"ރަން ދިހަފަހެއް" ނޫޓު ސީރިސްގައި ހިމެނޭ ނޫޓުތަކެއް އެމްއެމްއޭގެ ކައުންޓަރުގައި ބަހައްޓާފައި. އެ ސިރީސްގައި ހިމެނޭ 10ރ. އާއި 100ރ.ގެ ނޫޓުގެ އަލުން ޗާޕުކޮށްގެން ވަނީ ގެނެސްފައި.
05 ޖުލައި 2018 - 14:42
14 comments
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އަލަށް ނެރުނު "ރަން ދިހަ ފަހެއް" ނޫޓު ސީރިސްގައި ހިމެނޭ 10ރ. އާއި 100ރ. ގެ ނޫޓު، ސްޓޮކް މަދުވުމުން ފުރަތަމަ ފަހަރަށް އަލުން ޗާޕްކޮށްގެން ގެނެސްފި އެވެ.
މަރުކަޒީ ބޭންކުން މިއަދު ނެރުނު ނޫސްބަޔާނެއްގައި ބުނީ، އެ އޮތޯރިޓީން ނެރެފައިވާ ނޫޓުތަކުގެ ތެރެއިން 10ރ. އަދި 100ރ. ގެ ނޫޓުގެ ސްޓޮކް މަދުވުމުން، އަލުން ޗާޕުކޮށްގެން މިއަދު ރާއްޖެ ގެނެސް، ދައުލަތުގެ ޚަޒާނާގައި ރައްކާ ކޮށްފައިވާ ކަމަށެވެ. އެ ނޫޓު ސީރީސް ނެރުމަށް ފަހު، ނޫޓުގެ އެކި ޝިޕްމަންޓްތައް މީގެ ކުރިން ގެނައި ނަމަވެސް، ދެވަނަ ފަހަރަށް ޗާޕް ކޮށްގެން މިހާތަނަކަށް ގެނެސްފައެއް ނުވެ އެވެ.
ރާއްޖޭގެ މިނިވަން ކަމަށް 50 އަހަރު ފުރުމާ ދިމާކޮށް، މަރުކަޒީ ބޭންކުން ޖެނުއަރީ 26، 2016 ގައި ބޭނުން ކުރަން ފެށި އާ ނޫޓުތައް ހަދާފައި ވަނީ ޕޮލިމާ ކަރުދާހުގައި އާ ޑިޒައިނަކަށެވެ. އަދި އެ ނޫޓު ސީރީސް ނެރުމަށް ފަހު، ކުރީގެ ކަރުދާސް ނޫޓު ބޭނުންކުރުން ވަނީ ހުއްޓާލައިފަ އެވެ.
ރަން ދިހަ ފަހެއްގެ ނޫޓު ސީރީޒްގައި މިހާރު ހިމެނެނީ 5، 10، 20، 50، 100، 500 އަދި 1،000 ރުފިޔާގެ ނޫޓުތަކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތުމަ އަގަ
06 July 2018
ޢަލީ ނަސީރަށް ހުންނާނީ މިހާރު ރާކަނި މަސް ޓޮމާޓޯ ސޯސް ޖަހައިގެން ކެވިފައި
ކޮމަންޓުރުފިޔާ
06 July 2018
ޕޕމ ކުދިން މޮކަމަންޓުކުރަނީވެސް ލާރިޔަށް. އެހެންވީމަ ބަހަން ގެންނާނެތާ.
ލޮކިމަސް
06 July 2018
ލާރިޖަހަންޖެހުނު ސަބަބު ކަމާބެހޭ ފަރާތުން އޮޅުން ފިލުވައިދޭންޖެހޭ.
އިކޮނޮމިސްޓް
06 July 2018
އަހަރަކު އެއްފަހަރު ރުފިޔާޖެހުމަކީ އިގްތިސާދުގެދޯހަޅިކަން އެނގިގެންދާކަމެއް
އަދީބު
06 July 2018
ދިވެހި ރުފިޔާ ޗާޕުކުރާ ކޮންމެ ފަހަރަކު، ހަމައެކަނި ޗާޕުކޮށްފިއޭ ނޫސްވެރިން ބުނުމަކުން ނޫސްވެރިކަން ފުރިހަމަވާނެ ކަމަކަށް ނުދެކެން. ޗާޕުކުރަނީ ކިހާ ޢަދަދެއްގެ ނޫޓުކަމެއް (ތަނެއް ފަޅާލާފަ ނަމަވެސް) ނޫސްވެރިން ހޯދަން ޖެހޭނެ. އަދި ކިޔުންތެރިންނާ ހަމައަށް އެ މަޢުލޫމާތު ގެނެސްދޭން ޖެހޭނެ. އެހެން ނޫނީ، ޚަބަރުތަކުގެ ތަފްޞީލު ލިޔުން އެއްކޮށް ހުއްޓާލުމަށްފަހު، ހަމައެކަނި ސުރުޚީތަކުން ފުއްދާލަން ފެނޭ. މި ޚަބަރު ކިޔާލުމުން އެނގުނު އިތުރު އެއްޗެއް ނެތް. ހަމަ ސުރުޚީން ވެސް އެނގުނު ވަރަށް އެނގުނީ. ކޮން އިރަކު އޯޑަރުދީގެން، ކޮން ބަޔަކު ލައްވާ ކަމެއް ވެސް ނޭނގޭ. އޯޑަރު ދިން މިންވަރަށް އެމްއެމްއޭ އަށް ވަންތޯ؟ އެންމެ ފަހުން ވެސް އަޑު އިވުނީ ފައިސާ ޕަލެޓްތަކެއް ގެއްލުނު ވާހަކަ.
ބާސް
05 July 2018
ވޯޓައް ލާރީ ބަހަންވެގެން ދޯ..
ޢަލީނަސީރު
06 July 2018
ބާސް ނޭގޭ ވާހަކަ ނުދައްކާ އަނގަމަޑުއްލައިގެން ހުރުމުން ފަތުގައި ލިޔާނެ ބާކާރު ވާހަކަތަށް މަދުވާނެ
ބައޮކަލޯ
05 July 2018
އިގްތިޞާދު ދަށަށްދްން ފެށުމުން ލާރި ބޭނުންވާއިރަށް ޗާޕްކުރުން ހަމަޖެހޭ އުސޫލެއް ނޫން
ޜާކަނި ސައްތާރު
05 July 2018
ޥޯޓާ ދިމާ ކޮށް ވެންމަސް ވެނަށް ކާންދިނުމަށްޓަކައި .
ޢަލީނަސީރު
06 July 2018
ޜާކަނިއަށް ވާނުވާ އެނގޭބާ
މަވޯޓާ
05 July 2018
އެ މަ ވޯޓު ވިއްކަން. މިހާރު ސޭލް އަޅުވާފަ. 10% ޑިސްކައުންޓްގަ ވިއްކަނީ
ބެއްޔާ އައްޑޫ
05 July 2018
1000 ރުފިޔާގެ ނޫޓު ތައް ކޮބާ؟؟؟؟ ފޮރުވަން ޕްރިންޓް ކުރި އެއްޗެއްތަ އެއީ
މަހުދީ
05 July 2018
އަތުޖެހުނ މީހަކު އެފޮރުވަނީ މައިންނަނީ ފިހާރައެއްގެ ކައުންޓަރުގައި މިތަނަށް އާދޭ ދޭތެރެދޭތެރެއިން 1000 ރުފިޔާގެ ނޫޓެއް .. މަ ހުންނާނެ އެ ރައްކާކޮށްފާ މިހާރު 120 ވަރަކަށް ނޫޓް ލިބިއްޖެ...
ޢަލީނަސީރު
06 July 2018
އައްޑޫ މީހުން މާބޮޑަށް އިނގިރޭސިވީމަ ވާގޮތެއްތިއީ