ޔޫރަޕުގެ ވަރަށް ގިނަ ގައުމުތަކުގައި ދަނީ މޫނު ބުރުގާ އެޅުން މަނާ ކުރަމުން. --ފޮޓޯ: ގެޓީ އިމޭޖަސް
02 އޮކްޓޯބަރ 2017 - 16:44
17 comments
ވިއެނާ (އޮކްޓޯބަރު 2) - އާއްމު ތަންތަނުގައި މޫނު ބުރުގާ އެޅުން މަނާކުރާ ގަވާއިދަށް އޮސްޓްރިއާގައި އިއްޔެ އިން ފެށިގެން އަމަލު ކުރަން ފަށައިފި އެވެ.
ސްކޫލްތަކާއި ކޯޓު ފަދަ ތަންތަނުގައި މޫނު ބުރުގާ އެޅުން މަނާކުރަން އޮސްޓްރިއާގެ ވެރިކަންކުރާ ކޯލީޝަނުން އެއްބަސްވީ މި އަހަރުގެ ޖެނުއަރީ މަހު އެވެ. ސަރުކާރުން ބުނީ އަންހެނުން ބޭރު ތެރޭގައި އުޅޭ އިރު ބޮލުގެ އިސްތަށިގަނޑުން ފެށިގެން ދަތްދޮޅިއާ ހަމައަށް މޫނު ރީއްޗަށް ފެންނަން ވާނެ ކަމަށެވެ. އަދި އެއީ އޮސްޓްރިއާގެ އަގު ހިފެހެއްޓުމަށް ކުރާ ކަމެއް ކަމަށް ވެސް ބުނެފައިވެ އެވެ.
އޮސްޓްރިއާގައި މޫނު ބުރުގާ މަނާކުރި އިރު އެ ގައުމުގައި މި މަހު ފަހުކޮޅު އާއްމު އިންތިޚާބު ބާއްވާނެ އެވެ. އަދި މިއީ ފްރީޑަމް ޕާޓީ އަށް ވޯޓު ހޯދަން ކުރި ކަމެއް ކަމަށް ވެސް ބައެއް ފަރާތްތަކުން ތުހުމަތު ކުރެ އެވެ.
ވެރިކަން ކުރާ ކޯލީޝަނުން ކުރިން ބުނެފައި ވަނީ އޮސްޓްރިއާ އަކީ ހުޅުވިފައިވާ މުޖްތަމައެއް އޮންނަ ގައުމެއް ކަމަށާއި އެހެންވެ އާއްމު ތަންތަނުގައި މޫނު ނިވާކޮށްގެން ނޫޅެވޭނެ ކަމަށެވެ.
މުސްލިމް ޖަމާއަތްތަކުން ވަނީ މި ބަދަލު ކުށްވެރިކޮށްފަ އެވެ. އަދި ބައި މަދު މުޖްތަމައުތަކުގެ ހައްގު ވެސް ރައްކާތެރިކޮށްދޭން ޖެހޭނެ ކަމަށް ބުނެފައިވެ އެވެ. އޮސްޓްރިއާގައި މޫނު ބުރުގާ އަޅަނީ ގާތްގަނޑަކަށް 150 މީހުން ކަމަށްވެ އެވެ. އޮސްޓްރިއާގެ އަށް މިލިއަން މީހުންގެ އާބާދީގައި މުސްލިމުންގެ ނިސްބަތަކީ 700،000 އެވެ.
އޮފިޝަލުން ބުނެފައި ވަނީ ސަރުކާރުގެ މި ނިންމުމުގެ ސަބަބުން ގަލްފުގެ ގަައުމުތަކުން އަންނަ ޓޫރިސްޓުން މަދުވާނެ ކަމަށެވެ. ސަރުކާރުގެ ތަރުޖަމާނަކު ވިދާޅުވީ މޫނު ބުރުގާ މަނާ ކުރުމުގެ އަމުރު ބައެއް ރިސޯޓްތަކުގައި ވެސް ހިނގާނެ ކަމަށެވެ.
ޔޫރަޕުގެ އެހެން ބައެއް ގައުމުތަކުގައި ވެސް ވަނީ މި ބާވަތުގެ ފިޔަވަޅުތައް އަޅައިފަ އެވެ. ފްރާންސާއި ބެލްޖިއަމުން ވަނީ 2011 ވަނަ އަހަރު ބުރުގާ މަނާކޮށްފަ އެވެ. އަދި ޖަރުމަނުގައި ވެސް ވަނީ މޫނު ބުރުގާ މަނާ ކުރަން ނިންމައިފަ އެވެ. އެކަމަކު މޫނު ބުރުގާ އެޅުމަކީ އިނގިރޭސި ވިލާގުގައި ހުއްދަ ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޣޣ
04 October 2017
އޮސްޓްރިއާގެ ސަރުކާރުން ވަރަށް އަވަހަށް އިންތިހާބް ބާއްވާތީ ވޯޓް ހޯދަން ކުރި ނުބައި އަމަލެއް
ހާތްތެރި
03 October 2017
މޫނު ބުރުގާ އެޅުމަކީ ކޮންމެހެން ދީނުގައި މަޖުބޫރުކަމަކަށްނުވާތީ، މުޖުތަމައުގެ ރައްކާތެރިކަން ކަށަވަރުކުރުމަށް ރާއްޖޭގައިވެސް އާއްމު ތަންތަނުގައި މިކަން ކުރަން މަނާކުރުން މުޙިއްމެވެ.
އަބްދުއްލާ
02 October 2017
މޫނު ބުިރުގާ އަޅައިގެން ނިކުމެ ވައްކަން ކުރުމާ މީހުންމެރުމާ ތަންތަން ގޮއްވުން ފަދަ އަމަލުވެސް އެބަ ހިންގާ . މައްކާގެ ހަރަމް ގާ ތަވާފު ކުރުމުގެ ތެރޭގާވެސް ފޭރިގެން ކޮޑުގާއޮންނަ ދަބަސް ވެސް ކަނޑަލައިގެން ގެންގޮއްސާ އެބަހުރި . މިފަދަ މީހުން ސައޫދީ ސިފައިން އަތުލާފަ ވެސް އެބަހުރި
އަހުމަދު 51514
03 October 2017
އިހުރާމް ބަނދެގެން ހުރެ މޫނު ފޮރުވުމަކީ ހުއްދަ ކަމެއް ނޫން
އަހުމަދު 2
04 October 2017
އަހުމަދު 51514އަށް، އިހުރާމް ބަަނދެގެން ހުރި މޫނު ފޮރުވުމަކީ ހުއްދަކަމެއް ނޫންކަމަށް ބައެއް ބޭފުޅުން ދެކުނުކަމުގައި ވިޔަސް، މޫނު ނިވާކުރަންޖެހޭ ކަމަށް ގަބޫލުކުރާ މީހުުންވެސް އުޅޭ.
ސަޅިބައިސާ
02 October 2017
މޫނަކީ އަޢުރައެއްކަމައް ޢިލްމުވެރިން އިއްތިފާގެއްނުވޭ. ފިގުހީގޮތުން ބަލާއިރު ފިރިހެނާގެ މޫނު އަޢުރަޔަކަށްނުވެފަ އަންހެނާގެ މޫނު އަޢުރަޔަކަށް ވާންޖެހޭ ސަބަބެއްްވެސް ނެތް. ދީންވެރިވުމަކީ ހައްދުފަހަނަ އަޅާ ދިއުމެއްވެސް ނޫން. ޤުރްއާނާ ޞައްޙަ ސުންނަތާއި ޚިލާފު ނުވާގޮތަށް ވަލިއްޔުލް އަމުރު ނެރޭ ޙުކުމްތަކަށް ތަބާވުމަކީވެސް ވާޖިބެއް.
ޝިޔާމް
03 October 2017
ކަލޯ ފިރިހެނުންނާއި އަންހެނުންނަކީ ތަފާތު ދެ މަޙްލޫޤު. އެ މަޙްލޫޤު ގެ ވެރި ރަސްކަލާނގެ އަށް ކަލޯއަށްވުރެ މޮޅަށް އެނގިވޮޑިގެންވޭ އެމަޙުލޫޤު ކުރަންޖެހޭ ކަންތަކާއި ނުކުރަން ޖެހޭ ކަންތައް. ކަލޯއާއި އަޅުގަނޑުގެ އުނި ސިކުނޑިއަކަށް ނުވިސްނޭނެ.
އަބްދުއްރަހްމާނު
02 October 2017
މޫނުބުރުގާޔާ ދެކޮޅަށް ކޮމެންޓް ދިވެހި މުސްލިމް މީހާ ލަދުގަނެބަލަ މޫނު އަޅާތީ މައިތިރިނުވެގެން އެއުޅެނީ އަރަބި ކަރަޔަކުން ނޫނޭ ދޮން މީހުން ޔޫރަޕްގައި އަދިވެސް ތިޔަބައި މީހުން އެދުވަހު ބުނި ދޮންމީހުން މިހާރު މޫނުއަޅަނީ މުޅި ޔޫރަޕް މޫނުއަޅާއިރު ވެސް ތިބޭ ނާޅާ.
އައްޔާ
02 October 2017
ދުނިޔޭގެ ހާލަތު ބަދަލުވަމުން ދާގޮތުން މުސްލިމުންނައްވެއް އެންމެ ރައްކާތެރީމިގޮތްހެންހީވަނީ. އާންމު ތަންތަނައް ނުކުމެއުޅޭއިރު އެއީ ކާކުކަން އެންމެންނައްވެސް އެނގެންޖެހޭނެ އެހެންނޫނީ އެހެންބަޔަކު ކަމެއްކޮއްފަވެސް މުސްލިމުންގެ ބޮލުގަ އެކަމުގެ ބަދުނާމު އެޅުވުމަކީ ހަމަ ދާދި ފަސޭހަކަމެއް.
ހުސޭނު
02 October 2017
މި ސައްތައިންސައްތަ ގައުމުގާވެސް ތިކަން މަނާކޮށްފި ހަގީގަތުގަ، ނަން މުސްލިމް ކަންތައްތައް ހަމަ ގެސްޓުންނެކޭ ނެއް ތަފާތެއް..
އަސްމާ
02 October 2017
ސަޅި! ތިހާ ލަދުން ދެއްކެން ބޭނުން ނޫނިއްޔާ، އަރަބި ހަނަފަސް ބިމެއްގަ އުޅެން ދާންވީނުން!
ދއނ
03 October 2017
އަސްމާ ހީކުރަނީ ހަމަ އެކަނި އަރަބި ހަނަފަސް ބިމުގަ ކަމަށްތަ މޫނު ބުރުގާ އަޅަނީ. ސިންގަޕޫރުން ވެސް މަ ދުށީން މޫނު ބުރުގާ އަޅާތަަން އަދި އެމެރިކާގެ ކެލިފޯނިޔާގަ ވެސް. ރޭސިސްޓް ނުވެ ބަލަ
ގެދާނޯމޮސް
02 October 2017
މުސްލިމު އަންހެނުން އެންމެ ހިތްގައިމީ މޫނު ނިވާކޮށް ހުރުމުންނެވެ ، މިކަން ވިސްނޭނެނަމަ ކުރުން އެންމެ އެދެވިގެންވަނީ ތުނިކޮށް ދާ ކޮށްހުންނަ ފޮތިންނެވެ،
ޓަވިޔަ
02 October 2017
މޫނު ބުރުގާ އަޅައިގެން ކާކުކަން ނޭނގޭގޮތަށް ކޮންމެފަދަ މީހަކު އޮފީހަށްވަނަސް ނޭނގޭނޭ. އަދި ކޮންމެފަދަ ޖަރީމާއެއް ހިންގިޔަސް ކާކުކަން ދެނެގަންނާނެ އެއްވެސް ގޮތެއްނެތް. އެހެންވީމަ މޫނުއަޅައިގެން ގޭގަ ތިބީމަ ނިމުނީ.
Abdul Latheef
02 October 2017
މޫނުބުރުގާ ނާޅާ މިކުރާ ކުށްތަކުގެ ވާހަކަވެސް މުނާފިގުންގަނޑު ދައްކަބަލަ
ދއނ
03 October 2017
ޓަވިޔަ ފެނޭތަ މޫނު ނިވައި ނުކޮށް ހުރެ ރާއްޖޭގަ ޖަރީމަ ހިންގާ މީހުންތަށް. ދުވާލަކު މަރެއް ހިތާމަ ހުރި. އަބަދު ޑްރަގް ބޮއެގެން މީހުން މަރަނީ. ވ.ވ ދެރަ