މާލޭގައި މަޝްހޫރު ޕިއްޒާ ބޯނާގެ އައުޓްލެޓެއް އިއްޔެ ހުޅުމާލޭގައި ހުޅުވައިފި އެވެ.
ޕިއްޒާ ބޯނާގެ އިސް ބޭފުޅަކު ވިދާޅުވީ ހުޅުމާލޭގައި ހުޅުވި އެ ކުންފުނީގެ ރެސްޓޯރަންޓުން މާލޭގައި ލިބޭ ހުރިހާ ހިދުމަތެއް ވެސް ލިބޭނެ ކަމަށެވެ.
އެގޮތުން ހިލޭ ޕިއްޒާ ޑެލިވަރީ ކުރުމާއި ކޮންމެ ޕިއްޒާއަކާ އެކު ހިލޭ ކޯކް ފުޅިއެއް ލިބޭނެ ކަމަށް ވެސް އޭނާ ވިދާޅުވި އެވެ.
"އަޅުގަނޑުމެން މާލޭގައި ސާވް ކުރާ ހުރިހާ ވައްތަރެއްގެ ޕިއްޒާއެއް ވެސް ހުޅުމާލެއިން ލިބެން ހުންނާނެ މިހާރު،" އޭނާ ވިދާޅުވި އެވެ.
ޕިއްޒާ ބޯނާ އިން 35 ވައްތަރެއްގެ ޕިއްޒާ ހަދަ އެވެ. މީގެ ތެރޭގައި ރާއްޖެ އަށް ވަރަށް އާ ވައްތަރެއްގެ ޕިއްޒާއެއް ކަމަށްވާ ސެލްމަން ޕިއްޒާ ވެސް ޕިއްޒާ ބޯނާ އިން ލިބެ އެވެ.
މީގެ އިތުރުން ޗޮކްލެޓާއި ބައެއް އެހެން ވައްތަރުގެ ފޮނި ޕިއްޒާ ވެސް އެތަނުން ލިބެން ހުރެ އެވެ.
ހުޅުމާލޭގައި ޕިއްޒާ ބޯނާގެ ގޮތްޕެއް ހުޅުވާފައި ވަނީ ނިރޮޅުމަގު އެވެ.