ވިޔަފާރި / އެސްޓީއޯ

އެސްޓީއޯ އަށް މިދިޔަ އަހަރު 30 މިލިއަން ރުފިޔާ ފައިދާވި

އެސްޓީއޯ ހެޑް އޮފީސް--ފޮޓޯ:މިހާރު

ފާތިމަތު ޝަނާ މުހައްމަދު، މިހާރު

01 މެއި 2019 - 13:32

7 comments

މިދިޔަ އަހަރު ފައިދާގެ ގޮތުގައި އެސްޓީއޯ އަށް 30 މިލިއަން ރުފިޔާ ލިބިއްޖެ އެވެ.

އެސްޓީއޯގެ އަހަރީ ރިޕޯޓުން ދައްކާ ގޮތުން މިދިޔަ އަހަރު އާމްދަނީގެ ގޮތުގައި އެ ކުންފުންޏަށް 10.8 ބިލިއަން ރުފިޔާ ލިބިފައިވެ އެވެ.

އެސްޓީއޯ އިން ގިނަ ވިޔަފާރިތަކެއް ކުރާ އިރު އެންމެ ބޮޑު އާމްދަނީއެއް ލިބުނީ އެ ކުންފުނިން ކުރާ ތެޔޮ ވިއްކައިގެންނެވެ. އެގޮތުން 2017 ވަނަ އަހަރާ އަޅާ ބަލާ އިރު ތެޔޮ ވިއްކައިގެން ލިބުނު އާމްދަނީ ވަނީ 34 ޕަސެންޓު އިތުރުވެފަ އެވެ.

އާމްދަނީ ބެހިފައިވާގޮތް

- ޓްރޭޑިން: 2.6 ބިލިއަން ރުފިޔާ

- ގޭސް: 223 މިލިއަން ރުފިޔާ

- ފިއުލް: 6.3 ބިލިއަން ރުފިޔާ

- އިންޝުއަރެންސް: 245 މިލިއަން ރުފިޔާ

- މަސްވެރިކަން: 1.3 މިލިއަން ރުފިޔާ

ތެލުގެ ވިޔަފާރީގެ ފައިދާ ކުރިއަރާ އިރު އެ ކުންފުނީގެ ވިސްނުމަކީ އެ ވިޔަފާރި އިތުރަށް ފުޅާ ކުރުމެވެ. އެގޮތުން 210،000 ފީފާ ރައްކާ ކުރެވޭ ވަރަށް ބޮޑު ކުރާނެ ކަމަށް އެ ކުންފުނިން ބުނެ އެވެ.

މިދިޔަ އަހަރުގެ ކުންފުނީގެ އާމްދަނީ އިތުރުވި ނަމަވެސް ފައިދާ ކުޑަވެފައިވަނީ ބޮޑެތި ހަރަދުތަކެއް ކަނޑަން ޖެހުމުންނެވެ.

އެ ކުންފުންޏަށް ތެޔޮ ވިއްކައިގެންނާއި އިންޝުއަރެންސުން އަދި އާންމު ވިޔަފާރިތަކުން ބޮޑު ކުރިއެރުމެއް ލިބުނު އިރު މަސްވެރިކަމުން ވެސް ބޮޑު ގެއްލުމެއް ކުރިމަތިވެފައިވެ އެވެ.

އެސްޓީއޯ އަހަރީ ރިޕޯޓް

7 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ އަހުމަދު

02 May 2019

އެސްޓީއޯގެ ތެލުގެ ވިޔަފާރި ކުރިއަރާއިރު، ލޯންޗުތަކަށް ތެޔޮ އަޅާ މާލޭ ޕެޓްރޯލް ޖެޓީވެސް އިސްލާހު ކޮއްދެއްވާ. އެތަން ވަރަށް ބާރުބޮޑު، ތަންކޮޅު ވަރަށް ކުޑަ، ލޯންޗުތަކަށް ވަރަށް ގެއްލުންވޭ އެތަނަށް ކައިރިކޮއްގެން އުޅޭއިރު، އެހެންނަމަވެސް އިތުރުގޮތެއް ނެތީމަ ކައިރިކުރަނީ. ލޯންޗުތަކުގެ ނިސްބަތަށް ބަލާފަ އަވަސް ހިދުމަތެއް ދެވޭނެ ގޮތެއްވެސް ނުހުރެ. ވަރަށް ނާތަހުޒީބު ކުރީގެ ސްޓައިލަކަށް އެކަން ކުރިޔަށް ދަނީ. މިކަން ވީހާވެސް އަވަހަކަށް ރައީސް ބަލާ ދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

01 May 2019

އެހެންވެ ދޯ އެސްޓީއޯ އުވާލާ ވާހަކަ ދައްކަނީ. ޕާޓިގެ ވިޔަފާރިވެރިންނަށް ފައިދާ ކުރަން. އެސްޓީއޯ އިލެކްޓްރޯނިކްސް އުވާލީ ކައިރީ ހުންނަ ޕާޓީ މީހެއްގެ ވިޔަފާރިއަށް ގެއްލުންވާތީ ކަމަށް ބުނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއަދު

01 May 2019

ތިހާބޮޑުފައިދާލިބޭނަމަ ތަކެތީގެއަގު ބޮޑުކޮށްލާ އިތުރުފައިދާވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިލް

01 May 2019

ޓެރޭޑިން އަދި ފިއުލް ބައިން ބިލިއަނުން އާންމުދަނީ ލިބިފަ، ޖުމްލަ ފައިދާ 30 މިލިއަނޭ ބުނީމަ ރައްޔިތުން ގަބޫލުކުރާނެ ހެއްޔެވެ؟ ނުކުރާނެއެވެ. ލަގްޒަރީ ފިހާރައަށްވެސް އަހަރަކު 30 މިލިއަން ފައިދާވެއެވެ... ޝުކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބަރު ނުބައި

01 May 2019

މިދިޔަ އަހަރު އެސްޓީއޯ އަށް 253 މިލިއަން ރުފިޔާގެ ސާފު ފައިދާއެއް ލިބުނު. އެއީ 2017 އަށް ވުރެ 17 ޕަސެންޓް އިތުރު އަދަދެއް. 9.4 ބިލިޔަންގެ ވިޔަފާރި ކުރީ. ހަބަރުގަ ލިޔެވިފަ ތިހުރީ ނުބައި ފިގާސްތަކެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެވެލި

01 May 2019

ކޮންތާކުގައިތަ ތިޔަ ރަނގަޅު ފިގާރސް ހުރީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ށާހު

01 May 2019

އެމް ޓީ ސީ ސީ ގެ 1 ވަނަ ކުއަރޓަރގެ ހިސާބުތައް މިހާރު ކުންފުނީގެ ވެބްސައިޓުގައި ށާއިއު ކުރެވިފަ ވާނެ. 45 މިއަން ރުފިޔާގެ ގެއްލުމަކާއެކު މިއީ ފަހުގެ ތާރީހެއްގައިވި އެއްެ ބޮޑު ގެއްލުން.