ސޮނޭވާފުށި ޕްރައިވެޓް ރިޒާވް ވިލާގެ ބޭރު | ފޮޓޯ: ސޮނޭވާ
02 ޑިސެމްބަރ 2018 - 12:04
10 comments
ބ. އަތޮޅުގައި އޮންނަ ފެންވަރު މަތީ ރިސޯޓް ސޮނޭވާފުށީގެ ނުވަ ކޮޓަރީގެ އަގުބޮޑު ވިލާގެ މަގުބޫލުކަން ވަރަށް ބޮޑު ވާން ފަށައިފި އެވެ.
ޒަމާނީ ޑިޒައިނަކަށް މި ވިލާ ހަދާފައި ވަނީ ގައި ޗުއްޓީ ހޭދަކުރާ ޓޫރިސްޓުން ފޫހިވާނެ ހުސް ވަގުތެއް ނުލިބޭހާ ހިތްގައިމުކޮށެވެ.
ސޮނޭވާގެ "ޕްރައިވެޓް ރިޒާވް" ތަރައްގީކޮށްފައި ވަނީ އެހެން މީހުންގެ އުނދަގޫ ނުވާ ގޮތަށް، ރަށުގެ އިރުމަތި ފަރާތުގައި 5،540 އަކަ މީޓަރުގެ ބޮޑު ސަރަހައްދެއްގަ އެވެ. ރިސޯޓުގެ އެހެން ކޮޓަރިތަކާ ދުރުގައި އޮތް ނަމަވެސް މި ވިލާއަށް 24 ގަޑިއިރު ހިދުމަތް ދޭނެ މުވައްޒަފުން ތިބެ އެވެ.
ސޮނޭވާފުށި ޕްރައިވެޓް ރިޒާވް | ފޮޓޯ: ސޮނޭވާ
މި ވިލާގައި ރެއަކަށް ޗާޖުކުރަނީ 28،101 ޑޮލަރު (433،317 ރުފިޔާ) އެވެ. ނުވަ ކޮޓަރިއަކީ ޖުމްލަ ގޮތެއްގައި 18 މީހުންގެ ޖާގަ އެވެ. އެހެންކަމުން ބޮޑެތި އާއިލާތައް ނުވަތަ ރައްޓެހިންގެ ބޮޑެތި ގުރޫޕު އެކުގައި ތިބުމަށް މިއީ ވަރަށް އެކަށީގެންވާ ތަނެކެވެ.
މުޅި ވިލާގެ މެދުގައި ހަދާފައިވާ ޒަމާނީ ސުވިމިން ޕޫލަށް ގިނަ ބައެއްގެ ސަމާލުކަން ލިބިުފައިވެ އެވެ. އެ ޕޫލްގެ މެދުގައި ބަހައްޓާފައިވާ ބޮޑު ސޯފާގައި އޮށޯވެލިޔަސް ދުނިޔޭގެ އެހެން ކަންކަމުގެ މަތިން ހަނދާން ނެތޭހާވެ އެވެ.
ސޮނޭވާފުށި ޕްރައިވެޓް ރިޒާވްގެ ކޮޓަރިއެއް | ފޮޓޯ: ސޮނޭވާ
އޭގެ އިތުރުން، މިތަނުގައި ޓީވީ ލައުންޖް، ޖިމް، ޕްރައިވެޓް ސްޕާ، ސްޓީމް ރޫމް، ސައުނާ، އަދި މަސާޖް ރޫމްގެ އިތުރުން ބަދިގެ އާއި، ޕޫލް ތެރޭ އެންމެން އެކުގައި ނާސްތާ ކޮށްލުމުގެ ފުރުސަތު ވެސް އޮވެ އެވެ.
ކުޑަކުދިންނާ އެކު އަންނަ އާއިލާތަކަށް ފަސޭހައަށް އެ ކުދިން ބަލައިދޭނެ މުވައްޒަފެއް ވެސް އެ ވިލާއަށް ހާއްސަ ކޮށްގެން ހުރެ އެވެ.
ސޮނޭވާފުށި ޕްރައިވެޓް ރިޒާވްގެ ޕޫލް މެދުގައި ރޭނގަޑުގެ ކެއުން | ފޮޓޯ: ސޮނޭވާ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޖައިބެއްތީ
10 December 2018
އަޖައިބެއްތީ، ދެންއެހެންވިޔާ ގޮތެއްފޮތެއް ނެތިބަހާފަހުރި ރައްތައް އަތުލާނަމޭބުނި ވަޒީރުންކޮބާ؟
ސަމާ
02 December 2018
ހުސް ހޮޅިވާހަކަ. ތިތަން ރެޔަކަށް 1 ހާސް ޑޮލަރަށްވެސް ލިބޭ. ތިތަން ގިނައިން ހުންނަނީ ނުވިކި. ތިތަނުގެ އެއްފަރާތުން ޖެހިގެން ހުންނަނީ ސްޓާފުން ނިދާކޮޓަރިތަކެއް. އެފަޅިން އެއްފަރާތުގަ ކުރިމައްޗަށް ޖެހިގެން ހުންނަނީ ވިލާ 10. އެ ވިލާގެ ގިފިލި މިތާގެ އެއްކޮޓަރީގެ ޑެކަށް ނުކުތީމަ ފެންނާނެ. އަނެއްފަރާތުގަ ހަމަ ޖެހިގެން ހުރީ ވިލާ 14. ދެން ތިތާޕޫލްގަ ހުންނަ ސްލައިޑުން ދެފަހަރު ސްލައިޑް ކޮށްލާފިއްޔާ ބުރަކަށިން ހަންދާނެ. ޕޫލްގަ ޖަހާފަހުންނަ މުށިމަތީ ނުހިނގޭ
ޝިޔާމް
02 December 2018
"އެ ޕޫލްގެ މެދުގައި ބަހައްޓާފައިވާ ބޮޑު ސޯފާގައި އޮށޯވެލިޔަސް ދުނިޔޭގެ އެހެން ކަންކަމުގެ މަތިން ހަނދާން ނެތޭހާވެ އެވެ." އެހެންތަ؟
2122
02 December 2018
މަގުބޫލުކަން ބޮޑުވަނީ ތޯ ނުވަތަ މަގުބޫލުކަން އިތުރުވަނީތޯ؟
ހުސެންއަލީ
02 December 2018
ތިތަނަށް ވަންނާނެ މީހަކު ނުވެގެން އުޅެނީކީ ނޫންތަ؟
އެކްސް
02 December 2018
ކިތަންމެ އަގު ބޮޑަކަސް، ސަޕްލަޔަރުންނަށް ދޭންހުރި ލާރިިކޮޅު 3 އަހަރުވާއިރުވެސް ނުދޭނަމަ ތާހިރެއްނޫން.
ސަމާ
02 December 2018
ރަނގަޅު....އެކަމަކު ސޮނޭވާފުށިތީ އެރިޒޯޓަށް ސަޕްލައި ކުރާ މުދަލަށް ޕޭމަންޓް ހެދުމަށް ވަރަށް ލަސްކުރާ ތަނެއް. މީހަމަ ގިނަ ރިޒޯޓުތަކުގެ އާދެ. ރާއްޖޭގެ ސަޕްލައި ކުންފުނިތަކަށް ފައިސާދެއްކުމުގަ 3ން 4 މަހަށްވުރެއްވެސް ގިނަދުވަސްވޭ. ދެން މިވަރުގެ ބޮޑު އަގުގަ ކޮޓަރިވިއްކިއަސް ހެވެންނު.
އެކްސް
02 December 2018
ނޫސްވެރިޔާ ނިކަން ސޮނެވާފުށިން ސަޕްލަޔަރުންނަށް ލާރިނުދޭ ވާހަކަވެސް ލިޔުނުނަމަ.
ލާމަސީލު
02 December 2018
މިހާއަގުބޮޑު ތަނަށް ސާރވިސް ޗާރޖްވެސް ހާދަބޮޑުވާނެތާ ދޯ. އެކަމަކު މުވައްޒަފުންނަށް އެބައި ނުލިބޭނަމަ ތިއީ ދިވެހިންނަށް އޮތް ބޮޑު މުސީބާތެއް..
ހުސްބޫ
02 December 2018
ސާރވިސްޗާޖް އިން ބޮޑުބައެއް ކަނޑާފަ ދެނީ..ހާއްސަކޮށް ރާއްޖޭގެ މަހުޖަނުންގެ ރިސޯޓްތަކުގައި %5ވެސް މުވައްޒަފުންނަށް ނުދޭ..ސާރވިސްޗާޖްގެ ބޮޑުބައި ސްލީޕިންގް ޕާރޓްނަރުންނަށް ދެނީ..ކިހާ ރަގަޅު..