އައިލެންޑާސް އަށް 10 އަހަރު، އާ ޕްރީސްކޫލްތަކެއް ހުޅުވަނީ

މިރޭގެ ރަސްމިއްޔާތުގައި އައިލެންޑާސްގެ އިސް ވެރިންނާއި އެކު ޔުނިސެފްގެ ރެޕްރެޒެންޓޭޓިވް މުނީރު (ވ).-- ފޮޓޯ: މިހާރު / ނިޝާން އަލީ

އަލީ ޝިނާން، މިހާރު

21 ޖެނުއަރީ 2018 - 23:20

9 comments

ބިލަބޮންގް ހައި އަދި ކެންގަރޫ ކިޑްސް ހިންގަމުން އަންނަ އައިލެންޑާސް އެޑިއުކޭޝަން އިން ރަށްރަށުގައި އާ ޕްރީސްކޫލްތަކެއް ހުޅުވާނެ ކަމަށް ބުނެފި އެވެ.

އައިލެންޑާސް އަށް 10 އަހަރު ފުރުން ފާހަގަ ކުރުމަށް "ސެލެބްރޭޓިން ސޯޝަލް އެންޓަޕްރިނިއާޝިޕް"ގެ ނަމުގައި މިރޭ އަމީރު އަހުމަދު ޕްރީ ސްކޫލުގައި ބޭއްވި ރަސްމިއްޔާތުގައި، އެ ކުންފުނިން ވަނީ ޕްރީ ސްކޫލްތަކަކާ އެކު އެއްބަސްވުމެއް ވެސް އެކުލަވާލާފަ އެވެ. އެ އެއްބަސްވުމުގައި ސޮއި ކުރި ސްކޫލުތަކުން ދެން ކިޔަވައިދެމުން އަންނާނީ، އައިލެންޑާސް އިން ތައްޔާރުކޮށްފައިވާ އެ ކުންފުނީގެ އިގްރާ އިންޓަނޭޝަނަލް ޕްރީސްކޫލްގެ ކަރިކިއުލަމް އަށެވެ.

އިގްރާ އިންޓަނޭޝަނަލް ޕްރީ ސްކޫލަކީ އައިލެންޑާސްގެ އަމިއްލަ ބްރޭންޑެކެވެ. މިރޭގެ ރަސްމިއްޔާތުގައި އައިލެންޑާސްގެ ސީނިއާ މެނޭޖާ އޮފް ސީއެސްއާރު ހައްވާ ޝިއުނާ ވިދާޅުވީ އެ ކުންފުނީގެ އަމާޒަކީ އިގްރާ ކަރިކިއުލަމް އަންނަ އަހަރު ގްރޭޑް އެކެއްގެ ދަރިވަރުންނަށް ވެސް ތައާރަފް ކުރުން ކަމަށެވެ. އަދި އެއަށްފަހު ކޮންމެ އަހަރަކު އިތުރު ގްރޭޑަކަށް ތައާރަފް ކޮށް، ގްރޭޑް ފަހަކާ ހަމައަށް އިގްރާ ކަރިކިއުލަމް ފުޅާ ކުރަން ހަމަޖެހިފައިވާ ކަމަށެވެ.

އިގްރާ އިންޓަނޭޝަނަލް ޕްރީސްކޫލްތަކުގެ ފުރެންޗަޒްގައި މިރޭ ސޮއި ކުރި ސްކޫލުތަކުގެ ވެރިން އައިލެންޑާސްގެ ޗެއާމަން އަބްދުއް ރަޝީދު (މ) އާއި އެކު.-- ފޮޓޯ: މިހާރު / ނިޝާން އަލީ

އޭނާ ވިދާޅުވީ، އައިލެންޑާސްގެ އަމާޒަކީ ކުރިއަށް އޮތް ފަސް އަހަރުގެ ތެރޭގައި، ރާއްޖޭގެ ކޮންމެ އަތޮޅެއްގައި ވެސް އިގްރާ އިންޓަނޭޝަނަލް ޕްރީ ސްކޫލެއް ހުރުން ކަމަށެވެ. އެގޮތުން ކޮންމެ އަހަރަކު ތިން ޕްރީ ސްކޫލް ހުޅުވަން ހަމަޖެހިފައިވާ ކަމަށް ވެސް ވިދާޅުވި އެވެ. އަދި އެހެން ސްކޫލްތަކުގައި އިގްރާ ކަރިކިއުލަމް ބޭނުން ކުރުމުގެ ފުރުސަތު ހުޅުވާލާނެ ކަމަށް ވެސް ވިދާޅުވި އެވެ.

މިހާރު ހުރި އިގްރާ އިންޓަނޭޝަނަލް ޕްރީސްކޫލްތައް:

- މަނަދޫ އިގްރާ އިންޓަނޭޝަނަލް ޕްރީސްކޫލް

- ހުޅުދުއްފާރު އިގްރާ އިންޓަނޭޝަނަލް ޕްރީސްކޫލް

- ނައިފަރު އިގްރާ އިންޓަނޭޝަނަލް ޕްރީސްކޫލް

- ދަރަވަންދޫ އިގްރާ އިންޓަނޭޝަނަލް ޕްރީސްކޫލް

- ދަނގެތި އިގްރާ އިންޓަނޭޝަނަލް ޕްރީސްކޫލް

- ވިލިނގިލި އިގްރާ އިންޓަނޭޝަނަލް ޕްރީސްކޫލް

އައިލެންޑާސްގެ ޑައިރެކްޓާ އަހުމަދު އަދުލީ ރަޝީދު ވިދާޅުވީ، އެ ކުންފުނިން އަބަދު ވެސް ބަލަނީ ވީހާ ވެސް ބޮޑަށް މުޖުތަމައު އަށް ފައިދާ ކުރުވޭނެ ގޮތްތަކަށް ކަމަށެވެ. އެގޮތުން އެ ކުންފުނި އުފެދުނު ފަހުން ހިއްސާދާރުންނަށް މިހާތަނަށް އެއްވެސް ފައިދާއެއް ބަހާފައި ނުވާނެ ކަމަށް ވެސް ވިދާޅުވި އެވެ.

"ފައިދާ ބެހުމުގެ ބަދަލުގައި އަޅުގަނޑުމެންގެ މިކަހަލަ [ޕްރީ ސްކޫލް ހުޅުވުން ފަދަ] ކަންކަން ކުރީމަ އެކަމުގެ ފައިދާ މުޅި މުޖުތަމައު އަށް އެބަ ކުރޭ. އާއިލާތަކަށް އޭގެ ފައިދާ އެބަކުރޭ. އެ ބޭފުޅުން ހިތްހަމަ ޖެހިގެން އުޅޭތަން ފެނުނީމަ އަޅުގަނޑުމެންނަށް ފައިދާ އަށް ލިބޭ ރުފިޔާ އަށް ވުރެ މާ ބޮޑު އުފަލެއް އިހުސާސް ކުރެވޭ،" އަދުލީ ވިދާޅުވި އެވެ.

އަދުލީ ވިދާޅުވީ އެ ކުންފުނީގެ ސީއެސްއާރު ފައުންޑޭޝަން ކަމަށްވާ "ފައުންޑޭޝަން ފޯ އަ ބެޓާ ފިއުޗާ" އިން ފާއިތުވި ހަތަރު އަހަރުގެ ތެރޭގައި، ބޭރުގެ މަޝްހޫރު ތަޖުރިބާކާރުން ގެނެސް، ތަފާތު ޓްރެއިނިން ޕްރޮގްރާމްތަކުގައި 2،000 ވުރެ ގިނަ ޓީޗަރުންނަށް ހިލޭ ތަމްރީނު ފޯރުކޮށްދީފައިވާ ކަމަށެވެ. އަދި އިގްރާ އިންޓާނޭޝަނަލް ޕްރީސްކޫލުތަކަކީ ރާއްޖޭގައި ހިންގާ މިފަދަ ޕްރީސްކޫލުތަކުގެ ތެރެއިން އެންމެ ކުޑަ ފީއެއް ނަގާ ތަންތަން ކަމަށެވެ.

އައިލެންޑާސްގެ ޑައިރެކްޓާ އަދުލީ މިރޭގެ ރަސްމިއްޔާތުގައި ވާހަކަ ދައްކަވަނީ.-- ފޮޓޯ: މިހާރު / ނިޝާން އަލީ

އިގްރާ އިންޓަނޭޝަނަލް ޕްރީސްކޫލް ފްރެންޗައިޒްގެ ދަށުން ހިންގަން ބޭނުންވާ ސްކޫލްތަކަށް، އައިލެންޑާސް އަށް އިތުރު ފީއެއް ނުދައްކާ، އިގްރާ ކަރިކިއުލަމަށް ކިޔަވާދެވޭނެ ކަމަށް ވެސް އަދުލީ ވިދާޅުވި އެވެ.

އައިލެންޑާސްގެ ޗެއާމަން އަބްދުއް ރަޝީދު ވެސް ބައިވެރިވި ޖަލްސާ ޝަރަފްވެރި ކޮށްދެއްވީ ޔުނިސެފުން ރާއްޖެ އަށް ކަނޑައަޅާފައި ހުންނަވާ ރެޕްރެޒެންޓޭޓިވް މުނީރު އ. ސަފީލްދީން އެވެ. އައިލެންޑާސް އިން ވިޔަފާރީގެ ފައިދާ އަށް ވުރެ، ގައުމުގެ ތަރައްގީ އަށް ވިސްނައިގެން މަސައްކަތް ކުރާތީ އެކަން ފާހަގަކޮށް ސަފީލްދީން ވަނީ އައިލެންޑާސް އަށް ޝުކުރު އަދާ ކޮށްފަ އެވެ. އަދި އިތުރު ވިޔަފާރިތަކުން އެކަން ނަމޫނާ އަކަށް ބަލައިގެން މަސައްކަތް ކުރުމަށް ގޮވާލެއްވި އެވެ.

ޔުނިސެފުން ރާއްޖެ އަށް ކަނޑައަޅާފައި ހުންނަވާ ރެޕްރެޒެންޓޭޓިވް މުނީރު މިރޭގެ ރަސްމިއްޔާތުގައި ވާހަކަ ދައްކަވަނީ.-- ފޮޓޯ: މިހާރު / ނިޝާން އަލީ

ފާއިތުވި އަހަރުތަކުގެ ތެރޭގައި އައިލެންޑާސް އިން ހޯދާފައިވާ ކުރިއެރުންތަކާ ގުޅޭގޮތުން އެ ކުންފުނީގެ ސީނިއާ މެނޭޖާ އޮފް އެޑްމިނިސްޓްރޭޝަން ފާތިމަތު ސަލްވާ ވިދާޅުވީ އެ ކުންފުނި ފެށިގެން ދިޔައީ 600 ދަރިވަރުންނާ އެކުގައި ކަމަށެވެ. ނަމަވެސް މިހާރު އެ އަދަދު 3،200 އަށް އިތުރުވެފައިވާއިރު، މާލޭގެ އިތުރުން ރާއްޖޭގެ އެކި ކަންކޮޅުތަކުގައި އެ ކުންފުނީގެ 11 ސްކޫލެއް ހިންގަމުން އަންނަ ކަމަށެވެ.

ތައުލީމް

9 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަހީމާ

22 January 2018

ކިޔަވާދޭ ކަރިކިއުލަމްއާ ކިޔަވާދިނުމާ ދޭޓެރޭ އަޅުގަޑުގެ އެއްވެސް ބޮޑު މައްސަލައެއް ނެތް. ﷲ އިރާދަފުޅުން އަޅުގަޑުގެ 2 ކުދިން ބިލަބޮންގް ސްކޫލުން ކިޔަވާތާ މީ 6 ވަނަ އަހަރު. ފީ ތަންކޮޅެއް ކުޑަކޮއްލަދެއްވުން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުންޑުލީސް

22 January 2018

އިތުރު ތަންތަން ހިންގަން އުޅުމަށްވުރެ މިހާރު ހިންގާ ތަންތަން ހިންގުން ރަނގަޅުކުރުން މާރަނގަޅުވާނެ. ބިލަބޮންގް އިން ނަގާ ފީ އެހާބޮޑު. އޭގެ އިތުރުން ކިޔަވައިދޭން ބޭނުންކުރާ ފޮތްތަކަށް ނގާ ފީ އެހާބޮޑު. ގްރޭޑް 7 ގެ ދަރިވަރެއްގެ ފޮތްތަކަށާއި 2 ޔުނިފޯރމް އަދި ސްޕޯރޓްވެއަރ އަށް 4900.00ރ ނެގުމަކީ ބޮޑުވަރު. 2 ދަރިން ޖެހިޖެހިގެން އިންނަ 2 ގްރޭޑެއްގައި ކިޔެވިނަމަވެސް، މަތީގްރޭޑްގެ ދަރިފުޅު ކުރީއަހަރު ކިޔެވިފޮތްތައް ހަގުދަރިފުޅު އެ ގްރޭޑަށް ބަދަލުވުމުން ބޭނުންކުރިޔަކަ ނުދޭ. ހަމަޖެހެނީ ބޮޑުއަގުދައްކަން. މީ ކިހާބޮޑު އިސްރާފެއްތޯ. ކޮންމެ އަހަރަކު އާ ފޮތްތަކެއް ހޯދުން. ޓީޗަރުން ހަމަނުވޭ. ކިޔަވައިދިނުމުގެ ފެންވަރު ދަށް. ސީނިއާރ މެނޭޖްމަންޓްގައިތިބޭ މަޤްބޫލްވެރިން ކަނޑާލާއިރު ބެލުމެއްނޯވޭ. ޕްރިންސިޕަލް އެއް ހަރުލާގޮތެއް ނޯވޭ. ސްކޫލް ހިންގަނީ ބެލެނިވެރިންގެ އެއީ އެއްވެސްގޮތަކަށް ބޭނުންތެރިބައެއް ކަމަށް ނުދެކި. އެކަމަކު ކޮންސެޓް އަންނައިރަށް މުހިންމުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރީފް

22 January 2018

ރާއްޖޭގެ ކުދި ރްއްތަކައް ރަނގަޅު ކުރިއެރުމެއް ކަމުގަ ގަބޫލް ކުރެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާަާޖުނާ

22 January 2018

ރާއްޖޭގެ ފެންވަރު ރަނގަޅު ޒަމާނީ ތައުލީމް ފޯރުކޮށްދޭ ހަމައެކަނި ފަރާތް ކަމުގައި ވާތީވެ ވ ޝުކުރު ދަންނަވަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހި ދަރި

22 January 2018

ވިޔަފާރީގެ ފައިދާއަށް ނުބަލާވަރު އިނގޭ ބިލަބޮންގް އިން ނަގާ ފީން. ރާއްޖޭގަ ހުރި އެންމެ އަގުބޮޑު ސްކޫލް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެލެނިވެރިއެއް

22 January 2018

ބިލަބޮންގ ހިންގަނީ ދައުލަތުގެ ބިމެއްގައި. ފީ ނަގަނީ އޮބި ނޯންނަވަރަށް. ކުދިން ގްރޭޑް 12 އިގައި ކިޔަވާ އަހަރު ނޮވެމްބަރު މަހު ލީވިން ސެޓްފިކެޓް ދޫކުރޭ. އެކަމަކު ޑިސެމްބަރަށްވެސް ފީ ނަގާ. ރައްޔިތުންނަށް ހިލޭ ތިތަނުން ކޮށްދިން ކަމެއް ވިދާޅުވެ ބައްލަވަ. ކޮންމެވެސް މުބާރާތެއްގައި ބޭރަށް ފޮނުވާ މުއްސަނދިންގެ ދަރިން ހެއްދުން ތިތަނުގެ ކަމަކީ. ކިޔަވާދޭ ފެންވަރު ވަރަށް ދަށް. ކްލާސްތަށް ކެެންސަލްވޭ އެހާ ވަރަށް. އެކަމަކު އިތުރަށް ދޭ ސަޕޯޓް ވަރަށް ކުޑަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސުލު

21 January 2018

ތިޔަ ކުންފުނިން އިމާރާތްކުރި ސްކޫލެއް މި ދިވެހި ފަސްގަޑުގައި އެބަހުރިބާ. މުޅިންވެސް ދައުލަތުގެ ބިޔަ އިމާރާތްތަކުގައި ކުއްޔެއްދެއްކުމެއްނެތި ބޮޑުފީނަގައިގެން ވިޔަފާރިކުރަނީ ތިޔަގޮތަށް މަވެސް ތަންތަން ހިންގަފާނަން ެިމާރާތާއި ބިމާ އެކު ހިލޭދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްރު

22 January 2018

އަޅުގަނޑަކީ އަމީރް އަހްމަދް ގެ ކުރީގެ ޕޭރަންޓެއް. މިފަހަކައް އައިސް ސްކޫލެއް އަމިއްލަ ފްއިސާއިން އިމާރާތް ކޮއްގެން ހިންގާ ހަމައެކަނި ޕްރައިވަޓް ކުންފުޏަކީ އައިލެންޑާރސް. ޢަމީރް އަހްމަދް ޕްރީސްކޫލްގެ ބައު އިމާރާތް ނަގާފަ މުޅިން އާ ރަނގަޅު ފެންވަރުގެ ސްކޫލްއެއް އައިލެންޑަރސްއިން އަޅުއްވާ ދެއްވިކަން ފާހަގަކޮއް ސުކުރް ދަންނަވަން.