އެމްޓީސީސީން މިދިޔަ އަހަރު ބޭއްވި އަހަރީ އާއްމު ޖަލްސާގައި އެ ކުންފުނީގެ ބައެއް އިސްވެރިންނާއި ހިއްސާދާރުން ބައިވެރިވަނީ
12 އެޕްރީލް 2018 - 12:12
7 comments
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އަށް މިދިޔަ އަހަރު ސާފު ފައިދާގެ ގޮތުގައި 145.3 މިލިއަން ރުފިޔާ ލިބިއްޖެ އެވެ.
ދަތުރުފަތުރާއި ކޮންސްޓްރަކްޝަން މަސައްކަތް ފުޅާ ދާއިރާއެއްގައި ކުރަމުން އަންނަ ކުންފުނިން މިއަދު އާއްމުކުރި މާލީ ހިސާބުތައް ދައްކާ ގޮތުން މިދިޔަ އަހަރު 1.2 ބިލިއަން ރުފިޔާގެ ވިޔަފާރިކޮށްފައިވެ އެވެ. އަދި ވިޔަފާރިކުރުމަށް 982 މިލިއަން ރުފިޔާ ހަރަދު ކުރި އެވެ.
އެ ކުންފުނީގެ ހިސާބުތައް ދައްކާ ގޮތުން 313.9 މިލިއަން ރުފިޔާ ޖުމްލަ ފައިދާ ގޮތުގައި ލިބިފައިވެ އެވެ. އަދި ހިންގުމުގެ ފައިދާގެ ގޮތުގައި 160.1 މިލިއަން ރުފިޔާ ލިބިފައިވެ އެވެ.
އެމްޓީސީސީ އަށް ލިބުނު ފައިދާ އިން ހިއްސާއަކަށް ޖެހެނީ 2.40ރ. އެވެ. އެ ކުންފުނީގެ އަހަރީ އާއްމު ޖަލްސާ މި މަހުގެ 26 ވަނަ ދުވަހުގެ ރޭ ހޮޓެލް ޖެންގައި ބާއްވަން ވަނީ ނިންމައިފަ އެވެ.
އެ ކުންފުނިން ބުނީ މައިގަނޑު ހުރިހާ ވިޔަފާރިއަކުން މިދިޔަ އަހަރު ފައިދާ ލިބިފައިވާ ކަމަށެވެ. އަދި އެންމެ ބޮޑަށް އިންވެސްޓްކުރަން ޖެހޭ ދާއިރާތަކުގައި މިދިޔަ އަހަރު އިންވެސްޓްކޮށް ފައިދާ ވެސް އިތުރު ކޮށްފައިވާ ކަމަށް ވެސް އެމްޓީސީސީން ބުނެފައިވެ އެވެ.
އެ ކުންފުނިން ބުނީ ދަތުރުފަތުރުގެ ހިދުމަތަށް ސަރުކާރުން ދެމުން އައި ސަބްސިޑީ 2016 ވަނަ އަހަރު ހުއްޓާލި ނަމަވެސް މިދިޔަ އަހަރު ހިންގުމުގެ ފައިދާ އިތުރުވެފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެނޭދޯދޯ
12 April 2018
ކޮބާ ރަންރީނދޫ ޓްވިޓަރޭ ތަމެންނަށް ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ގެޓް ދަ ޕޮއިންޓް. ގުޑް ގުޑް.
މަންޑޭލާ
12 April 2018
ޔާމިންގެ ދައުރުގާ ހުރިހާކުންފުނިތަކެ ދަނީކުރިއަރަމުން.
ސޮކްތެރެޕީ
12 April 2018
ނަޝީދުގެ ދައުރުގާ އެމްޓީސީސީ ބަގުރޫޓުވަމުންދިޔައީ.
ފުންއަސަރު
12 April 2018
ހުޅުމާލެއަށް ދާން ފެރީއެއްގެ އިންތިޒާރުގާ ބައިގަޑިއިރު ޓާމިނަލްގާ އިނުމަކީ މިހާރު އެހާ އުނގަދޫކަމެއްނޫން. އެމީހުން ބުނިއްޔާ ބުނިގޮތެއް ހެދިގެން ކަންކަން ކުރުމަކީވެސް މިހާރު އެހާ އުނދަގޫކަމެއްނޫން. މިހާރަކު އަނގަތަޅައިގެން ވާނޭކަމެއް ނޯންނާނެ. ހިތްހަމަނުޖެހިގެން ވާހަކައެއް ދެއްކޭކަށްވެސް ނޯންނާނެ. އެހެންވީމާ އެމީހުން ހެދިހާގޮތެއް ހެދިގެން މިތިބެނީ. މަމެން ފެލައިގެން ކާނޭވަރަކަށް ކައިފާ ދާނޭވަރަކަށްދޭ. އިރާދަކުރެއްވިއްޔާ މަރުނުވަނީހެއް ވަޅެއްނުލާނެ. އިންޝާﷲ.
ރާއްޖެ
12 April 2018
ރާއްޖެއަށް ވުރެ މާ ކުރިއަރާފައި ވާ ގައުމުތަކުގައި ވެސް ބަސް ސްޓޮޕް ސަބްވޭ ތަކުގަ މީހުން ކިއު ގަ ކިތައްމެ އިރަކު ތިބެން ޖެހޭ ފަހަރު ވެސް ދޭ.
ބުރާންތި
12 April 2018
ތަރައްޤީ އަކީ ހަމަ އެކަނި ތަންތަނަށް އަންނަ އެއްޗެއް ނޫން މީހާވެސް އެބަ ޖެހޭ ތަރައްޤީވާން. ދުނިިޔޭގަ އެހެން ތަންތާގަވެސް މީހުން އުޅޭ އެކަމް ތިވަރެއް ނުވޭ. ބަސް ފުލްވީމަ މަޑުވެސް ކުރޭ ދެން އަންނަ ބަހެއް އަންނަން ދެކަ.
ކުދިއަސަރު
12 April 2018
ހިތްހަމަނުޖެހިގެން ކުރި ކޮމެންޓެއްނޫންތަ ތިއައީ؟ އެބަ ފެނޭ ކޮމެންޓް. ކިޔައިވެސްފިން. ދެންވެސް އިތުރު ވާހަކައެއް އޮތިއްޔާ ލިޔެލާ. ސަރުކާރާ ޔާމީނާ ދެކޮޅު ކޮމެންޓް ބައިވަރު އެބައޮތް މި ނޫހުގަ އެކަނިވެސް.