މެޗަށް ފަހު ޕެރޫ ކުޅުންތެރިން އުފާފާޅުކުރަނީ.-- ފޮޓޯ: އޭއެފްޕީ
16 ނޮވެމްބަރ 2017 - 10:22
ލީމާ، ޕެރޫ (ނޮވެމްބަރު 16) - ޕްލޭއޮފް ދެ ވަނަ ބުރުގައި ނިއު ޒީލޭންޑް އަތުން 2-0 އިން މޮޅުވެ ޕެރޫ އިން އަންނަ އަހަރު ރަޝިއާގައި ބާއްވާ ވޯލްްޑް ކަޕް ފުޓްބޯޅަ މުބާރާތުގެ ފަހު ޖާގަ ހޯދައިފި އެވެ.
ނިއު ޒީލެންޑް ދަނޑުގައި މިދިޔަ ހޮނިހިރު ދުވަހު ކުޅުނު ފުރަތަމަ ލެގުގެ މެޗު ނިމުނީ ލަނޑެއް ނުޖެހި އެއްވަރުވެގެންނެވެ. އެއާ އެކު ރޭގެ މެޗުން މޮޅުވެގެން މި ދެ ޓީމުން ކުރެ ކޮންމެ ޓީމަކަށް ވެސް ވޯލްޑް ކަޕްގެ ޖާގައެއް ހޯދުމުގެ ފުރުސަތު އޮތެވެ.
ނިއު ޒީލެންޑް ކޮޅަށް ޕެރޫގެ ލަނޑުތައް ކާމިޔާބުކުރީ ކުރިން ޕީއެސްވީ އާއި ޝާލްކާ އަށް ކުޅުނު ޖެފަސަން ފާފާން އާއި ކްރިސްޓިއަން ރާމޯސް އެވެ. މިއީ 1982 ވަނަ އަހަރަށް ފަހު ވޯލްޑް ކަޕުން ޕެރޫ ޖާގަ ހޯދި ފުރަތަމަ ފަހަރެވެ.
ރޭ އޮސްޓްރޭލިއާ އިން ވޯލްޑް ކަޕް ޖާގައެއް ހޯދީ ޕްލޭއޮފް މެޗުގައި ހޮންޑިއުރަސް އަތުން 3-1 އިން މޮޅުވެގެންނެވެ. މި މެޗުގައި އޮސްޓްރޭލިއާގެ ތިން ލަނޑު ވެސް ކާމިޔާބުކުރީ އެ ޓީމުގެ ކެޕްޓަން އަދި އެސްޓަން ވިލާ އަށް ކުޅޭ މިޑްފީލްޑަރު މައިލް ޔެޑިނަޗް އެވެ. ހޮންޑިއުރަސްގެ ލަނޑު ޖެހީ އަލްބާތު އެލިސް އެވެ. މިއީ އޮސްޓްރޭލިއާ އިން ވަނީ އެންމެ ފަހުން ބޭއްވި ދެ ވޯލްޑް ކަޕުގައި ވެސް ވާދަކޮށްފަ އެވެ.
ރަޝިއާ، ބްރެޒިލް، އިރާން، ޖަޕާން، މެކްސިކޯ، ބެލްޖިއަމް، ދެކުނު ކޮރެއާ، ސައުދީ އެރެބިއާ، ޖާމަނީ، އިންގްލެންޑް، ސްޕެއިން، ނައިޖީރިއާ، ކޮސްޓަ ރިކާ، ޕޮލެންޑް، މިސްރު، އައިސްލެންޑް، ސާބިއާ، ޕޯޗުގަލް، ފްރާންސް، އުރުގުއާއީ، އާޖެންޓީނާ، ކޮލަމްބިއާ، ޕެނަމާ، ސެނެގޯލް، މޮރޮކޯ، ޓިއުނީޝިއާ، ސްވިޒަލެންޑް، ކްރޮއޭޝިއާ، ސްވިޑެން، ޑެންމާކް، އޮސްޓްރޭލިއާ އަދި ޕެރޫ
ވޯލްޑް ކަޕްގެ ގްރޫޕް ސްޓޭޖުގެ ގުރުނެގުން އޮންނާނީ އަންނަ މަހު އެއް ވަނަ ދުވަހު އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހެންޑެލި
16 November 2017
އޯސޭނިއާ އިން ވަކިވެ އޭސިއާ ޒޯނަށް އޮސްޓްރޭލިއާ ބަދަލުވީ ސައުތު އެމެރިކާ ޒޯނުގެ ޓީމުތަކާއެކު ޕްލޭއޮފް ކުޅެންޖެހޭތީ އެކަމުން ސަލާމަތްވާންވެގެން އެކަމަކު އަދިވެސް އޮސްޓްރޭލިއާ އަށް ވޯލްޑްކަޕުން ޖާގަމިލިބެނީ ޕްލޭއޮފް ކުޅެގެން.
ލޯންސްޓަރ
16 November 2017
ފުޓްބޯޅަ ނޭނގޭ މީހުން ކޮމެންޓްކުރީމަ ވާނެ އެތި އެވަނީ.ރަދީފްގެ ވިއު ހަމަ ބަރާބަރު.ޕެރޫ އަދި ޕެނަމާ ކުޅޭ މެޗް ބަލާނީ ކާކުތަ؟/ ހަމަ ބުނެލީ އަދި ޅިޔަންބެ ވެސް ނުބަލާނެ.ސައުދީވެސް ދާނީ ގްރޫޕްގެ ފުލަށް.
ހަމަބުނެހހހހދދދޗމާ
17 November 2017
ލޯންސްޓަރއަށް ފުޓްބޯޅަ މާއެނގެނީ. ބުނަން ތިގޮތަށް ވިސްނަންޏާ ވޯލްޑްކަޕަށް އޮޓަމެޓިކުން ކޮލިފައިވާގޮތް ހަދަންވީ ނަން މަޝްހޫރު ހުރިހާ ޓިމުތަކެއް. އަދި ޗައިނާ، އިންޑިއާ، ބަންގްލަދޭޝް، ޕާކިސްތާން އަދި އިންޑޮނޭޝިޔާ ފަދަ އާބާދީ ބޮޑޭތި ޤައުމުތަކަށްވެސް އޮޓަމެޓިކް ޖާގައެއް ދޭންވީ. އޭރަށް ވޯލްޑްކަޕް ބަލާމީހުން ގިނަވާނެންނު.
ޅިޔަންބެ
16 November 2017
ދިވެހި ރާއްޖެ ވާލްޑު ކަޕައް ކޮލިފައިވިނަމަ ތިހުރިހާ ޓީމުތަކައް ރާކަނި ކާންދިނީސްކަން ކަށަވަރު.
އަލިހޮއްކޮ
16 November 2017
އަޒޫރީން ނެތި ކުޅޭ 2018ގެ ވޯލްޑްކަޕް ހާދަ ފަޅު ވާނެއޭ. ރަދީފް ތިބޭޅާ ކޮން ޓީމަކަށްތޯ ސަޕޯޓް ކުރައްވަނީ. އަޅުގަނޑު ފަރަންސޭސީންނަށް.
ރަދީފް
16 November 2017
އަޅުގަނޑުގެ ފުރަތަމަ ޗޮއިސް ޔޫރަޕުން ޖަރުމަން އަދި ފްރާންސް.އޭޝިޔާގެ ހުރިހާ ޓީމްތައްވެސް ލިސްޓްގަ.ސައުތު އެމެރިކާއިން އާޖެންޓީނާ.އެފްރިކާއިން ނައިޖީރިއާ. ލެޓްސް ސީ ވަޓްސް އަންފޯލްޑިންގް.
ހައިސަމް
17 November 2017
ރަދީފް ކަލޭ އަޅެ 32 ޓީމް އައް ސަޕޯޓް ނުކުރީ ކީއްވެތަ.
ރަދީފް
16 November 2017
މަރުހަބާ ޕެރޫ.ޕެނަމާ އަދި އައިސްލޭންޑްގެ ބަދަލުގަ އެހެން 2 ގައުމަށް އެ ޖާގަތައް ލިބުނުނަމަ ވޯލްޑްކަޕްގެ ފޯރި އިތުރު ވާނެ ކަމަށް ވަރަށް ގިނަ އެކްސްޕާޓުން ބުނޭ.ސައުދީ ، ކޮސްޓަރިކާ ، އޮސްޓްރޭލިއާ އަދި މޮރޮކޯއަށް ކިތަށް ޕޮއިންޓް ހޯދޭނެބާ؟؟ ކިތައް މެޗުގަ ރަނގަޅު ފައިޓެއް ދެވޭނެބާ؟؟ މިހުރިހާ ކަމެއް އިނގޭނީ މުބާރާތް ފެށުނީމަ.
ހަމަބުނެލީ
16 November 2017
ތީ ބޭކާރު ހޮޅި ވާހަކަ. ތިޔަ ބުނި ޤައުމުތައް ކޮލިފައިވީވެސް ނަން މަޝްހޫރު މޮޅެތި ޓީމުތައް ބަލިކޮށްފަ. އޭގެ މާނައަކީ މި ޓީމުތައްވެސް ވަރުގަދަވީމައޭ ވޯލްޑް ކަޕަށް ކޮލިފައިވީ. ޝުކުރިއްޔާ.
ރަދީފުއަށް
16 November 2017
ނަމަކުން ކެއްކޭނެ ރިހަޔެއް ނޯންނާނެ ރަދީފް ފުޓްބޯޅަ ބަލާނަމަ އައިސްލޭންޑް ޔޫރޯގަ ކުޅުނު މޮޅުކުޅުން ފެންނާނެ....
ރަދީފް
16 November 2017
ވޯލްޑްކަޕް އެއީ ޔޫރޯ އާއި އަޅާ ކިޔާނަމަ ތަފާތު އަދި މަތީފެންވަރުގެ ކުޅުމެއް ފެނިގެންދާ މުބާރާތެއް.އައިސްލޭންޑްގެ ކުޅުންވެސް ދެކުނިން.އެޓީމް ދަށެކޭ ރަދީފް ނުބުނަން. ވ.ވެދުން
ކުމާރު
16 November 2017
ރަދީފް އެ ބުނާ ބަހުގެ މުރާދަކީ ސަޕޯޓަރސް ސްޕޮންސަރސް އަދި މާރކެޓިންގ ގަ ޕެރޫ އާއި އިޓަލީ ތަފާތު ވާނެ ވާހަކަ އިނގޭ.ކިތައްމީހުން ޕެރޫ އާ ޕެނަމާ ބައްދަލު ކުރަން ޖެހިއްޖިއްޔާ އެ މެޗް ބަލާނީ ؟ އެއްޗެކޭ ބުނާއިރަށް ފުންމައިން އަންނާތި ކިނބުލެއްހެން ތަނެއް ދޮރެއް ނުބަލާ
ރަދީފް
16 November 2017
ސާބަހޭ ކުމާރު ބްރޯ.ނޭނގޭ ބަޔަކަށް ނޭނގޭނެ ކިތަންމެ ވަރަކަށް ކިޔާދިނަސް.
ކުމާރު އެންޑް ރަދީފް
16 November 2017
“ސައުދީ ، ކޮސްޓަރިކާ ، އޮސްޓްރޭލިއާ އަދި މޮރޮކޯއަށް ކިތަށް ޕޮއިންޓް ހޯދޭނެބާ؟؟ ކިތައް މެޗުގަ ރަނގަޅު ފައިޓެއް ދެވޭނެބާ؟؟“ ކުމާރޫ މީގަ މިބުނަނީ ސްޕޮންސަރގެ ވާހަކައެއް ނޫން. އެހެން ނޫނަސް ތި ބުނާ އިޓަލީ އެންމެ ފަހުން ބޭއްވި 2 ވޯލްޑް ކަޕުގަ ކަޓައިގެން ދިޔައީ ގްރޫޕް ސްޓޭޖުން. މި ކިޔަނީ އިޓަލީއަކީ ދަށް ޓީމެކޭ ނޫން. ބުނަން މިއުޅެނީ މިފަހަރު އެޓިމުތައްވެސް ވަރުގަދަވީމައޭ ކޮލިފައިއެވީ.
ނިހާނު
17 November 2017
ރަދީފް އަކީ ހަމަ ރޯނު އެދުރެއް. މި ހަބަރައް ކޮއްފަ ހުރި ކޮމެންޓު ކިޔާލީމަ އިނގޭނެ ރާދީފް ގެ ފެނވަރު. https://mihaaru.com/world_sports/24814