އިިމގްރޭޝަނުން ބަޔަކަށް ހިދުމަތް ދެނީ. --މިހާރު ފައިލް ފޮޓޯ
02 ފެބުރުއަރީ 2019 - 12:24
6 comments
އީމެއިލް މެދުވެރިކޮށް ޕާސްޕޯޓް ހަދަން ހުށަހެޅުމުގެ ހިދުމަތް މިހާރު ދޭން ފަށާފައިވާ އިރު، ކުރިއަށް އޮތް މަހެއްހާ ދުވަސް ތެރޭ ޕާސްޕޯޓަށް އޮންލައިންކޮށް ފައިސާ ދެއްކޭނެ އިންތިޒާމް ވެސް ހަޖައްސާނެ ކަމަށް އިމިގްރޭޝަން ކޮންޓްރޯލަރު މުހައްމަދު އަހުމަދު ހުސައިން (ހަނަފީ) ވިދާޅުވެއްޖެ އެވެ.
ބިޒްނަސް ވިސާގެ ހިދުމަތް އައްޑޫގައި ތައާރަފު ކުރަން ބުރާސްފަތި ދުވަހު ގަން އެއާޕޯޓްގައި ބޭއްވި ރަސްމިއްޔާތަށް ފަހު ނޫސްވެރިންނާ ވާހަކަ ދައްކަވަމުން ހަނަފީ ވިދާޅުވީ އޮންލައިންކޮށް ޕާސްޕޯޓަށް ފައިސާގެ ދެއްކޭނެ އިންތިޒާމް ހަމަޖެއްސުމުގެ މަސައްކަތް މިހާރު ކުރިއަށްދާ ކަމަށެވެ.
"މިހާރު އީމެއިލުންތާ ދެއްތޯ އެޕްލިކޭޝަން ވެސް މި އިންނަނީ. އެހެންވީމާ ޕޭމަންޓް ވެސް އޮންލައިންކޮށް ދެއްކޭނެ ގޮތް ހަމަޖައްސަން އަޅުގަނޑު މިހާރު ވާހަކަ ދައްކައިފިން،" އޭނާ ވިދާޅުވި އެވެ. "އޭރުން އީމެއިލުން ލިންކެއް ފޮނުވާލީމަ އެ ލިންކަށް ކްލިކްކޮށްލާފައި ޕޭކޮށްލައިގެން ކުރިއަށް ގެންދެވޭނެ ގޮތް ހަމަޖެހިގެން ދާނެ. އެހެންވީމާ ވަރަށް އަވަސް މުސްތަގުބަލެއްގެ ތެރޭގައި، ގާތްގަނޑަށް ޓޫ ޓު ތުރީ ވީކްސްގެ ތެރޭގައި މި ހިދުމަތް ދޭން ފެށޭނެ ކަމަށް މި ބަލަނީ."
ކޮންޓްރޯލަރު ވިދާޅުވި ގޮތުގައި މި ބަދަލާ އެކު، ޕާސްޕޯޓަށް ދައްކަން ޖެހޭ ސްޓޭމްޕް ވެސް ދެން ގަންނަން ދާން ނުޖެހޭނެ އެވެ. އޮންލައިންކޮށް ފައިސާ ދައްކާ އިރު، އޭގެ ތެރޭގައި ސްޓޭމްޕަށް ދައްކަން ޖެހޭ ފައިސާ ވެސް ވަނީ ހިމަނައިފަ އެވެ.
މިހާރު ހަމަޖެހިފައި އޮތް ގޮތުން ސްކޭން ކޮށްފައި ސްޓޭމްޕް މެއިލް ކުރުމާއި ޕާސްޕޯޓަށް ފައިސާ ދައްކަން ދާއިރު ސްޓޭމްޕް ގެންދިއުން ހިމެނެ އެވެ.
ހަނަފީ ބުރާސްފަތި ދުވަހު ގަން އެއާޕޯޓްގައި.
"އެހެންވީމާ [އޮންލައިންކޮށް ޕޭމަންޓް ދެއްކޭނެ ގޮތްވުމުން] ހަމައެކަނި ރައްޔިތު މިހާ ދާން ޖެހޭނީ ޕާސްޕޯޓް ކަލެކްޝަނަށް. ކަލެކްޝަނަށް ދާން މި ޖެހެނީ ސެކިއުރިޓީ ރީޒަންސް އާއި ބަޔޯމެޓްރިކްސް ކަހަލަ ރީޒަންސްތަކާ ހެދި،" ހަނަފީ ވިދާޅުވި އެވެ.
އީމެއިލް އިން ޕާސްޕޯޓަށް އެޕްލައި ކުރުމުގެ ހިދުމަތް ދޭން ފެށީ މިދިޔަ މަހުގެ 27 ވަނަ ދުވަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑރ.ނަޒުނާ އަހުމަދު/ހިތަދޫ/ޔޫކޭ
03 February 2019
ޕާސްޕޯޓުގެ މިހާރު މިއޮތްނަ 5 އަހަރުގެ ބަދަލުގައި 10 އަހަރަށް ބަދަލުކުރަންޖެހޭ، ޕާސްޕޯޓު ހެދުމުގެ އަގު %100 ބޮޑުކުރީ ސަރުކާރު ބަޖެޓަށް ފައިސާ އިތުރުކުރަން ޔާމިނުގެ ވެރިކަމުގައި އެއްވެސް އިންސުޓުރެކުޝަނެއްނުދީ ހަމަ ހިތަށް އެރުމުން ބޮޑުކޮށްލީ.މުޅި ދުނިޔެއަށް ބަލާއިރުވެސް މިހާ އަގުވޮޑު ޕާސްޕޯޓެއްނެތެވެ. މުއްދަތު އެހާމެކުރު، އަހަރެން ބޭނުންވޭ ޕާސް÷ޓުގެ އަގު ހެޔޮނުކުރާބަނަމަ ޕާސްޓުގެ މުއްދަތު 5 އަހަރުން 10 އަހަރަށް މަތިކޮށްލަން.ވަރައްމުހިއްމުކަމެއް.
ޜަމީ
03 February 2019
ޕާސްޕޯޓް ވިއްކާލައިގެން ވެސް ކޮއްމެސް ގޮތަކަުން ލާރިއެއް ލިބޭތޯ ބަލާނެ. ޑެންބަލާނެ ކަމެއްނެއް. ޑިވެހި ޕާސްޕޯޓުގައި ބަގްލަދޭޝް މީހުންވެސް އުޅޭނެ. ޢެހީ މިހާރު ނުވެގެން އުޅޭ ކަމަކީ.
ފޛހި
02 February 2019
ރަނގަޅު. ކޮންމެހެން ނަމްބަރު ނަގައިގެން ކިއުގައި ތިބެން ޖައްސާނެ ކަމެއްނެތް.
މާރަނގާ - އައްޑޫ ސިޓީ
02 February 2019
ޤާނޫނަށްބަދަލުގެނެސް 10 އަހަރާއި 18 އަހަރާއިދޭތެރޭކުޑަކުދިންނަށް “ޔޫތު ޕާސްޕޯޓް” ކެޓަޤަރީއެއްޙާއްސަކޮށް 10 އަހަރުފުރި 11 އަހަރުފުރުމުގެކުރިން ކޮންމެކުއްޖަކު ޕާސްޕޯޓްހެދުމަށް މައިންބަފައިންގެމައްޗަށްލާޒިމްކުރާންޖެހޭ. * * މިޤާނޫނު ތަންފީޒުކުރާންފެއްޓުމާއިއެކު ޔޫތުޕާސްޕޯޓްނެތި 18އ މަތީމީހަކަށް ޕާސްޕޯޓަށްއެޕްލައިކުރެވޭނީ ޕޮލިސްރިޕޯޓާއި ފެމިލީކޯޓުން އޭނާއަކީކާކުކަންއިގޭލިއުންހުށަހެޅުމުން. * * މިއީ އިންތިހާބީވޯޓްލިސްޓް ސައްޙަކުރުމަށްވެސްރަނގަޅުމަގެއް.
މާރަނގާ - އައްޑޫ ސިޓީ
02 February 2019
އަލަށްއުފެއްދި ޕާސްޕޯޓްދޫކޮށްފައިވާ ދިވެހިންގެ ޖުމްލަ އަދަދަކީކޮބާ؟ އަދި އޭގެތެރެއިން ކިތައްދިވެހިން އައިސްގޮސްވުމަށް ކިތައްފަހަރު ޕާސްޕޯޓް ބޭނުންކޮށް ބޭނުންނުކުރާމީހުން (ބޭރަށް ފުރިގޮތަށް ނާންނަ) މީހުންގެ އަދަދަކީ ކޮބައިތޯ؟ * * މިފަދަ ސުވާލު ހިތުގައި އުފެދެނީ “ނިމިދިޔަ ސަރުކާރަކީ ހިޔާނާތާއި ވައްކަންކުރުމުގައި އަރާއޮތް ބޮޑު ސަރުކާރެއް”ކަމަށްވެފައި ސިންގަޕޯރ ފަދަ ޤައުމުތަކުން ދިވެހިޕާސްޕޯޓްގެ ސައްޙަކަންދެނެގަތުމަށް ކުރާމަސައްކަތްތަކަށްބަލާފަ.
މަރޭމިތުރު
02 February 2019
ވިސާ ފަސޭހަކުރުމުން އުފާވޭ! ހިސާބުގެ ގައުމުތަކަށް ދާހިތްވޭ!................................ ހެޔޮބަދަލެއް، ބޮޑު ހިތްހަމަޖެހުމެއް.