"އެންމެ ސަޅި ރޯދަ ސޭލް"ގެ ނަސީބުވެރިޔާ ހޮވައިފި

އޭސް ހާޑްވެއާ އަދި ކަލާ ބޭންކުގައި މިދިޔަ ރޯދަ މަހު ކުރިއަށް ގެންދިޔަ ޕްރޮމޯޝަންގެ ނަސީބުވެރިއަކަށް ހޮވުނު ވަލީދާ މުހައްމަދަށް އިނާމު ހަވާލު ކުރަނީ: އޭނާ އަށް އިނާމެއްގެ ގޮތުގައި ލިބިފައި ވަނީ 300،00ރ. ގެ ފައިސާގެ އިނާމު.-- ފޮޓޯ: ކޯލޯޑް

މަރިޔަމް ސާލިޔާ، މިހާރު

05 އޯގަސްޓް 2016 - 19:36

މިދިޔަ ރޯދަ މަހު އޭސް ހާޑްވެއާ އަދި ކަލަ ބޭންކުގައި ކުރިއަށް ގެންދިޔަ "އެންމެ ސަޅި ރޯދަ ޕްރޮމޯޝަން"ގެ ނަސީބުވެރިޔާ ހޮވައި އިނާމު ހަވާލު ކޮށްފި އެވެ.

މި ޕްރޮމޯޝަނުގެ ނަސީބުވެރިއަކަށް ހޮވުނު ވަލީދާ މުހައްމަދަށް ލިބުނީ 300،000ރ. ގެ ފައިސާގެ އިނާމެވެ.

މި ޕްރޮމޯޝަނުގައި އެ ފިިހާރަތަކުން ވިއްކާ ބައެއް މުދަލުން 80 ޕަސެންޓާ ހަމައަށް ޑިސްކައުންޓް ދީފައިވެ އެވެ.

އަދި އޭގެ އިތުރުން އޭސް ހާޑްވެއާ އިން ކުލަ ދަޅު ގަނެގެން އިތުރު ކުލަ ދަޅެއް ހިލޭ ދީފައިވާ އިރު ކަލާ ބޭންކުން ގަންނަ ކޮންމެ ކުލަ ދަޅަކަށް ކުލަ ލާ ރޯލާއި ފިހި ހިލޭ ދީފައި ވެ އެވެ.

އޭސް ހާޑްވެއާ އާއި ކަލާ ބޭންކު ހިންގަނީ ކޯލޯޑް މޯލްޑިވްސް ކުންފުނިންނެވެ.