އުރީދޫގެ އަހަރީ އާންމު ޖަލްސާ 2019 ގެ ތެރެއިން--ފޮޓޯ: އުރީދޫ
04 މާޗް 2019 - 10:19
3 comments
މިދިޔަ އަހަރުގެ ފައިދާ އިން ހިއްސާއަކަށް 3.22ރ. ބަހަން އުރީދޫގެ އަހަރީ އާންމު ޖަލްސާގައި ރޭ ފާސްކޮށްފި އެވެ.
އުރީދޫގެ އަހަރީ އާންމު ޖަލްސާގައި އެކުންފުނީގެ ފައިދާގެ 88 ޕަސެންޓް ބަހަން ނިންމީ ޖަލްސާއަށް ހާޒިރުވި ހިއްސާދާރުންގެ އިއްތިފާގުންނެވެ.
މިދިޔަ އަހަރުގެ އާމްދަނީގެ ގޮތުގައި އެ ކުންފުންޏަށް 1.9 ބިލިއަން ލިބިފައިވާ އިރު ސާފު ގޮތުގައި 544 މިލިއަން ރުފިޔާ ވަނީ ލިބިފަ އެވެ.
އާންމު ޖަލްސާގައި އުރީދޫން ވަނީ އެ ކުންފުނި އޮޑިޓްކުރުން ކޭޕީއެމްޖީ ހަމަޖައްސައިފަ އެވެ. އެ ކުންފުންޏަށް އޮޑިޓް ކުރުމަށް ހަވާލުކުރީ 56،750 ޑޮލަރު ނުވަތަ 875،085ރ. އަށެވެ.
އުރީދޫ ގްރޫޕުގެ ޗެއާމަން ކަމުގެ މަގާމުން ހާލިދު އިބްރާހިމް އަލް-މަހްމޫދު ރިޓަޔާ ކުރިކަން ރޭ ރަސްމީކޮށް އިއުލާނުކުރި އެވެ.
މިދިޔަ އަހަރު ކުންފުނީގެ ފައިދާގެ 85 ޕަސެންޓް ހިއްސާދާރުންނަށް ބަހާފައިވެ އެވެ. އެ ފަހަރު ހިއްސާއަކަށް ބެހީ 3.20ރ. އެވެ.
ޕަބްލިކް ލިމިޑެޓް ކުންފުންޏަކަށް އުރީދޫ ބަދަލުކޮށް ހިއްސާ ވިއްކަން ފަށާފައި ވަނީ 2017 ވަނަ އަހަރު އެވެ. އެގޮތުން އެކުންފުނީގެ އިނީޝިއަލް ޕަބްލިކް އޮފަރިން (އައިޕީއޯ) އަށް ހުޅުވާލާފައި ވަނީ މެއި 1، 2017 ގަ އެވެ. އުރީދޫން 8،219 ހިއްސާދާރުންނަށް 14 މިލިއަން ހިއްސާ ވިއްކާފައިވެ އެވެ. އެއީ 421 މިލިއަން ރުފިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުރަބޯ
05 March 2019
ވަރަށް ބައިވަރު ތީ. ޝުކުރިއްޔާ. 100 ހިއްޞާ ގަނެގެން އުޅޭ މީހަކަށް އަހަރަކު 300ރ. ގަތް ހިއްސާގެ އަގުވެސް ހަމަވަނީ 15 އަހަރުން.
އަންވޫ
04 March 2019
ދިރާގާ އަޅާކިޔާއިރު ހާދަ ކުޑަ ޢަދަދެކޭ
މާސްޓަރ
06 March 2019
ދިރާގު ހިއްސާއެއް ވިއްކީ 80 ރުފިޔާއަށް. އުރީދޫން 30 ރުފިޔާއަށް. ހިއްސާގެ ނިސްބަތުން ފައިދާ ކުޑަ ނަމަވެސް މިއީ ދިގުމުއްދަތަށް ކުރާ ކަހަލަ އިންވެސްޓްމަންޓް ތައް.