން ހަދާން ބަހައްޓަންވާނެ،" މަނިކު ވިދާޅުވި އެވެ.
މިއަދު ބޭއްވި ރަސްމިއްޔާތުގެ ތެރެއިން-- މިހާރު ފޮޓޯޯ: ނިޝާން އަލީ
ޔުނިވާސަލް ފައުންޑޭޝަންގެ ރައީސް އިޔާޒް ވަހީދު ވިދާޅުވީ މިއީ ހަ މަސް ދުވަހުގެ ޓްރެއިނިން ޕްރޮގްރާމެއް ކަމަށެވެ. އޭނާ ވިދާޅުވީ ޓްރެއިިނިން ނިންމާ ކުދިންނަށް، ސެޓްފިކެޓް ލެވަލް ތިނެއްގެ ފާހެއް ލިބޭނެ ކަމަށެވެ.
އިޔާޒް ވިދާޅުވީ ޔުނިވާސަލް ފައުންޑޭޝަން 2013 ވަނަ އަހަރު ރެޖިސްޓްރީ ކުރި ފަހުން 100 އަށް ވުރެ ގިނަ ދިވެހިންނަށް ތަފާތު ދާއިރާތަކުން ކިޔަވަން ފުރުސަތު ހުޅުވާލާފައިވާ ކަމަށެވެ. އެގޮތުން މިހާތަނަށް އެ ފައުންޑޭޝަނުން 30 އަށް ވުރެ ގިނަ ޑޮކްޓަރުން ޓްރެއިން ކޮށްފައިވާ ކަމަށް ވިދާޅުވި އެވެ.
"ކިޔަވައިދިނުން އެކަންޏެއް ނޫން. އަޅުގަނޑުމެން ވަރަށް ގިނަ ސީއެސްއާރު ޕްރޮގްރާމްތަކެއް އެބަ ހިންގަން. މިސާލަކަށް ރެޑް ކްރެސެންޓުގެ އެންބިއުލާންސް ސާވިސް ހިންގަަން އަޅުގަނޑުމެން އެހީތެރިވެދެން. ޓައިނީ ހާޓްސް ކޭމްޕް އެނުއަލް ކޭމްޕް ބާއްވަން ވެސް އަޅުގަނޑުމެން އެބަ އެހީތެރިވަން،" އިޔާޒް ވިދާޅުވި އެވެ.
މިއަދު ބޭއްވި ރަސްމިއްޔާތުގެ ތެރެއިން-- މިހާރު ފޮޓޯޯ: ނިޝާން އަލީ
ވިލާ ކޮލެޖުގެ ވައިސް ރެކްޓާ ޑރ. އަލީ ނަޖީބް ވިދާޅުވީ މި ޕްރޮގްރާމް ނިންމާ ދަރިވަރުންނަކީ ޓޫރިޒަމް ސިނާއަތުގެ ކޮންމެެ ދާއިރާއެއްގައި ވެސް މަސައްކަތް ކުރެވޭނެ ދަރިވަރުންނަށް ވާނެ ކަމަށެވެ.
"ޓްރެއިނިންގެ ގިނަ ވަގުތު ދަރިވަރުން ހޭދަ ކުރާނީ ރިސޯޓްތަކުގައި. ޓްރެއިނިން ނިމޭއިރު ދަރިވަރުންގެ ތިބެނީ ވަޒީފާ އަށް ނިކުންނަން ތައްޔާރުވެފައި. ޝައުގުވެރިކަން ހުރިއްޔާ ކޮންމެ ކުއްޖަކަށް ވެސް މިކަން ވާނެ،" ޑރ. ނަޖީބް ވިދާޅުވި އެވެ.
އޭނާ ވިދާޅުވީ މި ޕްރޮގްރާމް ނިންމާ ދަރިވަރުންނަށް، ސެޓްފިކެޓް ލެވަލް ހަތަރެއްގެ ކޯސްތަކަށް ދެވޭނެ ކަމަށެވެ. އަދި އެއަށް ފަހު ޑިގްރީ ޕްރޮގްރާމްތަކަށް ދިއުމުގެ ފުރުސަތު ވެސް ހުޅުވިގެން ދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮމެންޓޭ
20 August 2017
މީ އަނެއްކާ މި މީހުންގެ އާއިލާ މީހުންގެ ދަރިންނަށް ވަޒާފާ ދޭން ވެގެން ކުރާ ކަމެއްބާ
ލަބީދް އެންޑް ކަބީރް
20 August 2017
ކޯސްހެދިދާނެ ކިތޭވަރަކަށްވެސް. ނެތީ ވަޒީފާ.
ފައިސަލް
20 August 2017
އިންޑަސްޓްރީއަށް މީހުން ބިނާނުކުރެވުނީ ސަރުކާރުގެ އެފަދަ އަމާޒެއް ނެތީމަ، އަދި އިންޑަސްޓްރީގެ މައްޗަށް އެކަން ކަނޑައެޅީމަ އެކަންވެސް ދޫކޮށްލުމުގެ ސަބަބުން، މީގެ ކުރީގައި ބިޑުކޮށްގެން ނަގާފައިވާ ގިނަ ރިސޯޓްތަކުގައި އޮންނާނެ މީހުން ބިނާކުމަށް ކަނޑައަޅާފައި، އެކަންކުރޭތޯ ސަރުކާރުން އެބަ ބައްލަވާތޯ؟ މިހާރު ބޭރުގެ ކުންފުނިތަށް އައިސްގެން އެތަކެއް ކުދިންނަށް ތަމްރީން އެބަކުރޭ، އެތަންތަން ބަލައިގެން ނަމަވެސް ހުރިހައި ރިސޯޓްތަކަކުން މިފަދަ ތަމްރީންތަށް ހިންގަން އެބަޖެހޭ
ޔާނު
20 August 2017
ކޯސްތައް ހިންގާފަ ބަގުލަދޭސް އިންޑިޔާ މީހުން ގެންނަން ހެޔޮ އަޅޭ ޒުވާނުންނައް ސާވިސްޗާޖް ކޮޅު ހައްގުވާމިންވަރައް ލިބޭގޮތައް ހަދައިދީބަލަ ޔާމީނައް ރިސޯޓްތަކުގެ %95 ވޯޓް ލިބޭނެ ކަން ޔަގީން
އުމަރު
20 August 2017
އިންޑަސްޓްރީއަށް 45 އަހަރުވެއްޖެ، ޔުނިވަސަލްގެ ރިސޯޓެއް ނެއް އަތޮޅެއްނެއް، އެތަންތަން ފުރަތަމަ ހިންގީ ދިވެހިން ބޭނުންކޮށްގެން، ހާއްސަކޮށް އައްޑު އަތޮޅުގެ ޒުވާނުން، އެމީހުން މުސްކުޅިވެ ގައިބާރު ދޫވިއިރު އެމީހުންނަށް ތަމްރީނެއް ނުހިންގާ، އެމީހުންގެ ދަރިންނަށްވެސް ހިންގައިނުދޭ، ދެން ޔުނިވާސަލްއިން އެމީހުންގެ ގިން ރިސޯޓްތަށް ބޭރުގެ އެކި އެކިފަރާތްތަކާއި ހަވާލުކޮށްގެން މިހާރު ހިންގަނީ، އެތަންތަނުގެ މެނޭޖަރުންފެށިގެން ވެއިޓަރުން، ރޫމްބޯއިންފެށިގެން މިހާރުތިބީ ބޭރުގެ މީހުން، އިންޑަސްޓްރީއަށް މީހުން ބިނާނުކުރެވުނީ ޔުނިވާސަލް އަދި ޗަމްޕާ ފަދަ ކުންފުނިތަކުން އެކަމަށް އިންވެސްޓްނުކުރީމަ، ދުނިޔޭގެ އެހެން ޤައުމުތަކުގައި އިންޑަސްޓްރީތަކުން އެއިންޑަސްޓްރީއަށް މީހުން ބިނާކުރުމަށް އެހީވާނީ، އަދި އެހީވާނީ ކޮންމެހެން ފައުންޑޭޝަނެއް ހަދައިގެންނޫން، ކޮންމެ އަހަރަކު ސްކޫލު ނިމޭ ކުދިންގެ ތެރެއިން ވަކި އަދަދެއް ނަގައިގެން އެކިދާރާތަކުން ތަމްރީންކުރުން މުހިންމު
ހަސަން
20 August 2017
ވަރަށް ތެދު ވާހަކަ ތަކެއް ... 2012 އާ ހަމަޔައް ކުޑަ ރަށު ކުއްޔަކާއީ ހަމައެކަނީ ބޮލަކަށް 8 ޑޮލަރުގެ ބެޑް ޓެކްސް ދައްކައިލައިގެން ކޮންމެ 2 އަހަރަކުން ރިސޯޓެއް ގިނަކުރަމުން އައީ ... މާޓީ ހަދައިގެން ސަރުކާރުގެ ސިޔާސަތުތަށް ރިސޯޓު އޯނަރުންނަށް ފަހިވާގޮތަށް އަދިވެސް ކަންކުރަމުން ދަނީ ...
ރަސީދު
20 August 2017
ވިލާ ވރެއް ނެތް