މާލޭގައި ހިންގި މާރާމާރީއެއް ތަހުގީގު ކުރަން އެ ސަރަހައްދު ބަންދުކޮށްފައި: ޓެގު އަޅުވާފައި ވަނީ ގޭންގުތަކުގެ އިސް މީހުންގެ ފައިގައި.-- ފައިލް ފޮޓޯ: މުހައްމަދު ޝަރުހާން/ މިހާރު
10 ޖުލައި 2016 - 11:54
18 comments
ބޮޑެތި ކުށްވެރިން ކަމަށް ބަލައި ޓެގު އަޅުވާފައިވާ ބައެއް މީހުންނަށް ބައިބަލާ ކުޅުމުގެ ފުރުސަތު ދީފި އެވެ.
ފުލުހުންގެ ތަރުޖަމާނަކު މިއަދު ވިދާޅުވީ މިހާރު ކުރި އަށްދާ ބައިބަލާ މުބާރާތުގައި ބައިވެރިވާން ޓެގު އަޅުވާފައިވާ ބައެއް މީހުން އެދުމުން އެ ފުރުސަތު ވަނީ ދީފައިވާ ކަމަށެވެ. އެ މީހުން ކުޅޭއިރު ވެސް ފައިގައި ޓެގު އޮންނާނެ ކަމަށް އޭނާ ވިދާޅުވި އެވެ.
"އެ މީހުންގެ ހަރަކާތްތައް ބަލަން ފުލުހުން ތިބޭނެ އެ ސަރަހައްދުގައި،" ތަރުޖަމާނު ވިދާޅުވި އެވެ.
ޓެރަރިޒަމްގެ ގާނޫނުގައި އޮންނަ މޮނިޓަރިން އެންޑް ކޮންޓްރޯލް (މޮނިކޮން) އުސޫލުގެ ދަށުން ގޭންގުތަކުގެ ބައެއް އިސް މީހުންގެ ފައިގައި ޓެގް ހަރުކޮށް، މޮނިޓަ ކުރާ މައްސަލަ ސިޔާސީ ގޮތުން ވަނީ ހޫނުވެފަ އެވެ.
ޓެގު އަޅުވާފައިވާ މީހުންގެ މާލީ އަދި މުއާސަލާތީ ހުރިހާ މުއާމަލާތްތަކެއް ފުލުހުން މޮނިޓަ ކުރެ އެވެ. އެ މީހުން ކޮންމެ ދުވަހަކު ފުލުހަށް ގޮސް ސޮއި ކުރަން ޖެހޭއިރު، ރޭގަނޑު 10:00ގެ ފަހުން ގެއިން ބޭރުގައި އުޅުން ވެސް މަނަލެވެ.
މޮނިކޮން އަމުރު ހިންގަނީ ޓެރަރިޒަމްގެ ގާނޫނުގައި ބުނާ ކުށް ކުރާ ކަމަށް ތުހުމަތު ކުރާ މީހުންގެ ތެރެއިން އެކަށީގެންވާ ތުހުމަތުތަކެއްގެ މައްޗަށް ބިނާކޮށް، މުޖުތަމައަށް ނުރައްކަލެއް ކުރިމަތި ކޮށްފާނެ ކަމަށް ހޯމް މިނިސްޓަރަށް ފެންނަ މީހުންގެ މައްޗަށް ކަމަށް އެ ގާނޫނުގައިވެ އެވެ. ގާނޫނުގައި ބުނާ ގޮތުން މޮނިކޮން އަމުރަށް މިނިސްޓަރު އެދެން ޖެހެނީ ހައި ކޯޓުގަ އެވެ. މޮނިކޮން އަމުރަށް އެދުމާއި ހައި ކޯޓުން އަމުރު ނެރުމަށް ފަހު، އެ ތަންފީޒު ކުރުމުގެ މަރުހަލާ އާއި އަމުރު މުރާޖައާ ކުރުމުގެ ބާރު ވެސް އޮންނަނީ މިނިސްޓަރަށެވެ.
އެކަމަކު، ރައީސް އަބްދުﷲ ޔާމީން ވަނީ މޮނިކޮން އަމުރަށް އެދުމުގެ ހުރިހާ ބާރެއް ކޮމިޓީއަކަށް ދީފަ އެވެ. މޮނިކޮން އަމުރު ދިނުމާ ގުޅޭ ގޮތުން ހޯމް މިނިސްޓަރަށް ލަފާ ދޭން ހަތަރު މެމްބަރުންގެ ކޮމިޓީއެއް އުފެއްދުމުން، މޮނިކޮން އަމުރާ ގުޅޭ ހުރިހާ ކަމެއް މިނިސްޓަރު ކުރައްވަން ޖެހެނީ އެ ކޮމިޓީގެ ލަފާގެ މަތިންނެވެ.
މި ބަދަލުތަކާ ގުޅިގެން ހޯމް މިނިސްޓަރުކަމުން އުމަރު ނަސީރު ވަނީ އިސްތިއުފާ ވެސް ދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ އިބްރާހީމް
11 July 2016
މިރޭ ތިޔަކުދިންކޮޅު ތަޅައިގަނެގެން މުބާރާތް މެދުކަނޑާލައިފި.
ޚިޔާލް123
10 July 2016
މިއަދުގެ ހާލަތާ ދެތެރޭ ރަގަނޅަށް ވިސްނާ މީހަކު ލޮލުން ކަރުނަ އަންނާނެއެވެ. ބުރަމަސްކަތްކޮށް ޤައުމުގެ އިގްތިޟޯދު ނަގާ ކޮޅަށްޖަހަން ކޮންމެދުވަހަކު ބުރަ މަސައްކަތް ކުރާމީހައި މިޖެހެނީ މަގުތީގައި އެއްވެސް އާރެއް ބާރެއް ނެތި ބިރުވެރިކަމެއްގައި އަދި ކީއްކުރަން ބިރުން ދާން ނުވަތަ ނިދަން އޮށޯންނަން ނުކެރިފައެވެ. ތިމާގެ ސަލާމަތާ ރައްކާތެރިކަން ނެތްކަންޔަގީން ވާހަލަތުގައި އެކަމަކު ކުއްވެރީން ގޮތުގައި ހަމައެއް ލަމައެއް ނެތި އުޅޭބޮޑެތި މުޖުރިމުން ބައިބަލާ ކުޅެން ބޭނުންވީމާ އެމީހުންނަށް ދެރައެއް ލިބިދާނެތީ ގައުމުގެ ސިފައިންނާ ފުލުހުން އެމީހުން ބައިބެލައި ކުޅޭއިރު ނުވަތަ ކުޅުއްވައި އިރު މިތިބެންޖެހެނީ ސެކުއުރިޓީ ބަލަހައްޓާށެވެ. ނުނޭވައި މިއޮތީ ގައުމެއް ހައްގާ ބާތިލް އެކޮޅުކޮޅުން ޖަހައިލައި ރޯމައިދުވާލު ދޮގުހަދަމުން ދާއިރުވެސް ވަކިރަގަނޅީ ކޮންސަރުކާރެއްހޭ ކިޔައި ސަނާކިޔުން ނޫން ކަމެއްނެތެވެ. ހުރިހިތާމައެއްގެ ބޮޑުކަމާއެވެ. ﷲ އަހަރުމެންގެ މައްޗައް އިހުސާންތެރި ވެރިއަކު މިންވަރުކޮއްދެއްވާދޭއެވެ.
އީސަﷲަރި
10 July 2016
ޓެގު އަލުވާފައި ތިބި މީހުން ދޫކުރުން ތީ އާދައިގެ ކަމެއް. ޢުމުރަށް ޖަލަށް ލާފައި ތިބިމީހުންގެ އަނބިމީހާ ނުވަތަ އާއިލާ އެއްކޮށް ޕާޓީއަށް ސޮއިކުރީމާ އުމުރު ދުވަހުގެ ޖަލުހުކުމުން ސަލާމަތް އެބަވޭ.
ފެހި
10 July 2016
މިކަހަލަ ކަންތައް ކުރަން މިޖެހެނީ ޖަލުގައި އީދު ކުޅިވަރު ނުބާއްވާތީ. ޖަލުގައި ހަމަގައިމުވެސް ތިބޭނެ ބައިބަލާއަށް މޮޅޮތި މީހުން.! މިސަރުކާރުން ކުރާ ކަންތަކާ ހީ ހީ ހަލާކު. މިހާ ދޯދިޔާ ސަރުކާރެއް އަދި ނުދެކެން!
ސުޓްޕިޑް
10 July 2016
ޓެގް އަޅުވާފަ މިނިސްޓަރު ކަންދޭން ފެނޭ!
އ މ
10 July 2016
سبحان الله! ޤާނޫނީ ކޮން ހަމަޔަކުން އެމީހުން ދޫކުރެވޭނީ އެގޮތަށް؟ ހޯމް މިނިސްޓަރަށް ވެދުމާ ސަލާމް. "މިހާރު" އަށް ސަމާލު: ލިޔުން ކިޔާލުމުން ވާ އިޙުސާސްގެ ޕަސެންޓު ދިމާ ނުވޭ (99+2 = 101)
ޖަމަލު
10 July 2016
ކީއްވެބާ ޖަލުގަބަންދުކޮައްފަތިބިމީހުން ބައިބެލާކުޅެންނުގެނެއި މީމަޖާކަމެއް ވަރައްމަޖާކަމެއް
ބޭނުމީ މިނިވަންނަން / އައްޑޫ ސިޓީ
10 July 2016
ހުމާމް އަށް ވެސް ފުރުސަތު ދެއްވަންވީ ނޫންތޯ ؟ އެކަމަކު ހުމާމަކީ ރައްޔިތުންނަށް ހުރިބިރަކަށް ވުރެ ''ތިބޭފުޅުންނަށް ބިރަކަށް'' ވާތީ އެކަން ނުކުރެވޭނެ ކަން އިގޭ. / މިނިވަންކަން ، އައްޑޫ ސިޓީ
ރަނާ
10 July 2016
މިރާއްޖޭގެ ރައްޔިތުން ވެރިކަން ހަވާލުކުރީ ޓެގުއަޅުވާފަ ތިބި މީހުންނާތޯ ނޫނީ ޕީޕީއެމް ކޯލިޝަނަށްތޯ؟ މިކަން މިހާރު އޮޅޭ ހިސާބަށް ގޮއްސި.. ސަރުކާރު މިއޮތީ ރަނގަޅަށްވެސް ޓެގުއެޅުވި މީހުންގެ ދަށުވެ އަޅުވެތިވެފައި.
ސީދާ
10 July 2016
ޖަރީމާ ހިންގުމަށް ފުރުސަތު ދެނީ ފުލުހުންކަން މިކަމުން ވަރަށް ރަގަޅަށް ސާބިތުވޭ.