އެސްޓީއޯގެ ދަށުން ހިންގާ އެފްއެސްއެމްގެ ޕެޓްރޯލް ޝެޑަކުން ސައިކަލަކަށް ޕެޓްރޯލް އަޅަނީ: މިއަދުން ފެށިގެން ޕެޓްރޯލް ލިޓަރެއް ވިއްކާނީ 10.79ރ. އަދި ޑީސަލް ލިޓަރެއްގެ އަގަކީ 11.61ރ. ކަމަށް އެސްޓީއޯ އިން ބުނޭ.---ފޮޓޯ: މިހާރު
15 މާޗް 2019 - 02:07
27 comments
އެސްޓީއޯ އިން ވިއްކާ ޕެޓްރޯލާއި ޑީސަލްގެ އަގު މިއަދުން ފެށިފެން ބޮޑުކޮށްފި އެވެ.
އެ ކުންފުނިން ބުނީ މިއަދުން ފެށިގެން ޕެޓްރޯލް ލިޓަރެއް ވިއްކާނީ 10.79ރ. އަށް ކަމަށެވެ. އެންމެ ފަހުން ޕެޓްރޯލް ލިޓަރެއް ވިއްކީ 10.19ރ. އަށެވެ. އެހެންކަމުން މިއީ 60 ލާރީގެ ބޮޑުވުމެކެވެ.
ޑީސަލް ލިޓަރެއް މިހާރު ވިއްކާނީ 11.61ރ. އަށެވެ. މިއީ 72 ލާރީގެ ބޮޑުވުމެކެވެ.
We have revised our diesel and petrol prices effective today, as a result of price increase in the international market. pic.twitter.com/8Q5pmLbKqU
— STO Plc (@sto_mkt) March 14, 2019
އެސްޓީއޯއިން ވިއްކާ ޕެޓްރޯލާއި ޑީސަލްގެ އަގަށް ގެނައި ބަދަލު ފެންނަ ޗާޓު.
އެސްޓީއޯ އިން ބުނީ ޕެޓްރޯލާއި ޑީސަލްގެ އަގު ބޮޑުކުރީ ދުނިޔޭގެ ބާޒާރުގައި އަގު ބޮޑުވަމުންދާތީ ކަމަށެވެ. އެގޮތުން ސާފުނުކުރާ ތެލުގެ އަގު މި އަހަރުގެ ކުރީކޮޅުން ފެށިގެން ގާތްގަނޑަކަށް 30 ޕަސެންޓު ބޮޑުވެފައިވާ ކަމަށް އެސްޓީއޯ އިން ބުނެ އެވެ.
އެސްޓީއޯ އިން ބުނިގޮތުގައި ތެލުގެ ބާވަތްތަކުން ބޮޑު ފައިދާއެއް ނެގުމަކީ އެ ކުންފުނީގެ އަމާޒެއް ނޫނެވެ.
"އަދި އެސްޓީއޯއިން ތެލުގެ އަގު ބޮޑޮ ކުރަން ނިންމަނީ ގަންނަން ލިބޭ އަގު ބޮޑުވެ، ދިގުދެމިގެންދާ ހާލަތްތަކުގަ އެވެ. އަދި އަގު ހެޔޮ ވެއްޖެ ނަމަ ވީ އެންމެ އަވަހަކަށް އަގަށް ހެޔޮ ބަދަލު ގެނައުމަކީ އެސްޓީއޯ އިން އަބަދުވެސް އިސްކަންދޭ ކަމެކެވެ،" އެސްޓީއޯ އިން ނެރުނު ބަޔާނެއްގައި ވެ އެވެ.
އެސްޓީއޯ އިން ބުނީ ދުނިޔޭގެ ބާޒާރުގައި އުފެދިފައިވާ ސަޕްލައި ސާޕްލަސް މަދުވާނެ ކަމަށް، ތެލުގެ ވިޔަފާރި ދިރާސާ ކުރާ ފަރާތްތަކުން ލަފާކުރާ ކަމަށެވެ. އެ ލަފާކުރުންތަކުގެ ނަތީޖާ އަކީ އެ ކުންފުނިން ބުނިގޮތުގައި، ނޮވެމްބަރު 2018 ގައި ތެލުގެ އަގު ހުރި މިންވަރަށް ވުރެ މިދިޔަ ބުދަ ދުވަހުން ފެށިގެން އަގު މައްޗަށް ދިއުމެވެ. މިގޮތުން، ބާޒާރުގައި ސާފުނުކުރާ ތެލުގެ އަގުގެ ބެންޗްމާކް ގޮތުގައި ބަލާ ވެސްޓް ޓެކްސަސް އިންޓަމީޑިއޭޓް (ޑަބްލިއު.ޓީ.އައި) އަދި ބްރެންޓް ވިކިފައި ހުރީ އަގު ބޮޑުކޮށް ކަމަށް އެސްޓީއޯ އިން ބުނެ އެވެ.
"ދިވެހިރާއްޖެ އަށް އެތެރެ ކުރަނީ ސާފުކޮށްފައި ހުންނަ ތެލުގެ ބާވަތްތަކެވެ. ސާފު ކޮށްފައި ހުންނަ ތެޔޮ ބާޒާރުގައި ލިބެން ހުންނަނީ ސާފުނު ނުކުރާ ތެލަށް ވުރެ އަގު ބޮޑުކޮންނެވެ. އެހެން ނަމަވެސް ބެންޗްމާކްތަކުގެ އަގަށް އަންނަ ބަދަލުތަކާ އެއް މިންވަރަކަށް، ސާފުކޮށްފައި ހުންނަ ތެލުގެ ބާވަތްތަކަށް ވެސް ބަދަލު އާދެ އެވެ،" ރާއްޖޭގައި ތެލުގެ އަގު ބޮޑުކުރި ސަބަބު، ކުރީ ފަހަރުތަކަށް ވުރެ ތަފުސީލްކޮށް ހާމަކޮށް އެސްޓީއޯ އިން ނެރުނު ބަޔާނުގައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަބުޅި
15 March 2019
ކިހެނެއް އަގުހެޔޮކުރަނީ ދުނިޔޭންއެގޮވަނީ ތެލުގެރިޒާވް ހުސްވަނީއްޔޭ މިހާރުހުރީ ފަސްހާހެއްހާލީޓަރޯ
ބޯބުރި
15 March 2019
އޮޅުވާލި ވައުދު..
ބަޗާއޮ
15 March 2019
މައި ސަރުކާރަށް އަވަހަށް ސިޓީއެއް ފޮނުވާ، ސައުދީއަށް މައި ސަރުކާރުން އެދުނީމާ އަގު ދައްވާނެ.
އިނބެ
15 March 2019
ރައީސްް ޔާމީންގެ ސަރުކާރުގެ ދުވަސްވަރު ނަމަ ވަރަށް ގިނަ ގޮތް ގޮތަށް ކޮމެންޓު ހުންނާނެ
ހަހަ
15 March 2019
މިހެންވީމަ ކަރަންޓް ބިލް އަގުހެޔޮވޭ ހަހަހަހަ
ދދދދދ
15 March 2019
ކޮންމެސް ގޮތަކުން މަގޭ އަތުން ޚަރަދު ދަމައިގަންނަ ގޮތަށް ދެ ދަރިންނަށް ހެނދުނު ސައި ނުދިކަސް ހެޔޮ. ކިހާ ބޮޑު ކަމެއް ދެން މިއޮތީ.
ބަނާނާ ރައީސް
15 March 2019
ތެލުންނަގާ ޑިޔުޓީކަޑާލީމާ ވާފައިދާއަކީ ދައުލަތުގެ ހަޒާނާއަށް އެއްޗެނުވަންނަތާގަ ދައުލަތުން ގެެއްލުން ރައްޔިތުމީހާ ދިޔަފެލެނީ ނާސްތާދީފަ ކާޑުއަގުހެޔޮކޮއްފަ ދަނޑުވެރިކަމުގެ ބާވަތްތަކުން ޑިޔުޓީކަޑާފަ މިހުރިހާކަމެ ކުރުމުން ރައްޔިތުމީހާގެ ޖީބަށް ލުއިކަމެ އިހުސާސްވިތަ އެކިގައުމުތަކުން ލޯނުނަގާ ބިދޭސީންގެ މުސާރަބޮޑުކުރުމުން ދިވެހިމީހާގެ ވޮލެޓަށް އެގުމެވިތަ އެގެންދާ19ތަންފީޒު ކޮށްނިމޭއިރު ދައުލަތުގެ ހަޒާނާގަ އިންޑިޔަން ރުޕީސް ނޫން އެހެންއެއްޗެހުންނާބާ؟
މުޙައްމަދު.
15 March 2019
ތީ އޮޅުމެއް މި ސަރުކާރުން އެއްވެސް އެއްޗެއްގެ އަގު ބޮޑުނުކުރާނެ..
ޙަބީބު
15 March 2019
އަގުހެޔޮ ކޮއްގެންނުވާނެ އަގުހެޔޮ ކުރިޔަސް ޓެކްސީޔަކުން ނަގަނީ 25 ރުފިޔާ ބޮޑުކުރިޔަސް އެވަރު ވީމާ ނުއަގުގަ ކުންފުންޏައް ގެއްލުންވާގޮތައް ވިއްކައިގެންނުވާނެ ހުޅުލެއިން މާލެޔައްވެސް 100 މީދެންފުކެއްބޮޑުވަރު
ޖައިލަމް
15 March 2019
ރިޔާސީ އިންތިހާބުގައި ބުނި ކަރަންޓު އަގުހެޔޮވާނެއޭ. މިހާރު އޭތި ލާފައި އިނީ އެޖެންޑާ ނަވާރަތެރެއަށް؟ މަޖުލިސް މެޖޯރިޓީ ލިބޭކަށްް ނުޖެހޭ ބޭސިކު ފެސިލިޓީޒް އަގުހެޔޮޮކުރަން!!!!!!