ޕެރަޑައިސް ރިސޯޓުގައި ކުރިއަށް ގެންދާ ބައްދަލުވުމުުގައި ގައުމުތަކުގެ އިސްވެރިން ބައިވެރިވެވަޑައިގަންނަވަނީ. --ފޮޓޯ/ ހެލްތު މިނިސްޓްރީ
06 ސެޕްޓެމްބަރ 2017 - 12:11
22 comments
ރާއްޖޭގައި މިއަދު ފެށި ސައުތު އީސްޓް އޭޝިއާގެ ރީޖަނަލް ކޮމެޓީގެ ބައްދަލުވުމުގައި އިންޑިއާގެ ހެލްތު ސެކްރެޓަރީ ޕީކޭ މިޝްރާ ބައިވެރިވެވަޑައިގެންނެވިއިރު މިޔަންމާ ތަމްސީލްކުރައްވަނީ އެ ގައުމުގެ ހެލްތު މިނިސްޓްރީގެ ޑިރެކްޓަރު ޖެނެރަލް ޖަންގް ޖެން އެވެ.
ޕެރެޑައިސް އައިލެންޑް ރިސޯޓުގައި މިއަދު ފެށި ބައްދަލުވުމުގައި އިންޑިއާ އިން ބައިވެރިވެވަޑައިގަތުމަށް ކުރިން ހަމަޖައްސަވާފައި ވަނީ އެ ގައުމުގެ ހެލްތު މިނިސްޓަރު ޖަގަތް ޕްރަކާޝް ނައްދާ އެވެ. އޭނާ ވަނީ ފަހު ވަގުތު ދަތުރު ކެންސަލްކުރައްވައިފަ އެވެ.
ގައުމުތަކުގެ އިސް އޮފިޝަލުންގެ ބައްދަލުވުމަށް، ރާއްޖެއާ ގާތް ގުޅުމެއް އޮންނަ އިންޑިއާގެ ހެލްތު މިނިސްޓަރު ވަޑައިނުގަތް ސީދާ ސަބަބެއް ނޭނގެ އެވެ. އެކަމަކު މި ބައްދަލުވުމުގައި އޭނާ ބައިވެރިވެވަޑައިނުގަތުމަށް އެދި އިދިކޮޅު ފަރާތްތަކުން ސޯޝަލް މީޑިއާގައި ވަރުގަދަ ކެމްޕޭނެއް ކުރި އެވެ.
ރާއްޖޭގެ ސިޔާސީ ލީޑަރުންނާއި މަޖިލިސް މެމްބަރުންނަށް ސަރުކާރުން ދަތިކޮށް ރައްޔިތުންގެ ހައްގުތައް ނިގުޅައިގަންނަމުންދާއިރު އެކަމަށް އިންޑިއާ އިން ތާއީދުކޮށް ހިތްވަރު ނުދޭން ވެސް އިދިކޮޅު ފަރާތްތަކުން ގޮވާލާފައިވެ އެވެ.
މި ބައްދަލުވުމުގައި މިޔަންމާގެ ސަރުކާރުގެ އޮފިޝަލު ބައިވެރިވެ ވަޑައިގަންނަވާތީ ވެސް ވަރަށް ބޮޑަށް ދަނީ ފާޑުކިޔަމުންނެވެ. ރޮހިންޖާގެ މުސްލިމުންނާ ދެކޮޅަށް އެ ގައުމުގެ ސަރުކާރުން ލާއިންސާނީ އަމަލުތައް ހިންގަމުންދާއިރު، އެ ގައުމުން ފޮނުވާ މަންދޫބަށް ދިވެހި ސަރުކާރުން މަރުހަބާ ކިއުމަކީ، އަނިޔާތަކަށް ހިތްވަރު ދިނުން ކަމަށް ވެސް ސިފަކޮށްފައިވެ އެވެ.
ޑަބްލިއުއެޗްއޯގެ ބައްދަލުވުމުގައި ބައިވެރިވެވަޑައިގަތުމަށް މިއަންމާގެ ހެލްތު މިނިސްޓްރީގެ ޑިރެކްޓަރު ޖެނެރަލް ޖަންގް (ކ) އެއާޕޯޓުގައި.
ހަތަރު ދުވަހުގެ މުއްދަތަށް ބާއްވާ ބައްދަލުވުމުގައި ސައުތު އީސްޓް އޭޝިއާގެ ރީޖަނަލް ކޮމިޓީގައި ހިމެނޭ 11 ގައުމެއްގެ ސިއްހީ އިސް އޮފިޝަލުން ބައިވެރިވަޑައިގަންނަވާނެ އެވެ.
މި ބައްދަލުވުމުގައި، ދުނިޔޭގެ ސިއްހަތު ޖަމިއްޔާ އިން ހެޕަޓައިޓިސް އަށް މި ސަރަހައްދުން ކަނޑައަޅާފައިވާ ގުޑްވިލް އެމްބެސެޑަރު ފިލްމީ ބަތޮލް އަމީތާބު ވެސް ބައިވެރިވެވަޑައިގަންނަވާ ގޮތަށް ވަނީ ހަމަޖައްސައިފަ އެވެ. އޭނާ ވެސް ރާއްޖެ ނައުމަށް ގޮވާލައި ކެމްޕޭނެއް ދަނީ ހިންގަމުންނެވެ.
މި އަހަރުގެ ބައްދަލުވުމުގައި މައިގަނޑު ގޮތެއްގައި މަޝްވަރާކުރާނީ ތިމާވެއްޓަށް އަންނަ ބަދަލުތަކާ އެކު ސިއްހަތަށް އަންނަ ބަދަލުތަކާ ގުޅޭ ގޮތުންނެވެ. އެ ބައްދަލުވުމުގައި އެކަންކަމުން ރައްކާތެރިވުމަށް އެޅިދާނެ ފިޔަވަޅުތަކާ ގުޅޭގޮތުން ފުޅާ ދާއިރާއެއްގައި މަޝްވަރާކުރާނެ އެވެ.
މިއީ މި ބައްދަލުވުން ބާއްވާ 17 ވަނަ އަހަރެވެ. މީގެ 13 އަހަރު ކުރިން ވެސް ރާއްޖޭގައި ސައުތު އީސްޓް އޭޝިޔާ ރީޖަނަލް މީޓިން ބާއްވާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަގުޑި
06 September 2017
ގޯހެއް ނެތް..
1
06 September 2017
ހަހަހާަ
ޙަމްޒާ
06 September 2017
އާއެކެވެ. ޢިންޑިޔާގެ ހެލްތް މިނިސްޓަރ ރާއްޖެއަށް ނާދޭ. ޢެކަމަކު އޭނަދިޔައީ މިޔަމްމާރަށް. ޢިންޑިޔާގެ ބޮޑު ވަޒީރާއެކު. ދިވެހިރާއްޖޭގައި މީހަކު ބަންދު ކުރީމަ މިތާ އިންސާނީ ހައްގު ނެތްކަމަށް ބުނި މީހުން އެތިބީ މިހާރު މިއަންމާގަ. ޢެ ތަނުގައި ދުވާލަކު އެތައް ސަތޭކަ އިންސާނުން ކޮށާ، އަންދާ ހެދިޔަސް އެ އޯކޭއި.
ހަސަން_
06 September 2017
މިހާރު އިގިއްޖެ މިވީ ގޮތް. މިޔަންމާގެ އޮފިޝަލަކު ރާއްޖެ އަންނާނީ އެ ދުވަހުގެ ކުރިން އަޅުގަޑުމެންގެ ލޮލުގައި އަނދުން އަޅުވަންވެގެން ތިމަންމެން މިޔަންމާއާއި އޮންނަ ވިޔަފާރީގެ ގުޅުން ކަޑާލީއޭ ބުނީ. އެކަމަކަު އެގައުމާ ރާއްޖެއާއި ވިޔަފާރީގެ ގުޅުމެއް އޮތް ކަމެއްވެސް އިގޭކަށްނެތް. އަދި ސިޔާސީ ގުޅުން ކަޑާލާކަށް ނުވެސް ކެރުނު. ދެން އެންމެން އަތްޖަހާ!
މުހައްމަދު ދީ
06 September 2017
މޯދީ ރައީސް ޔާމީން ދެކެ އަންނަރުޅި ދިވެހި ރައްޔިތުންނަށް ތިބާލާލަނީ ހާދަ ކިބުރުވެރިއޭ! މުސްލިމުން ދެކެ ހާދަރުޅިއަންނަ ސޮރެކޭދޯ! މިހާރުދެން އިންޑިއާ ބޭނުންވާ ގޮތަށް ދިވެހިރާއްޖެ ގޮނޑިކޮއްކޮ ނުހެއްދޭތީ ކަޑަވަނީ ދޯ؟
ޚަލީލް
06 September 2017
މިހާރު މޮޑި ގޮސް އެހެރީ މިއަންމާރުގަ. ޢެންމެ އިންނާނީ ހައްގުތަކަށް ހުރުމަތްތެރިކޮށް ހިތާ ތަން އެއީ. މޯޑީ ގުޖުރާތުގައި މުސްލިމުން ގެ އަވަށް ތަކާއި މުސްލިމުން ހުޅުޖެހީ. މިޔަންމާރުގައި އެތާ ވެރިން އެކުރަނީ އެކަން. ރަނގަޅެއްނުން. ލަޑަޔާ ވާނީ ލަޑަޔާ އެއްނުން
ލީނޯ
06 September 2017
އިންޑިއާގެ މައިގަނޑު 2 ރުޅިގަނޑު:- ޗައިނާގެ މަނަވަރުތަކެއް ރާއްޖެކާރިކުރީމަ އައި ރުޅިގަނޑާއި، އިންޑިއާގެ ވެރިކަން ކުރާ ބީޖީޕީ ޕާޓީއަކީ މުސްލިމުންނަށް ގޯނާކުރުމަށް ހިއްވަރުދޭބައެއްކަމުން ރާއްޖެއިން މިޔަންމާއާއި ގުޅުން ކަނޑާލީމަ އައި ރުޅިގަނޑު.
ފުވައްމުލަކު މީހާ
06 September 2017
ކުޑަނަމަވެސް ދިވެހިރާއްޖެ މިހާރުމިއޮތީ ބައިނަލް އަގްވާމީ ބަސްކިޔޭ ގައުމެއްގެ ގޮތުގައި. މޯދީ ދެރަވާނެ ކަމެއްނެތް. ދެން އިންޑިޔާ އަށް ބަރޯސާވި ދުވަސް ފާއިތުވެ ހިގައްޖެ.
ހޮޓްކިންގ
06 September 2017
ބަރުމާގައި މުސްލިމުން މަރަމުން ގެންދާއިރު އިންޑިއާގެ މޯދީ އެގައުމަށް ހިތްވަރުދޭން އެހެރީ ބަރުމާގައި. އެހެންވެ މުސްލިމުންނާއި އެހާ ޢަދާވާތްތެރި ދެގައުމަކުން މިގައުމުގައި ބާއްވާ އެއްވެސް ކަމެއްގައި ބައިވެރި ނުވުން އެދެނީ. އަހަރެމެން ދުވަހަކުވެސް ދެކެން ބޭނުމެއްނޫން އިންޑިއާއަކީ ދިވެހިރާއްޖޭގެ ހަގީގީ ރަޙްމަތްތެރިއެއްކަމުގައި މިހާރު. އެއަށްވުރެން އަޑި ނުބައި ވެރިކަމެއް ހިންގާ ގައުމެއް އެއީ. އަހަރެމް އިންޑިއާއަށް މަރުޙަބާ ކިޔަން ބޭނުމެއްވެސް ނޫން މިހާރު.
އަލިފުތު
06 September 2017
އިންޑިޔާ ނޭގިގެން އެއުޅެނީ. އިރުކޮޅަކުން ކާބަފައިންގެ ކަށިކޮޅުވެސް ގެންދާނެ. ދިވެހިން ތިބެންޖެހޭނީ ރޯލަރޯލާ.
މާމަ
06 September 2017
އިންޑިއާގެ މިނިސްޓަރު ނައީ އިންސާނީ ހައްގުތަށް ނެތީމަޔޯ އެކަމު މޯޑީ އެހެރީ ގޮސް އެކުވެރި މިޔަމްމާގަ.... އަހަރެމެން ޑަރުވެސް ހީނުވާނެ
ބޯގުޑިރާޖާ
06 September 2017
މާމަގެ ތިޔަ ކޮމެންޓުން މާމައަށް ކޮށްފައިވާ ފުން އަސަރު ވަރަށް ބޮޑަށް ހާމަވޭ. ހިތާމައިގައި ބައިވެރިންވަން. ވަރަށްވެދުން
ޙަސަން
06 September 2017
ޢެ އިންޑިޔާގެ ހެލްތް މިނިސްޓަރ ވެސް ވީ މިޔަންމާރުގަ. އަހަރެެމެން ދެރައެއްނުވޭ. ޑަބްލިޔޫ އެޗް އޯ ގެ 70 ވަނަ ރީޖަނަލް ކޮމިޓީ މީޓިން ވަރަށް ފުރިހަމަޔަށް ޕެރަޑައިސް އައިލަނޑް ރިސޯޓް ގަ އެ ދަނީ ހިގަމުން. އަދި ގިނަ ބައިވެރިންގެ ބަހުން އިގޭ ގޮތުގައި، މިއީ މި ފަހެއްގައި ބޭއްވުނު އެންމެ ކާމިޔާބު ރީޖަނަލް ކޮމިޓީ ބައްދަލުވުން.
ރާއްޖެ
06 September 2017
ބަލަ ތީ ދުނިޔޭގެ ސިއްހަތު ޖަމިއްޔާއިން ކުރާ ކަމެކޭ ކޮންމެ ގައުމެއްގަ އޮތަސް.
ކުމާރު
06 September 2017
މަ މިއިންނަނީ ތިހެން ނުބުނަން ކަމަށް
1234
06 September 2017
ކޮބާ އަމީތާބު އަންނަނީ ކޮން އިރަކިންތަ؟
ޙަސަމް
06 September 2017
މާދަމާ. ދެރަނުވޭ