ޗާގޯސް އައިލެންޑްސް
24 މެއި 2019 - 10:30
44 comments
ރާއްޖޭގެ ދެކުނުގައި އޮންނަ ޗާގޯޒް އައިލެންޑްސް، މޮރިޝަސްގެ ސަރަހައްދެއްގެ ގޮތުގައި ކަނޑައެޅުމާ ދެކޮޅަށް ރާއްޖެ އިން ވޯޓު ދިން މައްސަލައިގައި ދިވެހި ސަރުކާރުން ރައްޔިތުންގެ ކިބައިން މާފަށް އެދެންޖެހޭނެ ކަމަށް އިދިކޮޅު އެންމެ ބޮޑު ޕާޓީ، ޕީޕީއެމުން ރޭ ބުނެފި އެވެ.
ޕީޕީއެމުން ނެރުނު ބަޔާނެއްގައި ބުނީ ރާއްޖޭގެ އެ ނިންމުމަކީ ދުނިޔޭގެ މައި ކޯޓާއި މޮރިޝަސްގެ ރައްޔިތުންގެ އިންސާނީ ހައްގުތައް ގެއްލޭ އަމަލެއް ކަމަށެވެ. އަދި އެ ބަޔާނުގައި ވަނީ ރާއްޖެ އިން ވޯޓު ދިން ގޮތާ މެދު ކަންބޮޑުވުން ފާޅުކޮށް އެކަން ކުށްވެރިކޮށްފަ އެވެ.
އެކަމަކު، ޕީޕީއެމުން ވެރިކަން ކުރި ދުވަސްވަރު ވެސް ރާއްޖެ އިން ވޯޓު ދީފައި ވަނީ ޗާގޯޒް އައިލެންޑްސް، މޮރިޝަސްގެ ސަރަހައްދެއްގެ ގޮތުގައި ކަނޑައެޅުމާ ދެކޮޅަށެވެ.
އެކަމަކު އިދިކޮޅު ޕާޓީއެއްގެ ގޮތުގައި އޮވެ، ޕީޕީއެމުން މިހާރު ބުނަނީ މި ސަރުކާރުން އެގޮތަށް ނިންމީ ރާއްޖޭގެ ކަނޑުގެ ސަރަހައްދުގެ ބައެއް ގެއްލިދާނެތީ ސަރަހައްދު ސަލާމަތް ކުރުމަށް ބުންޏަސް އެއީ އެކަން އޮތް ގޮތެއް ނޫނެވެ. އަދި އެ މައްސަލައިގެ ހަގީގަތް އޮޅުވައިނުލައި ސާފުކޮށް ދިނުމަށް ވެސް އެ ބަޔާނުގައި ގޮވާލި އެވެ.
އދ. ގެ އެތައް ސަތޭކަ ގައުމަކާ ދެކޮޅަށް އެންމެ ހަ ގައުމު ވޯޓު ދިންއިރު އެ ހަ ގައުމުގެ ތެރޭގައި ރާއްޖެ ހިމެނުނުކަމީ ދުނިޔޭގެ ތަރައްގީ އާއި ތަމައްދުނުގެ ވިސްނުންތަކާ ރާއްޖެ ދުރުވެފައިވާ މިންވަރު ދައްކައިދޭ، އިސްތިއުމާރަށް ކުރާ ތާއީދު ހާމަކޮށްދޭ އަމަލެއްގެ ގޮތުގައި ޕީޕީއެމުން ސިފަކުރި އެވެ.
އދ.ގެ އާއްމު މަޖިލީހުގައި ބުރާސްފަތި ދުވަހު ނެގި ވޯޓުގައި، ރާއްޖެ އިން ވޯޓު ދިނީ، ޗާގޯޒް އައިލެންޑްސް، އިނގިރޭސިވިލާތުގެ ބާރުގެ ދަށުގައި ބާއްވަން ތާއީދުކޮށެވެ.
ރާއްޖެއާ އެކު ހަ ގައުމަކުން އިނގިރޭސި ވިލާތާ އެއްކޮޅަށް ވޯޓު ދިން އިރު، 116 ގައުމަކުން ތާއީދުކުރީ ޗާގޯޒް މޮރިޝަސްގެ ތަނެއްގެ ގޮތުގައި ކަނޑައެޅުމަށެވެ. ގަރާރާ ދެކޮޅަށް ރާއްޖޭގެ އިތުރުން ދެން ވޯޓު ދިނީ އިނގިރޭސި ވިލާތް، އެމެރިކާ، އޮސްޓްރޭލިއާ، ހަންގޭރީ އަދި އިޒްރޭލެވެ.
އދ.ގެ އާއްމު މަޖިލީހަށް ގަރާރެއް ހުށަހަޅާފައި މިވަނީ، އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން ޗާގޯޒް މައްސަލައިގައި މޮރިޝަސްއާ އެއްކޮޅަށް ލަފައެއް ނެރެފައި ވަނިކޮށެވެ. އދ.ގެ އާއްމު މަޖިލީހަށް ގަރާރެއް މި ހުށަހެޅީ، އެ ކޯޓުގެ ލަފާ ތަންފީޒުކުރަން މެމްބަރު ގައުމުތަކަށް ގޮވާލުމަށެވެ.
މޮރިޝަސްއާ ދެކޮޅަށް ވޯޓު ދިނީ ރާއްޖޭގެ އިގްތިސާދީ ސަރަހައްދު ހިމާޔަތްކޮށް، ބައިނަލްއަގުވާމީ ގާނޫނުތަކާއި ރާއްޖޭގެ ގާނޫނުން ލިބޭ ސަރަހައްދު ކަށަވަރު ކުރުމަށް ކަމަށް ފޮރިން މިނިސްޓްރީން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވާނުވާ
24 May 2019
އެއީ ހަމަ ރަގަޅު ނިންމުމެއް....ޗާގޯޒް ކައިރީވެސް ރާއްޖެޔާ.
ނޭދޭނެ
24 May 2019
އިންޑިއާއިން މިގައުމު ހިފާށޭ ބުނިބުނުމަށްވެސް މާފެއް ނުއެދޭ. މިގައުމުގެ ޓޫރިޒަމް އިންޑަސްޓްރީ ފުނޑާލަން ކުރި މަސައްކަތަށްވެސް މާފަށް ނޭދޭ. ދެން މިކަމަށް މާފަށް ނޭދޭނީ ރާއްޖޭގެ އިގްތިސާދީ ސަރަހައްދުން ތަންކޮޅެއް ގެއްލޭތީޔޯ. ގައުމެދެކެ ލޯބިވަނީ އަމިއްލަ ވެރިކަމެއް އޮތުމުން އެކަނި. އެހެން މީހަކު ހުރެއްޖެނަމަ ވަރިހަމަ ބަޔަކު އަރާ ހުރިހާ ދިވެހިން އަޅުވެތިކޮށް ދިވެހިން ބަނޑަށްޖެހޭނެ ގޮތް ހަދާލަންވެސް. މިއީ ވިސްނުން ހުރި ގޮތް.
ނެޑް
24 May 2019
ޕީޕީއެމް ސަރުކާރުގައި ވޯޓުލީގޮތަށް ފުރަތަމަ މާފަށް އެދެންވީނުން؟
Naseem
24 May 2019
ރައްޔިތުންބަލައިނުގަތްމީހުން ރައްޔިތުންނަށް އިތުރަށް އޮޅުވަންއުޅޭނެކަމެއްނެތް ތީވަރަށްސާފްކޮށް ރާއްޖޭގެމަސްލަހަތާގުޅޭކަމެއް
ކޮސް ދިވެހީން
24 May 2019
މޮރިޝަސް އަށްވުރެ ތިޔަތަނެއް އެންމެ ގާތީ ދިވެހިރާއްޖެ އާއި. ރާއްޖެއަށް ތިތަނެއް ނެގުމަށްފަހު ހުސް ރިސޯޓް ހެދުމަށް ކުއްޔައް ދިނަސް މިގައުމަށް ލިބޭނެ މަންފާ ބޮޑު.
އައްޓަމަސް
24 May 2019
ސިޔާސީނުވެ ވިސްނާލަންވީ މޮރިޝަސްއާއި އިދިކޮޅަށްވޯޓްދީފައި ސަރުކާރުންދެއްކިސަބަބު މީގައިސުވާލު އުފެދެނީ އެތަން މޮރިޝަސްގެ ދަށުގައި އޮތީމައިއެކަނިތޯ ރާއްޖޭގެކަނޑުގެ ސަރަހައްދުގެ ބަޔެއް ގެއްލެނީ؟! އިނގިރޭސިންގެ ދަށުގައި އޮތިއްޔާ އެބައި ނުގެއްލޭނެތޯ؟! އިނގިރޭސިންގެ ދަށައްދިޔައިމައި އެތަންދަމާ ނޫނީ ކޮއްޕާ ދުރައްލަނީތޯ!؟ މުޅިދުނިޔޭންވެސް އެވެރިންކޮޅަށްވޯޓްދިން ކުޑަގަވްމަކީ ދިވެހިރާއްޖެ
ޙަސަންދީ
25 May 2019
މޮރިޝަޝް ދަށައް އެތަންދިޔާމަ ދިވެހިރާއްޖެ އައްވާނެ ގެއްލުމަކީ ރާއްޖެއައް ލިބެންޖެހޭ 200 މައިލް އެތަނުން ނުލިބުން، މޮރިޝަޝްއަށް ލިބިއްޖެނަމަ އދ އެތަން ބައި ކުރަން ޖެހޭނީ ދެ ޤައުމައް އެއްވަރަކައް އޭރުން ރާއްޖޭގެ އިޤްތިސާދީ ސަރަހައްދުން ބައެއް ގެއްލިގެން ދިޔައީ އަދި ވެސް އެބަހުރި ސަބަބުތައް
އައްޑޫ ބަކުރު
24 May 2019
ބަލަ މީހުންގާތުގަ މާފަށް އެދެންބުނުމައްވުރެ ޕީޕީއެމުން ރައިޔަތުންގެ ގާތައްގޮސް މާފައްއެދެން މާތާހިރުވީސް.. ވެރިކަން ކުރަންއުޅުނު ދުވަސްވަރު ޕީޕީއެމް އަކަށް ނޭގުނު ވައްކަން މިކުރަނީ ދުވާލުގަޑީގަކަންވެސް.. ބޯހަލާކު
އަލީރާޖާ
24 May 2019
ބަލަ 2017 ގައި ޕީޕީއެމްގެ ސަރުކާރުންވެސް ވޯޓު ދިނީ ހަމަ މޮރިޝަސް އާއި ދެކޮޅަށް! އަމިއްލައަށް ފުރަތަމަ މައާފަށް އެދެންވީނު؟
އަލީގ
24 May 2019
ރައްޔިތުންގެ ކިބައިން މައާފައް އެދުން މާ އައުލާކަންބޮޑު ރައްޔިތުންގެ ބިލިޔަނަކައްވުރެ ގިނަ ފައިސާ އައް ހިޔާނަތްތެރިވީތީ.
ޙަސަންދީ
24 May 2019
މަޢާފައް އެދެންޖެހޭ އެއްވެސް ސަބަބެއްނެތް، އެ ވޯޓްގައި ކޮންމެ ގޮތެއްވިޔަސް ރާއްޖޭގެ މަސްލަހަތު ވަރަށް ބޮޑު ރާއްޖޭގެ ސަރަހައްދުން ބައެއް މޮރިޝަޝްއަށް ދޭން އެއްބަސް ނުވެވޭނެ، މޮރިޝަޝް ބޭނުންވަނީ އިގިރޭސިން އަތުން ނެގުމަށްފަހު އެމެރިކާއައް ކުއްޔައްދޭން އޭރުން ވާ ގެއްލުން މާބޮޑު
ކަޑަ
25 May 2019
އެތަން މިހާރުވެސް އޮންނަނީ އިނގިރޭސިން އެތަން އެމެރިކާއަށް ކުއްޔަށް ދީފަ