ނޫޓުތައް ބަދަލުކޮށްދޭން އެމްއެމްއޭ އިން އަތޮޅުތަކަށް ދަތުރު ކުރަނީ

އެމްއެމްއޭގެ ކައުންޓަރު މަތީގައި ހުރި ނޫޓުތަކެއް މީހަކު ގުނަނީ: ކުރީގެ ކަރުދާސް ނޫޓުތައް ބޭނުން ކުރެވެނީ މިމަހުގެ ނިޔަލަށް-- ފޮޓޯ: މުހައްމަދު ޝަރުހާން / މިހާރު

މަރިޔަމް ސާލިޔާ، މިހާރު

21 ޖުލައި 2016 - 10:08

6 comments

ކުރީގެ ކަރުދާސް ނޫޓު ސީރީޒްގެ ތެރެއިން 5ރ. ފިޔަވައި އެެހެން ނޫޓުތައް ރަންދިހަފަހެއްގެ ނޫޓުތަކަށް ބަދަލު ކޮށްދިނުމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބައެއް އަތޮޅުތަކަށް ދަތުރުކުރަން ނިންމައިފި އެވެ.

އެ އޮތޯރިޓީން ނެރުނު ނޫސް ބަޔާނުގައި ބުނެފައި ވަނީ ބައެއް ރަށްރަށުގައި އަދިވެސް ކޮންމެވެސް ވަރަކަށް ވިޔަފާރީގެ މުއާމަލާތްތަކުގައި ކުރީގެ ނޫޓު ބޭނުން ކުރާ ކަމަށެވެ.

ކަރުދާސް ނޫޓުގެ 5ރ. ފިޔަވައި އެހެން ނޫޓުތައް ބޭނުން ކުރެވޭނީ މި މަހުގެ ނިޔަލަށެވެ.

އެމްއެމްއޭ އިން ބުނި ގޮތުގައި ކުރީގެ ނޫޓު އަދިވެސް ބޭނުންކުރާ ކަމަށް މައުލޫމާތު ލިބިފައި ވަނީ ހއ، ހދ، ށ، ނ އަދި ރ އަތޮޅުގެ ބައެއް ރަށްރަށުގަ އެވެ.

އަދި ކަރުދާސް ނޫޓުތައް ފަސޭހައި ބަދަލު ކޮށްދިނުމުގެ އިންތިޒާމް ހަމަޖައްސައިދިނުމަށް، މި މަހު 21-29 އަށް އެ އަތޮޅުތަކުގެ ތެރެއިން ބޭންކް އޮފް މޯލްޑިވްސްގެ ބްރާންޗްތައް ނުހުންނަ ރަށްތަކަށް އެމްއެމްއޭ އިން ޒިޔާރަތްކުރާނެ ކަމަށް އެ އޮތޯރިޓީން ބުނެ އެވެ.

އެމްއެމްއޭ ރަން ދިހަ ފަހެއް

6 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޭނުމީ މިނިވަންކަން / އައްޑޫ ސިޓީ

21 July 2016

މާލޭ ބާޒާރުމަތީގައި ބިމުގެ އަގު އެންމެ ބޮޑު ހިސާބުގައި 12 ވަރަކަށް މީހުން ދުވާލަކު 4 ގަނޑިއެއްހާ އިރު މޭޒް ކައިރީގައި ތިބެލުމަށް ތިވަރުގެ ބޮޑު އިމާރާތެއް ބޭނުމެއްނުވާނެ. މަސްމާރު ކޭޓް ތިއިމާރާތަށް ބަދަލު ކޮށްލަން ފެނޭ. އަދި ތިރީގައި ރޯމަސް ކަޑާމަންޒަރު ބަލަން ފަތުރުވެރިންނަށް ޓިކެޓް ގަނެގެން ވަދެވޭ ގޮތަށް ހަދާފައި ފުރަތަމަ ބުރިން އާންމުކޮށް ރޯމަސް ވިކާނީ. އަދި ދެވަނަ ބުރި ވަޅޯމަހާއި ރިހާކުރަށް ހާއްސޮ ކުރެވިދާނެ. އެއަށްވުރެ މަތީބުރިތަކަށް މިފްކޯ އާއި ފެލިވަރު އަދި އެންޒީ ފަދަ މަސްވެރި ކުންފުނި ތަކުގެ އުފެއްދުން ތަކަށް ޙާއްސަ ކުރެވިދާނެ. / މިނިވަންކަން ، އައްޑޫ ސިޓީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތު މީހާ

21 July 2016

ނޫޓުތަށް އާ ކޮއްލާ އިރު ކަޓެއް ދޭންވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާސާ

21 July 2016

ތިޔަށް ވުރެ ޚަރަދުކުޑަވާނެ ކައުންސިލްތަކަށް އެފައިސާ ހަވާލުކުރީމަ އެއަދަދަށް ފައިސާދޫކުރާގޮތަށް ހަމަޖެއްސީމަ. ކޮންމެ ކައުންސިލެއްގައި އެކައުންޓެއް އޮންނާނެ. ފައިސާޓްރާންސްފަރ ކުރީމަ ނިމިނީ މިއޮތީވާ އިގުތިސާދީ މާހިރުންތަކަކާ ގައުމު ހަވާލުކުރެވިފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިޔުންތެރިޔާ 767

21 July 2016

އެމްއޭއޭ ހާދަ ފަހަތުގައޭ އަދިވެސް. އެންމެ ފަހުން ތިޖެހުނީ އެއްކަލަ ނިކަމެތި ރައްޔިތު މީހާ އުޅޭ ރަށަށް ގޮސް އާދޭސް ކުރަން. ރަށުގައި ބޭންކުގަނޑެއްވެސް ނެތްކަން މި ރޭކާލީ ނޫޓުތައް ދޭންޖެހުނީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބޭ

21 July 2016

އަދި ނުވޭނު ކަލޭމެން ތިކަމާ ތެޅޭކަށެއް. މިހާ ގިނަދުވަހެއްތިކަމަށް ތިނެގީވެސް ކަލޭމެން ފަރުވާކުޑަކަމުން. އެހެންނޫންނަމަ ކުރީގެ ނޫޓްތައް މިހާރު ހުސްވެއްޖައީސް.