ދިރާގުގެ ކަސްޓަމާ ސާވިސް އޮފީސް ކުރިން ހުރި ތަން: ކަޅުވަކަރު މިސްކިތް ބަދަލު ކުރަނީ އެ ބިމަށް
03 ޖެނުއަރީ 2019 - 14:10
38 comments
ތާރީޚީ ކަޅުވަކަރު މިސްކިތް ބަހައްޓާނީ ޗާންދަނީމަގު، ދިރާގު އޮފީސް ކުރިން ހުރި ބިމުގައި ކަމަށް މިނިސްޓްރީ އޮފް އާޓްސް، ކަލްޗާ އެންޑް ހެރިޓޭޖް އިން މިއަދު ބުނެފި އެވެ.
ކުރީގެ ސަރުކާރުން ރޫޅާލާފައިވާ ކަޅުވަކަރު މިސްކިތް އަލުން ރާވައި ބެހެއްޓުމަކީ މި ސަރުކާރުގެ ވައުދެކެވެ. ސަލްޓަން ޕާކުގައި ކުރިން ހުރި އެ މިސްކިތް އެ ޕާކް ތެރޭގައި އަލުން ބަހައްޓަން ވަޒީރުންގެ މަޖިލީހުން މިދިޔަ ހަފުތާގައި ވަނީ ނިންމައިފަ އެވެ.
އާޓްސް، ކަލްޗާ އެންޑް ހެރިޓޭޖް މިނިސްޓްރީން މިއަދު ނެރުނު ބަޔާނުގައި ބުނީ އެ މިސްކިތް ބަހައްޓާނީ ޗާންދަނީމަގާއި މެދު ޒިޔާރަތްމަގު ގުޅޭ ކަންމަތިން، ކުރިން ދިރާގު އޮފީސް ހުރި ބިމުގައި ކަމަށެވެ. އެގޮތަށް ނިންމެވީ ވަޒީރުންގެ މަޖިލީހުގެ ލަފާގެ މަތިން ރައީސް އިބްރާހިމް މުހައްމަދު ސޯލިހް ކަމަށް އެ ބަޔާނުގައިވެ އެވެ.
އެ ބަޔާނުގައިވާ ގޮތުން އެ މިސްކިތް އަލުން ރޭވުމުގެ މަސައްކަތް އެ މިނިސްޓްރީން މިހާރު އަންނަނީ ކުރަމުންނެވެ. އެގޮތުން މިސްކިތުގެ ލަކުޑީގެ ބައިތަކަށް ދޭންޖެހޭ ފަރުވާ ދިނުމާއި މަރާމާތު ކުރަންޖެހޭ ބައިތައް މަރާމާތު ކުރުމުގެ މަސައްކަތް ކުރިއަށް ގެންދާ ކަމަށް އެ ބަޔާނުގައިވެ އެވެ. އަދި މިސްކިތް ބަހައްޓާ ބިމުގެ ކުރެހުންތައް ތައްޔާރުކުރުމާއި މަސައްކަތް ކުރިއަށް ގެންދާނެ ގޮތް ރޭވުމުގެ މަސައްކަތް ވެސް ކުރިއަށް ދާ ކަމަށް އެ ބަޔާނުގައިވެ އެވެ.
ކަޅުވަކަރު މިސްކިތް ރޭވުމުގެ މަސައްކަތުގައި ހިލޭ ސާބަހަށް ބައިވެރިވާން ބޭނުންވާ ފަރާތްތަކަށް އެ ފުރުސަތު ވެސް ވަނީ ހުޅުވާލައިފަ އެވެ.
ކަޅުވަކަރު މިސްކިތް ކުރިން ބަހައްޓާފައި ހުރީ ސަލްޓަން ޕާކްގައި މިހާރު ވިންޓަ ކޯނާ ހަދާފައި ހުރި ތަނުގަ އެވެ. އެތަނުން އެ މިސްކިތް ނެގީ ސަލްޓަންޕާކް ތަރައްގީކުރުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންމަނިިކާ
04 January 2019
ބަހައްޓަންވީ މުލިއާގޭ ކަންމަތީ ހުކުރުމިސްކިތާދިމާލަށް
ޙުސް
04 January 2019
ޜަންގަޅުވާނެ މުލިޔާގެ އެތެރޭގަ ގަސްތައްނަގާފަ އެތާ ބެހެއްޓީޔާ
ޙިނި
04 January 2019
މި މާލޭގައި ބިމައް ޖެހިގެން އުޅޭއިރުވެސް 20 މީހުންނައް ނޭރޭ މިސްކިތެއް ބަހައްޓަން ހިފާލާފައި. ޙެހެ މިވެދާނެ ދިވެހިންނައް މޮޔަ ހިޔާލަކައް، އެކަމު ތާރީހީ ކުޑަ މިސްކިތެއް ބަހައްޓަން ކަމުދަނީ މިއުޒިޔަމް ނޫނީ ހިސްޓޯރިކް ސައިޓެއްގައި.
ކަޅުވަކަރުމިސްކިތް
04 January 2019
ކަޅުވަކަރު މިސްކިތް ޕްލޭނެއްގެ ދަށުން، ހުޅުމާލެ ހެރިޓޭޖް އައިލަންޑްގައި އާސާރީ ބިނާއެއްގެ ގޮތުގަ ނަމާދު ވެސް ކުރާ ގޮތަށް ބަހައްޓަން އެންމެ ފުރަތަމަވެސް ނިންމީ. ހުޅުމާލެ ހެރިޓޭޖް އައިލަންޑަށް ދެންގެންދަން ހަމަޖެހިފަ އޮތީ މިހާރު ރެސްޓޮރަންޓްއެއް ހިންގާ އެސްޖެހިގަނޑުވަރު. ހެރިޓޭޖް އައިލަންޑް ޑިވެލޮޕްކުރަން އޮތީ ދިވެހި މަސައްކަތްތެރިކަމާ ދިވެހިވަންތަކަންކަން ފެންނާނެ ގޮތަށް. އެހެން ޕްލޭންކޮށްފަ އޮއްވާ ތިނަދޫއަށް މިސްކިތް ގެންދަން ނިންމި ހިސާބުން އެކަން ހުއްޓުނީ. ޔުމްނާނޯސް.
އަޗާ
04 January 2019
އަނެއްކާވެސް އަނެއް ޅައެތި، ދިރާގު ހިނގި ބިން ރަނގަޅު ގޮތެއްގަ ތަރައްގީ ކުރުމަށް ފެނޭ މިސާލަލަށް ކުޑަވަރެއްގެ މޯކްއަކާއެކު މާލެއަރާ ގެސްޓުން ފާހާނާކޮށްލާ ތާހިރުވެލާނެތަނެއްގެ ގޮތުގައި. ޙަމަ ހިތައްއެރީ މިހެން ހިތައްއެރީ އެހެބް، ދުރުވިސްނުމާ ހެޔޮގޮތް އަދިވެސް ނެއް މިގައުމުގަ. ކޮންމެ ސަރުކާރެއް. ޓިޔަ މިސްކިތް ހެރިޓޭޖް ތަނެއްގެ ގޮތުގައި ޕާކުތެރެއަށް ލެވިދާނެ ދެއްތޯ. މިދެން މަގޭހިޔާލު ކިތަންމެ ކަޑަޔަސް.
ގަމަރޭ
04 January 2019
ވަރަށް ދެރަކަމެއް. މާލޭގައި މިހާރުވެސް ތިބާވަތުގެ 4 މިސްކިތް އެބަހުރި. ހުޅުމާލެއަށް ބަދަލުކުރަންފެނޭ. އަދި މިސްކިތެއްގޮތުގައި ތިހާ ކުޑަތަނެއް ބޭނުންކުރާނެކަމެއް ނެތް. މީހުން ވަދެ ބަލާލަން ބަހައްޓާ.
ޖިޒްމާން
04 January 2019
އެންމެން ބޭނުންވާގޮތެއް ނެހެދޭނެ
ޓޭޜާޭ
04 January 2019
ކަޅުވަކަރު މިސްކިތަކީ ނަމާދު ކުރަން ކަމުދާ މިސްކިތެއްނޫން ފުރިހަމަ އެއްމެ ސަފެއްވެސް ނުހުދޭ ،ބަހައްޓަންވީ އާސާރީ ތަނެއްގޮތުގައި ޓޫރިސްޓުންނަށް ހުޅުވާލާފަ.
ތިނަދޫ
04 January 2019
ތި މިސްކިތް ވަކި ރަށަކަށް ގެންދިޔަ ނުދީ ރާއްޖޭގެ އެންމެ ބޮޑު މިސްކިތާ އިންވެގެން ބެހެއްޓީމަ ސިޔާސީ ހަސަދަ ފިލާފަ މައުމޫން ހިތްޕުޅާވުން ފިޔަވާ އެހެން ކަމެއް ނުވާނެ. އަޅުގަނޑަށް މި ފެންނަ ކަންކަމަށް ބަލާފަ ސަރުކާރަށް ކުރި ތާއީދު އަނބުރާ ގެނެސްފިން. ޝުކުރިއްޔާ!
ހާސަރު
03 January 2019
އެއްގޮތަކަށްވެސް ރަގަޅު ނިންމުމެއްނޫން. ޕާރކިން ބިލްޑިންގެއް ހެދޭގޮތަށް އެސަރަހައްދުގައި އޮތް ހަމައެކަނި ބިންކޮޅުއެއީ. ޢެތަނުގައި ޕާކިންބިލްޑިންގެއްހެދުން މާރަގަޅު. މިސްކިތުގެ ބޭނުންވެސް ރަގަޅަށް ކުރެވޭތަނެއްގައި ބަހައްޓަންވާނީ. ޢިސްލާމީ މަރްކަޒާ އިންވެގެން ކުޑަމިސްކިތެއްބެހެއްޓީމަ ރަގަޅެއްނޫން.
މޮސްކޭ
04 January 2019
ނޫރު މިސްކިތުގެ ބުޑުގަ އާ މިސްކިތެއް އަޅަން އޯކޭ ދޯ
ބޮޑު މޮޔަ
05 January 2019
5 އަހަރު ތެރޭގައި ހެދި ބޮޑެތި ޕާކިން ބިލްޑިންގތަކުގެ ތެރެއިން ކިތައް ބިލްޑިންގުގަތަ ކަލޭ ޕާކް ކުރަނީ؟ މިހެން މިއަހާލީ ވެލާނާގެ ފަހަތުގައި ހުރި ޕާކިން ބިލްޑިންގވެސް ހުސްކޮށް ހުރީމަ ކަލޭގޭގައި ޕާކިންގ ބިލްޑިންނެއް ހަދަން ރަނގަޅު ވާނެހެން ހީވަނީ